棠人街餐館

荔枝柴風味燒雞$238一坐底店員話即燒需要30分鐘，以傳統窯烤手法，原隻雞燒到黃金薄脆，上枱熱辣辣用手撕時小心熨手，一撕開好多肉汁，咬落去皮脆肉嫩，唔太肥有d咸咸地味係好食嘅。大棠鮮菠蘿生炒骨$118外皮粉漿比較厚，得個外皮脆，骨多冇乜肉，醬汁亦比較少。花生芽炒帶子珊瑚蚌$188花生芽比較少地方有，有點草青味有嚼勁。帶子質素比較差。 珊瑚蚌質素正常。黃金炸蝦球$128成粒都係粉漿蝦肉嘅比例十分少，一隻鮮蝦裏面都沒有，令人非常分失望🥴蜜椒金薯牛仔粒$128薯仔外包住蜜糖脆口好味😋棠人薑汁撞奶$28等了超過20分鐘😟吹完又吹上枱仲要比俾個漏斗你計時先至可以開蓋嚟食☹️有勁香嘅薑汁味亦有薑蓉。 可惜奶撞得好稀，少少挺身都無，好似飲緊薑奶咁。中秋節前的星期六與家人一起做節，地點不是太方便但這裏停車場大，方便泊車。燒雞是可以的，其他菜式就一般，附近玩完去食都可以，不值山長水遠入去食。…查看更多

之前食過朋友外賣買的荔枝柴燒雞後，一直念念不忘，隻雞凍左都仲好食的話，熱辣辣食應該係不得了。尼2日放假就突然記起尼隻雞，所以決定山長水遠都揸車去會一會佢。2個人食，我就唔敢點太多野食，只係點左隻雞同埋個甜品薑汁撞奶。荔枝柴燒雞絕對是鎮店之寶，待應一來就講明要30分鐘即燒，佢真係唔遲唔早夠30分鐘就用送過來。傳統窯烤手法，雞皮燒得金黃薄脆，由於係原隻雞上枱，用手撕個陣d 雞汁唧曬出來，咬落去係皮脆肉嫩，真係好好食。另外點左個薑汁撞奶，勁香的薑汁味，加上撞奶的質感好似豆花咁嫩滑，薑辛味加與奶香，食完覺得好滿足。本身來之前，我個fd 唔止講左一次佢得隻雞好食，所以我係對個撞奶無乜期望，但出來效果又唔錯。可以Encore…查看更多

📍 整體評價棠人街餐館最大賣點絕對是免費泊車和佔地極大，非常適合駕車家庭或一大班朋友聚會。晚市人流不多，不用等位，環境舒適。食物方面，荔枝柴燒雞是必食王牌，其餘菜式則表現一般，屬「為了一隻雞，值得來一趟」的餐廳。**🌟 必食重點推薦**✅ **荔枝柴燒雞 (需預訂) $2百幾**- **即叫即燒**：上桌時熱辣辣，煙燻香氣撲鼻！- **原隻上枱**：視覺效果滿分，打卡一流。- **自己動手拆**：雖然有點麻煩，但充滿食趣，雞肉肉汁豐盈，皮脆肉嫩。- **必食程度**：★★★★★ (為了這隻雞，願意再訪！)人均消費約 $200-$250。以環境和免費泊車來說，價格合理。燒雞的價錢略高如果追求每道菜都極之高質，這裡可能不適合你；但如果想找個地方舒舒服服吃頓飯，重點品嚐一隻出色的燒雞，這裡是好選擇。…查看更多

睇咗電視介紹呢度嘅荔枝柴燒雞，就來一試。我們一行四人下午近2時到達，這個時間餐廳並不多人，只有三幾枱客，服務員都聚在一起閒聊。因為餐牌寫燒雞需時30分鐘，我們先叫咗一隻燒雞，再睇下叫其他。幾個服務員都唔多想做似的，我們叫到了一個服務員，叫了一個蟹肉伊麵及一個家鄉釀豆腐，本來打算再叫多一碟及叫飲品，但服務員不願做的態度，令我們打消再叫的念頭。食物質素及味道不錯，一提的是隻燒雞是由師傅攞出來，並不是服務員，師傅的態度好好多，比起那些黑口黑面的服務員差別很大。論食物，這間是不錯並可以回頭的，但因服務質素差我們都不會再回頭了。…查看更多

位於元朗大棠山旮旯有車可以先打電話預訂，30分鐘後去拿荔枝柴燒雞（$238）全部即叫即做大約要等30分鐘左右回程車內充滿燒雞香味，真係想食完先走。燒雞熱辣辣，雞皮香脆；一剪開就好多肉汁標出嚟，一口雞肉汁爆滿，雞肉嫩滑，但又唔係淋嘅口感，好食到停唔到口…查看更多

平日夜晚冇預約樓面所有待應姨姨都勁nice又會推介有咩必試上菜速度快味道很不錯燒雞超正 皮脆肉滑又多汁冬瓜盅好足料其餘幾款都熱辣辣又好食美中不足係就嚟雨天比較多昆蟲飛入嚟不過侍應姨姨好落力幫我哋點蚊香同捉飛蟲…查看更多

第一次過嚟見到地方好大幾有特色，但啲侍應全部好似唔憂做， 態度又超差，尤其是有個瘦瘦地講流利廣東話既阿姐， 見佢間野話啲梅酒係自己釀製覺得幾有興趣想試下就問下阿姐個梅酒喺邊度同幾錢因為後面有個大雪櫃，可以睇到啲嘢飲放曬喺度但係見唔到梅酒係邊支，佢就黑口黑面咁指下個雪櫃就話咪嗰度囉， 大佬就係唔知邊一支先問你咋嘛， 跟住朋友未嚟齊我哋想分開兩隻雞唔同時間上，佢就話唔得㗎喎唔可以咁做架，其實唔緊要咁咪唔分開囉，但佢全程啲態度好似啲客欠咗佢咁超級無敵差，你啲嘢幾好食都冇用已經完全冇心情， 大家去食準備定受氣啦我就一定唔會再嚟…查看更多

話說我媽咪一直好想試呢間棠人街餐館嘅燒雞，於是星期日我哋特登約咗住喺大西北嘅朋友一齊車埋我哋去呢間餐廳試下佢地嘅小菜🥢嗌咗佢哋半隻至尊燒鵝皇，燒鵝好juicy，外面個皮燒到好bling bling 好脆皮，而入面啲肉好嫩好多汁✨好好食👍🏻另外我地又嗌左一隻荔枝柴燒雞，用荔枝柴燒過嘅果然係唔同啲，一拎上台已經聞到好香果香味，燒雞外皮燒得好酥脆，而入面啲肉好多汁好滑，出面市區一定食唔到咁好食嘅燒雞🤤我地仲嗌咗一份菠蘿生炒骨，比起燒鵝同燒雞，佢就稍為失色咗啲，生炒骨炸唔夠脆皮，有少少淋🤏🏻另外我哋嗌嘅幾個小菜，花生芽炒花枝、小炒皇同客家釀豆腐都唔錯👍🏻…查看更多

如果入元朗嘅大堂睇紅葉 山腳就一定會經過呢一間嘅餐廳 呢間餐廳好大 好有鄉村風味 雖然佢嘅座位唔算好靚唔算係好舒服 但係又有一番鄉村嘅感覺 我同朋友下午茶時間 發覺下午茶並唔係太有特色 於是我哋嗌咗一隻土窯雞 另外再嗌咗兩杯紅豆冰 再嗌一件西多 佢嘅土窯膠真係用土窯製作㗎 你會見到佢有幾個窯喺旁邊 所以燒得嚟好好食 外脆內嫩紅豆冰亦都好好味 西多亦有茶餐廳嘅味道 整體嚟講都相當唔錯嘅 價錢就略為貴咗啲 下午茶時間如果唔係撞正睇紅葉嘅日子 人數都上算少嘅 可以坐得舒舒服服 如果 係睇紅葉嘅日子 就可能要等一等位囉 …查看更多

最近試咗一間餐廳，品嚐了幾道非常美味的菜色，真係令人驚喜！首先係荔枝燒雞，成隻雞上枱，需要自己手撕。雞肉外皮香脆，內裡鮮嫩多汁, 真係一絕！每一口都充滿咗甜美與鹹香嘅完美結合，簡直係齒頰留香 🐔🍍。再嚟係椒鹽鮮魷，魷魚鮮嫩彈牙，外層香脆嘅椒鹽味道令人非常滿足。每一口都能感受到鮮魷嘅海鮮味道，配上適量嘅椒鹽，簡直係唔想停口 🦑🌶。最後係惹菌紅燒豆腐，豆腐嫩滑可口，加上各種惹味嘅菌菇，煮得香濃入味。每一塊豆腐都充滿咗醬汁嘅美味，再配上菌菇嘅香氣，真係令人食指大動 🍄🍲。整體嚟講，呢間餐廳嘅菜色真係好出色，每一道菜都有其獨特嘅風味。值得推薦俾大家嚟試吓！😋✨…查看更多

朋友介紹食， 荔枝柴風味雞， 確實好正隻雞D皮好脆， 入面D肉嫩滑揸車外賣自取隻， 荔枝柴風味雞出返九龍， 車程40分鐘成個車廂， 都係隻雞嘅香味可能大棠，呢個地方真係太遠Sunday 大約係七成入座率…查看更多

好好食 juicy 唔柴唔乾唔肥 皮脆肉嫩 有炭燒香 正！環境唔錯 夠亮堂 有冷氣 服務態度好落單姐姐一嚟就介紹燒雞俾我地 講到唔試唔得咁 所以半信半疑試左 因為係即燒 所以要等半個鐘 完全冇白等！真係好好味😋…查看更多

🐔好開心可以跟朋友入大棠食，馳名荔枝柴風味燒雞佢哋係一坐低先至即刻燒 ，一上枱熱辣辣 ，大家小心手燒雞果然係外脆內軟，一撕開好多肉汁，一啲都唔柴，而且調味不會過鹹，風味十足，不枉我哋咁遠入嚟食！另外點咗幾個小菜菠蘿拔絲咕嚕肉外皮的粉漿比較厚，不過勝在熱辣辣竹笙羅漢上素呢個粉芡略為厚了一點花生芽炒花枝呢個真係冇乜地方，可以食到嘅小菜即刻叫嚟試吓先花生芽香氣十足帶點𡁻口，花枝切得薄薄地夾埋一齊食清爽煙靭上湯蟹肉燴伊麵蟹肉比期望嘅多，不過成個湯麵比較淡，如果重口味人士可能要自己調味芥末沙律脆蝦球蝦球又大又爽脆，不過好似冇乜芥末味似係淨沙律醬蝦醬豆卜蒸梅肉呢個非常送飯 梅肉香甜 沒有豬臊味 加埋蝦醬食very good！…查看更多

元朗大棠山腳的餐館，地方大，有室內玻璃屋及室外太陽傘座位 🅿️ 圍住餐廳有幾個停車場可泊，多車位，好方便👍🏻坐低即刻點左隻燒雞先 🥳 因製作需時，要半個鐘。有2款Menu, 碟頭套餐 / 散叫小菜Menu。 套餐可加錢配飲品 （晚市飲品需正價）荔枝柴風味雞 $228 ⭐️ 5/5脆皮燒鵝飯$65 ⭐️ 4/5味菜牛柳絲飯$47 ⭐️ 4/5生炒骨飯$55 ⭐️ 4/5棠人街招牌炒飯$83 ⭐️ 4/5每碟飯份量都大大碟，好抵食👍🏻 燒雞上台熱辣辣，有手套鉸剪提供來分雞。皮脆，肉juicy ! 推介 🉐🤩 Bonus: 餐廳後面有好多孔雀，鴕鳥及其他小動物。 好似去左個mini 動物園咁！ 孔雀多隻開屏，好靚 😍 …查看更多

After a wonderful visit to Tai Tong Lychee Valley, my friends and I stumbled upon a restaurant nearby that is owned by the same boss. Let me tell you, this place is a hidden treasure! Taitongese Cuisine is renowned for its mouthwatering Lychee Charcoal-Grilled Chicken, and I can confidently say it's a game-changer.We couldn't resist ordering three whole chickens, priced at $218 each. And oh boy, was it worth it! The chicken was unlike anything I've ever tasted before. The meat was incredibly tender and juicy, bursting with flavor in every bite. Trust me, the picture doesn't even do it justice! It was a chicken masterpiece that left us craving for more.Now, I have to be honest with you. The location is a bit out of the way, and you'll need some determination to make the journey. But let me assure you, it's absolutely worth it. Once you sink your teeth into that succulent Lychee Charcoal-Grilled Chicken, you'll forget all about the distance.…查看更多