榮華南洋冰室

营业中

休息中

和朋友到上環逛街，感受一下香港懷舊的氣息，下午茶時分找找附近有什麼餐廳，看到這一間以南洋風味作招徠的冰室，於是決定一試下午茶時段提供的菜式除了有南亞風味的菜式外，也有提供普通茶餐廳的下午茶餐例如是西多士，熱狗配薯條等豬扒配漢堡扒冬陰功金邊粉 喜歡這種配菜可以任意配搭的金邊粉，坊間比較少見，另外他們的冬陰功值得一讚，湯底味道濃厚，酸酸辣辣的味道令我勾起泰國嘗試過的正宗冬陰功，另外他們的金邊粉亦10分彈牙，和湯底產生化學作用咖喱魚蛋，他們的咖喱魚蛋同樣惹味，咖喱偏向南洋口味，辣度剛好而不辛苦，內裏也加了一些香料令到魚蛋味道增加了層次感普通的常餐湯麵，配搭了豬頸肉和肉丁，也是一碗高質素的湯麵，雖然同樣滿意，但是有比較下，冬陰功湯底的確出色得多

今日Lunch 係公司附近隨便搵野食 見到呢間茶餐廳好似幾有特色 係有點南洋風格既茶餐廳 但係價錢亦比比起一般茶餐廳高左一點 今日叫左個常餐冇乜驚喜都係一般多士炒蛋火腿既配搭 同一般茶餐廳冇分別 味道都係一般茶餐廳水準 原本以為米粉塊雞扒既調味會有D南洋風味 但係都係一塊普通嘅煎雞扒有點失望 午餐因為好多人食所以食得有啲急 都會比人催買單 同埋坐得有啲迫 整體來講如果呢個價錢應該有更好的選擇 如果南洋風味再重DD 先會比較滿意

昨天買完下午茶，對方超有禮貌，應該老闆。諗住今日去買外賣午餐，一入到去問佢有冇餐牌，一名中年男子大大聲咁話，出面咪有外賣牌囉，自己出去睇！咩態度？成間餐廳得一個外賣餐牌？最後因為佢態度太差，都冇心想買🤬

2/5Curry sauce was the best I had in this meal. Fish ball was alright, at least not puffy soft texture one. Pork was at the edge of dry, not feeling what menu say is char grill, is a little sweet but doesn’t taste south east Asia at all. Tom yum soup was quite light to the flavour.

上環藍色大樓下的南洋風餐廳門面好有特色架～下午茶時段唔使等位炭烤豬頸肉配札肉金邊粉+凍咖啡（+$4） 雙拼$48 轉冬陰公湯+$10 ⭐️⭐️⭐️粉都算足料 湯味道就略淡～可能平時飲冬陰公會辣d濃d豬勁肉好驚喜，一黎到係細碗仔上，望落好乾以為會係柴皮甘。點知咬落好爽口，面係甜甜地，一上台有好香炭香味。好正！咖吔西多餐配熱奶茶 $30⭐️⭐️⭐️⭐️西多表面有黃油、糖漿、煉乳。吐司外層酥脆，口感增加，味道可口。 Kayang好香，好味呀！跟餐小食蒜香雞翼2隻 $16鳳尾蝦卷3條 $16⭐️⭐️⭐️⭐️⭐️呢2個小食就不得了蝦卷好香又酥脆，咬開見到蝦好新鮮。呢個食3隻真係唔夠！雞亦好香蒜味，蒜醬鋪係雞亦面，好香好入味！2個小食係全餐最出色，值得嗌～值得一提係職員定老闆好有禮貌咖吔西多應該即炸，等比較耐。見你等好耐佢會不停update你個西多整到咩步驟🤣落緊去炸咖都話你知 見你2人分享個面又會主動拎碗比你。👍🏻

疫情下甚小堂食！今日原先想嚟食早餐可惜過了早餐時段！唯有食午餐午餐～海南雞飯+熱咖啡$68份量都OK! 不過個雞油飯略嫌唔夠熱及唔夠香！午餐～冬陰公金邊粉配香茅猪扒+熱檸茶$68有驚喜個粉好足料味道我OK！不過朋友就嫌過酸！由於疫情關係外出食飯都格外小心！所以都特別麻煩又要杯熱水又要多雙公筷又要多兩隻碗！不過個職員都好有禮貌即刻幫你攞值得一讚

炭燒豬頸肉口感味道與別不同，爽口彈牙，店員一攞上枱就炭香四溢，整個餐廳香氣四溢，尤其喺當糖分喺焗爐裡面微燻，變得格外惹味焦香。特色奶西多，多士表面有牛油、糖漿、condensed milk，牛油搭配多士的奶味，口感因多士外層嘅酥脆遞增，香口又惹味。咖吔菠蘿油，咖央醬帶有啖啖椰香同雞蛋味，令菠蘿油的味道更上一層，菠蘿油本身外層金黃酥脆，熱辣辣嘅飽中間合住牛油，溶到一半嘅牛油令成件事變得完美，口感層次豐富。泰式奶茶嘅茶葉濃郁，而且味道非常正宗嘅泰式口味！

係附近行過見到搶眼既藍綠色門面吸引，見到餐牌幾好一於試下😳💜海南雞飯 $68雞肉好滑嫩，皮又薄又冇乜脂肪，岩晒怕肥既女士✨ 配2種唔同既醬都好惹味，油飯香而唔油膩，仲有配菜酸瓜，令人食唔停口🤤💜冬蔭公湯金邊粉配泰式串燒 $78呢個顏值睇落好正✨ 果然湯底好正宗又唔會太辣，仲有唔同香草既層次，串燒兩豬兩雞配上甜甜地既沙嗲醬又燒得香🤤💜蒜香牛油雞翼 跟餐+$16好好彩簡中王牌！好驚豔😳✨✨ 鐘意蒜香既朋友唔好錯過，絕對可以為佢口臭一日🤣 濃郁既蒜泥加上好香既牛油+雞翼係絕配🤤🤤💜利賓納檸檬梳打 跟餐+$10聽講呢款係泰國正宗既梳打水，連支飲管都有特色，唔會過甜，幾好飲✨

榮華南洋冰室前幾日同朋友去中環還完神🙏🏻之後搵地方醫肚🙆🏻‍♀️ 附近有好多西式Cafe☕️但最後都擇左呢間冰室💁🏻‍♀️感覺好有香港懷舊嘅味道🥰餐廳嘅外牆顏色(藍綠色) 其實都幾sharp, 好容易就發現到佢嘅存在😂入到去嘅環境好簡單但我感覺係我鍾意嘅香港懷舊濃味, 好Vintage其實佢有好多南洋美食😋 例如有🐔海南雞飯, 冬陰功湯粉等等等等因為嗰日我都唔算太肚餓, 所以淨係叫咗個普通茶餐🤪➖➖➖➖➖➖➖➖➖➖➖➖➖➖➖➖➖💮 咖央西多士 🍞🧈🍯出邊花生醬西多士就食得多, 所以今次就揀咗咖央西多☺️ 西多士煎得吾錯, 唔會太油又唔會太乾, 落滿左我好愛既牛油🧈 同殿奶, 再加淡淡甜甜既咖央, 好滿足😍 甜得黎絕對唔會覺得係膩既😌💮 凍奶茶🧋凍奶茶就茶同奶既比例係剛剛好😍既有茶香亦都有奶應有既滑, 出邊嘅凍奶茶好多時都會因為落咗冰嘅份量太多而變到奶茶變淡😣 但呢間嘅凍奶茶絕對係剛剛好, 甜度都係剛剛好👍🏻好啱我呢啲奶茶控➖➖➖➖➖➖➖➖➖➖➖➖➖➖➖➖➖值得一讚係店入邊嘅職員非常之有親切感😌 知我哋食完嘢, 會主動過嚟問我哋要唔要熱水☕️ 會主動同我地傾下計, 令我覺得呢間食店好有人情味, 香

已經很久沒有去泰國，記得朋友早前介紹這間位於上環的榮華南洋冰室，今晚和太太就來試一試水準。餐廳裝潢十分醒目，用上復古南洋風格作為主題，座位亦寬敞舒適。餐廳主打泰式湯粉飯類，有多種不同的配撘，亦有提供小食及特色飲品等。海南雞脾油飯雞脾完全去骨，雞肉嫩滑而味道豐厚濃郁，澆上的醬汁味道溫和，為雞肉增添一道鮮味，而顆顆如珠的油飯還帶點雞香鮮韻，包著一層雞油，發出光彩，潤而不油，方能稱上美味。配上自家秘製的辣醬，惹味非常，令味道更上一層樓。冬蔭功湯海鮮金邊粉原個鐵鍋熱辣辣上枱，香氣十足，先呷一口湯底，味道酸辣刺激但不嗆喉，檸檬葉、香茅、青檸、紅辣椒味道層次分明，只是比泰國地道的少了一分辣度，海鮮份量亦不少，有青口、魷魚、蝦等。龍眼冰亦點了一客龍眼冰，原支梳打水送上，一吸入口，頓然遍體生涼，暑氣全消，龍眼味道清甜可喜，同時腴而不膩，是夏日佳饌。

After we finished our lunch, we walked around Central and Sheung Wan area to take photo of graffiti on the wall. After some time, we were slightly tired and hungry, thus decided to find a place to sit down. Wing Wah Southeast Asia Cafe was located at Upper Station Street, several minutes walk from Sheung Wan MTR.They served typical cha chan teng dishes as well as Nanyang cuisine such as chicken rice, tom yum goong, curry and snacks etc. Thai coffee - Coffee was placed in a filter for it to drip

打完波在上環醫肚，朋友說附近有一間明星茶記，食物質素有保証，還可以滿足地吃一頓泰越快餐呢！綠色的建築物十分耀眼，進入店後感覺也很懷舊，牆上每一角落盡是明星的簽名相片呢。常餐食物款式頗多 ：有滑蛋、香腸及牛油多士，而且價錢合理。我們點了最想吃的牛油雞翼冬陰功金邊粉、清湯雞扒米粉套餐及懷舊熱狗＋粗薯條。食多士最重要是烘到燶邊，中間夾著厚身的牛油，香、濃、脆、軟的口感非筆墨能所形容。牛油雞翼佈滿金黃色的蒜香粒，肉質嫩滑外皮脆，金邊粉煮得軟硬適中，湯底香濃美味。朋友吃的雞扒大大件又低食，外皮煎得香脆又juicy.熱狗的醬汁夠曬多， 餡料更多到滿瀉 內裡的生菜、蕃茄也十分新鮮；很耐沒有吃過這款粗薯條了，熱辣辣又脆口，懷舊得令人懷念。

星期五晚,本來想去蘇豪區食西餐,但係見到條街咁多人,唔想咁嘈,於是行行吓行到太平山街附近,見到一間南洋餐廳,即刻想試下。喺中上環想搵間平平哋又好坐嘅餐廳,真係唔容易。其實响門口見到啲嘢食都幾吸引,老闆仲親自出來招攬,係冇hard feeling嗰隻,所以就入去幫襯下啦。一入門口,要先行落幾級樓梯,已經覺得好有特色。望下個餐牌,d嘢食又唔貴,可能晚上附近嘅食客都去晒鋸扒,嚟呢間餐廳嘅人並唔多,所以坐得好舒適。我哋兩個人嗌咗一個冬陰功豬扒貴刁,同埋薑黃雞扒飯,一杯鹹檸七,仲有泰式奶茶。個貴刁真係好惹味,仲要成個煲上,睇見已經流口水,冬陰功湯底做得唔錯,貴刁真係爽口好味,喺個豬扒少少dry,但可以接受。至於個薑黃雞飯,我叫咗個薑蓉做醬,由於我鍾意食薑,所以覺得好好味。碟頭飯嘅配菜並唔係普通椰菜絲或者生菜兩條,而係醃過嘅青瓜,令到食客好醒胃,係少見嘅做法,我好鍾意。老闆仲請我食多一小碟醃青瓜添,真識do😁!最後要讚一讚個泰式奶茶,首先係成壺上,老闆話要焗5分鐘,另外隻杯已落咗煉奶,茶焗好自己冲,冲出黎有一陣椰香味,而且個茶底好好飲。我仲想添食,見到個餐牌下午茶有菠蘿油,如果配埋呢杯泰式奶茶,一

同好友去上環拜完神，正值下午時間好肚餓，於是行落下幾條街搵嘢食，見到尼間裝修得好有香港懷舊格調，就入去試試打開餐牌，很多不同種類的南洋食品，樣樣都想試最後決定點了冬陰公牛柳粒金邊粉，喝一口冬陰功湯，微酸但不太辣，很開胃，金邊粉軟硬適中，掛上冬陰公的湯就更加惹味，牛柳粒跟切片紅羅白，豆角，洋蔥，紅椒和豆卜一起炒、食落更豐富再加牛油雞翼，雞翼外層炸得酥脆，面頭灑上炸過的蒜頭，十分香口，只可惜加追了二隻，實在唔夠喉，下次再食過很喜歡吃咖吔，咖吔多士經常吃，今次試吓咖吔西多，西多煎得外層金黃微脆，入口先感受到蛋香，繼而是牛油的香味、最後是清幽的咖吔味，整個配搭非常夾店員放下南洋奶茶跟我們說要等十分鐘，那麼茶味就更濃郁，茶香加上煉奶的香滑，美味

返工Lunch Time去食，睇佢成個Menu，的確係幾有南洋特色，即使佢賣嘅一啲睇Title其實似港式茶餐廳會有嘅食物例如常餐，但佢都加咗好多南洋風味入去。呢點係抵讚嘅！唔似出面有啲餐廳得個餐廳名有特色。係出面等位個陣見到門口貼住嘅海南雞髀飯係超超超想食，佢張圖好吸引⋯點知坐低冇晒油飯，本人覺得海南雞飯係唔能夠唔配油飯的⋯所以立馬決定放棄，有點Sad，唯有下次再戰。同事話呢間嘅豬頸肉都好食，因為想食啲有汁嘅飯，所以揀左咖哩豬頸肉飯。同事就揀咗炭燒香茅豬扒飯。咖哩豬頸肉飯 $72 ***佢個豬頸肉真係幾特別，燒汁偏甜，有少少似瑞士汁，又唔會太漏，幾好送飯，但佢豬頸肉質偏乾身，我個人就喜歡肉質肥美有油香嘅肉多啲喇⋯而個咖哩我都覺得普通，一樣係味道偏甜，都係嘅，南洋菜本身就係偏甜，咁講佢其實幾正宗。炭燒香茅豬扒 $58 ****我鐘意呢個飯多啲！豬扒Juicy有油香，份量好足！雖然味道相對普通，但豬扒整得Juicy已經好好啦。今次真係隔離飯香！