内地著名榴梿pizza店扩张，喺新界美食沙漠-马鞍山 11月15日正式营业啦！🥢真果肉猫山王榴梿披萨（9吋手拍饼底） 💰249个饼底系手拍嘅，食落去软熟嚟带啲烟韧，仲有少少面粉香。一咬开就食到满满嘅猫山王榴梿果肉，味道浓郁到好似直接食紧榴梿咁，仲要拉丝拉到劲长。芝士同榴梿嘅油脂香融为一体，食落完全唔觉腻，个饼边烘到脆脆哋，成个配搭真系冇得输🥢法式烤三黄鸡（半只）💰99鸡皮烧到薄脆香口，带少少焦香，入面嘅鸡肉依然好嫩滑，仲有肉汁锁住喺里面腌料嘅香草同蒜味渗透晒入去，唔使点酱都已经好够味。旁边伴碟嘅土耳其香辣土豆好惹味，外面香脆内里粉糯，辣辣哋好过瘾。仲有羽衣甘蓝同车厘茄，羽衣甘蓝用油醋轻轻捞过，爽口解腻，车厘茄烤过之后更加清甜，成个配搭好丰富🥢开心果牛油果奶昔💰59饮落去质地好顺滑，牛油果嘅青香同开心果嘅坚果味捞得几匀循，甜度调得啱啱好，唔会太假。每啖都会饮到细细粒嘅开心果碎，增加咗唔少口感。饮完成杯之后个喉咙感觉好舒服，唔会黐立立，同啲浓味食物几夹，如果牛油果味重啲就更加好🥢百香果风情特饮（冻）💰33一饮就饮到百香果独有嘅酸甜味，好清新开胃，里面仲有啲细细粒嘅果肉，咬落去卜卜声。冰量同甜度都控制得几好，唔会抢咗生果本身嘅风味。尤其系食完啲浓嘢之饮一啖，个口即刻清爽晒🥢日式黄金吉列炸虾 💰69外层炸到金黄色，咬落去脆卜卜，但一啲都唔油。入面只虾仲保持到弹牙同鲜味，唔会炸到干晒。点少少佢哋跟嚟嘅他他酱，微微酸味更加带出虾嘅甜，食完一只都唔会觉得滞✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫加🔟服务费：✅💰人均消费：$200…查看更多
