棠記海鮮小廚

营业中

休息中

幾年沒有去三聖食海鮮,見暑假尾聲,跟仔仔們去食返餐海鮮餐,為暑假劃上句號。原本早一晚訂了興記,後來看到近年來食評好差,就改去這間食評好好的老店一試。環境預咗係茶餐廳,但最慘是有幾隻XX陪伴我左右,全餐也忙著跟牠們玩追逐遊戲。我們在發記買了5款海鮮到此加工。先講吓煮得好味菜色:椒鹽瀨尿蝦,脆蒜惹味,肉質幼嫩鮮甜。脆皮鮑魚,薄薄脆皮包住彈牙鮑魚。跟住講吓煮得普通的菜色:辣酒煮花螺我們要了小辣,這方面做得好好,真的是微辣,人人都食到，但有個問題係螺完全不入味,但螺本身有鮮味,可以出來後自行加汁吃。煮得差的菜色出場:豉椒炒聖子,店員說加米粉底好好味,當然就加咗,但唔好味,既不脆,也不淋滑，加上豉椒汁太杰也不容易讓米粉入味。聖子軟硬適中,但欠鮮味,也有可能跟聖子本身有關。米粉底另加$80最失望的菜色出場了蛋白蒸蟹無論是蟹或蛋白都完全沒有味,唔通唔記得落鹽?蟹肉也不滑可憐了兩隻最大的花蟹($380一斤)唯一可取之處是蛋白好滑唯一在餐牌叫的菜色是椒鹽鮮魷鮮魷欠鮮味,粉略厚,好惹味,但略咸小店招呼算唔差,但由於環境和味道,我下次還是食另一間吧!PS 由於openrice說內容含嚴重指控，因此用XX代替

跟朋友一行6人到棠記晚餐，需要他們代處理的海鮮只有6項（鮑魚、螺、蜆、漱㳮蝦、蟹、鮮元貝），另外，再加上3個小菜（生炒骨、椒鹽鮮魷及乳鴿）及1罐可樂，費用高達$1400。一）開始沒有標示明確加工食物每項目費用需收費多少；二）接收海鮮時沒報上加工收費。最後付款時，單據也沒有每項目寫明費用多少，只有總計一個。這情況下根本不可能知道每項目收費，是否有多收費用？大家要小心，這店騙人。最好在交接海鮮時就問清楚每項目加工收費，好讓自己能心裡有數。

好耐無去三聖邨食海鮮啦，襯住早咗收工過去食嘢先，邨入面原來都有冬菇亭食店有海鮮食，見到棠記海鮮小廚有卡位又有海鮮食，入去試下先。天氣咁熱坐低即刻叫支青島涼一涼先，兩個人叫咗椒鹽賴尿蝦、豉椒炒蜆、菠蘿咕嚕肉及紅燒乳鴿。椒鹽賴尿蝦好耐無食椒鹽賴尿蝦，椒鹽炸得香口又脆，賴尿蝦都算大隻，好味到手指都食埋，海鮮控表示滿意。豉椒炒蜆鑊氣夠晒充足，豉椒和蜆是絕配，非常惹味，蜆肉無沙安心放入口。菠蘿咕嚕肉菠蘿肉兩邊燒香，味道清甜，以解咕嚕肉的油膩感，咕嚕肉半肥瘦，炸脆再上咕嚕汁，外脆內軟，好滋味。紅燒乳鴿乳鴿送啤酒一流，但不算太脆口，海鮮和小炒比較出色。

疫情下又被迫放假，沒啥地方去，終於和娘娘往三聖吃海鮮去了。在相熟漁攤花了五百多元，買了赤米、聖子和龍蝦，就直奔這𥚃 ... 其實在這兒也吃過幾次，不錯的，也沒擔心它的水準 …但在指示那龍蝦的烹煮方式時，那侍應姐姐就好像腦閉塞，落了單後跟我們確認了兩次，搞到我也懷疑自己是否患了思覺失調，再到老闆娘過來又要來確認我是否要“芝士脆皮焗”時，那肯定是那姐姐的理解能力出問題了，但 … 五分鐘後，老闆娘出來說：「不好意思，師傅錯誤把蝦砍了一塊塊，不如做芝士汁，送你伊麵底 … 」我也沒這麽狠心叫你買過一隻新的來煮，算了吧！ 搞到我一邊吃，一邊捱罵。娘娘吃的時候，一邊罵，一邊說好吃，精神分裂一樣，總的來說，保持水準，好味，但發生這種低級錯誤，可惜。

平時星期六日入屯門三聖邨食海鮮好多人，今日趁着平日放工諗住嚟食海鮮，冇預約以為有位，但原來都好多人食，要坐室外。但天氣唔係咁熱，坐室外都有室外嘅地道風味😎😎😎豉椒炒蜆好惹味啊！一碟份量都有好多，蜆肉都好鮮味！😍😍😍避風塘賴尿蝦勁大隻賴尿蝦 🤣🤣入面仲爆曬膏，啖啖肉好滿足。☺️☺️菠蘿咕嚕肉菠蘿用火槍燒，保留左菠蘿清甜嘅味道。咕嚕肉都好脆口❣️❣️蒜蓉白菜仔好有鑊氣，食咁多肉類，就梗係要食返啲菜啦！食返碟青菜就飽晒啦！😋😋總括嚟講，呢間棠記海鮮小廚值得一試，但提提大家記得要預約，唔係就冇位㗎啦！又或者夏天嚟嘅時候要坐室外🙈🙈

.屯門三聖不嬲係呢區食海鮮🦞🦑最出名，好多人都會係海鮮街買完拎去餐廳加工，今次試埋鋪位比較入少少既呢間*鹽焗奄仔蟹🦀上枱前餐廳已經幫手一開二，一望都已經見到爆曬膏😍 軟糯甘香，加上鹽焗咸咸香香完美咁帶出蟹肉既鮮味🤤*椒鹽瀨尿蝦🦐而且入面啲膏好似啫喱咁半透明😍 好甘香，炸蒜用埋黎撈飯一流*油鹽水浸蜆粉絲底沙白清甜大隻，粉絲索曬湯汁好好食🤤 不過湯底太鹹，如果想飲就唔建議啦~*菠蘿咕嚕肉🍍咕嚕肉唔算好脆身，勝在炸粉夠鬆唔厚，肉質肥瘦適中，醬汁夠稠有微微拔絲效果👍🏾 而且燒菠蘿食落超甜

搬入屯門後第一次到三聖村食海鮮。2個人又食唔到好多海鮮，最後揀左呢間食。棠記海鮮小廚有小炒有海鮮食，又可以自猜海鮮加工。豉椒炒蜆，蜆肉粒粒大粒，冇吉殼，真材實料。菠蘿咕嚕肉，又係粒粒都好大舊肉呀!肉質新鮮實正，外皮鬆脆。菠蘿超甜，而且係有一大邊，過引呀!蒜粒炒通菜，大碟抵食，絕對唔係得2條呀!避風塘瀨尿蝦!!炸得香脆又大隻!!仲有剪刀非常方便，剪開外穀好大舊肉呀!蝦肉鮮甜好新鮮~附上餐牌:棠記海鮮小廚屯門三聖村豐漁樓地下10-11號

📍屯門三聖村豐漁樓地下10-11號呢幾日特別好想食吓海鮮🦞，又見好耐冇入去三聖村，放工就即刻同個friend入咗去屯門😂😂😂行過見到呢一間坐滿晒人就入咗去，不過因為太好生意所以坐咗喺門口😅😅😅不過咁覺勁好feel🤣🤣🤣1. 炸BB鴿 🐥$58 - 炸乳鴿皮超脆，肉質唔會太乾，餸啤酒一流🍺🍺🍺2. 招牌小炒皇🥗$128 - 材料十分豐富👍🏻有魚乾，蝦乾，魷魚，同炸過嘅腰果，炒韮菜花又夠鑊氣，所以提升咗味道👍🏻👍🏻3. 椒鹽賴尿蝦🍤$時價 - 瀨尿蝦嘅蝦肉都彈牙多汁，椒鹽炒得勁香口，非常好食😋4. 豉椒炒蜆🐚 $時價 - 炒得好有鑊氣，蜆肉冇沙而且非常鮮甜👍🏻👍🏻👍🏻餐廳有啲似冬菇亭，👍🏻👍🏻👍🏻食物CP值勁高汁👍🏻👍🏻👍🏻

平時食海鮮多數去鯉魚門但今日難得山長水遠去到屯門，就順便再轉車到出名食海鮮嘅三聖邨食海鮮🐟棠記喺三聖邨商場內街感覺地道但燈火通明感覺乾淨.去到大約七點，人頭湧湧.係冇訂位情況下坐喺兩側內街旁.雖然唔可以坐室內嘆冷氣但都有大風扇吹住唔會太熱我哋買咗海鮮比棠記加工，價錢清晰易明餸菜嚟到，香噴噴～有鑊氣,調味亦唔算重包括：薑蔥鮑魚/椒鹽瀨尿蝦/油鹽奄仔蟹🦀由於有小朋友同枱所以額外叫招牌鹹鵝($158)西蘭花鮮魷($118)兩碟餸分量都幾大！魷魚爽口,配料都唔吝嗇👍🏻鹹鵝肥瘦適中,唔會好鹹,但如果可以更淋就會更好以依個價格同環境地道簡單一家人就算叫小菜，或叫1，2個海鮮都係不錯嘅選擇～

一直都有聽過位於屯門三聖海鮮新鮮又有鑊氣，今日專程由九龍揸車入嚟試下，入到餐廳有大排檔風格，坐得舒服冷氣充足👍餐牌上亦有海鮮、小炒和粉麵飯選擇。豉椒炒鵝腸鵝腸炒得好有鑊氣，色香味俱全，新鮮嘅鵝腸掛上豉椒汁，非常美味，加入三色椒一齊炒，口感更加有層次！蒜蓉賴尿蝦賴尿蝦上枱時傳出一陣陣好香嘅蒜蓉味，有手掌般大隻，蝦肉好鮮甜，可以加入就算一齊食，味道更加惹味！豉椒炒蜆蜆肉雖然細細粒但每一粒都好新鮮脹卜卜，完全無沙，鑊氣十足，調味適中炒得好入味。

之前踩單車經過見三聖邨這小店長期爆滿，今次特意約朋友前來試一試，而且還早早就來霸位，果然七時已經座無虛席！招牌鹹鵝 例牌$158～必食一碟有齊鵝肉片及連骨鵝件兩款雙拼，兩款都充滿香料味，非常入味甘香，不會死鹹，鵝肉鮮嫩又多汁，相當驚喜！菠蘿咕嚕肉$138 ～必食賣相相當吸睛的一道菜色，驚喜地菠蘿不是用罐頭，而且還是燒菠蘿，菠蘿鮮甜多汁無渣。比起一般混合炒的做法，更能平衡菜式的味道與口感。咕嚕肉糖醋比例剛好，味道平衡，非常開胃，而且外層炸得酥脆，糖醋醬有拔絲效果，加上黑白芝麻點綴，令人食指大動！伴炒的三色椒及洋蔥等蔬菜也非常新鮮。豉椒炒蜆$時價～必食分量十足，蜆肉新鮮無沙肥美，夠鑊氣又不會死鹹，既有配料的香味有保留到蜆肉的鮮味。薑蔥炒蟹$時價肉蟹非常大隻，以薑蔥爆炒依然能保留蟹肉肉質鮮甜，而且蟹鉗位置有拍開更入味及方便食用。椒絲腐乳炒通菜 $88通菜爽脆多汁，大大碟，調味剛好過鹹。砵仔蒸飯 $12 ~必食推介有別於中式餐廳的一大鍋白飯，棠記每一客都是用一個砵仔蒸熟的，蒸出來的白飯真的特別香，而且粒粒分明，平時不在外吃絲苗米的我也點了兩客！絕對會因為這個白飯再回來！

今次想介紹位於屯門三聖的小店棠記海鮮小廚 價格實惠且食物鑊氣夠•今次跟友人用膳點了⭐️菠蘿咕嚕肉小店的招牌美食 先看新鮮菠蘿擺盤已相當吸睛咕嚕肉炸得香脆 甜酸汁的味道調得剛好而且甜酸汁的濃稠度可以包裹整塊肉 好吸引•⭐️豉油皇大蝦大蝦肉質新鮮彈牙 味道不會過濃很夠鑊氣 整體相當惹味 🦐🦐•⭐️豉椒炒蜆惹味非常 蜆肉鮮甜 一點沙都沒有 味道也不會太搶•⭐️炒通菜通菜鮮嫰 輕輕調味炒後已經很吸引•三聖除了冬菇亭跟酒樓外 棠記的確是另一好選擇自來海鮮加工費價格都很相宜 已打算下次再跟家人來吃晚飯

朋友推介到屯門三聖邨這間小菜館吃海鮮，趁放假就和朋友一行四人到這裡試試閒日晚上七時半已差不多坐無虛席，看來這裡相當受歡迎。點了些海鮮和幾款小菜試試用缽來裝飯，現在好像比較少見招牌鹹鵝鵝片切的夠薄很入味，入口薑香卻又不會過鹹，招牌菜果然不錯菠蘿咕嚕肉菠蘿絕不是hea hea 子罐頭菠蘿，亦不是意思意思三幾塊，是一大片新鮮菠蘿，光是賣相是非常吸引。菠蘿清甜沒有渣，咕嚕肉調味亦恰到好處豉椒炒蜆今晚的主角之一。份量頗大碟，很惹味而且夠獲氣薑蔥炒蟹上菜已聞到非常香的薑蔥味。蟹肉鮮甜彈牙，蟹腳亦有預先敲碎，方便我這種手殘女蒜蓉炒通菜夏天最適合吃通菜，菜炒得很爽嫩，加上蒜蓉和椒絲，好味

作為一個前屯門友嘅主編來講，昔日自己海鮮自己揀嘅尋寶勝地，由屋企人聚餐到同學仔聚舊晚飯嘅氣中地，三聖呢個海鮮小菜大排檔區無人不曉😁有別於冬菇亭嘅興旺人潮，呢一晚同屋企人靜靜享受空間感，來到三聖邨商場內街嘅棠記用餐，一嚐老店大廚嘅小妙海鮮製作功力。餐牌唔複雜，就只有兩版介紹加工費用、招牌必點小菜款及飲品等，可以自攜海鮮亦都可以訂檯時詢問店員預備。主編揀海鮮識條鐵咩，放心交比店長發辦。🦐豉油皇炒大蝦 時價推介:⭐️⭐️⭐️⭐️⭐️必食全檯都大讚非常好味，上檯香到你暈，蝦球式大隻豐滿，炸炒蝦碌，香脆可口嘅蝦殼一咬落去，裡面JUICY又彈牙，唔理三七廿一成隻食，超享受。🦪油鹽水浸沙白拌粉絲 時價推介:⭐️⭐️⭐️⭐️新鮮沙白清甜大隻，份量巨型大碟裝盛，湯內除左有入哂鮮味嘅粉絲，亦有其他菇類配料，一兩隻稍有少少砂，但整體CP值非常高。🦀薑蔥炒蟹 時價推介:⭐️⭐️⭐️⭐️⭐️必點唔怪得朋友仔話佢地薑蔥蟹係數一數二，上檯十分吸睛，薑蔥香氣撲鼻，反開蟹蓋連住滿意嘅膏肉，由蟹腳到蟹蟹鉗嘅肉爆香得好理想👍兩隻蟹竟然滿足感受到啖啖肉😋蟹肉掛芡汁咬落又薄脆，正!🍍菠蘿咕嚕肉 $138推介:⭐️⭐️⭐️⭐️⭐️招牌首先為火炙香甜菠蘿打卡先，灑上黑

屯門三聖邨出名有靚海鮮食，今日又帶老爸出行，當然要搵間有口碑㗎啦，搵吓Openrice，見到呢間棠記幾多好評，加上望落環境比大排檔吸引，就揀左呢度同老爸食晚飯。叫左每枱都有叫嘅🍍菠蘿咕嚕肉。竟然喺中式食肆都食到燒菠蘿，經過燒烤嘅菠蘿真係會特別甜㗎，因為菠蘿嘅水份經微微燒烤後會被蒸發，因此糖份比例會相對被提高了，又鮮又甜，仲要無渣，十分好味。相比起混和肉排去炒菠蘿，呢種燒菠蘿伴碟更為出色，因為炒菠蘿會容易讓整體味道變得過酸。而咕嚕肉嘅糖醋比例亦十分出色，酸甜度互相平衡，入口微酸開胃，同時又帶有甘甜。🌶豉椒炒蜆，一上枱，老爸即急不及待起筷，入口大讚，無沙、夠入味、炒得夠亁身。而我都覺得炒得幾惹味，蜆肉雖然細細粒，但都幾厚肉。🦐豉油王大蝦，好好味! 大蝦經過油炸，蝦殼軟身帶脆，容易退殼;豉油有頭抽嘅鮮味，豉味醇厚香濃。這個餸十分惹味，伴飯食一流。🥬蒜蓉白菜，入口除左有濃郁嘅蒜香味，仲有少少牛油香。一道基本炒菜都做得咁出色，唔怪之得食肆得到咁多好評。呢度嘅侍應亦要讚，好多小廚食肆嘅侍應一係長期黑面;一係待客如友。而呢度係後者，老爸年紀老邁，侍應會囑咐他小心慢行。亦會關心餸菜是否合他口味。個人真