橫濱家系町田商店

為食郵筒今日帶您來到屯門一間拉麵店「橫濱家系町田商店」，餐廳以 「家系拉麵」 為美食精神，以自家製麵條與特調醬油為核心，呈現地道正宗的橫濱家系拉麵🍜 主打濃稠豬骨湯底、自家調製醬油、辣味噌拉麵等，也有魚介豚骨沾麵選擇🐟為帶給食客帶來滿足的拉麵體驗🔥「辣味噌拉麵」融合了濃郁的豬骨湯與辛辣味噌，另加流心糖心蛋一隻，香氣撲鼻，辣味層次分明，微辛口味，叉燒帶肥肉味道更香，加上肉碎增加味道層次🐷 口感濃厚稠口，麵條為店家自家製粗麵， 口感彈牙有嚼勁，每一口都滋味十足🍜 「魚介豚骨沾麵」採用魚介風味與豚骨湯底調和而成的沾麵湯汁，湯底有豚肉角切及竹筍，食用時自行將麵條浸入熱騰騰的湯汁中，麵條冷凍保持彈牙口感🧡 吃完麵條後更可叫店員加入豚骨湯，直接喝湯享受濃郁醇厚的原汁湯底👏🏼🍽：辣味噌拉麵；魚介豚骨沾麵👅好味指數：8.0/10；8.0/10💰消費：HK$103；HK$118📍 地址：橫濱家系町田商店 (屯門)屯門鄉事會路83號V City 1樓L1-15…查看更多

同太太係屯門VCity行咗陣街，見有啲餓！即刻去搵嘢食醫肚先😬我哋一致覺得實在太耐冇食拉麵啦🍜 係附近搵下睇下有冇拉麵舖先😏 見到呢間開業無耐嘅「橫濱家系町田商店」，之前係啟德店食過！質素都相當唔錯👍 原來係屯門都開左分店！咁就要試吓啦😋🍜極品叉燒拉麵 $158小編真係好鍾意佢哋嘅湯底，味道非常之濃郁！原來餐廳用咗10多個小時以牛骨 同埋 雞骨一齊熬製而成😋唔怪之得個湯底咁正啦👍 再配上份量超多嘅叉燒！大滿足呀😬🍜魚子醬雞胸拉麵 $158估唔到拉麵都可以配上咁矜貴嘅魚子！再配合埋嫩滑嘅雞胸肉，真係加左唔少分呀👍令人難忘！炭燒雞軟骨串 $68總共有3串 9粒嘅雞軟骨！真係十分之足料👍而且食得出炭燒嘅味道！真係相當之唔錯😋餃子6件 $58食拉麵點少得煎餃呢😬 焦脆嘅外皮，仲有靚餡，真係皮薄餡靚👍仲要有湯汁係餃子內！太正了吧😋…查看更多

👫兩公婆喺屯門放工，肚餓又想換口味，去V city一落電梯就見到橫濱家系拉麵店，太耐冇食拉麵，所以試試。入到去環境舒服，坐低即刻點咗招牌嘅極上和牛野菜拉麵同極品叉燒拉麵，再加炸雞同炭燒雞軟骨，一齊share住食最好，份量兩個人剛剛好，店舖網絡都有廿幾個位，食飯時間都要等一等，但都等得好快，拉麵真係唔錯嘅選擇！▫️▫️▫️▫️▫️▫️▫️▫️▫️▫️▫️▫️▫️▫️🍜極上和牛野菜拉麵粗麵口感煙韌，配搭清淡牛骨湯，感覺好夠火候，唔鍾意太濃味可以要食呢個，野菜同菠菜都非常多，仲有鵪鶉蛋同溫泉蛋添🍜極品叉燒拉麵用幼麵，麵條爽彈，叉燒非常肥滿，加埋龍龍嘅湯底每啖嘅面都會夾一啖湯非常好食，面質剛剛好，湯底唔算鹹🍗唐揚炸雞5件外皮炸得金黃酥脆，肉質多汁嫩滑，啱啱好嘅鹹香味令人停唔低口。🍢炭燒雞軟骨串細細粒嘅肉丸真係想像唔到係雞軟骨做出嚟，好多肉肉，好大粒抵食…查看更多

又一間日本拉麵店進駐大西北，喺V City開鋪。橫濱町田商店喺日本第2大連鎖拉麵店，目前全球有超過800間分店～ 🍜極上和牛野菜拉麵 $158昆布湯底清甜，一大片和牛，肉香嫩滑，配料豐富，滿滿野菜，溏心蛋半隻，鵪鶉蛋一粒，粗麵條Q彈，份量十足，加加埋好大碗，差D食唔晒。+$15 辣大蔥，增加清脆口感，同微辣風味，令整碗拉麵多了層次。🥟餃子（6件）$58外皮薄而內饀濕潤，蔬菜比例高，再煎脆D更好。午餐時段都好多一家大細嚟幫襯，店內有卡位又有單邊長枱位可以望街景。…查看更多

網上見到人講呢間係日本人氣過江龍拉麵，當然要去朝下聖啦，的確好正，難怪經常滿座👍🏻👍🏻✨極品叉燒拉麵 ✨ 湯底超得🙌🏻🙌🏻🙌🏻 是用豬骨與雞骨熬製十數小時的濃厚風味，入口即感受到香濃豚骨的香氣，濃而不膩，鮮甜且層次分明，好值得欣賞。叉燒非常大塊且分量不少，半肥瘦，肉質非常軟淋😍😍散發微微的焦香與油脂的香甜，令人好滿足。有幼麵或粗麵自由選擇，我選擇了粗麵。麵條煙韌有彈性且超級掛湯，吸滿湯汁後，每一口都十分鮮美。✨炭燒雞軟骨串✨粒粒都大粒過魚蛋😍😍夠晒霸氣。外層被炭火燒得微焦，沾滿鹹甜醬汁，淨係賣相已經好吸引🤩一口咬下去，爽口又彈牙口感，真係好正🙌🏻餐廳環境走型格路線，配合大片玻璃窗，非常舒適。想睇更多介紹，馬上Follow我啦😁。 …查看更多

🍜放假入咗屯門行下食下野，係VCity落條電梯就見到呢間拉麵好似唔錯噃，二話不說就入去開餐嚕🥳🐂極上和牛野菜拉麵：呢個拉麵賣相一流，上面個塊和牛嫩滑都不得了，油脂分布平均，油香豐富，拉麵仲可以揀粗幼，我揀咗有咬口嘅粗麵，好好味，值得推介呀💯🐽魚子醬雞胸拉麵：拉麵上面放咗好矜貴嘅魚子醬，令成碗麵嘅高級感提升不少，軟熟嘅鷄份量都係唔係少，配埋幼麵呷啖湯一齊食，正呀✅🐔炭燒雞肉串：估唔到呢個炭燒雞肉串咁大份同埋咁好食呀，丸丸上面鋪滿甜甜又惹昧嘅酱計，鷄肉入口勁有咬口，必食小食之選💯🐤炭燒雞軟骨串：雞軟骨串係居酒屋最受歡迎嘅串燒🔥炭燒味道都唔錯，好知味呀❤️…查看更多

橫濱家系町田商店嘅第二間分店登陸屯門5月經過嗰時見到門口排滿晒人今日終於的起心肝 輪到我嚟食😎極上和牛野菜拉麵 粗麵 $158一大片和牛🐃上面灑滿胡椒粉🧂令到清清嘅鹽味湯底充滿黑胡椒香極品叉燒拉麵 粗麵 $158豬骨湯底香濃飲得出熬得幾濃厚叉燒🐖軟淋得嚟有咬口炭燒雞軟骨串 $68醬汁好惹味有雞軟骨嘅肉丸🍢未食已經知口感豐富有雞軟骨🐓爽爽口感又有丸類🧆彈力肉質炭燒雞肉串 $58同雞軟骨串🍢嘅醬汁一樣，甜甜鹹鹹好惹味…查看更多

日本第二大連鎖拉麵店「町田商店」殺入香港，全球分店破800間，仲要係橫濱家系拉麵鼻祖—豬骨混雞骨熬足15小時嘅濃厚湯底，再撞秘製醬油，飲一啖豚骨香黐住喉嚨！香港第二間嘅屯門店裝修玩紅黑撞色，卡位闊落，獨食仲有吧枱專區。 今日主角係 「極上和牛野菜拉麵」 — 粉嫩和牛片鋪滿碗，火炙焦香逼出脂香，咬落似牛油溶化！湯底索晒和牛油香，層次飆升～粗麵掛湯力MAX，清湯底有極濃胡椒香味，夾埋菠菜同椰菜絲，野菜甜味平衡濃膩，食完成個口腔迴盪豚骨香。 即叫即炸 「海老天婦羅」脆到犯規！金黃脆衣薄過紙，咬落”咔嚓“聲直衝耳膜，入面原隻大蝦彈牙爆汁，鮮甜海味撞埋天婦羅汁，邪惡感爆燈。一客有五隻真心抵驚喜位係 「日式粟米球」！外皮炸到微脆，一啜開即爆甜粟米漿，忌廉香滑帶粒粒爽甜粟米，熱辣辣食唔停口！細細粒當小食送酒一流。 由濃湯掛壁度到和牛厚度，完美還原日本本店風味，大胃王必嗌和牛拉麵，海老控要衝天婦羅！人均$150左右，屯門友終於唔使出市區撲濃厚系拉麵～…查看更多

屯門新拉麵店，店內感覺好cyber, 全店以黑白紅佈置，除左拉麵，仲有飯食。極上和牛野菜拉麵 $158拉麵湯底清澈，碗中還有豐富的配料，包括入口即溶既和牛薄片、菠菜、椰菜、糖心蛋、鵪鶉蛋。和牛薄片入口即化，肉質鮮嫩，油花分布均勻。湯底帶有濃郁既肉香與蔬菜既清甜。魚介豚骨沾麵 $118每一口拉麵都掛上濃稠既醬汁，濃厚既豚骨味與鮮美的魚介味交織在一起。極品叉燒拉麵 $158豚骨湯底，香氣濃郁。叉燒係呢道菜既靈魂，肉質鮮嫩，入口即化，每一口都充滿油香。斑馬大蒜牛油拉麵 $103加入牛油後，湯底更加香濃滑順。口感層次分明，濃郁的牛油和大蒜味道讓人一試難忘。每一口都充滿香氣，如果你喜歡濃郁的味道，這道拉麵絕對值得一試！唐揚炸雞5件 $58超大舊，口感外酥內嫩，咬下去時外皮既酥脆感與雞肉的鮮嫩交織。…查看更多

呢間日本過江龍開第二間香港分店屯門分店用紅黑色裝修夠晒搶眼入到去即刻feel到濃濃嘅東瀛🇯🇵風情🔹極品叉燒拉麵（幼麵）湯頭極濃郁 飲得出係真材實料熬足時間叉燒份量多 半肥瘦入口即化-🔹斑馬大蒜牛油拉麵（粗麵） 黑蒜油撞牛油嘅組合邪惡到極點麵質彈牙有咬口 掛湯一流 🔹日式粟米球外皮炸到金黃脆卜卜 熱辣辣食簡直係罪惡感滿分🔹炭燒雞軟骨串炭火香超突出 雞軟骨大大粒灑少少七味粉更加惹味呢間絕對係近期拉麵界黑馬湯底濃而不膩 麵條水準超高 小食仲有驚喜係會令人心思思想再encore嘅好店 👍🏻…查看更多

最近經過Vcity 先發現原來開左間拉麵店。紅色招牌加上店內黑紅色設計，非常搶眼。拉麵同小食都相當吸引，麵底可以揀粗或幼麵，拉麵份量比其他店多，非常夠飽。粗麵更有咬口，配比較清既極上和牛野菜拉麵最合適不過，而幼麵就建議選擇味濃既湯底比較好。 極上和牛野菜拉麵 $158和牛即使揀左全熟，依然係入口即溶，湯底比較清，食到拉麵既蛋香味。配菜都唔少，有波菜、、椰菜、糖心蛋、鵪鶉蛋等。 極品叉燒拉麵 $158叉燒4大片，肥瘦均勻，又香又淋，好香油香味，豬骨湯夠晒濃，十分推薦。 小食一D都唔遜色，章魚小丸子，$48/6粒，大大粒，燒得非常脆，入面較黏口，質感似年糕。日本粟米球，$48，香甜粟米加上外皮脆卜卜口感，一份唔係好夠喉。…查看更多

最近v city真係愈開愈多日本餐廳，入面開左間新拉麵鋪😎趁落大雨之前決定入去試試，聽聞係日本第二大連鎖拉麵店😛餐廳裝潢以黑紅色調為主，我仲可以坐窗邊位添，自己一個黎食都無問題有自家工廠製作拉麵，所以口感會食得出🥰🍜橫浜終極mix拉麵 $118依款係最受歡迎既拉麵，麵底可以揀幼麵或粗麵，我就揀左粗麵，麵都幾彈牙，用左自家湯底，配料有3塊叉燒，食落都軟熟，糖心蛋就正常發揮🤪🍜極品叉燒拉麵 (加左$15要麻辣炸彈) $173依兜西利，湯頭好濃郁，配料係有5塊叉燒，叉燒都係厚切，而且啲麵索哂啲汁，成件事勁飽😗🍢炭燒雞軟骨串 $68依個係平時拉麵店都好少見到有，見咁特別就特登叫黎試下，佢係好似丸狀，口感好豐富，爽口彈牙🤪🍡章魚小丸子 $48依個要趁熱食，會更加好食，外層好脆，入面好夠軟心，咬落去係爆餡🤓橫濱家系町田商店 (屯門)📍屯門屯門鄉事會路83號V City 1樓L1-15號舖…查看更多

見屯門Victy 新開左間拉麵，一於入去試下，叫左個叉燒拉麵，味道都可以，足料。再叫多個鰻魚飯試下，個汁又幾好，整體味道不過不失環境空間夠闊，位置坐得舒服，如果可以下次盡量安排卡位會更好…查看更多

一共食咗呢間店兩次第一次去啟德第二次屯門面嘅味道都差唔多🤤都比較偏重口味佢係掛汁嘅日本拉麵🫶🏻加上份量都好足價錢嚟講唔算特別平係正常香港食拉麵嘅價錢諗唔到食咩都可以食吓🙌🏻…查看更多

今日去咗呢度食辣味噌拉麵，香氣撲鼻。味噌湯底濃郁，不會太咸，亦唔會太辣，好岩我呢類唔係幾食得辣，但又想食炒少辣嘅人食。叉燒入口即溶，溏心蛋幾甜，好好味呀！幼麵軟硬適中，十分彈牙。…查看更多