桃園制作粥麵餐廳 (美禧樓)

呢間係連鎖茶餐廳格局，環境乾淨企理，坐得幾舒服。今朝食咗個早餐set，有叉燒湯米線、鮮奶炒滑蛋、芝士蒜蓉軟法包同熱咖啡。叉燒湯米線嘅叉燒出乎預期咁好味，肉質鬆化得嚟帶少少蜜味，唔會太肥，湯底係正常味道可以嘅清湯，米線嘅質感都滑，係稍為 碎左少少。跟餐嘅炒滑蛋用咗鮮奶，口感算嫩滑但實左d，中規中矩；個軟法包就爭啲，雖然夠軟熟，但芝士蒜蓉味道太淡，成個包無乜味。杯熱咖啡係即磨嘅，味道偏淡咗少少，但以茶記嚟講都算合好唔錯。整體而言，個早餐set最出色係叉燒同滑蛋，其他就中規中矩。喺屋邨商場想食個舒服早餐，呢度都係個唔錯選擇。…查看更多

今年冬至剛好在星期六，剛剛喺石硤尾體育館打完波，下午茶時段好肚餓，問左住係深水埗的朋友，佢推介我食桃園。係體育館行過來都係十分鐘左右，非常方便。見到佢餐牌個麻辣米線好吸引，所以今日就食黃金魚片角麻辣米線啦。餐桌上有小食廣告，加18蚊有三條魚肉春卷，28蚊有五條，睇返佢個午市也有魚肉春卷魚片頭麻辣米線，要50蚊，但飲品半價。茶餐38加18但可以包熱飲，應該咁加抵啲。麻辣米線送到來,蔥花花生放係匙羹上面，可以按喜好放落湯中。魚片頭有四舊，好彈牙，魚味十足，仲有一塊扁豆卜，吸曬麻辣湯底嘅精華。對於唔食辣嘅朋友，呢一個湯底應該係幾辣嘅，但對於嗜辣嘅我，呢個味道恰當好處。魚肉春卷，質地硬淨，香脆可口，浸一陣麻辣湯，更加好味。寒冷天氣警報生效，當然係飲返杯熱飲啦，所以點左杯麥可可，味道適中。我食完麻辣米線，飲埋杯熱飲，成個人暖笠笠，正。滿分為10分（一分最低，10分最高）食物：9環境：9衛生：9服務：9價錢：9舒適度：9總分：9…查看更多

前後叫左2個炒麵後面個個等左20分鐘，侍應叫極唔應發緊夢咁。 隔籬枱遲嚟都好快有麵，原來侍應搞錯送左去隔離😡😡😡圖一係我哋食哂最後個麵先到仲有好似圖二咁炒麵超硬 。愈嚟愈差 唔會有下次！…查看更多

平日星期一早上在石硤尾，經過見店內頗多食客，也見有我喜愛的豬骨粥，便直入。裝修一般，乾淨企理，服務平平，早餐選擇多，價格可以。我的豬骨粥早餐包括了炸蘿蔔糕，炸蘿蔔糕是現做的，等了十分鐘，外脆內棉，但粉稍多了，也有蘿蔔味，味道剛好，不用再加豉油，只配上一點辣椒油就非常好味。在上蘿蔔糕時我已提醒服務員我的粥還未到，她只看看上菜單話沒有飲品便離去，我也不知道有否聽到我的說話。再過了數分鐘我再找其他服務員，這個服務員在遠處應了，慢行過來，他再睇睇我的上菜紙，就話會同我問問，跟住也是慢慢行過去，又過了兩分鐘才見他，送上碗粥！粥好綿不錯，份量小，內有細細件的排骨，豬骨味不重，味道剛好。…查看更多

由於工作關係，昨天下午5點左右來了桃園制作吃個快的晚餐，可惜這個時間有點尷尬，餐牌的午市套餐只到14:00，勁食的我，下午茶絕對不夠飽，而晚餐餐牌亦都寫了18:00才開始，我其實有點心感不妙，一來我想吃飽點，二來我想吃炒飯，所以就問問侍應午市套餐的炒飯還有沒有，職員表示已經不可以再叫午市套餐，然後職員隨之問我：你是否想吃炒飯?  我答：是的，然後職員表示晚餐餐牌的已經可以點餐，我當刻覺得這位職員真的十分貼心。黑松露叉燒粒蔥花炒飯 $64炒飯炒得合格，飯是一粒粒分明，的確有微微的黑松露味道，味道不會太重，不會搶去我最喜愛的叉燒味道，叉燒似乎都是半肥瘦，因為咬下去不會覺得叉燒粒很乾很靭，加上經典組合 - 蔥粒 點綴，而且炒飯份量都多，絕對夠男仔食，滿足！…查看更多

$37買個下午茶。垃圾到。首先份量少過大家樂大快活好很多。幅圖果度有4,5塊叉燒但返到屋企得2塊仲要走色，即係食白飯。碗仔翅就好杰啦食篤鼻涕咁，之不過我懷疑係齋，雞絲就失蹤。乜咁健康。最後杯紅豆冰走飲管走埋匙羹，我飲乜呀？ ？ ？ ？ ？ ？ ？ ？ ？ ？落外賣果呀姐就十下十下，落咗成分鐘，等個咁簡單嘅外賣，仲要得半滿嘅客，罰企咗十分鐘仲要我主動催先幫我慢慢筆。我個樣似好得閒咩？ ！我以後唔會再幫襯呢間垃圾百份百，垃圾！…查看更多

真係來佐好多次嘅茶餐廳因為佢地有烤魚！酸菜味，兼且平！先💰128蚊，成條烤魚都夠曬兩個人食。可惜無附贈飲品，嘢飲要單點或者搭配其他套餐落單。除佐有酸菜味，仲有辣味。兩種味我都食過，兩個都好好食！😋我地兩個人來食，通常會點多個set，比如今次叫多佐個粥餐，皮蛋粥➕蘿蔔糕💰39蚊，然後搭配飲品半價（凍檸茶💰11蚊）。menu上面仲有好多款小菜可以揀。上送速度都好快，唔駛等好耐。可以俾現金同微信支付。都幾方便。…查看更多

一入門口無人理，是旦找個位坐。之後order個蔥油雞扒飯加凍檸茶。首先送上來是凍檸茶，沒有檸檬，飲落得個酸字沒檸檬味，是溝出來果種。之後飯到，蔥花甚多，但主角雞扒入面嘅肉又老、又「鞋」和又韌。個雞皮更炸到硬晒，少啲牙力都未必咬到。$58是否就係咁嘅貨色？還是因為不是店舖推介，就是咁嘅層次，我好疑惑！唯一不錯的地方就係因店員除了落單之外，就差唔多完全唔理你，所以相對上可以繼續慢慢研究杯沒檸檬嘅凍「檸茶」。…查看更多

試左兩味麻辣小炒麻辣牛肉炒飯叫左多辣食到有陣陣花椒味飯炒得好乾身粒粒分明另一碟避風塘海鮮炒麵超有驚喜！！好多海鮮，有魷魚圈，蝦，同埋魚片仲有好多芽菜，蔥，韭菜，芝麻粒面頭鋪滿辣紅炸蒜超級惹味食落都好多花椒味非常之岩嚐辣人士！…查看更多

簡簡單單嘅一日，簡簡單單咁去食個早餐，早餐嗎，絕對係單調乏味，不是這樣就是那樣。貴嘅我食唔起，平民的早餐，簡直就係同一個廚師煮出嚟，好似同一個老母生出嚟咁樣樣。沙爹牛肉煎雞蛋通心粉，都好大碗！一個女人仔唔一定食得曬，雞蛋煎得好靚！牛肉唔算多但都可以喇，牛肉好淋好滑，沙爹甜甜地，都幾香口，但係沙嗲汁好少而且畀個湯溝淡曬，搞到沙爹牛肉完全失色。未必係錯，但係我覺得廚師應該考慮一下呢一方面，然後加以改進。最奇怪就係加咗啲蔬菜上面！我要嘅係沙爹牛肉通粉！！你做乜加蔬菜上面呢？！我唔鍾意食蔬菜！…查看更多

夜晚收工路過桃園餐廳用膳，本人偏愛食魚🐟，食過太多蒸魚，想轉煎魚食，（但係煎封魚要二人套餐先可以點）餐廳主管話可以做俾我，俾個Like！ 咁樣就不用點二人套餐啦。服務態度好👍 而去鼓油又好味，特別要求多鼓油。上菜快，15分鐘食到。…查看更多

叫咗外賣等左成個鐘都未有，問餐廳主管（陳xx先生），望都唔望一眼、問都唔問我叫咗乜嘢食物，就同我講：「你見唔到有咪即係未有囉，去出面等啦」之後我反而問一個普通嘅侍應生，佢先即刻幫我跟進，原來成張單漏咗啊～之後仲要再等多一個鐘先有得攞，我要求退錢又唔俾我退，之後我想反映意見又完全搵唔到任何渠道⋯可想而知呢間餐廳連鎖店應該係經常俾人投訴亦都預咗會有人投訴，所以就唔會提供客戶服務呢樣嘢，因為完全冇服務可言！…查看更多

APP落13:15取外買,13:30到取,店家稱已取,及後check話有出,已放門外風扇上,店員稱被人取走,反問我想點,話會再取一個比我,因為到13:38才取到,因要返工,午膳時間有限,要吃到好趕....之前有2次係落左單,等左很耐先有...第二次就比人取走or落漏單(唔知)..餐廳要留意下..如果真係有人拎錯..目測係冇多餐係度..有人襯亂拎走or貪心都好...經過2-3次但我唔會再幫襯啦..........…查看更多

今日叫咗外賣食㗎呢間外賣就係桃園製作嘅見佢價錢都唔算係太貴四川麻辣牛肉飯呢個飯睇色水都炒得唔錯食落都幾惹味佢係濕濕地嘅又有少少辣咁啦都幾釣到胃口嘅避風塘艇家炒麵呢個炒麵又係識佢都比較濃發現佢哋落調味料都落得幾多下可以食囉佢個味都算重口味嘅但係識落都OK唔錯可以接受嘅跟住佢哋有個兩杯嘢飲都係熱飲嚟嘅佢個杯可樂防盪水嗰個位整得好靚呀卡通得意可愛最後我哋係叫外賣送上嚟嘅總體而言其實睇價錢方面呢我覺得都可以接受嘅60幾蚊味道亦都好算唔錯…查看更多

新一年，當然要吃一個靚早餐補充能量。😋打電話到店舖，店員說只需15分鐘就可以自取。😆介紹番，我點的是雞扒流心蛋米線。我比較欣賞的是外賣的設計，因為它是一個碗分湯的，變相米線不易因為浸湯而發脹，又不容易吸乾水。整個米線湯是偏淡，不會太口渴，雞扒很嫩，流心蛋也很流心，處理得恰到好處。😋至於熱檸水方面，它用了一個具有設計的杯子，賞心悅目。🥰不過它並不是用新鮮檸檬，而是已榨好的檸檬水，好處是不會因為檸檬的苦澀味令檸水變苦，但壞處就比一般檸水偏酸。😣整體來說，也是值得推薦的。👍🏻…查看更多