榕哥燒鵝餐室

【油尖旺区】【榕哥烧鹅餐室】杭州朋友嚟香港玩，揾我食嘢，话求其食就可以，咁我就梗系同佢去啲我平时都会去嘅餐厅啦。呢间有烧味之余，亦都近佢哋嘅酒店，都算系香港特色，就同佢哋去啦。我除咗请佢哋食嘢之外，自己都叫咗个 $63 嘅「榕哥陈皮烧鹅饭」转濑粉，即系烧鹅濑。食落味道都几好㖞，冇丢我架，亦都冇丢港式烧味嘅架。烧鹅烧得唔错之余，切嘅部位亦都几肥美，正。嘢饮我就加 $4 饮「冻柠茶走甜」，夹埋 $67。朋友话佢哋食嘅烧味饭都唔错，几满意，咁就好喇。咁我为咗验证真伪，都特登去食多次，睇吓真唔真。咁呢次去到就叫烧味下午茶 $46 嘅「迷你双拼饭」，拣咗「烧肉」同「切鸡」，虽然唔算好大碗，质唔饱大男人，但系细食啲嘅话都够一餐。而且啲烧味都几好，冇边款话差嘅，感觉可以。嘢饮我都系加 $4 饮「冻杏仁霜」，埋单先 $50，呢个价钱冇得输呀。。。（地址：佐敦南京街3-5号怀高大厦地舖）呢间餐厅我写过其他分店嘅用餐体验以及食物，如果想睇，可以打以下 hashtag 搜寻返𠮶次嘅用餐体验记录：油尖旺区尖东分店：1am1555油尖旺区油麻地分店：1am1856#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺区 #佐敦 #柯士甸 #榕哥烧鹅餐室 #榕哥陈皮烧鹅 #榕哥陈皮烧鹅濑粉 #冻柠茶走甜 #烧味下午茶 #迷你双拼饭 #烧肉 #切鸡 #冻杏仁霜 #1am1940 #1ambackup…查看更多

昨晚叫了一盒干炒牛河，一盒烧鹅饭外卖，干炒牛河那盒正常，而且份量多和味道也不错。 但一去到盒烧鹅饭，一打开，见到件件都好细件,已经心知不妙，再夹起每一件烧鹅看清楚，简直火都嚟埋，差唔多件件都系骨冇乜肉，而且斩到好细件，散散修修，唔知以为系食净，完全同堂食嘅卖相差天共地，摆明系揾外卖客人笨！ 枉佢卖点系烧鹅，仲衰过喺大XX食烧味饭。之前其实我都几钟意喺呢间舖头堂食，但经过今次之后，以后我都唔会再去呢一间舖头，反正又唔系得佢一间！…查看更多

烧鹅饭 ｜最大亮点绝对系块烧鹅皮！块皮处理得非常出色，烧到又薄又脆，咬落去有声，而且皮下嘅脂肪层可以同鹅皮分离，食落充满油香但唔会太腻，水准极高。至于鹅肉本身，质素就中规中矩、不过不失，好在份量俾得好慷慨，啖啖肉够满足。相对价钱算系几值主食方面，建议拣白饭。我试过嘅濑粉口感有啲「胶」，味道亦比较普通。相反，白饭仲有菜脯附送，用嚟配烧鹅嘅咸香，非常惹味。总括嚟讲，为咗𠮶块脆皮，呢餐都算值得，会回头，已回头～…查看更多

早餐猪趴非常吾得今日本来去华嫂，但睇佢自己社交平台 话星期日休息，另外open rice 话佢尖沙咀分店没有好评，咁咪改是但揾一间食。味道猪趴米($39)1分— 猪趴已经瘦，又炸得好干好多油，猪趴好鞋，食完一口油，— 米粉是用以前传统的米粉，吾弹口— 另一个吾好食系个汤底，好奇怪的味道，吾识形容咖啡(1分)—得个苦字，无咖啡香味，吾够热茶走(3分)— 算系正常，但饮完舌头”鞋”。环境(2分)— 装修比较老化服务(3分)—一般茶餐厅卫生(3分)— 正常抵食(1分)— 吾好食就几平都无用…查看更多

棕哥雪菜肉丝米最正宗茶记食品今日食咗棕哥嘅雪菜肉丝米，真系可以话系我食过嘅最好味啦！佢哋嘅雪菜肉丝米炒得香口，米粒弹牙，配上滑嫩嘅肉丝同香浓嘅雪菜，味道浓郁又下饭。特别系佢哋嘅炒蛋煎得啱啱好，加埋半份厚多士同杯热奶茶，只需$36，真系物超所值！而且喺棕哥食饭，环境舒适，唔一定要食佢既烧鹅…查看更多