樂麵

叫咗個鹽雞白湯拉麵，完全得少少咸味，乜香味都冇！已經叫咁濃湯底都咁…然後個麵仲要痴埋一舊！勁離譜！食咁多之拉麵都未試過咁～揀咗軟麵麵係硬嘅～加配埋杯玫瑰花蜜，同飲緊沐浴露開水冇分別。。最後杯嘢就係飲咗一兩啖，個面就係食咗幾啖！完全投降放棄…查看更多

行過商場不時見到《樂麵》，但感覺又唔似日式嘅拉麵店，好奇心下search下呢間公司背景，係一間港式拉麵，主打香港嘅醬油、麵條，加上雞白湯底係真熬，唔係用粉開出嚟，令到我有啲興趣港式嘅拉麵有咩唔同。平時食評我係講食物先，今次我講價錢先，佢個價錢都好進取，最基本嘅拉麵都$98，既然開得呢個價，相信店主對佢嘅拉麵好有信心，我亦放心去食呢個本土拉麵。我點咗佢個「真熬雞白湯」，我估唔到係佢個雞白湯有驚喜，夠濃郁，亦帶出雞香味，加上香港製造嘅拉麵，估唔到都好出色，同日本拉麵一樣，可以選擇軟硬度，麵質爽口彈牙，掛上濃郁嘅雞湯，的確係可以媲美日本嘅拉麵。另一個要讚嘅係佢個溏心蛋，好少可會見到可以做到咁靚，佢個溏心可以用perfect嚟形容。我覺得《樂麵》可以再嚟試佢唔同嘅菜式，拉麵要做到出色唔容易，做到令我讚都唔易，所以呢個拉麵係值得加分。我另外叫多個餃子，佢又冇介紹個餃子係咪自己包，味道我覺得正常，煎到啱啱好，一路食其實我都唔係覺得似港式嘢，佢做得好成功，希望佢可以做得更好。…查看更多

今日試咗呢個係叉燒滑蛋嘅煲仔腸粉，正確學名係港系秘抽蜜汁叉燒珍寶滑蛋炒腸粉。個底其實係豉油王炒腸粉，叉燒10分彈牙，滑蛋10分嫩滑，上碟速度快過煲仔飯，又落單到上枱都係大約5分鐘內嘅事，相當有效率。佢嘅缺點係太熱辣辣，冬天嘅話應該冇得彈！其實一年四季都啱食，所以都推介嘅！…查看更多

呢間嘅拉麵 只適合唔鍾意食日本拉麵嘅人可以一試🫠係一間充滿香港特色嘅餐廳(拉麵店)試咗花雕醉雞湯🍜個花雕令到碗麵偏酸😢 可能就咁雞白湯會好啲嗌咗醬油清湯🍜個味道係蒸魚鼓油味😂 加埋啲葱就好似食緊蒸魚豉油浸麵咁😂😂仲食咗個蝦多士🍤🍞味道一般，口感偏油喜歡試新嘢 想要驚喜嘅人可以一試😂😂難怪路過嘅時候餐廳入面一個食客都冇🥲食咗成餐飯一個鐘都只係有一個食客入咗嚟😂佢除咗麵都有砂煲飯，不過今次就冇試到🙂‍↔️麵係咁嘅質素嘅話，都唔需要試飯🫠…查看更多

我食過好多間拉麵店，佢係我喺香港食過最難食嘅拉麵。。。我叫雞白湯拉麵，男朋友嗌雞扒煲仔飯，兩樣嘢都好難食。拉麵個湯底完全冇雞味可言 得個咸字，麵個質地超硬 啲蔥同配料嘅份量就嚟多過碗麵，三種肉嘅肉質都唔太好。煲仔飯完全冇飯焦豉油亦都冇味，等咗成半小時，結果上到嚟舊雞扒細到傻 味道亦都好普通。講真，每樣嘢百幾蚊，九十幾至百幾蚊嘅拉麵有好多其他選擇，好食過佢好多。唔明白點解間餐廳依然高朋滿座 店家真係有好大進步空間。…查看更多

由開舖以來知道佢主力係買拉麵標榜湯底濃郁終於一試果然係比平時出邊食嘅好味好多而且仲有飯可以選擇重要啲肉全部都好Juicy好好味而且定期會推出唔同其他限定款式有機會要試吓…查看更多

喺間拉麵店裏面食煲仔飯，實在太搞笑，偷聽到店主同其他客人解釋煲仔飯嘅製作，（下刪3000字）總之就即係食材好新鮮，牛肋條煲仔飯條牛肋骨係慢煮，好味到暈低。拉麵又好食，煲仔飯又好食，一定會再食過…查看更多

呢間拉麵舖將香港口味融入拉麵入面有好多有趣fusion拉麵例如醉雞拉麵有特色得嚟又keep到質素傳統拉麵好似雞白湯嗰啲都有價錢就大概一百零蚊一碗湯底都好香 可以額外加配料如果唔夠…查看更多

復活節留港消費🍜 鰹魚雞白湯拉麵（淡口版本） 湯頭初嚐是清雅的雞湯風味，鰹魚香氣若隱若現，喜歡食辣的，建議加悅和辣椒油，能瞬間喚醒層次！中幼麵條咬勁十足。我會將蔥絲和辣椒絲分開上，走深色蔥粒。這樣可減少蔥絲渣感，影響整體口感。豚肉片薄切肥瘦相間，爽口不膩。 🍚 叉燒蛋蓋飯看似平凡卻暗藏功夫—— 滑蛋：半熟蛋液裹著叉燒丁，蛋香濃郁 叉燒：切丁的梅花肉先滷後烤，嫩而不柴 醬汁：甜鹹平衡，把蛋香肉鮮全吊出來 💰 人均：$100-150#日式拉麵 #蓋飯 #將軍澳港式拉麵…查看更多

我最近去咗樂麵試咗佢哋嘅拉麵，整體嚟講係一般嘅。雖然佢哋用咗香港本地嘅食材同日式拉麵嘅概念，但係實際出黎嘅水準比唔上預期。我點咗特盛雞白湯拉麵，湯底清冇乜太大味道，面底軟硬適中，叉燒好薄，冇乜味道。加上三塊雞胸肉，肉質好腍，但又是沒什麼味道。整體嚟講係唔錯，但係價錢就唔算便宜。環境方面，餐廳嘅裝修係日式居酒屋風格，氣氛感十足，但係舖面唔算好大，好啱一個人食。服務方面，職員有禮貌，但係唔算特別熱情。總括嚟講，樂麵係一間一般嘅拉麵店，唔錯但係唔算特別。…查看更多

拉麵湯普通，湯味有淡有濃，但是淡就似溝水…日式拉麵非常普通，湯不夠熱，最奇怪豬肚湯的豬肚好乾好硬，白雞湯又非常普通，又貴又唔好食，真係試過一次就算，不會再來！！…查看更多

第一次食呢間餐廳正當下午茶時間試咗「九龍古法煎米粉餐」揀咗（樂式）慢煮豚肉碎肉碎份量適中米粉煎過 食落脆脆地食到中間係濕濕地口感桂圓紅棗茶冬天養氣之選 熱飲味道唔算太甜…查看更多

早幾日行過 見到佢門口個電視 發現有早餐提供 之後放假去試吓 先嚟咗一碗皮蛋肉片粥 好正好靚等陣間再嚟咗杯凍咖啡（order少甜） 飲咗兩啖 咦 正常甜 唔緊要 仲要係唔好飲嘅咖啡 已經淡 再加埋d冰粒 …之後主菜嚟啦有2粒微暖魚肉燒賣 😑有香蔥煎蛋 👈🏻👌🏼同肉碎煎米粉 👈🏻米粉餅底咁 硬到爆 又乾試過放入口 唔掂 之後全部冇再掂過 即煎一定唔會係咁 得幾張桌都要煎定 唔緊要出餐前自己check下嘛 total $46 好冇誠意既出品 如果真話傷害到你 抱歉了…查看更多

另一間樂麵前身就係cafe店黎結業之後同本地品牌永樂麵廠悅和醬油廠合作就生出左間港式拉麵店出黎樂麵第一間開係葵芳都係大排出龍然之後好快就開左第二間將軍澳店呢間將軍澳店開係坑口東港城兩間店都係商場店大家都係以紅色燈籠同雞蛋燈做主題我就舊年年尾星期日夜晚六點左右黎到前面都仲有兩個人排隊等左幾分鐘先入得入面d檯就好不規則我就坐左大檯阿席位但張凳好高吊晒腳都坐得幾辛苦同埋阿席位背對住門口而門口又係開放式即係我成個背脊係得住個商場呢個位感覺都幾差QR code落單有壹至陸隻麵分普通版同特盛版見普通版叉燒同蛋都少一半勁傻的嗎就一定係揀特盛架啦仲有追加食物爭扎左好耐最後都係揀左雞白湯因為得呢個麵有晒豬雞鴨三隻肉湯底可以揀淡麗同濃厚檯面都有唔少配料不過我通常都唔會落同埋有教學講左食麵五部曲成個麵擺盤就有d似丸京三款總共九塊肉正常唔差豬同鴨都算幾嫩但雞肉就無咩味蛋都靚仔但麵就好普通原來仲要加錢先有永樂麵呢隻唔是幼麵食落口感就好一般廉價feel而個雞白湯係有雞味但就唔可以話係好濃連天浮橋果類都仲算比佢濃食雞白湯就係想要佢果種濃厚既味道所以呢個麵真係只可以算一般唔難食但QR落單都要加一轉永樂麵又要加15蚊即係如果要晒既話會同座銀有得揮雖然話係商場餐廳但都真係太過貴咁我覺得餐廳既理念係好既想用本地品牌造出可以比美日式拉麵既餐廳但實際出黎既水準比唔上預期侍應仲好新連麵名都未講到又同埋呢隻特盛設計侍應點捧個碗隻手都會掂到塊肉成間餐廳都仲有好多改善空間呢排間舖仲好似幾多是非又要報狗又盛地點就葵芳同將軍澳都唔算就腳雖然係黨鐵站商場但就差唔多係兩條線既尾段雖然好想支持黃店但呢個質素既話要特登過去就不了…查看更多

樂麵用的是香港本地的食材, 然後製作出日式的拉麵, 所以骨子裏也是用拉麵的評分來顯示這碗麵是否好食? 例如是這裏的雞白湯滑底, 是夠火候和鮮味味道, 但是質感相對較稀, 用上打奶泡機為雞湯加熱, 也令舖頭表面多了一層雞湯的奶泡, 提供了順滑的口感, 但我覺得最好的還是學下去很黏口的口感, 所以就有小小的落差. 慢煮雞胸肉和烤鴨曲肉質順滑, 沒有筋, 少了些烤香和肉香在結合在湯頭之中, 味道層次可以再多一點.用上伊麵代替傳統的中身麵, 口感更爽實, 掛汁能力不錯, 只是麥香不夠, 相信主理人也知道, 值得一讚的事伊麵起來沒有任何油膉味, 也沒有油膩感, 畢竟傳統伊麵也是油炸過的. 小食的豬大腸用上悅和醬園的豉油和辣椒醬結合, 夠辣夠香, 大腸厚實而且內外清潔得很乾淨, 沒有異味, 作為小食表現更有驚喜.…查看更多