梅丘壽司の美登利総本店 (新城市廣場一期)

营业中

休息中

平日lunch喺沙田搵食，諗起呢間好耐冇食過嘅壽司。1:30左右嚟到，唔使等，但係堂食都有好多人，可能因為暑假嘅關係。我一個人被安排坐喺吧枱位，一坐低已經聞到一浸唔知邊度嚟up味，有啲似毛巾嘅臭味。不過一個人都應該冇其他枱可以安排到俾我，所以就算啦。午市餐牌都有好多選擇，最後叫咗一個午市套餐：三文魚盛合好快套餐包嘅麵豉湯同埋茶碗蒸已經到左，麵豉湯正常質素，冇乜特別，茶碗蒸有少少過鹹。三文魚盛合有六件握壽司，同埋六件小卷，握壽司上面嗰塊三文魚都幾肥美，食得出鮮味，同埋好厚身，每件都有少少唔同，有啲炙燒過，有啲跟蔥。不過三文魚小卷就有啲失望，紫菜好冧，啲飯好硬，上面嘅三文魚蓉係冇乜味嘅，最後都係夾硬食埋佢。三文魚子亦都令人失望，一啲鮮味都冇，亦都唔脆卜卜。埋單差唔多$200 ，但係呢個質素真係唔OK。今餐嘅滿意地方就係員工嘅服務態度都比較好，好親切，不過食物質素令到我應該唔會再嚟食。

職員服務態度差現在經濟困難 其實食市更加要 以客為本 行先句句串客人 真係唔太好壽司無以前甘好質素元*總好過佢地 證明質素可以去到幾差但價錢又高過人地所以大家要入去食 先考慮清楚吧🙈

之前有去幫襯過旺角和尖沙咀站，印象中食材算新鮮，性價比高，所以今日黎沙田試100 分鐘放題。點知一坐低就聞到張枱有難聞氣味，應該係抹枱布清唔乾淨然後用黎抹枱所致…. 個身唔可以向太前近張枱，聞多幾聞未開始食野已經有啲想嘔🤮一開始點的壽司刺身一個接一個慢慢送到，但新鮮度很一般或中下水平，款式也沒什麼驚喜，有三款要另外加$，見到宣傳還以為可以那三款也可以任食，綜觀來說完全不值這價錢，圖中的是放題中每位客人可享用一份的，算是最好的了

食美登利就係食佢啲魚大大嚿，鮮味，點知佢放題整到勁垃圾，一開始俾個頭盤你就正常size，之後自己點嗰啲壽司就全部都勁細舊，完全食落去冇口感，又食唔到舊魚嘅鮮味，舊舊都變到好垃圾。好似依舊鰈魚裙邊咁，平時係好大嚿食落去好爽口，啲魚油又好香，點知放題切到10分一咁嘅size都得嘅！？食落去完全食唔到平時嘅口感，咁嘅質素我唔使黎食啦，是但一間放題都好過佢啦！完全係令人食完佢呢個放題之後以後都唔想再食佢呢間嘢，明明平時好地地，放題整到咁真係不知所謂！我寧願你收我貴少少，但係俾返平時啲質素我啦！

今天來吃日料咯，看到這個品牌開了很久都沒有嘗試過，就試一下。吞拿魚三文魚盛合，吞拿魚和三文魚都是瘦身纖體的好食材，喜歡他們的話點這個很好哦！特盛手握壽司盛合，這個看著就感覺性價比很高，碟子都鋪滿了壽司，而且款式也很多不同的，他們的食材都新鮮很好。蟹肉蟹膏沙律，蟹肉蟹膏很多，而且味道很濃郁，美味！他們的壽司都不錯吃，體驗很好呢！

見餐廳promote壽司放題，一心打算約埋朋友一齊試吓。打左好多次電話book位，包括不同日子，不同時段（日與夜都試過），結果都是沒有人接電話。無論是full 左，定任何原因，作為訂枱的熱線電話，係咪都應該接咗先，然後再講番比客知。現在感覺是故意不接電話，任由客人自生自滅。（可能已經接夠單）當然訂枱客人不是大唒，但有禮貌的答覆/回應係作為一間餐廳最基本的客戶服務。當我親自上去餐廳詢問情況，並告知電話一直打唔通，店員不置可否，不打算向上頭反影或有什麼改善。作為有誠意的客人，真的覺得直接被無視。這間餐廳處理手法很差，成件事的感覺也很差。既然你不尊重客人，我亦不打算再幫襯了！！

見佢個廣告同埋啲食評好似唔錯Weekend去開dino park玩就去試咗佢啲Service唔錯，侍應態度都好Menu亦都唔貴，整體行入去個感覺都幾好，又坐得舒服蒸蛋都好味但係啲壽司有啲嚇親食咗一件已經唔想再食落去唔知點解啲壽司飯係腍同削連最普通嘅三文魚都可以唔好食烏冬煮得太腍小朋友話大型連鎖都好食過佢可能係我哋唔識食啦🥹質素同個裝修完全唔成對比食過一次冇下次難怪啲網友話新城市真係冇嘢好食🫠🫠

呢間嘢食咗想食好耐，但係見個餐牌都幾貴，唔捨得食，今日行過睇吓個餐牌見到個午市定食唔算貴，就一於入去食。兩人食午市套餐，叫咗個烏冬配壽司，午市套餐B手握壽司盛合，$88，再追加多個迷你魚生飯，$38，同埋豪華三色丼，$48，總共$300有找。啲烏冬又滑又彈牙，湯底鹹鹹地，好食👍🏻啲吞拿魚壽司食落甜既，又長，觀賞性高八爪魚彈牙，好食👍🏻個蝦天婦羅好香，雖然淋左，但唔油膩，蝦肉彈牙，好食。👍🏻座位地方闊落，坐得舒服👍🏻侍應招待殷勤，時常幫你清理枱上唔用嘅器皿👍🏻

好耐冇食壽司嚟沙田呢間試吓佢而家咩質素之前尖沙咀分店質素好啲，但係原來已經執笠，執正一間了冇來一排餐牌更新咗捱過熱辣辣嘅釜飯，再嗌啲壽司$108 set,跟茶碗蒸同埋沙律麵豉湯茶碗蒸味噌味嘅話都係普普通通冇乜材料 味道OK但係壽司郎就好足料啦朋友嗌咗178刺身set 都幾靚仔厚切唔記得咗影帶子，太肚餓食咗哈哈 火🔥燒帶子好好味有啲沙律醬咁燒燒 幾粒三文魚子喺面而家變咗$48兩件 唔係逐件散嗌嘅話我覺得佢是日刺身唔係特別抵亦都唔吸引，不過我都嗌咗一舊屎，果然係非常普通嘅鯛魚 呢間嘅話真係做唔到嗰種感覺不過佢赤身嘅話就好過好多平民日本餐廳食白生魚真係去返中環好啲吞拿魚出色 個set 30兩件蝦嘅話，我哋嗌晒蝦 赤蝦$30 ，抵過牡丹蝦好多，我記得之前食呢度嘅牡丹蝦都冇乜特別咁參加$48嘅鰻魚，唔知點解俾我影到好細件🤣其實熱辣辣燒得好香好吸引㗎最後嗌個三文魚頭因為時間嘅關係食唔切叫佢幫我打包冇乜肉，但係燒得好香服務質素好好 加上生意佢哋麻麻正經英 我哋變咗VIP🤣🤣而家見好多食肆都開始執笠，香港真係要加油 價錢真係要調整吓要正視

原本點了的壽司盛午餐感到有點失望，壽司🍣唔太新鮮，水準保持不到。但好欣賞這碗追加的拖羅蓉魚子海膽丼，印象中加$3x 就可以，性價比超高 而且新鮮好味。或者下次會點其他午餐再追加這個丼飯❤️

今日天氣熱想食魚生，見到有set lunch就入來食🫶🏻第一set 吞拿魚丼飯麵配豉湯同茶碗蒸，個刺身飯有拖羅吞拿魚蓉有赤身，好滿足份量又夠🤭第二set生蠔飯配茶碗蒸沙律麵豉湯超級驚喜，一來到服務員就點火焗8分鐘就食得，唔需要叫服務員熄火，自己8分鐘就會熄火。一打開有陣海鮮的味道飄出來，很新鮮再加埋薑同埋蔥一啲腥味都沒有。很好食😋下次來都一定要食。每日都有不同折扣，我食果日星期二全單85折👍🏻

這家吃過兩次，第一次是同事介紹，第二次是跟家人去吃。同樣是午市去吃，因為有Lunch Set，午市壽司定食，會附有味噌湯及荼碗蒸，比較抵食。第一次吃就貪心，想什麼都吃，所以選了一人前手握壽司，就像綜合壽司，三文魚啊、吞拿魚啊、蝦啊，一次過吃多種口味。個人喜歡吃三文魚，所以第二次去吃，選了三文魚盛合，專注三文魚，喜歡它的不同處理三文魚的做法／吃法，有燒的、有切碎、有刺身。這個好吃，推薦！中午、下午時間去沒有很迫，可以慢慢吃。員工友善，會主動幫忙添加茶。如果在沙田市廣場，想吃日本菜，這間可以考慮。

壽司船：極致海鮮盛宴的視覺與味覺衝擊梅丘壽司の美登利総本店的「壽司船」以其澎湃的份量與頂級食材聞名，是海鮮愛好者的必點菜式。壽司船以木製長盤盛載，結合多款新鮮刺身與壽司，包含 吞拿魚赤身、極上大吞拿魚腩、帶子、大赤海老、三文魚 等，展現日式料理的精緻工藝。 食材亮點：吞拿魚腩油脂豐潤，入口即化；帶子鮮甜柔嫩，與醋飯的比例恰到好處。 擺盤藝術：壽司船不僅份量驚人，更講究色彩搭配與層次感，例如以海膽的亮橘色、赤蝦的胭脂紅點綴，宛如藝術品般吸睛。 飲品推薦：巨峰提子燒酌梳打——果香與微醺的完美結合店內特色飲品：巨峰提子燒酌梳打以日本巨峰葡萄的濃郁果香為主調，搭配燒酌的辛口與梳打的清爽氣泡，口感層次豐富，尤其適合搭配壽司解膩。 風味亮點：葡萄的甜味巧妙中和燒酌的烈性，冰涼氣泡更提升整體清爽感，是夏日用餐的最佳選擇。

呢間日本過江龍壽司店都幾出名～今日同同事過嚟食日本菜~我哋叫咗刺身定食, 吞拿魚三文魚盛合, 極上吞拿魚丼, 豪華三色丼配烏冬!刺身定食賣相好吸引, 刺身款式都幾多, 有吞拿魚, 三文魚, 帶子等等, 全部都好新鮮, 好有鮮味! 吞拿魚三文魚盛合擺盤好靚, 又唔同款嘅吞拿魚同埋三文魚~ 呢間啲吞拿魚特別好食, 不愧為日本嘅過江龍! 極上吞拿魚丼賣相都好吸引! 成碗滿滿嘅吞拿魚刺身～仲有少少吞拿魚蓉添, 好好食, 食到好滿足!豪華三色丼配烏冬都幾抵食, 有個迷你刺身飯加烏冬～迷你刺身飯都有滿滿嘅吞拿魚蓉同三文魚子! 賣相又靚又好味～每一個餐都有配茶碗蒸同埋麵豉湯～而家用現金俾錢仲有九折添!

今日有嗌蟹嘅斧飯 食咗幾次之後覺得其實佢美麗華分店嘅質素的確係好啲今日上菜快咗同上次一樣都唔算太多人，不過覺得今日嘅服務好好多，可能位置問題蟹肉肉好似少過之前，不過嗰三條都好正朋友encore呢個 好多吞拿魚壽司拼盤不過不失，逢親魚生或者八爪魚嗰啲佢都會切得薄薄個friend嗌呢個九宮格都幾過癮，咩都有啲今次上菜好快，而且正常新鮮今次斟水都唔使係咁叫帶子好似細究咗， 經過上次經驗覺得赤蝦抵食過牡丹蝦整體而言質素穩定 服務就睇彩數，今日個姐姐好人 好Nice