林記小食

OMW细细个就喺呢度附近返教会啦～ 呢间烧卖好出名，成日都有人排队。教会弟兄姊妹有时都会买上去做早/午餐。最近有机会去返呢头，一于食吓回忆啦～ 💯烧卖$12（纸盒+$1）口感几好，烟韧，有咬口，有少少鱼味。 🉑肠粉$12普通肠粉，唔难食，又未算好好食。肠粉有啲hea切，平时见开5-6cm，但佢系7-8cm，食得少少论尽。 🉑鱼蛋$10要咗辣嘅，唔算好辣，偏甜。鱼蛋偏粉，但喺可接受程度内。 总结：净系食烧卖就够，其他可以唔使试～btw今次食呢个系当早餐，食晒呢啲，食完唔算好饱。 📍 林记小食 (🉑外卖-红磡)>红磡差馆里21号地舖 ✨亮点：烧卖几烟韧，几好食嘅～ 🙇🏻‍♀️特别呜谢：早起上学去嘅乖宝宝—我！ 想睇真实食评？请即Follow啦🥗🍹🍱🍤🍮 …查看更多

咖喱鱼蛋（$10）六粒，咖喱味唔算好重，鱼蛋有弹性但稍稍偏淋及软身，口感普通。烧卖（$12）六粒，软糯，有实质感，鱼肉馅重胶质，口感不错，但味道就无咩，靠豉油同辣油提味，但豉油味道欠缺层次，辣油就得个辣字。纸碗另加$1。不少人话呢间啲鱼蛋、烧卖好食过「周记」。但我就觉得烧卖系OK好食嘅，但「周记」嘅鱼蛋同埋酱汁（豉油、辣油）就好味好多。…查看更多

红磡后街小食档，售卖各式街头小食。肠粉蒸得几滑，一条条层次分明，冇黐埋一旧。 豉油、甜酱、麻酱等等亦都落得好慷慨。烧卖大大粒，几有弹性。辣鱼蛋够入味，亦都相当有弹性。螺肉、鱿鱼等等亦都好食。其实，呢类街头小食，稍为肯俾心机做，通常都唔会差得去边。 但又好难话做到点样好食到惊天动地，全港难求。 但求食得开心，抵食，卫生情况合格，咁就已经好好啦。 亦无需过份强求什么。当然，都有啲真系做得非常之差既，咁咪自己避开𠮶啲啰。…查看更多

刚食完近期话红的X记，行去转弯另一条街，有间隐世小食店，原来呢间网评都好高分，咁就试埋啦「林记小食」店细细，小食选择唔多，前面有人要了10份烧卖打包虽然见到「牛肉」就想试，但刚才已食好多野，都系专一啲试「烧卖」啦一份烧卖要$12 ，系呢啲细店似乎收贵咗啲。我要了一份，佢用竹枝吉俾我原来一份有6粒，平均返一样👌🏼又系唔辣小豉油。个样普通啫讲唔上靓，点知一啖入口….充实 好味 有口感 不是粉团呀必食真心推介…查看更多

今日去完拜神，啱啱经过次次都想试嘅林记，今日唔算多人排队，等咗大概10分钟。顺便买外卖返屋企食，买左一份肠粉，鱼蛋，烧卖。返到屋企（大概半个钟），啲肠粉烧卖鱼蛋仲系好有味道，肠粉好滑，而且有弹性，一啲都冇烂！烧卖亦都好弹牙，烧卖皮亦都真材实料，见到佢哋喺店后即时做，感觉新鲜，环境亦卫生。下次想试埋红肠，不过红肠腐皮卷等等都要等大约10分钟先煮好，所以今次冇买到。下次排紧队嘅时候，睇吓可唔可以同佢哋嗌定，咁到我嘅时候就唔使等咁耐啦。…查看更多