棠記海鮮小廚

营业中

休息中

幾經辛苦終於都搬好屋，係時候要從出江湖，同親故們再戰一下FOOD MARKET-係屋企附近三聖有條好出名嘅街專食海鮮，聞名不如見面，約好親故就去試下係OP 受歡迎嘅棠記海鮮，睇下係咪真係有食評講得咁好食-一入門口姐姐已經好NICE 咁同我地推介有咩招牌菜式，仲話包好食，所以就跟姐姐介紹點左幾款，3個餸1粉麵試試先-1/ 鼓椒炒蜆果然係靠海食海嘅道理，啲蜆勁新鮮，隻隻都咁大隻，炒起一碟有成3-40隻咁多，鼓椒好香，因為鮮味好足，所以調味料吾需要落好重手已經好夠味，吐沙同洗蜆都做得好好，真心一粒沙都無，抵讚2/ 菠蘿咕嚕肉姐姐講左有5次話咕嚕肉係佢地信心之選，一定要點咁話，果然無令人失望，排盤好靚，竟然有開邊新鮮菠蘿，有誠意，排骨好夠肉，大大粒，吾會話幾十層粉漿咁撐大粒排骨，而且炸得好脆，酸汁好惹味，仲有好多配菜，可以一碟食3碗飯，排骨好juicy ，好正，果然姐姐無呃我3/ 金銀蛋浸菜都係要一餐食啲菜，所以叫左個浸菜食，好正呀個芡汁，吾油得泥好夠味，仲有金銀蛋入面有豬肉碎係到所以特別有味道，上菜好大一盤，岩晒像本橘一樣愛健康之人4/ 芝士焗大蝦伊麵超好食之大蝦伊麵，真心大大大大隻蝦，而且

三聖村海邊一帶相信係唔少香港人食海鮮首選，我由細到大已經成日跟住屋企人過嚟呢邊開餐，多數係一大班親戚過嚟，除咗有齊各式各樣嘅新鮮地道海鮮之外，仲提供自攜海鮮加工服務，加工費明碼實價😃今次幫襯呢間棠記～豉油皇大蝦食海鮮嘅人氣首選菜式之一，擺盤好靚仔，未食就已經流晒口水😋蝦肉大大隻，集新鮮、彈牙於一身😜蝦殼就吸盡晒醬汁精華，極之惹味！ 油鹽水浸蜆經典水上人菜式，可以講係我最鍾意嘅海鮮大排檔餸菜之一，獨愛蜆肉嘅鮮甜、肥美😃呢碟蜆肉份量夠晒多，蜆肉洗得夠晒乾凈，基本上食唔到沙👍湯頭吊出蜆肉鮮味，仲食到大頭菜嘅味道，墊底唔少得索晒湯汁精華嘅粉絲，簡簡單單，夠晒滋味！招牌鹹鵝廣東地區美食之一，鹹鵝夠晒入味，鵝肉嫩滑，啱晒一班人送啤酒一齊食🍻菠蘿生炒骨生炒骨酸酸甜甜，做得相當脆口，肉質非常之嫩滑，啱晒我大啖大啖咁食，面頭嘅糖醋汁仲成功做到拉絲嘅效果🤪而且菠蘿特別鮮甜，好開胃😝同場好多食客一袋、二袋抽入嚟，俾廚房即場加工炮製！食大排檔，一定要啤啤佢🍺

5級評分好味😋😋😋😋😋回頭 🤩🤩🤩🤩🤩性價比 💯💯💯💯入到三聖邨梗係要食海鮮啦，三聖邨其中一間最出名嘅就係棠記小廚，不過記得要預早時間book位，即位應該未必有位薑蔥炒鮑魚，薑蔥炒得超入味超夠鑊氣，最後連埋啲薑都食埋蒸扇貝，扇貝勁大隻豉椒炒蟶子，之前未食過豉椒炒蟶子，以往食開都係清蒸聖子，不過估唔到係豉椒炒幾好食，不過最敗筆係買少咗聖子因為真係炒得好好食啲聖子真係好好食好鮮甜

住左係屯元天咁耐都係第一次入三聖～原來依附近有咁多海鮮食🤤而且加工費比起市區既仲要平✨明碼實價唔洗驚比人今次叫左兩道海鮮一個肉一個菜🍲份量全部都好大碟 三個人食都好飽好飽(´▽｀)豉油皇炒大蝦🦐🦐 HKD時價一上碟已經勁香 蝦都幾大隻～蝦殼炸到好脆口 已經可以連皮食🫶🏻蝦殼索曬所有醬汁既味道 必食！！蝦肉新鮮又彈牙 好惹味～沙白蜆胡椒湯浸粉絲🍲 HKD時價沙白好清甜又大隻 而且無沙～個胡椒湯煮到有滿滿既蜆味個湯仲有好多配料 好多菇仔芹菜同炸蒜頭🥢個底仲有粉絲索曬個湯汁🥄菠蘿咕嚕肉HKD138睇黎菠蘿船係最新既擺法🤣對上食大排檔都係咁既擺法haha燒過既菠蘿真係好甜🍍 好味~咕嚕肉每粒係預左一口份量 幾方便食✨炸粉唔厚 就算淋左醬都仲係好脆～椒絲腐乳通菜 HKD88好大碟 調味岩岩好唔會太鹹通菜爽口食唔停要瘋狂送飯食～

住咗屯門2年都冇試過去三聖食海鮮，今日朋友帶我嚟依間試吓😆叫咗幾個小菜，整體滿意🥢豉椒炒蜆非常惹味開胃，一上菜就聞到蒜蓉豉椒味，香噴噴之餘鮮味濃郁，而且大部份蜆殼都打開有肉🤩🥢BB乳鴿骨軟肉嫩，只略嫌比較瘦唔多肉🍴陳皮蒸鮑魚鮮甜美味肉質彈牙，有陳皮味🥢蝦醬通菜又係另一碟惹味菜，可以加多碗飯😂

陳皮蒸鮑魚（加工代料 $70.00）蒸得岩岩好，在外面吃的好處就是省略在家處理的功夫，洗得好乾淨，蒸得岩岩好，彈牙容易咬開，吃得出陳皮的香。（加工代料 $70.00）好快就加工處理好，豉椒炒蜆加入了三色椒和洋蔥🧅，料頭足，一啲都唔馬虎。好夠鑊氣，夠干身，而且上菜快。蝦醬通菜 $88.00估唔到甘大碟😂，炒得夠火候而且很多蒜頭🧄好香。轉頭清光。炸孔鴿BB $58.00炸得岩岩好，不會太干身，啖啖肉，骨頭🦴都好脆口，差少少食埋😋切埋件上枱非常方便，一人一隻都不過分。一個靚仔（白飯）$12.00多醬汁嘅食物沒有白飯配實在太浪費了，叫了一個靚仔兩份分，飯粒唔硬，粒粒分明，好食😋。好有人情味的客店，之前光顧都是比較多吃碟頭飯，又係大大碟😂直頭係逆市拯救貧窮人。總結來說價錢合理可以放心光顧。

〖 三聖海鮮大餐！棠記 🦞 屯門 〗椒鹽鮑魚你食過未呢？😍三聖邨海鮮出名新鮮又生猛！🌊Fullfoodie次次去都係食海天或者容龍😂今次朋友介紹去試吓地道海鮮酒家👍🏻估唔到性價比超高又好食！💯啱晒一家人去嘆CP值高嘅海鮮大餐🤑 【椒鹽鮑魚🐚】椒鹽鮑魚真係好少見！😮平時食鮑魚都係果皮清蒸鮑魚上枱香噴噴金黃色好大隻😛 餐廳仲細心起左鮑魚肉等你可以一放入口就啖啖肉☺️ 一咬落去好有驚喜！🤩鮑魚非常鮮嫩彈牙炸完竟然一啲都唔韌架❗️外脆內裏鮮嫩嘅鮑魚真係第一次食🥰加埋椒鹽真係好惹味每人一隻真係唔夠喉呀！🤤 ========================== 好味指數：😋😋😋😋打卡指數：👍🏻👍🏻👍🏻抵食指數：🤑🤑🤑🤑 ========================== 📍 棠記海鮮小廚 (屯門)屯門三聖村豐漁樓地下10-11號

😂😂如果唔係同朋友食飯，真係好少入去咁遠食飯，不過都覺得好值。菠蘿咕嚕肉呢個同平時食既有d唔同，佢菠蘿同咕嚕肉分開。菠蘿凍食好甜，可以解油膩。而佢咕嚕肉炸得好香脆，外層包住甜酸醬汁，超好食，唔怪得個個都叫。豉椒炒蜆呢個好適合餸飯，炒得好夠鑊氣，蜆肉好夠味好彈口，超新鮮，全部都開晒殼，份量都幾夠。我哋仲叫咗碟煎大蝦，真係隻隻蝦都好大隻！而且蝦肉好新鮮，一啲都唔霉，隻隻都爽口彈牙，好滿足，不過如果可以點醬食仲正。最後食咗咁多肉，點可以唔叫返碟菜呢？白菜仔份量十足，佢用蒜蓉炒，好香口，同埋鑊氣好夠，啲菜仲係好爽口，唔會淋晒，我哋好快就清晒一碟。雖然尋日落大雨又掛3號，但係都見到好多街坊幫襯，睇得出好受街坊歡迎。

屯門三聖村出名食海鮮🦞今日來呢間棠記海鮮小廚試吓，呢間鋪頭啲枱都好大張，座得一定舒服，唔使就住～👍🏻⚣⚣⚣⚣⚣⚣⚣⚣⚣⚣⚣⚣⚣⚣⚣⚣招牌鹹鵝👍🏻呢個必點💕鵝肉入口超軟熟，佢個滷水汁有種特別嘅味道，同埋一啲都唔肥，點埋佢跟嘅酸汁食，我地成碟食晒😋豉椒炒花甲 即叫即炒好夠獲氣，啲花甲好新鮮，吐沙吐得好好椒絲腐乳炒通菜 通菜脆口，有蝦醬味，味道岩岩好重大大碟果皮蒸鮑魚👍🏻呢個都係必點之選，啲鮑魚大隻好新鮮，入口彈牙之餘重有陣果皮香😋正菠蘿咕嚕肉 佢呢碟菜擺盤好靚，炸得好脆口，啲肉好鮮嫩好惹味，啲菠蘿係新鮮菠蘿，超好味😋無渣之餘個種甜係清甜，襯埋啲咕嚕肉來食，岩岩好中和返👍🏻好欣賞佢呢到啲白飯用個砵仔兜裝😆👍🏻食落好有feel

放工去三聖睇日落，睇完順便喺附近食晚飯。我地點咗4個小菜，包括炒蜆、通菜、豉油皇蝦同菠蘿咕嚕肉。蜆肉好夠鑊氣，每一隻蜆都打開咗，唔會出現有殼冇肉嘅情況。蜆肉充滿豉椒嘅香味🤤，蜆肉算大隻，食落好惹味，啱哂用嚟送飯。豉油皇蝦肉質爽口彈牙，加埋香蔥蒜蓉同豉油嚟炒，一上碟已經香氣撲鼻，難得既係食落唔會太鹹，味道啱啱好。菠蘿咕嚕肉擺盤有心思，每片菠蘿都微微燒過有燶邊，咬落又甜又多汁。肉塊就酸酸甜甜，令人食慾大增。健康嘅我哋，再叫多碟菜食😝。我地揀咗通菜，通菜好惹味，話咁快就比我地清哂

好味#晚餐 分享 ~ 加工海鮮一向都知三聖村食海鮮很出名因住得好遠，平常很少去有時做嘢去屯門又要趕下埸時間夾唔到今次適逢工作地點就是三聖村就食埋嘢先返去呢度提供海鮮加工服務價錢仲好抵😄👍~菠蘿咕嚕肉菠蘿是新鮮燒烤過，巳切好一片片放在菠蘿皮上，酸甜多汁，很開胃咕嚕肉炒得很有鑊氣外皮甜甜脆脆，肉質淋滑適中一絲絲的掛汁，手工一流👍😋鍾意菠蘿同咕嚕肉這樣分開處理👍😊~椒絲腐乳通菜 時令新鮮，很翠綠，爽口多汁，有鑊氣又好大碟😋~豉椒花甲 配料青紅椒，加工料頭很足，味道濃郁，啲肉都無乜脫殼 好手勢😋~椒鹽鮑魚鮑魚是大隻的炸得很酥脆沒有過火 仍保留肉質很爽口椒鹽份量恰到好處👍😋這樣簡簡單單的一餐已經好正好滿足😄😄

棠記海鮮小廚地址：屯門三聖村豐漁樓地下10-11號自己買海鮮🦞去加工，師傅嘅功力真係好夠，廚房整出嚟嘅超好食😋聞到都食慾大增，賣相超靚，色香味俱全。菠蘿咕嚕肉🔆$138刀工一流，擺盤好靚有心思，菠蘿切到一粒粒，上面有炭燒嘅造型，酸酸甜甜識落超醒胃。咕嚕肉外脆內軟，食落去係甘香嘅味道，外面嘅咕嚕醬汁甜甜，有酥化嘅口感，成個層次好高，實在太好味😋一啖一舊，食唔停呀！芝士焗大蝦依麵🍤芝士口感香滑，味道非常濃郁，依麵彈牙麵質爽滑，大蝦大大隻，啖啖蝦肉非常鮮甜肥美，同整個芝士焗依麵非常夾，份量相當足！豉椒炒蜆豉椒醬汁味道調得好，非常夠味，蜆肉鮮甜爽口，處理得宜唔會夾雜咗啲未開口或者會有沙，完全入晒味，好味到連啲殼都舔埋，正！炒通菜通菜好新鮮，索索聲，炒得夠軟身，腐乳味濃郁，啲菜吸咗啲汁好夠味！

好多人都知三聖村係食海鮮嘅好地方🤤呢道有勁多餐廳，附近仲有個海鮮市場俾人買海鮮去餐廳加工，今次揀咗呢間餐廳食飯時間基本上滿座，睇落好多熟客，食物質素應該幾好～～◾️芝士脆皮龍蝦第一次食呢個做法嘅龍蝦，龍蝦肉上鋪上厚厚嘅芝士再焗到金黃酥脆，芝士味香濃，龍蝦肉鮮甜爽彈。◾️豉椒炒蜆豉椒汁充分滲入蜆肉，鑊氣十足◾️豉油王鵝腸 $128鵝腸肥美，爽脆易咬，調味恰到好處，就咁食都唔會覺得太鹹。◾️菠蘿咕嚕肉 $138之前睇相已經覺得好正🤤🤤咕嚕肉外層就算掛上醬汁都仲有少少脆身，酸酸甜甜，送飯一流🤪

好耐無去三聖食飯，今次同朋友去嗰頭搵食。三聖呢間餐廳可以加工海鮮，唔同煮法就唔同價錢但因為我地約得比較急就無特別買海鮮去。覺得下次可以試下，因為加工價錢都公道。 我地七點半左右去到已經坐滿人所以安排坐室外，好在都唔會太熱。平時行過都只會覺得佢係茶餐廳但原來晚市小菜都好夠鑊氣。 芝士龍蝦焗烏冬 呢個超超超超超邪惡但係好好好好正🤤每條烏冬都沾上啖啖芝士又不失龍蝦鮮味。 豉椒炒蜆 豉椒汁超惹味，蜆肉粒粒都好飽滿又肥美而且無沙，夠鮮。 腐乳炒通菜 通菜脆口配埋腐乳呢個組合真係無得輸! 招牌咸鵝(例牌) 餐廳用上特制汁有別於一般鹵水鵝，好入味! 肉質鮮嫩又有鵝香!

好耐無食海鮮啦，所以夜晚同屋企人去左三聖間棠記海鮮小廚。棠記有前後兩間舖，茶餐廳般嘅裝潢，大圓枱同卡位。除了餐牌外，牆上亦有多款食物選擇。豉椒炒蜆值得一讚係吐沙得非常乾淨，一粒沙都食唔到！鮮甜彈牙嘅蜆肉配上豉椒味，無論當飯前小食或送飯都一流！菠蘿咕嚕肉雖然咕嚕肉每粒也比較細小，但份量足夠，而且咕嚕肉粉皮較薄，炸得非常脆口！菠蘿亦非常新鮮，鮮甜唔酸。脆皮琵琶蝦芝士蓋面再拎去炸，連蝦殼亦炸得非常脆！不用蝦殼鉗，亦可將蝦肉與蝦殼分離。香濃芝士再配上厚實嘅蝦肉，一啲都唔油膩。椒絲腐乳通菜通菜爽脆可口，加上腐乳汁嘅鹹香，非常惹味，又係一個送飯嘅菜式！