林香檸手打檸檬茶 (AIRSIDE)

行入「林香檸手打檸檬茶」，空氣中已經飄住淡淡茶香同清新的檸味，簡單卻令人期待。先試「鴨屎香檸檬茶」，茶底花香明顯，帶少少焙火氣。手打檸檬汁混入後，酸勁乾淨俐落，唔會搶茶香。入口一陣微甜，茶味隨後冒上喉頭，尾韻清新回甘，好有層次感。 再嚐「招牌手打檸檬茶」，氣泡感細緻，手打後嘅茶身有種輕微滑潤感。檸檬香更鮮明，酸味溫和唔刺喉，甜度控制得準，飲落口清心爽。尤其係冰溶少少後，茶味再滲出，反而更順。 兩款檸茶各有個性，一款韻厚帶花香，一款清爽見層次。林香檸最吸引嘅地方，就係「手打」唔止係動作，而係用心——令茶香、果酸、甜度都達到一個自然嘅平衡。飲完嗰刻，整個人都醒神咗。…查看更多

Airside有位戴眼鏡、身材矮小、染咗少少金髮，通常負責收銀同出餐嘅女職員對客極無禮貌，待客態度非常惡劣，幫襯佢多謝無句都算，仲要黑口黑面、眼啤啤、藐嘴藐舌，飲品有幾好飲都唔想再幫襯，建議貴公司安排神秘顧客自己感受一下。員工服務：當日感受極差，極不滿意，員工係成間公司嘅靈魂，絕對影響顧客對店舖整體感受。飲品味道：可以接受，似飲緊香水，近年真係比較注重健康，久唔久飲下OK。店鋪外觀：裝修幾好，cyber look。側邊堂食位置經常污糟，不敢享用。會否再光顧：因為唔想再見到各位員工，唔想再光顧。…查看更多

 the worst shop I ever tried n I tried it twicethis shop is a rip off the drinks is less than half cup the rest is ice !!the second time I ask for less ice n the reply was the cup won't be full ( less ice not more drink) in the end same full cup of ice n little drink !! Don't spend time or money on this shop !! this is a takeaway tea shop!!I'm writing this review so other people don't have to be scammed by this type of service. I don't know why the editor would reject such an honest review??…查看更多

各位茶飲同好請注意，今日我要同大家隆重推介嘅，就係喺啟德AIRSIDE長期處於人氣高位嘅「林香檸」！平時見到佢條隊長到打蛇餅，今日竟然俾我遇到奇蹟，門口只有小貓三四隻，作為一個專業嘅為食家，呢個機會點可以放過？二話不說，即刻點咗我嘅黃金組合：招牌手打檸檬茶，指定「三分甜、少冰」。拎上手，一股清新霸道嘅檸檬香氣已經率先衝擊你嘅嗅覺，未飲都已經精神為之一振。一啖啜落去，嘩！真係冇令我失望。最令我拜服嘅，係佢個茶底！茶味極之醇厚，入口順滑，飲完仲有回甘，喺檸檬嘅強烈攻勢之下，層次感即刻出晒嚟！三分甜嘅甜度恰到好處，令整杯飲品嘅味道昇華。呢種提神醒腦、暢快淋漓嘅感覺，真係完美演繹咗佢哋嗰句口號：「人間清醒，一口上癮」。難怪咁多人心甘情願排長龍，呢杯手打檸檬茶，絕對值得你嘅等待，十個大推！…查看更多

📍🇭🇰今次嚟到位於啟德嘅檸檬茶專門店睇戲之前有啲口渴😋見到附近有間幾出名嘅檸檬茶店之前飲過都好好飲，今次決定做回頭客😆大約等咗10分鐘多啲就拎到嘢飲啦~🥤飲品 🍋鴨屎香檸檬茶 ($32)唔記得嗌少甜所以一入口個甜味係非常衝擊😹平時嘅我應該會點半糖香水檸檬嘅味道好突出反而香水檸檬嘅酸味就無乜加上烏龍茶茶底，味道好融洽👍🏼 呢間檸檬茶店我會推薦大家Order半糖或以下🍬因為甜度真係甜得太誇張又唔似某部分店鋪會幫人預設少甜😆 👩🏻服務 服務態度正常，店員都算係快手👍🏼當時都有唔少客人等緊👀但10分鐘我哋就拎到檸檬茶！ ✨推薦分數 : 8.5 / 10…查看更多

平時星期五係foodcourt食完lunch，都想對自己好啲。就會買杯手搖慰勞下辛勞左一禮拜嘅自己。🥳招牌手打檸檬茶🍋有淡淡香茅味，清酸無苦澀味，茶香醇厚，檸檬味道鮮明層次又豐富，整體平衡得宜，是夏日解渴佳品。鴨屎香檸檬茶🥤用鴨屎香茶葉做茶底，茶香濃郁帶獨特花果香，酸味較招牌茶更突出但不搶味，口感清爽帶少少甘甜，適合喜歡茶香與檸檬酸味兼備嘅朋友。林香檸📍啟德協調道2號九龍城Airside5樓L501號舖#homeieatfood #homeieatfood_ 啟德 # kaitak #airside #手打檸檬茶 #林香檸 #lemonjuicetea #foodie #hkfoodie #chill #vibe #打卡美食 #美食推介…查看更多

熱死辣辣想買野飲解渴，都叫咗少冰啦，結果成杯都係冰，莫講話渴都止唔到，仲飲到一肚氣，28蚊買杯冰，飲兩啖茶就冇曬，當客係傻噶！誰買誰後悔，誰買誰是大冤種。去7仔買包紙包檸茶都冇咁嬲！店鋪衛生環境都有問題，D女店員披頭散髮，都唔知有冇頭髮跌落野飲度，又一邊傾計一邊切檸檬，口水都飛晒落檸檬到，極不衛生。唔怪得岩開舖年幾，咁快有十個差評！一個人負評你冇說服力，十個人一齊負評你，係咪要檢討下啦？當d客係水魚吖…查看更多

從來都不是會寫評價的人，但他的服務態度實在太差；本身喉嚨唔飲得太凍嘅嘢飲，想要少冰，短髮金毛，店員話會八成滿，我覺得沒有所謂，誰不知他給我一杯滿冰的檸檬茶，但檸檬茶是八成滿，我跟他說要少冰，他胡亂給我一個不是理由的理由（說以前有客人想要小冰，但嫌棄太少冰，所以當你叫小冰他會給你更多冰）除了無奈，只有無奈；後來他勉為其難再製作一杯給我，但這次這杯只有一半滿；我是斯文人，不想和他計較，所以拿了就走……但真不希望下一個人中伏，所以留低評價…查看更多

這杯白桃檸檬茶讓我感受到一股清新的夏日氣息。茶湯呈現淡雅的金黃色，散發著誘人的水果香氣。第一口啜飲，白桃的甜美瞬間在口中綻放，帶來柔和的果香，讓人感到愉悅。檸檬的酸味恰到好處，為整體增添了一絲清新感，讓甜味不會過於膩口，反而形成了一種完美的平衡。這種酸甜交織的風味，讓人忍不住一口接一口，似乎每一口都在享受著炎炎夏日的清涼。此外，茶的基底也相當出色，醇厚而不失清爽，與水果的風味相輔相成，讓整杯飲品更具層次感。最後，冰塊的加入讓飲品瞬間變得冰涼，無論是在戶外享受陽光還是室內放鬆，都是一款理想的消暑飲品。總體而言，這杯白桃檸檬茶不僅口感出色，還帶來了清新的心情，絕對值得一試！…查看更多

$28 買杯冰落單時要求少冰 個職員話少冰就會得八成滿 我地都覺得ok但到手成杯滿滿嘅係冰啊 少左嘅係茶啊！即時同員工反映 仲勁差態度話呢d係貴公司嘅黃金比例wor完全無回應過點解request 少冰變少茶另一個無著制服嘅身材偏肥員工勁串話 不如你走冰啦 我可以做過杯俾你ga 熱都得ga 不過都係會繼續減少個份量請問 點解凍檸茶價錢 我要飲熱？呢間公司全部都好員工黎ga極度維護公司利益一定係客人錯管理層見到記得加佢哋人工一次就算 當交智商稅各位睇路其實一粒星都唔想俾飲管又差9秒9變軟…查看更多

於外賣平台下單自取在店門口等候，見自取單寫明175，但單號逐漸叫到190仍未出餐，詢問店員發現漏單，但店員面不改色話在排隊，我這單是195還需等待，直到我指出下單時間已過將近40分鐘遠早過其他單，店員仍一臉無謂講隨便你投訴。此長髮女店員服務如此質素，面不改色說謊試圖欺騙顧客，拆穿仍拒絕道歉，實令人震驚。同時為後廚努力做茶小哥感到不值，林香檸常來幫襯，希望管理人員關注處理，否則只能忍痛永不幫襯，令人氣憤！！…查看更多

買嘢飲都係為解渴，我預左香港買嘢飲，冰都係多。都預左嗌少冰會俾少啲係合理，香港地，皮費高呀嘛！ 但係我冇估到，係3啖Ko 杯野。 係3啖呀！ 啲茶少到我個腦未反應到飲緊嘢，已經完左啦。 我拎住杯冰，搵垃圾桶都厭哂氣，差評呀！…查看更多

成杯冰，又等得耐，成杯嘢好多膠味，着白色衫應該係老細態度又差，成班員工又慢，好似得佢有得賣咁樣，搞錯單又唔認又黑口黑面，而家香港服務態度仲係咁好快執笠，以後都唔會幫襯…查看更多

喺香港我第二次飲手打檸檬茶，之前試過有另一個品牌個香水味太勁，搞到我都唔敢試第二次。平時見到呢間嘢非常之多人排隊，今日睇完戲出嚟見到唔太多人排隊，即刻同朋友走去買返兩杯試下味😊雖然有新嘢見到有氣利賓納好吸引，但係我都想試咗top one嘅招牌手打檸檬茶先第一印象係足料滿滿嘅青檸，係果汁同果肉fresh嘅味道！我幾鍾意飲青檸嗰陣味，我揀咗五分甜同埋少冰，所以我覺得甜度係啱啱好，建議同我一樣怕甜嘅可以揀半甜。至於朋友嗰杯茉莉手打檸檬茶，飲落甘香過我個杯，。可能係因為茶葉有啲似香片味嘅緣故，飲落茶味比較突出同埋有回甘，反而青檸味會平和一啲。佢同樣都係叫咗半甜少冰，職員都係用大杯裝，落單時職員提醒少冰可能會八分滿，但我用飲管篤開嗰陣都係滿瀉咗🤣等緊個陣見到側邊有部自動售賣機好得意，所以走咗去影相。想再飲多杯…查看更多

招牌檸檬茶真係幾搵笨，一半以上都是冰。拎上手好似好重，其實因為裏面有半個青檸渣。三四啖就會飲完，不能夠解渴 。$28一杯真的不太值。舖頭黃色很搶眼，一般等候時間都很長。…查看更多