梨花園快餐 (已結業)

本来买个紫菜包饭比小朋友食，点知呢个紫菜卷啲饭硬，牛肉好硬，红萝卜都变晒色！似用微波炉叮番热，小朋友吐番出嚟，我食下已知隔夜好难食！曾有一个韩国阿猪妈同我讲紫菜包饭要即日食，不能隔夜，品质会变晒，如我即场食一定退番比佢叫佢自己试下！咁都可以卖比人食仲系希慎？应该out 啦！…查看更多

牛肉大酱汤咸到飞起，已经唔可以叫做汤，系酱汁，似平时食牛肉饭啲𩠌汁咁咸！汤入面有好大旧豆腐，成旧都冻嘅！根本冇煮过，只系加热啲汤就将旧冻豆腐放入去就算！呢啲唔叫煮，叫将啲食物放埋一齐就上碟比客。…查看更多

今日lunch叫左呢个韩式饭卷便当🍱便当里面嘅嘢食非常丰富首先佢饭卷已经分咗两种辣同埋唔辣既口味，食落口感丰富好足料。另外仲有个炒粉丝，炸鸡同莲藕蛋卷小食。粉丝食落好香口，而炸鸡亦好香脆好食…查看更多

lunch谂住普普通通食一餐，就拣咗呢间主要系想食饭卷，于是就拣咗个饭卷炸鸡套餐佢准备嘅时候见到佢将啲嘢放落微波炉，已经心有不安，心谂“唔通攞啲饭卷去叮？”个餐话贵唔贵，但点都唔会整叮叮嘢俾人嘛？见佢系微波炉攞返啲嘢出嚟，bingo！真系我叫嘅饭卷🙄🙄🙄好彩个炸鸡同炒粉丝都好食，个份量都多，够饱肚，但70几蚊食叮叮饭卷，我都系自己落7-11买嚟叮就算🤦🏻‍♀️🤦🏻‍♀️只有一次，没有下次。…查看更多

希慎广场入面食肆林立，不过唔少人都会选择上到顶，去food court揾嘢食，始终food court价钱相宜一啲，而且中西日韩都有。呢次喺梨花园快餐谂住食下韩嘢，叫咗个「石头锅杂菌牛肉拌饭」($80)，会有埋些少前菜送。好可惜，味道真系十分麻麻......首先前菜有几款：泡菜、芽菜、萝白，全部都无乜味，本人食嘢已经算啖口，但都觉得淡味，真系好严重....讲紧泡菜㖞...至于个紫菜汤反而咸得滞，明显系味精汤味，饮咗两啖放弃。最主要嘅拌饭，唔知系咪我理解错，以为拌饭系会有辣酱捞埋一齐食𠮶种，所以当我系咁捞个饭都见唔到有辣酱时，系有啲失望，结果要去返舖面拎啲辣酱返埋位自己捞埋佢。啲牛肉味道正常，但十分鞋口。成餐饭基本上非常一般，food court大把选择，下次拣其他啦。…查看更多