校長燒肉日韓料理 (大埔廣場)

营业中

休息中

今日在大埔廣場附近，見到有間好抵食的放題，入左去試吓。禮拜六日都係198加$20 再加一任食兩個鐘，而且仲包火鍋加燒肉放題。一入到去要上一層，樓梯位有好figure 公仔，感覺好夢幻。餐廳環境大，食物種類款式多，食物區域指示清晰。燒肉區有牛、豬、鷄，魚，醃製種類有燒烤，黑椒，有辣有唔辣。店員亦主動更為我哋換燒烤紙，幾貼心。火鍋區調味醬汁齊全選擇多。有日式清湯，壽喜燒湯，日式豬骨湯可揀。肥牛肉類，腸仔丸類，蔬菜瓜類、麵類也有好多。壽司刺身日式區刺身即叫即切乾淨衛生，有三文魚、吞拿魚、八爪片、響螺片等，壽司種類也豐富，還有中華沙律。熟食區有滋補燉湯，點心，炸物，新鮮熱辣辣，味道唔錯。沙律區食得肉多，可以去沙律區攞啲蔬菜來中和一下。甜品區最特別是可自製台式小丸子涼粉冰。雪糕雪條款式也多，還有小甜點和軟雪糕任食。飲品區有汽水罐裝或紙包飲品，特別推介花茶區，超多選擇，非常養生。而且仲有清酒任飲。總括來講，性價比高，火鍋加燒烤，種類多，大滿足。

下班後既想享受香噴噴的烤肉又想品嚐新鮮的刺身和熱騰騰的火鍋和朋友都想起校長燒肉🥳從新鮮的刺身、豐富的前菜、爽口的沙律到熱騰騰的熱葷、香脆的炸物和誘人的點心再到多款火鍋配料、瓜果和菇類種類繁多到令人難以取捨🥹.烤肉區域的肉類種類繁多，牛、豬、雞、魚應有盡有特別是五花腩，經過烤制後，油脂融化，散發出誘人的焦香味😍外層酥脆，內裡肉質柔嫩多汁咬上一口，油脂在嘴裡爆開令人欲罷不能其他如牛肉片，肉質鮮嫩多汁烤得恰到好處，香氣撲鼻😍帶有一點焦香和肉汁的鮮味讓人忍不住一片接一片.刺身部分則是新鮮厚切赤蝦肉質彈牙、甘甜，入口即化，帶有海洋的鮮美氣息😆三文魚脂肪分布均勻入口有著濃郁的鮮甜滑潤如奶油般在口中融化八爪魚片彈牙有嚼勁，帶有淡淡的海鹽味每一款都讓人回味無窮😎.火鍋區的湯底香濃醇厚配料豐富蔬菜的甘甜和菇類的鮮美在湯中逐漸釋放出來瓜類爽脆多汁，素食者也能盡情享用🥹食材融合在湯底中，讓整個火鍋味道層次豐富.熱葷部分的熱食、炸物與點心，香氣撲鼻熱騰騰的燒賣，肉餡鮮嫩多汁，蒸得恰到好處帶有淡淡的豉油香和肉汁的豐富滋味😍.飲品方面豐富多彩汽水，還有各種養生花茶茶香清新，回甘怡人既解渴又能平衡油脂的膩口感令人感

沒來一段時間, 又多了很多新菜式熟食方面：有金銀蛋菠菜, 蟹柳配西蘭花, 雲耳翠玉瓜牛柳, 蝦仁西芹, 咖哩魚蛋豬皮等等, 全部也健康又好味燉湯：蟲草花燉雞湯 - 真材實料, 除了蟲草花及雞肉, 還有紅棗及紅蘿蔔, 味道清甜滋潤, 原汁原味炸物：流心椰汁球 - 很有驚喜, 外形像煎堆仔, 脆口惹味, 咬開有流心椰汁, 甜而不膩火鍋：人氣響鈴 - 外形像蛋捲一樣, 非常有趣, 吃起來很有層次感香脆魚皮 - 邪惡又美味必食山根 - 吸滿火鍋湯汁的山根很惹味紫薯刀削麵 - 紫色非常吸引, 口感順滑還有出前一丁提供, 另有蓮藕、南瓜、餃子、各類菇菌等日式美食：當然少不了魚生、壽司, 還有中華沙律菜、蕎頭等等韓燒：肉類醃得非常入味, 還有必吃的燒菠蘿, 酸酸甜甜可以解膩鮮果：蘋果、火龍果、菠蘿等等飲品：有多款飲品選擇, 還有梅酒及清酒, 以及自由配搭的花茶甜品：一整個櫃放滿各式甜品, 悉隨專便還可以自己唧雪糕另有足料好味的碗仔翅, 清甜滋潤的木瓜雪耳糖水每次來校長燒肉都有新驚喜, 而且這裏無論情侶, 朋友聚會, 一家大細都非常適合, 總有食物適合各人口味

最近見到校長個返攻深圳宣傳好似好吸引.去咗大埔校長燒烤，原來真係好多人. 同埋好抵食！呢間店唔單止有燒烤，仲有點心、壽司、刺身同火鍋，款式多到揀唔晒。燒烤嘅肉類好新鮮，牛肉、豬肉、雞肉樣樣都有，燒完之後啖啖肉汁，好正！另外，佢哋嘅壽司同刺身都唔錯，特別係三文魚刺身，好鮮甜。火鍋湯底都有幾款可以揀，我哋試咗麻辣湯底，夠晒惹味。價錢方面真係好抵，咁多嘢食都係合理價，CP值超高！原本見佢咁平都擔心服務態度. 但係店員服務態度好好，會定時過嚟幫我哋換燒烤盤，唔使擔心燒燶嘢。飲品方面都有好多選擇，由汽水到茶類都有，食燒烤飲番杯凍飲真係一流。總括嚟講，呢間燒烤店食物種類多、質素好、服務貼心，價錢又抵，絕對係大埔區嘅放題恩物

校長燒肉價錢不嬲都比較親民，二百幾蚊有齊燒烤/刺身/熟食/炸物/火鍋任食任飲，嘢食飲品種類都多樣化，所以間唔時都會喺想食平平地嘅大餐嘅時候黎拆返餐。入到餐廳就感受到熱鬧嘅氣氛，適合同朋友傾計聚會，而且而家餐廳裝修咗，間開咗另外一部分坐落更加舒適。我地揀左貴d既餐包生啤任飲，$298/位，而且d甜品都高級d。坐低就有一份手切牛先上，係呢個餐先食到，油脂分佈好平均睇落好靚，食落一d都唔韌而且有牛味。呢度嘅燒烤種類喺出面自己夾，好豐富，包括雞翼/豬扒/牛扒/金沙骨/多春魚/叉燒/雞腎等幾十款；蔬菜類亦有脆肉瓜/雞髀菇/番薯仔/金菇/冬菇等等。仲有新鮮刺身，包括超級肥美嘅牡丹蝦，口感滑嫩，搭配醬油同wasabi，真係味道一流。另外仲有幾款壽司不停轉款供應。除咗燒烤，仲有好多熟食同點心：- 各式炸物，薯條咖哩角炸餃子等等，作為小食真係唔錯。另外呢個餐可以畫單升級炸物，有芝麻雞翼同芝士年糕，即叫即整超香脆，雞翼有汁，芝士年糕可拉芝。- 仲有啲熟食蔬菜肉類，自己燒唔切嘅時候可以出面夾下野食住先，或者食下炒菜冇咁油膩。- 當日仲有燉湯，係海底椰雪梨湯。飲品方面，店內有好多選擇，包括各式啤酒汽水紙包茶類

同事生日約埋食飯慶祝，大家意見分歧,有人想食韓燒又有人想食日本菜，另一個又話想食火鍋。我知道有個地方能一次過滿足晒佢哋嘅口味，校長燒肉日韓料理係最佳選揀，而且價錢大眾化，因為近同事屋企所以去咗大埔分店。餐廳佔地都好大，所有食物都係自助,所以設有大型自助區，燒烤食品、火鍋配料、刺身壽司、沙律冷盤、燒物、中式點心、熟食菜式等，另外還有甜品櫃、雪糕機、飲品櫃，食物分門別類擺放清潔又整齊。燒烤食物中特別喜歡燒雞翼，有蒜香、香辣和咖喱味，肉質鮮嫩好入味。刺身有多款選擇而且好新鮮，厚切三文魚色澤鮮明，油脂甘香。原粒帆立貝和大隻赤蝦鮮甜爽口。最後甜品都有不少選擇，有軟雪糕、雪條雪糕、自家製甜品糕點。今次因為燒烤食得太飽，冇食火鍋，下次再先再食過！

好少寫食評既我，今次真係要寫一寫！由校長第一間元朗店我已幫襯，但可能開多左分店後，食物 環境 及員工質素都有所改變，好多年前我已沒再光顧，直到昨天心血來潮，約左兩個好朋友諗住係大埔食飯，搵OpenRice時見到有間校長，心諗唔會好似之前咁掛，於是三條友膽粗粗試下好唔好食！之後訂左三位七點半，我同一個朋友早到，就問樓下員工今日點收費，原來佢有三個唔同，$178加一（無刺身）$218加一（有刺身）以上兩個係2小時，仲有一個佢地話新出$298三小時 另加一（包生啤，手切牛肉，甜品，生蝦同限定食品），最後我地都係選擇左三小時（因為心諗，食多幾杯movenpick 同飲多幾杯生啤就回本啦）上到去見到環境同食物，比我相像中完全唔同，環境乾淨，裝食物既器皿唔會污糟油立立，服務仲無得頂👍🏻個男員工全程同我地有傾有講，仲貼心問話我地知有邊幾種生啤唔同味道，有咩食物我地可以無限叫既⋯（下刪百字廢事被話打手🤣🤣🤣）總括黎講，$298加一 我覺得抵比，仲平過N年前係元朗食時既價錢我同朋友會再來既😛

這夜得我和呀仔兩個開餐，就去見一見佢掛住的校長門口同上樓梯都擺上大figure已經令人心境開朗，地方非常大，座位闊落。我哋揀咗火鍋燒烤刺身任食兩小時，先食刺身同壽司，款式選擇不少，每次師傅切三款刺身，可以無限encore呢度燒烤肉類一向款式多，豬，牛，雞，羊，魚都有提供。而每款食物都有不同醃法，好似香扒就有蒜香，香辣，咖哩鍾意食羊架嘅一定唔好錯過，少少羊騷味，自己燒可以控制生熟程度。魚柳也非常入味可以揀鴛鴦湯底打邊爐，有很多火鍋配料，蔬菜供應還有自助沙律，中華海草，粟米， 螺肉，等等肚餓等唔切燒嘢食，也有不少熟食提供各式汽水，啤酒飲料無限供應之外，還有花茶可選，自己泡製一壺喜愛的花茶，可解油膩食到好飽，但食放題好似要食埋雪糕先滿足，呢度還有好多細細件的甜品。見咗校長兩小時，開開心心，呢位校長頗受家長和學生歡迎

大埔校長燒肉可謂韓燒始祖以超多款食物，中西韓日，特色裝修出名價錢更是十分之經濟多年來價錢也是差不多的確是留港消費好去處可能你覺得，這麼便宜準沒好東西？也不是的，我覺得餐廳地方大，坐立舒服自助形式，環境衛生不錯的而且食物refill很快，不會拿一輪就不添加真正的任飲任食沒欺場七點前離座任食兩小時包燒烤和火鍋才$108位（五六日假期等加$20）怪不得五點來到頭圍用膳時間已很多人食物質素我覺得是這個價錢能吃到的不會要求太高啦肉類說得出的都有了，牛豬雞魚香腸丸類火鍋還有幾款湯底提供壽司冷盤，連廣東點心也有😳飲品種類繁多，包日本啤酒！各類花茶任飲任意配搭甜品區更是花多眼亂可以自己製作台式仙草芋泥中式木瓜雪耳糖水好好吃👍因為太多東西吃不能盡錄這個價錢還求什麼！一家人又可以吃飽還可以自己燒（重點是不用洗碗）十分滿意👍

平時諗唔到食咩就會同男朋友一齊去食呢間性價比好高嘅校長燒肉 而且每日都坐滿晒人 價錢都只係200頭一位 款式選擇多而且好抵食🥰先嚟講吓佢哋嘅座位環境 枱與枱之間都闊落 有火鍋同燒烤兩種都有齊 成個環境唔會好侷促 店員是不是會幫我哋換油紙 咁就唔會黐底啦最估唔到嘅系 呢度竟然有我最鍾意嘅樽裝維他奶好有懷舊feel 😀食物選擇都好豐富 壽司都有各種款式 全部都新鮮有特別 個人最愛烤芝士三文魚 口感好豐富 而且仲會有中式蒸點心 竟然有馬拉盞同蟲草燒賣😍食落新鮮 而且好有特色

今日突然之間好想食燒肉，近近地喺屋企附近揾好嘢食諗諗吓好耐無食過校長燒肉了，又係時候要去探一探店了😉坐低一陣我就出去攞嘢食，一如既往，佢哋嘅食物選擇實在太多，燒肉都有好多款，仲要係新鮮😄除咗燒肉之外，仲有好多日本魚生刺身同壽司！另外熟食區亦都有唔少嘅食物選擇，每一款味道都唔錯！佢仲有好多好多甜品同飲品任君選擇。最經典係飲得番兒時熱辣辣嘅維他奶❤️燒肉店來講佢都算係好多元化，下次唔知食乜好？唔使諗啦！一定係校長燒肉啦！

好耐無去,昨晚去幫襯一下，結果食物品質變了，食品又少了。加錢的刺身雖然是任食，但每一次拿的時候都是迷李版的😅,還有吞拿魚是有味道的（咸咸的）。燒烤的食物少了，我喜歡的雞軟骨沒有了，牛肉也少了，就只有辣味的，問員工是否有吾辣的，就只有肥牛，但肥牛的肉質是淺啡色的，好難食。之後再問員工是否還有肥牛，她在雪櫃內拿出一大舊放在我的碟上，但是冰的，限時兩小時能解凍嗎？還有蒸魚是凍的，是要自己燒烤才食的嗎？晚餐二百幾以為是因為想香港人留港消費才出這個價錢，原來結果是這樣，我諗短期內都不會再去，並希望店方會改善一下啦…😅

今日去咗大埔探表姐，剛好佢生日，全家去食燒肉放題慶生，叫埋我一齊去，校長燒肉日韓料理裝潢以軍營做主題，生日正日免費，當月全單九折。餐廳地方都好大，座位寬敞。餐廳放題食物全部係自助型式，在自助區放有燒烤和火鍋食物、刺身壽司、各種熟食、炸物和冷盤、沙律和中式點心、飲品和甜品，分門別類擺放整齊。每枱設有燒烤和火鍋爐，燒烤食品款式多又入味，火鍋配料亦有不少選擇，三文魚刺身新鮮肥美，赤蝦鮮甜。熟食款式會不停更新。其中甜品有雪糕機，軟雪糕非常滑溜，不會太甜。

上星期約班朋友去大埔食燒肉放題，決定盡情食個飽飽。這餐廳地點都幾方便，就在大埔廣場，大家都就腳。刺身種類都幾多，整體感覺新鮮，無限供應。我比較喜歡三文魚，油脂相間，都幾肥美，油香滿滿。帶子都唔錯，雖然不是很大，但爽甜有鮮味。燒肉種類相當多，豬、牛、羊、雞、魚，樣樣都有，牛扒燒起來好香，入口軟滑有口感，加些燒烤醬更美味。燒三文魚骨都好味，雖然說是骨，其實都好多肉，近骨的肉更嫩，吸收大量奧米加3，而且充滿油脂的香味。除燒烤還有不是熟食，真是應有盡有，有沙律前菜，蒸中式點心，壽司，炸物等等，要全部試晒真有一點困難，我覺得壽司幾好味，而且有不少款式。一邊燒烤可一方打邊爐，嫌烤肉太膩滯，可以食些青菜、菇菌解解滯，相當唔錯，而且火鍋生料都有好多選擇。甜品種類也多，各式奶凍雪糕都有，但我最喜歡自助甜品bar，自己調配，仙草、白涼粉好食，夠Q彈，加些奶更香滑美味。