樂意點心

营业中

休息中

在isquare後兩條街，發現抵食中式點心小店～店鋪光鮮，裝修骨子，比一般酒樓安靜，坐在卡位挺舒適，適合兩個人來聊聊天吃點心。叫了龍蝦餃，薑蔥牛柏葉，百醬蒸鳳爪，每碟份量都不少，價錢很實惠！特別推介：絕配套餐❤ 椰子燉烏雞足料燉湯，鮮甜温和。❤ 鹹蛋肉餅蒸紅花蟹飯超值！紅花蟹肉厚鮮美，以鹹蛋肉餅墊底，吸收蟹汁同時很好餸飯。👍🏼白灼西生菜 加錢多叫了一碟西生菜，勁抵食！❤ 樂意果茶比起配搭中式濃茶，新鮮的水果茶別有一番新鮮感！

朋友建議食點心 我而家發現原來漢口道有間點心專門店 平日晚飯時間門口都有唔少人等位 不過都唔算等咗好耐就入得坐低睇餐牌發現應該主打食籠仔蒸飯 見到差不多每枱都有一籠 選擇困難症情況下我們點了個「絕配套餐」 有一個飯+點心👍🏻 另外再點多幾個點心絕配套餐：鹹蛋肉餅蒸紅花蟹飯 + 鮮花甲粉絲湯+ 鮮竹牛肉球蒸飯上枱好靚 肉餅在紅花蟹下面 吸收了蟹的精華 神來之筆一定是個豉油 它不是普通豉油淋落去果種 是有蔥同洋蔥煮過的 跟肉餅同蟹好夾粉絲湯有好多隻花甲 幾有鮮味 牛肉球即叫即蒸上枱熱辣辣 牛肉球質地軟身不是粉的那種 好食！芝麻蝦多士：炸得很脆的多士 不會油膩 上面鋪滿了白芝麻越式米網炸兩腸：外面軟身米網腸粉配搭入面脆的炸兩 口感豐富最後想讚一讚個茶 充滿玫瑰花香味 好好飲的茶

次次去到尖沙咀都係食西餐，今次想食吓中餐！同埋想食啲特別啲嘅嘢、下午茶得來又想食少少飽肚嘅嘢！聽朋友講話有間點心舖好好食！就去咗呢一間度食！ 中式點心餐廳嚟講，佢嘅環境都幾舒服，再加上我覺得佢個裝修都幾精緻，位置唔算話好多，但係都座得好舒服！再加上我覺得呢間餐廳都幾多客！雖然有時要排隊、但係感覺證明到佢都係食真材實料！今次我叫咗個一人下午套餐：茶芥都係$5 、絕配套餐$68位，鮮花甲粉絲湯、鮑汁鵝掌花膠鮑魚拼飯、芝麻蝦多士、荷葉藤椒蒜蓉粉絲蒸北寄貝、薑蔥牛柏葉！花甲粉絲湯好鮮香味美，除咗好足料之外亦都好香濃！鵝掌好嫩花膠好滑、鮑魚都大隻易咀嚼！芝麻蝦多士真係好有特色，除咗炸一啲都唔油膩、仲好香脆！最有驚喜係荷葉北寄貝，除左好香之外粉絲蒜味好夾，北寄貝超彈牙嫩口！牛柏葉亦好滑！樂意點心尖沙咀漢口道19-21號

今日出咗尖沙咀行街 同友人唔算太肚餓 所以食點心就啱晒呢間點心店好熱鬧 好多遊客排隊食點心 韓國人、印度人、泰國人、內地人、美國人等等 店舖唔大 所以都需要排一段時間見到咁多遊客幫襯 個心理上都調整咗 呢間舖頭嘅點心唔貴 基本上每人都會叫一個套餐 套餐包括一個荷葉飯、一個燉湯、加$10叫多2個點心 都真係幾超值嘅 $68 左右 叫咗鮮魷肉餅荷葉飯 - 魷魚肉餅份量都夠嘅，肉餅冇乜鮮魷味有少少肥，要求唔高嘅話，味道可以接受。燒賣- 呢個算係好食嘅，又鮮蝦同適量嘅肥豬肉，都juicy 蝦餃- 呢個就麻麻哋，冇乜蝦味，個皮又淋炸兩腸粉-呢個都唔錯嘅，脆脆地入邊有韭黃同少少蝦，不過豉油就唔鹹，唯一敗筆，同埋個腸粉皮有少少厚，唔夠滑。烏雞燉椰子湯- 有椰子味，但個味偏向淡同水。套餐包，唔合格。馬拉糕- 呢個正常味道，但個質感有少少乾。忘記影相。叉燒包-個皮有啲厚，味道一般，又係忘記影相總括而言 一間普通嘅點心店 相信覺得好好味嘅都係遊客 本地人就覺得食物質素一般 不過價錢唔貴 唔肚餓都可以食吓 但要排隊嘅話就不了

去食點心，叫左個籠仔飯，大到嚇親我😂絕配套餐有個籠仔飯+個湯（鮮無花果雪耳沙參燉排骨湯）我+$50要左個蒜蓉龍蝦帶子籠仔飯，無諗過係咁大籠😆超抵食😙龍蝦肉質彈牙，上面鋪左超多蒜勁香，撈飯一流三色小籠包有3隻唔同口味～原味、川味、黑松露，入面都足滿肉汁，最中意就係黑松露味🤤沙律蟹柳春卷，即叫即炸，外層脆卜卜，裡面有沙律醬，蟹柳，雜果粒，食落酸酸甜甜好開胃蟹柳棉花雞，棉花（魚肚）吸哂啲雞汁味，其他都正常發揮水果茶，好清新但我覺得偏甜😆所以比左姐姐飲，我飲返熱茶

今日去尖沙咀行緊🚶‍♀️經過漢口道見到呢間點心店..蝦餃燒賣好似呼喚緊我咁😂因為真系太內無飲過茶🫖所以我哋就決定食點心🤭⭐️鮑汁花膠鮑魚鵝掌(配白飯)✨鵝掌好大隻,花膠同鮑魚好入味..鮑魚口感軟淋,花膠嫰滑.. 鮑汁再配埋白飯一齊食,感覺超幸福🤤⭐️鮮花甲粉絲湯🥣✨花甲湯入口鮮甜,帶得出距本身嗰種鮮味,仲要花甲隻隻都大大粒,食落口完全冇沙,口口啖啖肉😍⭐️香茜牛肉腸⭐️帶子菜苗餃⭐️薑蔥牛柏葉⭐️生煎菜肉包⭐️棗皇糕✨牛肉腸粉皮薄餡靚,帶子菜苗餃,帶子大大粒,肉餡足料,棗皇糕煙靭可口😋⭐️玫瑰桂花糕🌹✨香濃嘅桂花味配搭淡香玫瑰..味道清新..飯後一點甜💕

今日嚟到漢口道樂意點心未到6點竟然坐滿哂人！非常之受遊客歡迎✧ 三色小籠包（$33）有三種味：原味、川辣、松露小籠包皮薄得嚟餡多爆晒湯汁三種味道餡料各有特色✧ 薑蔥牛柏葉（$28）牛栢葉調味好惹味質地爽口 唔會咬唔開好特別地食到蔥粒！✧ 玫瑰桂花糕（$20）凍served 3件好精緻好啱打卡！✧ 芝麻蝦多士（$30）蝦多士炸得脆卜卜 而且乾身唔會油蝦膠又爽又大嚿面頭有滿滿芝麻好香口絕配套餐（$68）✧ 花鵰蛋白臘腸蒸紅花蟹 （+$55）上枱熱辣辣 有淡淡嘅酒味花蟹嘅size 都唔細肉質結實而且好鮮甜食得出係幾新鮮蒸蛋白好嫩滑 配上蔥同甜鼓油好夾而且仲跟咗白飯可以撈埋食✧ 鮮無花果雪耳沙參玉竹燉排骨（跟餐）燉湯好足料 味道好清甜配料有大大舊雪耳飲落非常滋潤✧ 茶芥（＄8/位）

同朋友去尖沙咀行街食飯，經過漢口道，朋友話呢度有間食中式點心嘅餐廳好好味，大家一齊去試吓！樂意點心環境簡潔，主打中式點心。所有點心都係下單後即時炸或蒸,點心等約十分鐘會好快上菜。枱上的茶具是很漂亮，感覺上比較高檔。絕配套餐鮑汁花膠鮑魚鵝掌配白飯鵝掌、花膠、鮑魚以秘製鮑汁用心熬煮，鮑魚彈牙、花膠滑溜、鵝掌超大隻，沾滿醬汁香濃惹味。鮮花甲粉絲湯：花甲鮮甜，粉絲爽口，湯清澈不油膩, 味清甜!蟹柳棉花雞：雞肉嫩滑入味，魚肚厚身彈牙。帶子菜苗餃：菜苗餃餡料豐富，加上鮮甜嘅帶子，更顯名貴。越式米網炸兩腸：食落好有層次，面層腸粉滑溜，八面米網脆口，再有爽口蝦仁做餡料，沾少少甜醬油，超正！生煎菜肉包：外皮非常軟熟，內裡肉餡鮮甜。雷沙煎堆仔：外皮香脆，入面是流心芝麻餡， 味道甜美。

傳統茶樓的點心飄香，曾是港式飲茶的代名詞🫖☕️ 而隨著近年不少別具一格的新式點心館興起，為茶客帶來特別的選擇，而尖沙咀的樂意點心正是其中之一。到了晚市時分，總能見到門外長龍盤旋，本地食客及遊客們排隊等候入座的情景，足證這家餐廳的美食和服務多受歡迎💖 樂意點心的內部裝潢講究，突顯每一處細節，店內提供的卡座讓人坐得舒適自在，而其晚市套餐，更是物超所值，性價比高🉐🍽️絕配套餐 ($98)這個絕配套餐價格實惠，包含了鮑汁花膠鮑魚鵝掌配白飯及雲腿雞腳燉花膠。鮑魚烹調得剛好，花膠的口感也非常軟滑，每一口都是濃郁的海鮮味，非常適合喜歡傳統海味的朋友😍🤍越式米網炸兩腸 ($33)一道創意點心，將傳統的炸兩腸以越南米網包裹，外皮酥脆，內裡的腸料香滑可口，給人一種新鮮感✨🫔沙律蟹柳春卷 ($30)每一口都清新爽口。蟹柳質地細膩，搭配新鮮的沙律蔬菜和脆口春卷皮，口感層次分明。✨薑蔥牛柏葉 ($28)牛柏葉配上薑蔥的香味，經典點心滋味。🥚麥味雞蛋散 ($20)這道菜的性價比極高。蛋香四溢，簡單卻溫馨，口感夾脆，帶點甜味的蛋散令我食過不停🤭樂意點心的菜式無論是在創新還是在傳統的味道把握上，都表現出色🔥 加上位處尖沙

✨尖沙咀·樂意點心✨🔹🔹🔹🔹🔹🔹🔹🔹🔹🔹🔹鮑汁花膠鮑魚鵝掌搭配白飯，絕對是一道豪華的餐點。花膠鮑魚鵝掌在口感上非常滑嫩，搭配著濃郁的鮑汁醬料，讓人垂涎欲滴。鮮無花果雪耳沙參玉燉排骨這道湯品，燉煮的排骨入味鮮嫩，加上雪耳和沙參，增添了湯品的營養價值。越式米網炸兩腸是道越南風味的小吃，外層酥脆，內裡鮮美多汁，帶有獨特的香料風味。三色小籠包則是上海傳統美食，皮薄餡多，吃起來很有嚼勁。咖哩魷魚和芝麻蝦多士則是餐點中的海鮮美味，口感香脆，讓人吃了欲罷不能。最後，一杯清涼的水果茶完美收尾，是這餐的最佳飲品。整餐菜色搭配合理，美味可口，非常值得一試。🔸🔸🔸🔸🔸🔸🔸🔸🔸🔸🔸▪️美味指數：😋😋😋😋😋▪️餐廳環境：✨✨✨✨✨▪️服務質素：👍🏻👍🏻👍🏻👍🏻👍🏻

👨🏻‍🍳樂意點心 (尖沙咀)📍尖沙咀漢口道19-21號漢宜大廈地下C號舖 「長期人氣滿滿的中歐合壁點心😋」 收工同朋友食個tea，4點幾，勁多人🥲員工好nice😝剛剛有卡位客人走左，問我地坐吾坐，舒服D🥹🫶🏻 👍🏻🫖玫瑰茶 （茶芥$5/位）清香，平日最愛，呢到竟然有‼️ 👍🏻🍽️絕配套餐 $68 籠仔蒜蓉龍蝦配帶子飯 （另+$50）鮮無花果雪耳沙參玉竹燉排骨鮮竹牛肉球 一個套餐有蒸飯、燉湯、點心，勁抵食🥹🍽️蒸飯，份量超大，一個人應該食吾哂🙈重蒜‼️‼️🤣重味朋友必點另有蒸飯豉油可加龍蝦好鮮甜，肉質實凈彈牙👍🏻粒粒帶子都好大😆 返完一日工，飲碗湯真系吾同D🥹👍🏻🍽️鮮無花果雪耳沙參玉竹燉排骨，超足料！！好清甜，調味剛好，好似住家湯🫶🏻 凈系👍🏻🍽️鮮竹牛肉球，就知佢地既點心點解出名，超大粒，口感、做法系傳統酒樓個種🥹味道一流👍🏻 👍🏻🍽️荷葉藤椒蒜香粉絲蒸北寄貝 $78無睇錯‼️真系蒸北寄貝‼️好大粒！！好鮮甜、煙韌有咬口，第一次食蒸的，絕了👍🏻 🍽️芝麻蝦多士 $30/3件純粹個人麻麻蝦多士🤣油油膩不過佢既蝦好爽口，一件都幾隻👍🏻👍🏻 呢間點心吾只創新有特色，仲好好食😋 #樂意點心 #尖沙咀點心

員工服務不知所謂！我自己一個人來等位，等了大半個鐘，遲過我到的其他（兩位)食客 可以先入，原因係得二人枱！入2位用一張枱，入1位又係用一張枱，兩位食客可以賺多啲，那麼如果一個人來食，就要等到無人才可入！！！向職員投訴，沒有理會、沒有道謙！如果餐廳係不招待一人，門口應該貼出告示😡另外，餐廳地上周地垃圾。

行過呢間點心店幾次，見到佢每一次都好多人排隊，今日都唔例外，已經算係早，大概6:00嘅時間已經嚟到，但係都要等一兩張枱先可以入得。入到去見到有好多唔同國籍嘅旅客，大家都叫咗佢個籠仔飯，原來佢有一個套餐可以選擇，入邊包一款飯，可以叫最普通嘅菜式，亦都可以加錢配海鮮，我哋就叫咗加$20嘅嗰一個帶子飯，面頭鋪滿咗厚厚嘅蒜蓉，每一啖飯都好香，而且帶子嘅份量都好多。而佢個套餐都包埋生菜、一份點心、同埋一份小食。我哋就叫咗牛肉球同鮮竹卷，正正常常，都係熱辣辣嘅。而佢哋最特別嘅就係佢哋嘅茶有好多選擇，我哋今日嗌咗玫瑰花茶，非常之香。最後仲嗌咗個杏汁燉蛋，大滿足。

食飯時間走到位於尖沙咀漢口道一間點心舖..門口已經人頭湧湧,等了十分鐘入到店內齋看裝修十分有誠意,茶具都好有feel! 食物也相當精美又好食,雖然價錢平民化,但一啲都唔吝嗇!兩個人叫咗一個（絕配套餐!）最印象深刻1.鮑汁花膠鮑魚鵝掌 :真係落足料...鮑魚又夠淋又有咬口,花膠入味又唔腥..食得出真材實料！2.芝麻蝦多士:吐司包夾著超厚的蝦肉餡，裹滿白芝麻粒下鍋油炸，雖然略顯油膩，但入口有蝦肉的彈牙與鮮美，也有芝麻的香，十分過癮引！3. 越式米網炸兩腸腸粉香滑,米網香脆可口,蝦粒爽或彈牙.....正!4.鮮花甲粉絲湯花甲清清鮮甜味,加上粉絲簡直絕配,湯也十分鮮甜！仲有太多好食！不能盡錄！ 平時酒樓食點心會覺得好油膩,但呢度一啲都冇呢個感覺..兩人食到舐舐脷...以尖沙咀呢個地段,平民化嘅價錢,真係太抵食了！物超所值...值得一試！

🔸樂意🔸🔆又同朋友仔係尖沙咀食飯，今次依間，我同朋友仔都一致覺得CP勁勁勁高，又好食，所以要介紹比大家。🔆我地係星期六around 5:45pm去到，都要排大概半個鐘先有得入去，周圍都係東南亞地區嘅旅客，唔通依間點心係東南亞地區推薦必食嘅(?)🔆茶介正常就$8位，如果跟佢個籠仔飯餐就有一位食客茶介係收$5。普通茶佢都有嘅，特別啲就有玫瑰同菊花茶。我地今次就叫左菊花茶，唔好睇佢咁鬼淡色，菊花味都好香。餐廳因為都真係幾多人等位，所以就有限時食嘅，位置比較逼，但總算坐得舒服嘅。🔆絕配套餐 $68 (另加2款點心 每款加$10)👍籠仔蒜蓉海蝦飯 另加$10一上到枱，好大籠飯呀！仲好香蒜蓉味，一共有3隻都幾大隻嘅海蝦，睇到我地心心眼。籠仔飯食落軟香，滲透住淡淡蝦味，同好勁嘅蒜味。海蝦新鮮爽口，鮮甜，好滿足！👍椰子燉烏雞湯好清甜椰子味，唔係味精味。盅湯好足料架，有啲烏雞，瘦肉，比你一路飲一路食，烏雞仲非常之滑呀！👍鮮竹牛肉球嘩.....真係好大粒，好彈口，食口都係肉嘅感覺真係好爽！👍白灼菜心無咩特別評價，我地就純粹想食條菜😂👍越式米網炸兩腸粉 $33皮夠滑，入層炸兩香脆，唔係個啲腍哂好韌個隻炸兩。