林園粉麵家

叫咗碗牛腩河和一碗崩沙腩面，崩沙腩面价钱系普通牛腩面嘅双倍价钱，但居然啲崩沙腩完全无肉，只系根部位，同平时喺其他地方食嘅崩沙腩完全两回事。奉劝各位，唔好喺依间面档叫崩沙腩，完全有欺骗成份。…Read More

冻冻地，放工行过牛头角，心血来潮去食碗双并面/饺子。自从宜安街天园执咗之后，都无咩心机响附近揾有咩可以替代。乐园又经常食，而且出品尚佳，好难响区内揾到比佢好。今次响天园旧位对面见门口餐牌有咁平既面店/饺子？即管试吓咩料。双并：牛腩云吞面（走青）净食：潮式韮菜饺（走青）双并面先上台，见系瘦腩，心当堂打个突惊唔系瘦腩系鞋腩。先饮啖汤，正常唔算咸，花椒八角香料味亦唔算重。不过不失之中品。夹起面，一阵枧水味扑出，心谂唔系下话，咁快就XX出局？好在入口就反而唔多觉有枧水味，面身亦算爽口，OK.腩系普通切腩，虽然瘦，但入口唔算鞋，反而仲有些少爽口感觉，呢度有惊喜。再到云吞，噢，我咁大个人第一次见扁既云吞。咬开，得一细堆肉，虾呢？好似欠逢。到碗饺放上台，见饺型都尚算饱满，的确有云吞面店水饺既感觉。再饮啖汤，普通鸡粉/肉骨粉开水，呢度就完全无特别。夹起饺入口，都算滑，咬开一睇，馅反而唔多，韮菜含量亦少，唯一可取系唔咸，料亦食得出系新鲜既。间中夹杂一条木耳丝，咁既配搭真系第一次见。整体感觉似系屋企自己包𠮶啲咁样。总结：腩面先系32, 双并加8蚊即系40. 碗饺5只盛惠30，埋单总共70, 我只可以话，不过不失，对得住呢个价钱。…Read More

林园粉面家今日针灸完，问医师附近有咩好西食，因为食完要去大口环覆诊，医师介绍我去宜安街食牛腩河，话又平又好食，咁我就听佢讲就去宜安街揾食先！去到餐厅门口见到有一级，不过今次斜板都帮唔到我，原因系入面真系好细间，仲要经过好窄嘅走廊先埋到枱，最后决定买外卖拎走坐公园食！1.秘制牛腩河$32+$1外卖费（8/10）呢个牛腩河入面d牛腩胜在够肥，一碗有7旧牛腩+生菜，牛腩够淋唔痴牙，又入味！由于系外卖关系，最惊河粉系痴到一pat pat，好彩呢度d河粉夹起系一条条，又滑又弹牙！2.五香牛筋河$35+$1外卖费（9/10）呢个牛筋河入面有8旧牛筋+生菜，每一旧都好有骨胶原，牛筋又索哂腩汁，好好味！由于系外卖关系，最惊河粉系痴到一pat pat，好彩呢度d河粉夹起系一条条，又滑又弹牙！2人总共价钱$69个人口味总评分：8.5/10地址：牛头角宜安街4J号地下#牛筋河 #牛腩河 #香港美食 #牛头角美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…Read More

官塘宜安街，林园粉面家，第一次嚟试吓坑腩猪手河粉⋯先试啖汤，味道够料，估计应该系牛骨汤底，唔错！坑腩足料又掂，有口感唔会太硬⋯可惜猪手腍滑，但南乳味过咗火太出，如果可以轻手D，效果应该更好！河粉渌耐咗，而且偏腍易断，好难夹到⋯ …Read More

好耐无乜去堂食，今次一次叫个三并河本来想叫崩沙腩，老板说今天的坑腩靓，好，就改坑腩，果然不欺人。腩卤得不过火，够味带鲜不咸，肉质咬落有质感，松而不黐牙，边带少少肥膏有牛油香并且有少少筋的咬劲。牛筋是老板刚炆好放埋边枱面，一大盆热气上腾。即刻改双并加牛筋，不是淋到散的，却也算够味。跟住见个卤㶽面的牛肠够肥美。牛杂中最爱的就是竹肠与牛肠，心思思又改三并。不过三样中，肠就略咸了些。鱼皮是太太 的favor，够脆。附上一碗汤带点箩白香而味较清，鱼皮沾一沾放口正合她。附带一提，奶茶也不错，有茶味而不涩口。…Read More