梁慶記

营业中

休息中

#豬同鴨講 #Pig2duck▪️📰 貼滿報章報道的小店，位置唔近地鐵站，但值得行去 👣▪️【 安格斯溫泉蛋蝦籽撈麵 】 HK$89🍜 份量超大，安格斯牛肉好腍🥚溫泉蛋撈埋蝦子麵，都重口味 🤫 如果佢冇咁鹹就更加Perfect ▫️【 葡式蓋仔豬扒飯 】 HK$65🐖 金黃炸豬扒，仲有隻煎蛋 🍳 配咖喱醬，食完勁飽肚 🤭▫️【 葡式焦糖咖啡 】 +HK$12☕ 焦糖x咖啡完美融合 🥤最後將奶茶溝埋咖啡當鴛鴦飲 😋▫️▫️完！▫️▫️

喺北角沿着海濱公園，可以一直行到去城市花園附近，我哋喺呢度食埋晚餐。呢度最出名嘅係蝦子撈麵。我哋分別叫咗豬頸肉蝦子撈麵同安格斯溫泉蛋蝦子撈麵。講真，兩個都好好食，另外加嘅豆漿亦都好飲。另外我哋帶埋小朋友去，佢要食多啲，所以就叫咗安格斯牛小排套餐。呢個餐會稍為貴啲，但啲牛肉係好食嘅，小朋友亦覺得好好。

#梁慶記 😋😋😋hmmmmm. open from macau. look powerful name delicious but portion not generous. some point i dislike.1) meat portion too little for noodle over 60$+2) noodle plate are flat, not bowl, food fall apart.3) noodle over cooked. too soft. unacceptable......4) +19$ veggie... just 4 pieces.5) milk tea is too sweet... no zero sugar choice...overall just average. wont come back bye.ps. 深水埗， 劉森記is far better...#food #hkfood #hongkongfood #台灣美食 #ukfood #ausfood #馬保國 #香港美食 #thunder5dicks #閃電五連鞭

【東區】【梁慶記】有一晚收工同兩位同事感應姐同變本姐一齊，由銅鑼灣向東行，行到北角左右就想食嘢。佢哋話想食吓呢間粉麵，咁我就梗係冇所謂啦，我乜都食㗎嘛。感應姐食 $69 嘅「牛筋坑腩撈幼麵」加腩汁，再加 $24 變套餐食埋「腩汁生菜」同飲「凍檸茶走甜」。佢就覺得唔錯，正常味道嘅粉麵，啲牛亦都唔會冇牛味，整體嚟講幾好。而變本姐就食 $45 嘅「濠江地道雲吞麵」，配湯幼麵，仲要多蔥同多韭黃，果然夠𠮩𠹌。佢都有加 $24 配「濠江炸雲吞」同「凍葡式奶茶」，佢就反而冇乜感覺，覺得比較一般同普通。到我喇，我就食 $89 嘅「招牌安格斯溫泉蛋蝦籽撈麵」，麵底要竹昇粗麵，牛肉片同溫泉蛋配蝦籽撈麵唔太夾，但各自都係唔難食嘅。加 $12 飲「凍葡式焦糖咖啡」，同凍奶茶一樣都係樽仔上，幾好嘅，加 $9 嘅「滷水蛋」就頗為難食，埋單 $272 嘅。。。（地址：北角炮台山電氣道233號城市花園3座地下4號舖）#1amfoodie #hkig #foodie #hk #hongkong #hongkongfoodie #hkfoodblogger #foodiehk #topcitybiteshk #hkeat

多得電視介紹，又剛巧經過，於是試試澳門過江龍美食。試了招牌葡式蓋仔豬扒飯。非常驚喜！豬扒外脆內軟，保留了肉汁，熱飯再配上蛋汁，確實掂！再點了豬頸肉蝦子撈麵配墨魚餅及豬扒包。豬頸肉肉質還可，聽聞蝦子麵得到米芝蓮推介，蝦子麵麵質及蝦子味道不錯，炸墨魚餅說不算十分鬆脆，但亦算合格。值得推介豬扒包，麵包熱辣辣，包外脆內軟，配上鬆脆豬扒，整個包配上豬扒口感非常好，豬扒肉味濃郁。侍應服務態度不錯。環境雖小，但尚算坐得舒適。性價比及味道都不錯，值得再試。

好少寫食評. 今日同屋企人睇電視介紹好似好好味, 帶屋企人嚟試. 結果..叫咗安格斯扒餐, 安格斯牛肉韌過橡膠, 一件都食唔到. 同事應講咗, 佢就話”係嘅係嘅，唔好意思.” 招牌蝦子麵話要好高溫度滾水煮, 呢個唔知, 不過上到枱啲蝦子麵全部都係微暖, 一餅一餅. 唯一個咖喱汁係幾好食.招牌安格斯流心蛋蝦子麵, 牛肉比較薄，所以咬到吞到. 不過流心蛋唔知係咪煮耐咗,已經變咗實心蛋. 豬扒包就幾好食. 建議食豬扒，唔好食牛… 一路食出邊都有人排隊, 電視廣告威力好強.

店面光猛，環境乾淨企理，員工態度欣切。炸墨魚餅，新鮮脆口，完全無炸過龍，而且無油膱味，值得一試。燒豬頸肉，一樣冇過火，而且又淡淡嘅炭香味，十分推介。可以做得更好嘅地方有二，蝦子麵喺上菜之前可以撈得更加均勻，就唔會出現相入面嘅情況，黐埋一舊，比較難進食之餘，味道亦都唔勻循，影響咗整體評分。另外仲叫咗一個葡式吉列豬扒蓋飯，隨餐嘅咖喱汁，睇得出係俾心機做，椰香味充足，撈飯一流。唯一美中不足嘅係個飯真係太過濕，撈埋兩隻太陽蛋嘅汁，就好似食緊泡飯。

上次吃過下午茶，這次來是因為看完網上平台見人食蝦籽撈麵好好味咁所以突然想食蝦籽撈麵，搜尋北角區結果又是這家哈哈😆豬扒蝦籽撈麵 $63選的是幼麵，蝦籽份量十足，麵身彈牙；除咗豬扒仲有幾款選，標配炸墨魚片頭，麵份量足，定價略高不過好味搭夠，食過返尋味！

最近好想食豬扒包，搜尋到原來炮台山有梁慶記，下午茶由2:30開始供應，選了半個豬扒包+墨魚餅3件，飲品是檸檬桑葚茶；墨魚餅炸過幾香口但略油，如果底下放張紙吸油會好啲，內有芹菜對我來說扣分幸好味不濃；主角豬扒包包身脆、豬扒入味，洋蔥抄得香夠熟好味！份量以下午茶來說很足夠。飲品有三款花茶選又不用加錢是加分點，小店座位不多，平日下午茶時段冇乜人可以坐得舒服啲，不過店內冷氣不足加了很多風扇，人少時就問題不大。

幫襯過澳門的街邊大牌檔梁慶記，所以帶少少好奇心黎幫襯，雖然食落係兩回事(澳門蛋巷嗰間好食好多)，不過食物味道VS價錢都算不過不失啦。叫咗個2人套餐，入面有蝦子麵撈粗，餸就揀咗雞扒(其他選擇有豬頸肉、豬扒、澳門魚蛋，金錢肚)，葡式蓋仔豬扒飯，酸辣墨魚餅，再加兩杯餐飲，另外再叫咗個淨牛筋腩。酸辣墨魚餅最流，其實就係有D似炸魚片頭咁樣，不過炸到over咗少少，而且唔酸唔辣。雞扒蝦子麵撈粗都OK，都落咗幾多蝦子，不過就無乜香味，另外D麵有梘水味。反而呢個葡式蓋仔豬扒飯幾好，其實就係炸豬扒下面有隻煎蛋，然後下面就係白飯。拎開D豬扒就見到隻蛋。牛筋腩都OK，牛筋好入味。

同個朋友去叫左兩個麵等等下聽到個大嬸喺度咳我的坐位就望到廚房一邊撈麵一邊咳而且是沒有帶上口罩正正就是我的撈麵、其實啲姐姐仔知道我見到但照出當無事發生、最後無食。

又貴又唔好食要爽面 比林面杯凍檸茶得正常外面一半奶茶冇特別墨魚餅 只係將個墨魚丸切開四粒個炸雲吞係正常外邊嘅¼ ¼咋不過牛腩算係用心製作牛筋牛腩OK但係我哋嗰支揀兩個撈麵兩個撈麵跟湯都係一啖都未一啖就飲完啦根本就唔正常呢間舖頭正常人諗過跟湯都唔會咁差咁細碟啦除咗所謂竹升麵好正之外，廢到爆啊如果嗰次兩個人食$200 只值50或者更少令我好失望，什麼米芝蓮連續性面？什麼澳門 澳門名店食肆 好難食啊？不過有樣嘢食得㗎佢嘅酸甜蘿蔔好正我覺得這個地方

之前去澳門都會去「梁慶記」食佢地的蝦籽撈麵😋😋「梁慶記」係一間澳門老字號麵店，主打手打竹昇麵同豬扒包等澳門風味小食，亦獲米芝蓮推薦！！原來佢地喺北角都開咗間分店，咁唔洗過澳門都可以食到啦❤️❤️🍝各式蝦籽撈麵✨嚟到當然要試佢地的招牌蝦籽撈麵啦！賣相好吸引🤩🤩粗麵爽口彈牙，帶濃郁的蛋香，一啲鹼水味都冇！面層鋪滿蝦籽🦐，撈勻後鮮味十足！！配料就揀咗豬頸肉同辣金錢肚，豬頸肉鮮嫩脆口，油脂香豐富🔥🔥另外仲加($24)加配咗炸雲吞同葡式奶茶～～炸雲吞外皮酥脆，餡料有蝦仁同豬肉，味道鮮甜多汁！！葡式奶茶都唔錯，口感順滑，茶味同奶味都好香濃👍🏻👍🏻

梁慶記 (北角).朋友成日係港島流連又知我地喜歡食啲地道野，澳門🇲🇴出名嘅梁慶記原來香港都有！.唔想食飯/粗麵咁heavy嘅大家可以食米粉，呢到嘅葡式香辣喇沙米粉係比較清，個湯係清湯再加上香辣粉但佢跟嘅餸係炸雞翼，炸墨魚角等比較重口味，兩個夾埋就啱啱好.另外大推大家愛吃豬扒包嘅要食，佢嘅到嘅豬扒真係做得幾好，可惜今次我食呢個包唔夠汁略嫌乾身.飲品上有咖啡奶茶，但女士要養生嘅話仲有花茶叫咗個胎菊石蜂糖花茶，焗一陣好好飲！.梁慶記 (北角)北角炮台山電氣道233號城市花園3座地下4號舖

梁慶記 (北角).位於北角有一間澳門特色嘅餐廳，有撈粗有豬扒包！.▪️二人套餐▪️.呢度好貼心有個二人套餐，有晒我哋想食嘅招牌！我哋叫咗一個豬頸肉蝦籽撈粗，上枱就見到擺得靚靚，而且充滿着蝦籽唔想食豬頸肉嘅，你仲有其他肉類嘅選擇另外再叫咗個葡式豬仔蓋飯，呢個真係200分超好食！豬扒炸得酥香肉嫩，入邊中包住兩隻太陽蛋，另外佢仲配有咖喱汁同埋豉油俾你撈飯，豬扒再加上蛋汁，另外仲可以加入少少嘅咖喱汁，好好食！！.呢度嘅樽仔奶茶咖啡都好出名，樽仔入住就唔會有冰融令到佢淡咗！.📌 梁慶記 (北角)北角炮台山電氣道233號城市花園3座地下4號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️