㖊日（9-8-2025 Sat）晏昼，再同老公送回收品去荃运兼去南丰纱厂睇展览，嚟到南丰纱厂就医吓肚先，呢喥平嘅食肆唔多，咁啱我哋喺呢一层，见到呢间嘢，睇睇有咩嘢食，都系乜丸物丸，不过都见到有意粉，但啲丸好似几有特色，咁就坐低睇menu试吓，见到话买满$30.00嘢食，可以特价买饮品，睇完后，就要：2. $6.00嘅热菠萝青柠蜜正常嘅菠萝酸甜味。5分4. $10.00嘅冻罗汉果茶唔太甘苦，我饮到底至发现，原来老公冇搅匀沉晒喺底嘅蜜糖，但佢唔苦就冇问题啦。5分1. $39.00嘅杂锦肉丸呢个有墨鱼丸，牛骨浓汁牛丸， 猪肉丸，姜汁皮蛋贡丸，猪骨浓汁贡丸，炙烧芝心丸，芥末沙律球同细鱼蛋各一粒。店员帮我哋剪开啲丸，不过有3粒有馅嘅就冇剪，啱嘅，亦用牙签拮住粒姜汁皮蛋贡丸，提我哋食时小心热。牛骨浓汁牛丸，猪肉丸同猪骨浓汁贡丸味道真系够浓，好味。5分墨鱼丸同细鱼蛋都正常。3分炙烧芝心丸唔会太咸；芥末沙律球芥末味好似唔多出；4分最后姜汁皮蛋贡丸系好特别同有惊喜。5分1. $36.00嘅原制奶酪饼呢个要时间做，呢个热热地，一食，外脆，芝士拉到丝，味道唔咸，又唔腻，有惊喜，老公都赞。5分环境：凳系木凳冇所谓，但坐喺喥等嘢食就越等越热，系咁流汗，直至煮完嘢食。其他：menu冇原制奶酪饼嘅价钱，俾钱至知。抵食系2.7分题外话：荃运环保回收社企，原来因政府唔资助，喺3个礼拜前执咗。…查看更多
