地址
荃湾大坝街4-30号荃湾广场L6楼615-620号舖
港铁荃湾西站 A1 出口, 港铁荃湾西站 A2 出口, 港铁荃湾西站 E2 出口
泊车资讯
荃湾广场停车场
详情
开饭介绍
曾在大围经营超过60年,以红烧乳鸽、椒盐虾等多道招牌菜而闻名。选用中山石岐的乳鸽用卤水胆先浸泡乳鸽、吊起风干2个钟,落单时先即炸。
营业时间
星期一至五
11:00 - 13:45
17:30 - 21:45
星期六至日
10:00 - 21:45
公众假期
10:00 - 21:45
公众假期前夕
11:00 - 13:45
17:30 - 21:45
付款方式
Visa, Master, AlipayHK, 支付宝, 现金, 八达通, 银联, Apple Pay, Google Pay, BoC Pay
座位数目
98
其他资料
酒精饮料切蛋糕费无障碍设施电话订座外卖服务加一服务费独家网上订座
更多
更新餐厅资料
商户专区
以上资料只供参考,请与餐厅确认详情。
食记 (86)
首篇食记作者 为食到震
山区面包王
食得「枫」骚
山区面包王
等级4
2024-07-29
2K 浏览
关注
几个月前嚟过一次食饭,觉得价钱唔贵,碟头够大,抵食!不过,因为𠮶次一大棚人嚟,唔方便影相,所以,就无出过食评。今次趁同旧同事聚旧,又想起「枫林」,就决定再嚟试试。原本只喺打算普通食饭订张枱,唯一要求喺无限时交枱而已,都预咗坐晌大厅,但嚟到惊喜咁俾咗个细房我哋。呢度整体装修几古雅,尤其啲厢房,墙上挂啲木雕,趁上啲仿古窗,配上木椅,非常古色古香:)。我哋刚好6个人,嚟之前就决定订佢哋较平嘅「喜庆欢聚全包宴 」($1788),一来贪佢全包,一口价唔会有再有咩杂费,二来有半席拣,份量应该啱啱好,三来又唔使谂食乜嘛,喺食饭懒人包。此外,店家仲有其他套餐,选择算多,丰俭由人,所以,专登扫描埋出嚟俾大家参考。喜灼海生虾 先嚟一大碟灼生虾,虽然半席咋,但份量唔少,而且,啲虾够晒大只,唔会虾毛仔,肉厚又鲜甜,货真价实嘅靓虾。黄金百花球 叫得黄金,当然要炸得够靓,个人就略嫌炸得色深较沉,未够金黄,不过,就炸得香口,里面虾胶打得好弹牙,本身已经炸得唔油腻,但沾上甜酸酱,食起嚟更清爽。金瑶扒双蔬有相你睇,所落嘅瑶柱丝一梳梳,一啲都无手紧,打成芡汁淋晒上面,而双蔬喺草菇加小棠菜,沾上金瑶芡,宁舍好味。干煸南非鲍鱼煲突然间一室香气四溢,原来个干煸鲍鱼煲提早登场,放上枱仍然仲喺吱吱声,热力逼人。啲鲍鱼鎅晒花,所以,入口更加入味,而且,口感柔韧有弹性,此外,就连啲葱都非常好食。竹笙海皇烩燕窝小弟戒鱼翅多年,呢个海皇羹更加啱我,虽然, 燕窝就唔喺好睇得出,不过,个海皇羹就推得好好,唔单止味道鲜甜,口感唔会太杰或太稀,仲有有好多海鲜料晌里面。清蒸金花尾斑 讲到食新鲜鱼,都喺清蒸最能够食出鲜味。呢条金花尾班估计都有斤半,蒸得啱啱好,l,夹起嚟唔会黐骨,啲肉质嫩滑到不得了,而且,确喺非常鲜味。蚝皇北姑鹅掌呢道菜喺宴席中比较传统嘅菜式,亮点通常都喺啲大花菇,而啲花菇确实又大又厚肉,同埋好有菇香,鹅掌亦都扣得好软腍,底下嘅生菜亦都煮得仲有阵爽口感,配埋个蚝皇芡够晒香浓。枫林招牌乳鸽 虽然餐牌中嘅乳鸽为第二道菜,不过,个乳鸽就好似平时食酒席嘅炸子鸡咁,近尾先压轴登场。乳鸽配埋啲七色虾片,喺呢度嘅招牌,不愧为招牌菜式,唔单止炸得皮脆肉嫩,啲乳鸽又腌得入味,而且,相对嚟讲都较大只,食到啜晒手指。瑶柱蛋白炒饭去到尾声,其实大家都好饱吓,加上同台女士多,所以,大家都喺浅尝呢一个炒饭。我就觉得个炒饭炒得有水汁,一来唔油,饭粒够爽身,二来里面料多,所以,味道一啲都唔寡。虽然剩番一大碟,幸好有朋友已有准备,自备胶盒打包成兜饭,环保唔好嘥嘢,赞呀!贺寿桃包 一种女士们为咗食个寿包而放弃个炒饭,老实讲,啲寿包又做得真喺唔错,外型几靓仔,咬落包身好软熟,食落唔黏牙,啲白莲蓉馅清香又唔会过甜。合时甜品合时甜品只喺红豆沙啫,都无话合唔合时,几时都啱食。睇样你就觉得平平无奇,食落你就知有啲深度,因为除咗啲红豆煮到够绵起晒沙之外,就喺渗出阵阵陈皮果香。今餐食得高兴,因为呢个旧同事组合相识几十载,喺好难得嘅事,加上今晚啲𩠌菜大家都好满意。不得不再提多次,个套餐嘅份量真喺好足,如果女士占多嘅话,无话有啲大胃王同枱,相信7、8𠮶人都可能够食。查看更多
枫林小馆 Fung Lum
以上食记乃用户个人意见 , 并不代表OpenRice之观点。
10
分享
检举
Rebecca 63
传统广东菜
Rebecca 63
等级2
2024-03-07
1K 浏览
关注
之前系湾仔店饮过茶、点心好👍🏻👍🏻👍🏻👍🏻睇完餐牌,想试吓晚饭。农历新年旧同事约食饭敍旧,所以book 左荃湾店。睇网上资料、知道炸子鸡及猪肺汤系招牌菜,早一晚打电话去订: 谁知炸子🐔原来要早两日订嘅。猪肺汤非常好饮、汤渣好食又滑,应该冇味精🥹一窝5 个人:10+碗汤👍🏻👍🏻👍🏻炸子🐔非常好味、皮脆肉滑:又有童年回忆嘅炸虾🍤片。南乳粗𪗋煲:入味又唔咸,份量适中。龙趸两食: 炒球及蒸头腩,个人喜欢蒸头腩多D:蒜味足又有骨胶原🤣 甜品(忘记影相): 香芒布甸,朋友话好好味,芝麻糕超👍🏻👍🏻职员服务态度好好及有礼貌。👍🏻👍🏻👍🏻👍🏻👍🏻查看更多
以上食记乃用户个人意见 , 并不代表OpenRice之观点。
赞好
分享
检举
faye1234
共聚就美
faye1234
等级4
2024-03-02
939 浏览
关注
与初创代朋友共聚,谈不完的话题,同步行动回味昨日。找到中间地点一起相聚,选了枫林。又开展疯狂选食时间。蒸物:虾饺,烧卖,叉烧包,六小福,虾肠,叉烧肠,绵花鸡,马拉糕,豆苗饺,排骨,凤爪煎炸物:萝卜糕,黄金糕,煎堆仔,椒盐白饭鱼,炒肠粉咩都有:泥孟粥,生菜,干烧莲藕条,镇江水晶肉私心推荐:泥孟粥(最正有果皮味,粥底绵鱼肉多),干烧莲藕条(开胃小食,莲藕条拉丝好好玩),椒盐白饭鱼(超惹味,送走佳品)。下次约实再见4月生日月。查看更多
以上食记乃用户个人意见 , 并不代表OpenRice之观点。
赞好
分享
检举
PinkyLi417
乳鸽晚餐
PinkyLi417
等级4
2024-01-21
2K 浏览
关注
荃湾广场六楼枫林小馆乳鸽四人晚餐$1198足料老火汤红烧脆皮乳鸽每位半只乳鸽算大只有肉仲有虾片伴碟店内有胶手套和湿纸巾提供唔怕污糟招牌生炒骨外皮脆身无骨唔会太厚粉椒盐海生虾虾几新鲜爽口秘酱嘟嘟唐生菜略嫌油多了些清蒸龙趸条鱼几滑但得好少肉而且比较多骨沙田滑鸡粥食到最后饱到食唔落但其实味道唔错鸡粥几入味仲有糖水红豆沙或南瓜西米露两款可选择加埋茶钱同白饭每碗$15都要$1650埋单今时今日出去食餐饭都唔平查看更多
以上食记乃用户个人意见 , 并不代表OpenRice之观点。
赞好
分享
检举
catherine22825
不过不失的生日饭
catherine22825
等级3
2024-01-18
1K 浏览
关注
今日老豆生日, 所以一家人就出去食饭庆祝下,唔洗煮呀麻! 之前系呢到饮茶, 觉得都ok, 所以就卜晚饭黎试下! 可能系闲日, 成间餐厅得个几台人, 气氛有D冷清, 但系人少少都好, 待应服务周到D。个部长见我地拎坐个蛋糕, 就提醒我地有$100蚊切饼费… 都ok既, 提定先, 废是有数嗌…由于我地都多人, 唔想谂就叫左个红烧乳鸽套餐, 因为家姐听同事听讲呢间野红烧乳鸽好食, 所以就试下。待应都有细心问4只乳鸽点切, 开2边定4边, 再加上有埋手套畀你, 服务ok wor!乳鸽烧得脆皮肉嫩, 仲有少少肉汁, 果然系招牌! 炸牛奶都有惊喜, 外皮炸得酥脆, 内里牛奶细滑, 都有少少奶味既, 揾番少少家乡味道。姜葱鲍鱼煲几香同埋多姜, 姜葱味好浓, 鲍鱼略嫌少少un, 可能煮耐左少少…仲有避风塘炒虾好惹味, 肉质正常, 虾的size都正常, 如果大只D更好!中式牛仔柳肉质鲜嫩, 调味都ok!其他野都不过不失, 不过食完番到屋企觉得有D口干, 即系应该食物太咸了…查看更多
以上食记乃用户个人意见 , 并不代表OpenRice之观点。
赞好
分享
检举
显示全部86篇食记