極尚大喜屋

营业中

休息中

相約好朋友一家晚餐，當中有人提議去食大喜屋放提。 我訂位先知原來旺角之前大喜屋搬左去雅蘭商場。 知道用餐時間只有2小時，所以去到即刻每款刺身Order 10片，大家都讃刺身新鮮而且厚切，大蝦刺身更好味，所以之後都有再返叫幾款刺身。另外椰皇燉鮮奶好味，我地7個人都叫左11個😅。 其他熱食特別燒生蠔及扇貝更加無得輸。雪糕櫃及飲品櫃超多選擇， 而且自助食物區仲有好多選擇👍🏻。 職員服務態度表現好好，定時來收碟。會推介朋友來食，自己都會再黎🤭

講起食放題，食大喜屋，一定係佼佼者，定時轉新餐單，配合時令食材，選擇好多，好有心思，誠意十足！晚市$298/人，食足120分鐘，相當抵食！  🍣刺身壽司 回本之選一定係* 金槍魚腩，肥美！入口即融。三文魚刺都好厚身滑溜，蝦刺身夠甜，擺盤都好精緻，認真唔錯。  壽司方面，質素也令人驚喜，包括帶子壽司、花之戀、油甘魚、鵝肝壽司等等應有盡有，每款都各有千秋！   🦐冷盤海鮮 包括青口、海蝦、海螺🐚等等，全部都好有鮮味！  🥢中式 包括小籠包、蝦餃等等確實很有心思！  🍖燒烤 如果你係食肉獸一定不能錯過燒烤類！芝士燒鮮蠔，蠔隻飽滿，好入味！仲有燒菠蘿、牛舌、雞軟骨串等等，毫不比燒烤店遜色。  另外仲有粥品、例如鮮甜的鮑魚皇帝蟹王粥，用料不俗；甜品款式多任君選擇，令人回味無窮。

同屋企人每隔一段時間就會想食放題，因為依度選擇極多，大家想食嘅嘢都有，仲越來越多新款式又高質餐廳地方寬敞座位舒適外邊自助區真係包羅萬有，每次都會飲羊肚菌烏雞湯，滋補養顏冷盤海鮮有青口、蝦同翡翠螺，仲有其他小食，例如麻辣魚皮、帶子裙邊，當然唔少得點心，另一邊仲有口水雞，連葡撻都有每次去都好有驚喜，劣福岡芝士漢堡，擺盤好靚，好高級，好多芝士再配合埋溫泉蛋，誠意之作刺身好新鮮，松葉蟹腳、帶子、三文魚、甜蝦厚切又新鮮壽司都好多新款式、乳鴿、西京燒、壽喜燒、蟹粥，仲有蛇羹芝麻雞翼必食，皮脆肉嫩燒物：鵝肝煎得剛剛好，外脆內軟，入口即溶每次都要食燒菠蘿同翠玉瓜川味燒蠔同金蒜蓉粉絲蒸扇貝不停encore香濃蒜蓉味加埋孜然粉，食不停口記得食埋甜品，椰皇燕窩燉蛋白，爽口養顏燒榴槤同Häagen-Dazs Movenpick 雪糕

極尚大喜屋(旺角) ．抵食飽到扶牆走！今次同大家分享一間位於旺角嘅放題餐廳——極尚大喜屋，地址喺旺角雅蘭中心4樓。呢間餐廳主打日式同中式放題，中午時段每位$268，可以食足3個鐘，真係抵到爛！而且食物種類包羅萬有，質素仲要相當高，絕對係「食到扶牆走」嘅好選擇！以下就同大家逐樣講吓我試過嘅美食，樣樣都值得推介！1. 經典蛇羹(必食)一開波就試咗佢哋嘅經典蛇羹，真係驚喜十足！蛇羹湯底濃郁，蛇肉絲滑嫩，仲有木耳、冬菇等配料，口感豐富。飲完一碗即刻暖笠笠，好適合秋冬時節食，絕對係「補身之選」！2. 極尚椰皇燕窩燉蛋白(必食)呢個甜品真係不得了！椰皇燉蛋白入口滑溜，椰香味濃，仲有燕窩絲點綴，食落去感覺好滋補。雖然係放題，但呢個甜品嘅質素完全唔輸高級酒樓，食完仲想encore！3. 天婦羅蝦天婦羅蝦炸得金黃酥脆，外皮薄而脆口，蝦肉彈牙鮮甜，完全冇油膩感。點埋天婦羅汁，更加提升鮮味，係我食過最正嘅放題天婦羅之一！4. 脆炸貓山王榴槤控必試！外層炸得香脆，入面係濃郁嘅貓山王榴槤肉，一咬落去，榴槤香味即刻爆發，口感外脆內軟，真係食到停唔到口！5. 鹽燒雞軟骨串鹽燒雞軟骨串燒得剛剛好，外皮微焦，咬落去脆脆

之前戒口好耐冇食魚生，終於忍唔住要盡情食放題。呢間放題出名高質性價比高，平日午市$268一位，食足兩個半鐘。一坐低即刻用QR code落單點刺身、壽司。呢度嘅魚生質素幾好，魚生新鮮，款款厚切，三文魚肥美，池魚王鮮味，希靈魚爽脆鮮甜， 赤蝦大隻爽口鮮味。壽司卷物做得好精緻，款式多多，我想食嘅都有齊。我最鍾意海膽魚子拖羅蓉餅，海膽鮮甜味美加上一啲拖羅同埋魚子鮮味好好食。我仲食咗兩件海膽軍艦壽司， 質素都好OK。炙燒左口魚裙邊壽司肥美入口即溶，花之戀都係我必叫嘅，肥美幼滑加上沙律醬＇如以往好食。熟食方面，有兩款新推出食物做得好精緻，我覺得係必點嘅。燒福岡芝心漢堡擺盤直情好似西餐咁，芝心漢堡扒流心效果好正，煎得牛肉好香，配埋溫泉蛋汁一齊食好正。香煎Black Tiger Prawn伴黑松露汁又係完全唔似放題嘢食，好高質，虎蝦大隻肉爽，配上香濃creamy黑松露忌廉汁好好味。燒物方面，我試咗川味燒蠔，蠔大大隻肥美，一啲都唔腥，川味少少辣同埋好多炸蒜好惹味。燒扇貝都幾厚肉，燒得啱啱好，唔會乾噌噌。中式嘢食都有好多選擇，我食咗蔥爆鱔球、金湯慢煮鮑魚花膠、燒乳鴿，全部味道都唔錯，幾有水準，食物整得算好

最近又同朋友去咗呢度食放題，鍾意佢環境地方大，座位坐得舒服。午市放題$268/ 位任飲任食， 食物種類選擇多，仲有多款中菜都好出色，老少咸宜一家大細都啱食，食物水準高，上菜速度快，食到好飽好滿足。必點推介：🔶刺身： 刺身新鮮厚切，特別鍾意大赤蝦😚🔶魚籽柚子鱆紅魚薄切🔶金湯慢煮鮑魚花膠：鮑魚炆到好腍又彈牙花膠厚厚的又入味。🔶上湯翡翠百合螺片：高級中菜嘅質素，好足料🔶燒乳鴿： 皮脆肉嫩，可以任食超爽🔶酥皮焗周打魚湯：有驚喜，超好飲！🔶燒生蠔：肥美鮮甜🔶海膽吞拿魚蓉最中餅🔶椰皇燕窩燉蛋白：好香滑！自助區好乾淨企理，可以自取：🔹小食前菜、冷盤、水果、蒸點心🔹多款飲品、啤酒、淸酒梅酒🔹各式甜品、雪糕雪條

約左媽咪食午餐，12點上去，餐廳已經坐滿咗三份二，真係好多人食！款式豐富，味道款款合乎水準。-見到每台人都會叫一盤刺身，新鮮嘅刺身，刺身款式繁多，有三文魚油甘魚，甜蝦帶子等等，刺身味道新鮮，又夠肥美。-熟食有炸乳鴿，出面好少放題會有呢種菜式！炸到脆卜卜！香口得來又好肉汁！-鵝肝壽司，油甘魚壽司，三文魚腩壽司🍣唔會整到好大嚿！可以試多幾款，真心唔錯😋-酥皮焗周打魚湯，呢一款真係好吸引！酥皮超好食，而且魚湯都好好飲！-葡式煮蜆，超鮮甜嘅味道！湯底好濃郁！而且蜆肉好新鮮！-金蒜粉絲蒸扇貝，蒜蓉味夠香！扇貝都好新鮮！自助吧有大量日式前菜，我媽媽最鍾意食佢嘅前菜！仲有水果，蛋糕，大量Häagen-Dazs同movenpack雪糕，仲有自助飲品區仲要好多選擇！呢一間仲有生啤任飲，鍾意飲酒朋友一定唔好錯過啊

冇嘢開心過午市都可以食放題🥳🥳🥳, 呢度嘅放題真係多不勝數, 而且唔係一般嘅放題,除咗中西日都有齊，但係中菜唔係普通嘅🥘🧆中菜真係我哋飲熱嘅中菜款式都有，今次去旺角呢間分店，估唔到連蛇羹🐍都有🤣上菜又快手嘢又好食地方又闊落,唔怪之得中午都爆曬場,👶🏻👧🏻🧒👩🏻👵🏻🧓 今期佢哋推出咗黑松露忌廉虎蝦🍤呢個真係好鬼正, 呢個我encore 咗幾次，仲有佢哋嘅雪燕椰皇🥥燉蛋白係女仔都超級鍾意，又唔太甜夠晒熱又滑溜溜😍😍😍

同班friend去咗旺角食日式放題，真係好滿足！一坐低就即刻落單，第一round就試咗天婦羅秋葵同南瓜天婦羅，炸得啱啱好，外脆內軟，秋葵仲keep到啲汁，好正！跟住仲有芝麻雞翼，皮脆肉嫩，啖啖肉，食到停唔到口。芝士年糕就更加唔使講，一咬開啲芝士流晒出嚟，熱辣辣，好香濃！刺身方面，赤貝同帶子都好新鮮，赤貝爽口彈牙，帶子就鮮甜得嚟仲好滑溜。俄羅斯甜蝦刺身都唔錯，蝦肉鮮甜，食落去有啲回甘。仲有拖羅蓉軍艦同海膽手卷，拖羅蓉入口即化，海膽就濃郁得嚟唔腥，真係食到唔想停。燒物方面，鹽燒牛舌同牛油燒翠玉瓜都好出色，牛舌燒得啱啱好，唔會太韌，翠玉瓜就吸晒牛油嘅香味，食落去好juicy。鐵板鵝肝就更加係驚喜，外皮煎到脆脆哋，入面就係入口即化，好香濃。最後仲有蟹黃海皇粥，粥底好綿滑，蟹黃嘅香味好突出，食完之後成個人都暖笠笠。燒有機新鮮菠蘿就係完美嘅結尾，菠蘿燒到微焦，甜得嚟帶少少酸，好解膩。

今日返工唔開心☹️所以特登去食大餐，希望可以令自己心情好返啲，最後揀咗極尚大喜屋，放題任食，最重要嘅係佢有Häagen-Dazs雪糕任食❤️同好多放題唔同嘅地方就係除咗平時食到嘅日式嘢🇯🇵仲有唔少香港本地嘅美食，例如點心、蛇羹⭐️酥皮焗周打魚湯魚湯味濃，足料，送到上枱嘅時候仍然熱辣辣，酥皮好鬆脆⭐️蛇羹細細碗，但好足料，有埋蛋散，冬天食一定暖笠笠🥰⭐️榴槤燒我好鍾意食榴槤，佢嘅榴槤燒基本上佢係成舊榴槤送上嚟，加上燒完水份少咗，甜味更勁，好正😋⭐️刺身擺盤超靚，刺身款式多，仲有松葉蟹腳，刺身肉厚新鮮🤤

放題食左咁多次，開始好識食🤭除左刺身必食，壽司都係必試👍🏻👍🏻當然，除左日本料理，都有其他推介😌～刺身～池魚王刺身：新鮮的魚肉，口感滑嫩。油甘魚：肉質緊實，脂肪含量適中。松葉蟹腳：肉質鮮甜，搭配檸檬汁，提升了整體的味道。～壽司～鵝肝醬薄牛壽司：創意十足，牛肉的鮮嫩搭配鵝肝醬，風味絕佳。牛油果醬吞拿魚：融合了鮮魚與牛油果的滑順，口感豐富。三文魚腩：脂肪含量高，口感柔滑。魚籽醬北海道帶子：帶子鮮甜，魚籽鹹香。極品大赤蝦：肉質鮮美，口感細膩。～熱菜～羊肚菌烏雞湯：滋補又美味，適合冬天享用，暖心又暖胃。鹽燒牛舌：外焦內嫩，獨特的鹽味提升了肉的鮮香。-金蒜蓉粉絲蒸扇貝：蒸的扇貝鮮嫩，蒜蓉香氣撲鼻，令人垂涎。時令蟹黃扒冠軍豆苗：蟹黃的鮮甜與豆苗的清香相得益彰。～甜品/湯品～極尚椰皇燕窩燉蛋白：清新爽口，極具養生價值組典花蛇羹：獨特的花蛇羹，湯底鮮美，滋補又有特色。～｜特別推薦｜～燒溫室甜菠蘿：作為菠蘿發燒友，極推👍🏻👍🏻焦糖化的菠蘿香甜可口，帶有熱帶風情。厚切鵝肝：質地柔滑，口感豐富，是愛好者不可錯過的美食。川味燒鮮蠔：帶有一絲辛辣，提升了海鮮的風味。

食物久久沒到，好些東西點到走也沒有出，食物沒温度沒味道，已向經理反映，質素如同兆萬中心，但價錢就貴很多！不知道那來的自信定價，走前也聽到其他食客也說差評！除魚生跟罐裝飲料屬正常，其他大多也不合格，之後睇到其他評論才後悔莫及，香港真淪為不值得消費的地方！

今晚同朋友去左旺角食放題，成日都無食野，所以我哋叫左好多野食：-刺身盤（超級要食）叫咗三文魚、帶子、油甘魚、甜蝦、赤蝦、螺片、赤貝、蟹腳，全部都好新鮮～-乳鴿（超級要食）咪睇佢細細隻佢好多肉㗎👍🏻-泰式虎蝦（超級要食）呢個又一定要試吓，好好味-飛天豉椒蟶子（必食推介）有鮮香的海鮮味，小小辣，好惹味-蛇羹（必食推介）天氣凍凍地暖下肚都唔錯-酥皮焗周打魚湯（必食推介）魚湯的滑順口感與酥脆的外皮相互輔助，帶來豐富的層次感-鱆紅魚薄切（一定要食）-枝竹羊腩煲 （一定要食）都好入味，份量略為多，兩個人分會比較好-蟹粉豆苗（必食）-甜品係燕窩燉蛋 （必食）唔夠飽仲有出邊嘅熟食可以出去攞，有蝦餃燒賣，炸餃子，口水雞，仲有超多飲品選擇，啤酒、汽水、珍珠奶茶🧋、果汁等等。

早收工嚟食大喜屋就最啱 食頭一輪都仲有時間消化😆出面嘅熱盤有椒鹽瀨尿蝦蝦、蒜香骨、辣子雞、炸餃子再行過啲就有中式點心 蝦餃皮薄餡靚㗎冷盤就有凍蝦同青口 生果仲有哈蜜瓜、火龍果、西瓜食完幾輪之後 要落單嘅嘢食就差唔多上菜啦豉椒炒蟶子超級惹味 西京燒比目魚香口得來魚肉好滑溜香煎Black Tiger Prawn拌黑松露忌廉汁食多幾隻蝦真係值回票價 隻蝦超級巨型 蝦肉彈牙鮮味仲有點少得海膽壽司呀 夠晒鮮味 一定要encore餐廳樓底好高 座位夠闊落 而且出餐速度好快兩個鐘都一定夠食飽

極上大喜屋長期都係我必食口袋清單入面🌟無論係食物種類定係質素，一直都保持得好好🥰🥰重點係定時定候就會出啲唔同款食物，令人唔會有食厭嘅感覺!!😛每次去都會好有驚喜~🤭今次新品發現❣️❣️❣️飛天豉椒蟶子❣️烤福岡芝心漢堡❣️蛇羹❣️香煎黑虎蝦拌黑松露忌廉汁❣️極品芝士烤榴槤羊腩煲 (期間限定!)刺身一樣大大件又厚切又新鮮~啲蝦超大隻!!🤯壽司都係咁有創意，味道保持水準🤓自助區又係好多選擇，個中湯好香好好味😚飲品多款，保證一定岩飲😏飛天豉椒蟶子係有鑊氣嘅味道，蟶子份量唔少，值得一試😋烤福岡芝心漢堡淨係睇個擺盤都贏左，勁高級咁，好多芝士仲要有粒蛋好香牛味，又好嫩滑!😍香煎黑虎蝦拌黑松露忌廉汁隻蝦好彈牙，個汁好好味，如果有埋意粉就正~覺得超夾呀😆極品芝士烤榴槤羊腩煲太獵奇我就唔敢試啦!希望有勇者試完話我知啦~~🤭🤭🤭