榊原 (蔡氏大廈)

天后站附近有好多食日本菜餐館，今日就去咗「榊原」，位置相當方便！Lunch menu 有3款，而我哋就揀咗蝉時雨 （$668/位）有16品，當中包括刺身、壽司、和食、雲丹和卷物！每逢食日本菜，我哋都喜歡一邊飲清酒，一邊享受我哋嘅美食，今日我哋都要了天賦純米吟釀（$180），入口非常順滑！茶碗蒸 - 滑滑的蛋，𥚃面係仲有蟹肉同魚肉！北寄貝 - 下面有蘿蔔苗配埋醋汁，非常鮮甜牡丹蝦 - 師傅已經將蝦膏同蝦肉擺在眼前，肉質爽口日本切碎墨魚 - 上面有三文魚子，增添美味燒鰆魚 - 上面還舖上炸蒜芝麻希魚天婦羅 + 南瓜天婦羅 - 炸醬很薄新鮮赤貝壽司 - 爽口尾長鯛魚壽司 - 好鮮甜葉血引雄鰤魚壽司 - 肉質鮮美深海池魚壽司 - 肉質細緻爽口北海道銀鱈魚壽司 - 肉質肥美大拖羅壽司 - 入口即溶，味道濃郁北海道馬糞海膽 - 一個黃馬糞海膽加一個赤馬糞海膽，加埋紫菜食，味道一流中拖羅蔥手卷 - 裏面混合天婦羅脆脆，提升口感蛋布甸 - 原來係湖北蛋加蘭王蛋做成的，唔怪得蛋味咁濃郁啦！麵豉湯北海道抹茶雪糕整體而言，份量十足，新鮮食材，抵食嘅午市Omakase！…查看更多

中秋節決定食餐好嘅，就嚟到天后呢間餐廳食Omakase首先叫咗一壺天賦‧純米吟釀（$180）開場，甜甜哋又夠晒濃郁嘅口感，即刻幫成餐飯定咗個完美基調。🍶之後叫咗一客「螢狩」Omakase（$1480），共有二十品精緻日式料理，超級豐富！🍢 靚前菜同埋刺身京都湯葉（新鮮腐皮）豆味好濃，撈埋粒粒晶瑩嘅三文魚籽，呢個開胃菜又溫柔又鮮甜。🤤骨膠原鯛魚切得夠薄，捲起嚟一啖吞！骨膠原啫喱有柚子醋嘅酸香同少少辣，一灑落啲香蔥，即刻將個鮮味推高晒！✨活赤貝超新鮮！已經點好咗醬油，赤貝有淡淡清香，唧少少青檸汁上去，貝肉好爽口，入口滑捋捋。🍋兵庫縣生蠔配埋酸汁啫喱，勁爽口！濃烈嘅海水鹹鮮味，蠔身脹卜卜夠厚肉，食完個餘韻好長。🌊🦪八角魚首先食到白身魚嗰種清雅，配埋柚子皮，慢慢咬吓咬吓，啲油脂香氣就滲晒出嚟，口感仲好有𡁻頭。🍊日本象拔蚌刺身又厚又爽口，鮮甜度爆晒燈！點少少醬油同wasabi，係最簡單又最純粹嘅美味。🐚🍣 鮮味爆發！海膽同埋蝦蝦蝦甜蝦刺身配璣璇昆布蝦肉夠晒稠實濃郁，配埋昆布芯嗰陣鹹香，令到鮮味更加上一層樓。🍤斑馬瀨尿蝦刺身七八成熟個火候啱啱好！啲蝦膏多到爆晒出嚟，喺個口度爆發！跟住嚟就係鹹鮮蝦味湧出，勁有層次感！蝦肉又滑又大舊，超高質！💯秋刀魚刺身今季當造，好肥美，點酸汁食好開胃！大大塊，一啲都唔腥，佢獨有嘅魚香，食落少少有膠質感，油脂感極重，試一次包你記住。🐟🥩 肉類嘅華麗樂章池魚tataki撈埋薑蔥，個薑蔥汁好鮮甜，作為海鮮同肉類之間嘅中場，夠晒清爽又啱Timing。鹿兒島A5和牛配海膽和牛夠嫩，牛味好出，表面有少少焦香加埋海膽嗰種澎湃嘅鮮甜，口感creamy，冇得彈！🔥🥩汁煮澳洲牛面肉慢煮咗幾個鐘頭，天然嘅骨膠原食落黏黏哋，煮到超軟爛夠晒入味！配埋蘿蔔同青椒，味道更加豐富有層次。🥕🐟 吞拿魚五部曲：由濃味到稀有部位赤身（呑拿魚背脊）吞拿魚香好濃郁，魚身勁厚，油脂感非常突出，個魚香喺個口度浪來浪去。🍣大拖羅肥到極致！一入口啲油脂即刻溶晒，釋放大量魚油，個尾味清甜又唔膩，香味直衝上鼻！👃腦天（呑拿魚頭肉）稀有部位！油脂感重但肉質又厚又軟熟，魚味醇厚火炙過又會多咗陣焦烤香氣！🤯蔥呑拿魚配赤馬糞海膽主打清甜，呑拿魚茸好鮮嫩，海膽creamy嘅口感完美配合，一啖鯨吞落肚，正到不得了！💚燒呑拿魚下巴配埋柚子汁，啖啖肉！外皮脆卜卜，魚肉熱辣辣，有𡁻口之餘仲keep住啲肉汁！🍚 完美收尾麵豉湯稻庭麵嚟返碗暖笠笠嘅湯！湯底夠濃，份量適中，食落非常舒服又夠飽。🍜刀根杮同玉子布甸當造嘅刀根杮鮮甜帶清香，配埋玉子布甸淡淡嘅蛋香，為呢餐勁嘢畫上個甜蜜句號。🍮🍂…查看更多

中秋節同老公來天后榊原食Omakase, 豐富啲嗌吓$1480嘅Dinner Menu堂狩 Hotarugari。共20款精緻料理，非常期待師傅點樣用刺身、壽司、湯品同甜品打造完美晚餐😆餐廳環境舒適優雅，服務細心，整晚氣氛放鬆🍶先開壺天賦純米吟釀（+$180）：甜感明顯，入口順滑易飲1️⃣ 京都湯葉配三文魚子  湯葉鮮嫩帶淡淡豆乳味，配搭彈牙三文魚籽，鮮味濃郁又清新2️⃣ 薄切鯛魚配柚子醬汁  切得極薄晶瑩剔透，骨膠原豐富，柚子醬汁啫喱狀包裹香蔥與辛子，清新有層次，開啟味蕾3️⃣ 活赤貝  鮮甜厚身，切花紋更添嚼口感，淋上幾滴青檸汁提鮮，爽口彈牙4️⃣ 兵庫縣生蠔  形態細長，搭配酸汁啫喱，質感細膩順滑，醇厚海水味十足5️⃣ 八角魚  北海道小樽新鮮刺身，師傅以不同刀法呈現各款刺身魚獨特的味道；配柚子皮山葵，入口清爽帶鮮6️⃣ 日本象拔蚌  厚身紮實，爽彈有嚼口，鮮味滿滿，令人驚喜7️⃣ 甜蝦  嫩滑至極，面頭加了璣璇昆布，鮮甜膠質感明顯😚8️⃣ 印尼斑馬瀨尿蝦  😱超巨型肥美！橙色蝦膏並非流心蛋，而是濃郁嘅蝦膏！師傅整至七八成熟，鮮蝦味濃烈，入口鮮味迸發，喺口腔留有餘韻👍🏻👍🏻👍🏻賣相味道雙絕，好難忘💯！9️⃣ 秋刀魚  肥美當造，薑蔥醋汁提鮮，新鮮度獲鄰桌食客一致讚賞🥰🔟 池魚Tataki  薑蔥汁完美帶出魚鮮，口感滿足又清爽1️⃣1️⃣ 鹿兒島A5和牛x海膽  和牛輕輕炙燒，油香嫩滑。配搭紫菜，再包裹住海膽鮮味汁液，三者完美融合，令人忍不住大讚「oiishi!」🤤1️⃣2️⃣ 慢煮澳洲牛面肉  間場熱食。牛面肉慢煮2至3小時，軟腍多膠原。汁煮香濃，牛面頰同大根肉質同樣入口即化😀1️⃣3️⃣ 赤身吞拿魚  即吞拿魚背脊肉，深紅透亮，魚味濃郁，一口嚐盡鮮美1️⃣4️⃣ 大拖羅  第二款吞拿魚食法，肥美到一個點！油脂豐富，入口即溶，極致享受😭1️⃣5️⃣ 腦天  諗住兩款吞拿魚各有特色已經好經驗，點知原來師傅都仲有第三度板斧😂！腦天即稀有吞拿魚額頭部位，輕炙釋放魚油，香滑濃郁，媲美拖羅，再勝一籌，Just Perfect😍1️⃣6️⃣ 吞拿魚海膽軍艦  竟然仲有最後一味吞拿魚，真心佩服😂大量新鮮加拿大赤馬糞海膽混合吞拿魚蓉，無需一粒飯。海膽絲滑，香蔥吞拿魚肉打得幼滑，質感分明。用手一啖啪入口，澎湃滋味久久難忘🥹⋯⋯1️⃣7️⃣ 燒吞拿魚下巴  真的服了😌五款吞拿魚美食各有特色。呢款鹽燒吞拿魚下巴同樣肥美，鮮嫩多汁，一啲都唔舒前面嗰幾味刺身。魚皮燒至脆卜卜，脆口似薯片，配柚子醬汁解膩，齒頰留香1️⃣8️⃣ 面豉湯稻庭烏冬  滑嫩烏冬配清甜面豉湯，暖胃清滯，為豐富盛宴劃下完美句號1️⃣9️⃣ 刀根柿  爽甜當造日本柿子，飯後清新解膩2️⃣0️⃣ 雞蛋布甸  紮實滑溜甜品，溫柔收尾整體來講，榊原Omakase食材新鮮多元，師傅刀功出眾，用心製作每道菜式🤩係從頭食到尾都誠意十足嘅高質日本料理體驗。Omakase黎講價錢合理，氣氛舒適，適合重要節日或想犒賞自己嘅時刻🥰…查看更多

真開心，放一日假搵好嘢食！約好姊妹一齊去食廚師發辦，嘆足兩個半鐘，去咗久聞大名的「榊原」，晏晝食更化算，揀咗最豐富嘅「蟬時雨」每位$668，有刺身、壽司、和食、雲丹及卷物。魚種非常特別，例如尾場鯛、葉血引、紅鰤魚 ，份量亦都豐富，非常滿意。缺他不可的熱辣辣超滑海鮮蒸蛋，一般都是由佢開始，然後是刺身系列，新鮮北寄貝．蘿蔔苗．醋汁，酸酸地開胃。牡丹蝦，以蝦膏做醬，綜色嗰啲就係，超美味。墨魚．三文魚子，鯖魚．炸蒜芝麻，既新鮮又肉厚。天婦羅希魚南瓜，炸醬好薄。到壽司系列了，依次序有赤貝壽司、尾場鯛、葉血引、紅鰤魚、深海池魚、北海道銀鱈魚、大拖羅。我最鍾意的北海道馬糞壽司，黃馬糞、赤馬糞組合。蔥拖羅手卷有蔥、拖羅肉、天婦羅，所以脆脆哋。玉子係湖北蛋加蘭王蛋做的，最後是麵豉湯及抹茶雪糕。…查看更多

天后榊原午市Omakase體驗，16道菜只需$668，性價比極高，是港島區難得的高質選擇。前菜以蟹肉絲茶碗蒸揭開序幕，細膩滑嫩，蟹肉鮮甜令人胃口大開。刺身部分精選4款海鮮：骨膠原鯛魚配醋凍清新爽口，赤貝與北寄貝鮮甜爽脆，仙鳳趾真蠔口感Creamy柔滑，加拿大牡丹蝦則帶出蝦膏的濃郁風味，鮮味十足。天婦羅選用了沙椎魚與南瓜，炸至金黃酥脆，外皮香脆內裡鮮嫩。壽司部分6貫匠心獨具，包括：深海池魚、劍魚腩、火炙甘鯛配芥末、鮮美的中拖以及秋刀魚搭配薑蓉蔥花和火灸右口魚，每一貫都展現鮮魚的原味與師傅的細膩手藝。雲丹飯特設白海膽與馬糞海膽兩款選擇，海膽鮮甜濃郁，配飯相得益彰。拖羅手卷油脂豐腴，入口即化。湯品為傳統麵鼓湯，清淡解膩。甜品包含滑嫩玉子布甸蛋與香甜香蕉雪糕，為整頓餐點畫上完美句號。整體而言，榊原午市Omakase不但份量十足讓人飽足，其食材新鮮度與烹調技巧俱佳，無論味道層次還是賣相皆具水準，是喜愛日料的食客不容錯過的優質選擇。…查看更多

榊原午市Omakase 16道菜只係$668，港島區性價比極高，午市套餐份量充足，絕對飽肚！前菜 蟹肉絲茶碗蒸，細膩滑嫩，蟹肉鮮甜刺身4品 骨膠原鯛魚配醋凍，清新爽口 赤貝及北寄貝，鮮甜且口感香脆仙鳳趾真蠔，質感Creamy滑順 加拿大牡丹蝦蝦肉鮮甜香糯，加埋濃郁蝦膏黎食💯天婦羅 係沙椎魚加上南瓜壽司6貫 深海池魚劍魚腩火炙甘鯛中拖羅秋刀魚火灸右口魚每貫均鮮味突出，其中終於嘗到時令秋刀魚，秋刀味道肥美右口魚火灸過亦油香滿滿雲丹飯 有兩款海膽：白海膽加上馬糞海膽，海膽鮮甜濃郁入口即溶拖羅手卷 拖羅加上香蔥好蔥味香口湯品 麵鼓湯甜品 最後既玉子布甸蛋滑嫩香蕉雪糕…查看更多

又食omakase😆今次係食omakase 20品，有刺身、壽司🍣、和食、湯同甜品😋最驚喜係估唔到食omakase居然搵返兒時嘅味道👅就係漬物伴菜，忍唔住係咁encore refill😹😹😹師傅話佢哋自己醃嘅，其實材料好簡單，就係加日本醬油同糖👻講返主角先，第一品前菜係比較簡單嘅番茄、不過上面加埋鹽吊味、係幾fresh幾開胃嘅～跟住就嚟到石鰤魚配醋啫喱 — 啫喱酸味平衡咗魚嘅油膩感、口感清爽😆下一品係日本島根板其蠔，同其他日本蠔相似，比較爽身、有海水味🌊、上面有酸汁提升鮮味，整體乾淨利落😙壽司:🐟 深海池魚配淮山磨蓉+蛋黃醋 — 呢個幾有驚喜，調味濃郁，有層次感🤍白見貝+柚子皮 — 白見貝赤即係日本象拔蚌，貝肉爽脆，柚子皮帶出清香🔴 新鮮赤貝 — 彈牙又有鮮味，切法更加有咬口🟡 火炙金鯛魚 — 一向對火炙壽司都冇抵抗力😆🦀 北海道毛蟹飯 — 拆晒肉jab jab jab ～ 🔔 油坊主+馬糞海膽 taco — highlight of the day!!! 係我第一次試油枋主，原來係比較少見、油脂比例達40%嘅日本魚🤔炸完出嚟魚肉仲係好嫩滑，加埋超鮮甜馬糞海膽，勁滿足😝🕰️ 慢煮四個鐘南非鮑魚 — 口感柔韌而不失彈性😜🦐 鬚長蝦 — 用花雕酒醃咗一晚，醉蝦也🌿大葉包吞拿魚面豬登 — 油脂豐富、大葉帶出香味仲有赤鯥魚、大拖羅、骨膠原甜蝦、北海道白海膽，都好新鮮😆北海道白海膽同馬糞海膽比就偏清甜～更加唔少得香口鹿兒島A5和牛😝😝仲有原條和歌山燒香魚，調味重手咗少少🤏最後魚湯烏冬係用所有食材嘅骨熬成，精髓所在，食落好舒服😌甜品係玉子燒同玉子布甸，玉子布甸望落似crème brûlée，食落就係布甸口感😆整體嚟講，食材新鮮、二十品夠晒豐富，大滿足🤰 …查看更多

靜岡水果番茄真係水果級數，好甜，爽口開胃。 深海池魚肉質細嫩，入口即化，同山藥蓉嘅清爽好夾。象拔蚌爽脆鮮甜，北寄貝軟滑細嫩，赤貝厚實有彈性，各有特色。 鐘意貝類加左檸檬皮碎好清新。帶子天婦羅份量十足、新鮮大粒，肉質厚實而嫩滑。 帶子炸得岩岩好，外脆內嫩，酥脆同海膽滑順嘅對比令味道好豐富。黑陸魚魚肉軟滑帶甜。室津真蠔新鮮肥美，入口軟腍，完全唔會有海水咸味，係好純粹嘅甜。北海道毛蟹蟹肉結實鮮甜，蟹膏濃郁，同係日本食高級蟹專門店既水準差唔多，新鮮水潤。赤蝦配左濃味嘅蝦膏同蘭王蛋，但完全冇搶fo，赤蝦大隻爽甜好鮮味。南非鮑魚經過4小時慢煮，質地更柔軟，入味但調味岩岩好，感覺食左鮑魚最幼細嘅位置。魔鬼魚面肉滑中帶一絲絲肉嘅彈性，配清新嘅紫菜醬好舒服。腦天油脂豐富，滑順，魚香突出。 赤身魚味濃郁，醬油漬做法帶點鹹香。拖羅肥美到極點。A5和牛虎蝦海膽卷組合好奢華，和牛燒到油花香氣四溢，入口即化，虎蝦肉質彈牙，鮮甜味好出，加埋海膽完全係將人類鐘意嘅食材齊集，冇可能唔好食。…查看更多

Omakase最緊要係食材新鮮，今晚感受到用料好靚，會心掛掛想再黎。靜岡縣水果番茄簡單切開加少少鹽已經好好食，多汁清甜。白見貝新鮮厚切，超甜。帶子天婦羅配馬糞海膽，手卷咁食法口感好有層次，天婦羅同紫菜雙重脆口，帶子同海膽滑溜，個鮮味好突出，creamy嘅海膽將全部野融合埋一齊。深海池魚上面淋左山藥泥同蟹黃醋，滑上加滑，即使池魚係比較肥嘅位都唔會膩。北寄貝同赤貝同樣新鮮，拍一拍仲郁緊，前者柔軟爽滑，後者厚身爽口，有淡淡檸檬香提鮮。黑陸魚火炙過好香口，肉質軟滑。兵庫縣室津真蠔不愧為全日本第二，大隻飽滿，鮮甜到過左幾分鐘口入面仲有個甜味。北海道毛蟹望住師傅拆肉，一梳梳仲保持肉汁，鮮甜就唔洗講，最正係蟹膏好似大閘蟹膏咁香，鮮上加鮮。赤蝦加蝦膏同蘭王蛋賣相一流，驚喜地蝦膏極度濃郁，蝦味爆棚，赤蝦沾上滿滿蛋汁同蝦膏好rich，係我食過最濃味最鮮嘅赤蝦。慢煮南非鮑魚軟腍入味、煙煙韌韌，指定動作要點埋甘香嘅肝醬，全部精華食哂。魔鬼魚面肉天婦羅好嫩滑，紫菜汁清清地食返個原味。腦天喺築地留下嘅回憶麻麻地，終於打破咗我印象，原來吞拿魚頭頂呢個位置係好嫩滑，比起一般赤身更滑。赤身醬油漬輕輕醃左幾分鐘，赤身好幼滑，唔洗點咬就化開，魚味濃。A5和牛虎蝦卷一半生牛肉一半火炙，平時鍾意香口嘅我難得地覺得生嗰邊好食啲，食到個軟滑同牛肉香味，馬糞海膽濃郁creamy。汁煮蠑螺彈牙入味。…查看更多

餐廳離天后地鐵站僅兩分鐘路程，裝潢以木系為主調，簡約舒適，餐廳亦設有私隱度高的獨立房。是日以板前型式用餐，用餐同時可欣賞主廚的烹調及擺盤😍蛍狩 Hotarugari $1480🌟豆腐凍麵 豆腐凍麵潔白細緻🤍麵條柔滑，豆香濃郁，帶有獨特的豆腐細膩感，清涼爽口🌟日本長崎縣 華漣真蠔
長崎縣華漣真蠔🦪初夏4至7月最盛產🌞生蠔豐滿厚身，口感十分爽口，味道鮮美，食落海水味唔會過鹹🌊加入酸汁及醋啫喱，味道更清爽酸甜，平衡了蠔的濃郁鮮味🌟深海池魚
深海池魚魚肉滑嫩且彈牙🐟面頭山芋蓉柔滑細膩，配上微微酸香的蛋黃醋醬💛及清新的葱花作點綴，層次豐富🌟小池魚 
小池魚切成一粒粒，加入姜蓉及葱花攪拌均勻，點綴黃色花瓣🌸色彩自然清新🎋整體入口柔滑細膩🌟北海道毛蟹
北海道毛蟹外觀精緻🦀蟹腳肉鮮甜細膩，蟹膏香味濃郁。搭配蟹醋的酸香清新，達至提先效果。🌟花雕酒浸鬚長蝦鬚長蝦以花雕酒醃泡一整晚🦐外觀通紅透亮，蝦肉細膩多汁，鮮嫩彈牙，入口即化🍶花雕酒的醇厚香氣滲透每一絲蝦肉，鮮甜中帶有回甘🌟米紙A5和牛配北海道馬糞海膽
薄薄的米紙，承載著A5和牛🐮及馬糞海膽💛前者軟嫩多汁，脂香滿滿，後者味道甘甜，質感細膩，再灑上淡雪鹽🧂一啖入口，令人回味無窮🌟慢煮南非鮑魚
南非鮑魚經4小時慢煮🎐充分吸收湯汁的鮮香，配上醇厚的鮑魚肝醬，鮑魚肉質細膩而不失彈性🌟可樂餅配楤之芽
可樂餅外層酥脆，內裡包著蟹肉🦀冬菇、洋蔥🧅口感豐富；楤之芽清脆爽口，帶有淡淡回甘🌟日本白見貝
愛之縣產白見貝食落十分爽口🌟金鯛魚表面炙燒過的金鯛魚，帶出豐富油脂香氣。魚肉柔嫩細膩🌟赤貝赤貝質感彈牙爽脆🌟大拖羅 大拖羅粉嫩油潤，脂肪紋理細膩均勻
🌟北海道喜之次炙燒後的魚皮微脆，味道鮮甜濃郁
🌟腦天 吞拿魚頭殼頂腦天即吞拿魚頭殼頂，脂香豐富
🌟海鮮昆布卷 以昆布包裹著骨膠原鯛魚、拖羅蓉及甜蝦，頂部點綴鮮橙色魚子和金黃的海膽，色彩層次分明。拖羅蓉細膩滑順，甜蝦鮮甜多汁，魚子一咬即爆，海膽入口即化
🌟吞拿魚下巴外層金黃酥脆🐟肉質細嫩多汁，脂香濃郁，搭配微酸爽脆的紅白姜芽🫚及柚子酸汁，酸香解膩🌟魚湯烏冬 
湯頭以大量魚頭與魚骨長時間熬製🐟口感濃稠順滑，味道鮮甜，烏冬彈牙挂湯🌟玉子布甸玉子布甸質地平滑細緻🍳散發濃郁的蛋香
🌟水信玄餅 
水信玄餅外觀晶瑩剔透，搭配黃豆粉與黑糖醬，味道香甜清爽，甜而不膩…查看更多

天后這間omakase 午餐套餐物超所值，三款價錢，主要分別在於刺身・寿司和食・雲丹・卷物的選擇，我點了OMAKASE 16品 $668，食到捧住肚皮走，而師傅時間拿捏得好準，剛好1.5 小時就完成，之後去返工😂廚師做壽司技術純熟，服務周到。例如，當我直接用手拿壽司後，服務生給了我一張濕紙巾～ 廚師很樂意對壽司進行一些小改動，除了常見的醃薑，他們還有其他醃菜（例如大蒜、櫻桃、蘿蔔），壽司也喜歡加了炸蒜、西檸汁等等～ 讓事情變得更有趣。13品入面，我最欣賞：深海池魚薄切刺身· 辣蘿蔔蓉·酸味啫喱好重魚味及鮮味，加上有配料令味道更有層次九洲長崎生蠔🦪一入口口感係爽口，食到尾就好creamy，一款蠔有兩種感受👍🏻而且這款蠔在日本己連續幾年拎金獎🥇就快水尾🥹大家想食要快啲去食😋魔鬼魚紫薯天婦羅🍤炸粉好薄、魚肉結實，而紫薯香味很濃👍🏻北海道右口魚手卷肉質很滑，油脂豐富一入口就有香濃的魚油味。活赤貝外層口感爽脆，而貝肉幼嫩。海水味濃郁且帶有鮮甜味😋大拖羅🍣近乎入口即溶🤤油脂豐富、味道甘香，十分肥美中拖羅手卷脂肪含量為赤身及大拖羅之間，魚油甘香與濃郁魚味並存😋加上有天婦羅脆脆更富口感海膽飯海膽都係入口即溶味道甘甜、質感細膩。師傅仲提供咗紫菜俾我哋包來食。雞蛋布甸好香雞蛋味，口感很滑麵豉湯好濃郁的麵豉味最後以好濃好多果仁的開心果雪糕完結今餐美味的Omakase🍣…查看更多

見到呢間午市有三個set選擇，如果淨係叫壽司15貫嗰個，最尾2貫壽司仲可以自行Omakase，都幾吸引。但我決定食好啲，叫咗咩都有嘅:《🌧️蟬時雨 semishigure 628+1》平日午市都接近滿座，記得要提早預約。食材新鮮，師傅亦會利用唔同技巧，盡可能發揮當日新鮮食材最鮮滋味。呢度同出面唔同嘅，仲有一啲喺第度未食過嘅魚類，尤其又口魚邊，令我驚訝🤩▪茶碗蒸海鮮為主(蟹肉🦀 • 魚肉🐟 • 貝殼類)，滑滑鮮味濃.▪刺身▫️薄切魚 : 酸汁啫喱 • 辣椒油，捲埋黎食▫️新鮮生蠔▫️新鮮大蝦 : 配蝦頭醬汁，爽口肉質▪和食▫️魔鬼魚天婦羅 • 紫薯天婦羅 : 炸漿層脆脆薄薄，唔油.▪壽司 (𝟔款) 🍣▫️骨膠原鯛魚 : 清甜結實 • 肉質肥嫩▫️北海道北寄貝 : 肉厚鮮甜▫️赤貝▫️金目鯛(炙燒) : 肥美綿滑▫️雪花拖羅 : 幼筋(冇大拖羅咁粗筋)， 滿滿魚油香 配香脆炸蒜粒🧄▫️右口魚邊(炙燒) : 油脂出晒黎🤤脆紫菜包住▪(雲丹)北海道馬糞赤海膽 配紫菜 濃厚甘甜🧡▪(推介) 蔥拖羅手卷 : 拖羅蓉份量爆多，加左天婦羅碎碎衣，綿中帶脆口感更豐富💖.▪味噌湯.▪布甸蛋▪開心果雪糕有開心果碎粒粒💚奶香味濃…查看更多

約左女神食飯，我已經爬哂文，知道呢間廚師發辦好高質。果然，成餐飯係好正，我揀咗20品的Hotarugari 🌟🌟 上半場，餐廳俾d 清新既菜色：🌟愛知縣水果蕃茄配岩鹽🌟白見貝🌟炸帶子配馬糞海膽🌟深海池魚山芋蛋黃醬🌟北寄貝🌟赤貝🌟金鯛魚🌟日本兵庫縣室津生蠔🌟新鮮蟹肉🌟刺身蝦當我仲諗緊會唔會唔夠飽既時候，餐廳繼續送左好多道菜來，每一道都正ga 😋 🌟魔鬼魚面珠墩肉，紫菜高湯汁：呢款菜式嘅魔鬼魚肉質鮮美，配上紫菜高湯汁，味道獨特又好夾，出色 🌟 米紙銀鱈魚海膽：呢款菜式嘅銀鱈魚肉質鮮美，配上馬糞海膽，味道獨特🌟A5鹿兒島和牛，腦天 （吞拿魚稀有部位），大拖羅：唔係講笑，真係每件都係滿分既 😋🌟燉牛腩：牛腩肉腍到呢，係入口既溶，同埋d 汁已經滲咗入牛腩入邊 🌟馬糞海膽，三文魚子，吞拿魚蓉：呢個菜式絕對睇得出廚師既心思，馬糞海膽、三文魚子同埋吞拿魚蓉都非常新鮮，夾埋一起，提升左個鮮味啊 🫶🏻尾段，仲有 🌟甜品蒸蛋 🌟魚湯烏冬 🌟焦糖燉蛋。大大大滿足，埋單$3256 （2人用餐，包10% 服務費）。女神食得好開心，今次掂哂 🤭🤭…查看更多

朋友請食飯，去咗呢間係天后嘅榊原，朋友仲book 左私穩度高既房 👍👍 講心事都唔驚俾人聽到啦 🤭 我地食左20道菜廚師發辦 🌟 真係每一道菜都有驚喜 ❤️❤️ 全部都好好食啊 👍👍🍽️愛知縣水果蕃茄配岩鹽：呢個前菜嘅蕃茄新鮮多汁，配上岩鹽，味道清新。🍽️白見貝：好新鮮，肉質鮮美，口感豐富。🍽️炸帶子配馬糞海膽：炸左既帶子外皮酥脆，內裡鮮嫩多汁，配上馬糞海膽，加埋紫菜食，超正 😋😋🍽️深海池魚山芋蛋黃醬：呢款菜式嘅池魚肉質鮮美，配上特製嘅山芋蛋黃醬，非常美味。🍽️北寄貝，赤貝，金鯛魚：無得挑剔，100 分 😋🍽️日本兵庫縣室津生蠔：呢款生蠔新鮮多汁，味道鮮美，加埋d jelly , 好夾啊 🫶🏻🍽️新鮮蟹肉：呢款蟹肉新鮮多汁，味道鮮美。🍽刺身蝦：呢款蝦肉質鮮美，口感豐富。當我地已經好開心好滿足，餐廳仲不停遞上精美菜式。之後仲有：🍽️魔鬼魚面珠墩肉 🍽️米紙銀鱈魚海膽 🍽️A5 和牛 （來自鹿兒島）🍽️腦天 （吞拿魚稀有部位）🍽️大拖羅🍽️燉牛腩🍽️馬糞海膽，三文魚子，吞拿魚蓉 🍽️甜品蒸蛋🍽️魚湯烏冬🍽️焦糖燉蛋 😋😋😋我地兩個人食左20 道菜既「蛍狩」，由 19:00食到21:30 先埋單，期間店員服務周到，但唔打擾，每一道菜都係精心製作既 ❤️ 性價比好高 👍👍👍 有重要節日既，這間餐廳絕對係非常好嘅選擇 ❤️ 今次我地坐係私穩度高的房，好啱私人聚會既。不過，如果鐘意熱鬧，都可以坐bra 枱，對住廚師食omakase , 又有另一種體會 ❤️…查看更多

呢晚同朋友去天后食Omakase，由頭到尾每一道菜都係藝術品。頭盤番茄，簡單清新，酸甜平衡，為整個餐單開個好頭。接住嘅石雕魚，入面嘅昆布絲增添咗層次感，上面嘅蘿蔔苗帶出淡淡辛香味，值得回味。島根隱崎岩蠔鮮甜濃郁，入口即化。天婦羅帶子配白海膽更係精彩，外脆內嫩，海膽嘅甜同帶子嘅鮮味融合得天衣無縫。赤貝同八見貝鮮味十足，甘鯛魚亦係煎得外脆內滑，令人驚喜。北海道毛蟹加醋酸甜開胃，牡丹蝦刺身鮮嫩甜美。北海道油坊主肉質結實，慢煮4小時南非鮑魚更係嫩滑到不得了，大蜆湯濃郁鮮甜，溫暖人心。昆布海鮮卷層次豐富，每一口都係驚喜。壓軸嘅大拖羅同鹿兒島A5和牛，油花分佈均勻，入口即溶，絕對係極致享受。吞拿魚眉心（腦天）亦係肥美香滑。最後嘅腐皮明太子天婦羅、玉子布甸、魚湯同焦糖布甸作為完美收尾，甜品輕盈又滿足，呢餐Omakase真係無得輸，唔單止食材一流，師傅手藝更加出神入化，絕對值得再嚟！…查看更多