極．大瀛喜

我最爱的放题品牌大喜屋终于插旗荃湾，而且仲系高阶版，叫极•大瀛喜，选址荃湾广场，地方十分宽敞，而且楼底高，好有空间感，和我钟意的旺角新世纪的殿•大喜屋一样，感觉又大又舒服！荃湾店系唯一一间，有A、B餐拣的餐厅，我地当然拣乜都有得食嘅B餐。刺身拼盘先来，三文鱼、油甘鱼、北海道带子、象拔蚌、甜虾、松叶蟹脚、蓝鲸吞拿鱼、赤贝、大赤虾、金枪鱼腩刺身等，每件都新鲜肥美！尤其金枪鱼腩刺身，粉红粉嫩的，油脂满泻，真系超级好味。我自己一人都食左成20件！好满足。B餐一定要食臻品鲜冻红花蟹、上汤芝士焗龙虾伊面、A5黑毛和牛薄烧及鳕鱼干海胆吞拿鱼Taco。冻花蟹大大只够肉厚，Taco又香又脆，伊面及薄烧都好好味~我地仲食左红烧蟹肉花胶翅、吉品鲍汁珍宝鲍鱼一口花菇饭、酒醉鲍鱼香芒滋味鱼生薄脆及酥炸桶蚝。烧物有盐烧牛舌、烧温室甜菠萝、羊架、西京烧比目鱼、蒲烧鳗鱼，仲有我最爱的烧金枕头榴梿。金银蒜蓉粉丝蒸蛏子皇只只都肥美鲜甜，一人食了差不多10只！男友钟意饮啤酒，呢度啲生啤都系任饮，一次过饮个够。仲有一定要食立鳞烧伴黑松露，啲鳞超脆，完全可以拍得住日本餐厅！基本上试晒啲精选食物，我地已经食唔落寿司，所以只能放弃，将最后的胃纳留俾法式面包开心果诱惑！这个面包造型得意，上面淋了开心果酱和一大球雪糕，但我地略嫌太淡，所以用日本版Häagen-Dazs雪糕捞入去食，简直一绝！食埋个木瓜炖雪燕，满意收手了。…查看更多

极.大瀛喜是抵食吸引的放题餐厅，除了丰富的刺身，寿司及手卷，有100款以上的海鲜 、一品料理、串烧、扬物、 饮品 、 雪糕及甜品等， 款式包罗万有 ， 两小时内任点任食， 高质又好味， 摆盘又精致吸引，加上环境又舒适宽敞， 我同朋友大满足而回。殿堂级铁板鹅肝多士鹅肝外脆内嫩滑， 入口即溶的口感， 配上香脆多士及酸酸的香醋汁，令人一吃爱上。金银蒜蓉粉丝蒸蛏子皇蛏子鲜甜弹牙， 配上柔滑粉丝， 加上浓郁的蒜香， 十分惹味开胃。甘鲷立鳞烧伴黑松露忌廉汁甘鲷鲜美酥脆 ， 伴随丝滑的忌廉汁， 每一口充满黑松露的香气。牛油煮鲜蚬挺身的新鲜蚬肉 ， 完全浸泡在牛油汤汁中， 蚬肉特别鲜甜好吃。红烧蟹肉花胶翅蟹肉的鲜美， 花胶的弹性，融合在红烧的酱汁中，风味更佳。金汤烩花胶厚身的花胶 ， 吸收了浓郁金汤的精华， 花胶鲜味Q弹， 滋补又养颜 ， 女士最爱。寿喜烧牛肉锅牛肉好嫩滑， 与甜甜的寿喜烧汁， 十分搭配，暖心又滋味。吉品鲍汁珍宝鲍鱼一口花菇饭鲍鱼入口 Q 弹，鲜香十足， 轻轻力已经好容易咬开 ， 十分入味 ， 厚身的花菇， 肉质好滑溜 ， 鲍汁最啱 捞饭 。酒醉鲍鱼鲜味弹牙的鲍鱼， 散发著阵阵酒香，风味绝佳。虎虾天妇罗外酥内嫩的虎虾，配上薄薄的轻脆的天妇罗，口感一流。蒲烧鳗鱼甜中带咸的蒲烧鳗鱼，肉质鲜嫩， 十分好吃。西京烧比目鱼比目鱼的鱼肉嫩滑细腻， 伴随西京酱的甜香， 完美搭配。 牛油蒜蓉熟帆立贝牛油及蒜蓉的香气， 令到帆立贝的鲜味更加突出。火灸贝岛特选和牛寿司和牛的鲜嫩， 加上火炙的香气，每一口都充满惊喜。火炙三文鱼腩寿司三文鱼的油脂丰盛， 在火烤后更加美味，口感滑顺。蛋黄酱皇帝蟹棒寿司浓郁的蛋黄酱， 令到蟹棒更加鲜甜。焦糖鹅肝寿司焦糖的甜味与鹅肝鹅油的甘香，独特而美味的搭配， 别有一番风味。A5黑毛和牛薄烧薄切的和牛， 肉质柔嫩，烧烤后， 香气四溢，口感极佳。上汤芝士焗龙虾伊面龙虾的鲜甜与浓郁芝士的咸香，令伊面更添风味。臻品鲜冻红花蟹柔滑的蟹肉， 十分鲜味 ，让人感受到海鲜的鲜香滋味。 海燕窝椰汁炖木瓜必点的海燕窝椰汁炖木瓜，果肉香甜，炖至软绵，海燕窝滑不溜口加， 加上啖啖椰汁甜香， 滋补又养颜 ， 我的至爱。自助区提供 清酒 、 梅酒 、 啤酒 、 白酒 、 汽水 、 雪糕及丰富精致的甜品，让人大满足。…查看更多

咁多国家菜系中，日本菜算喺较多食嘅之一，然而，日本菜中，就以日式放题比较少食，大抵无以前咁食得，就好似自助餐都食少咗。最近，有朋友就极力推介呢一间新开嘅放题店「极．大瀛喜」，所以，就趁机同朋友嚟聚一聚狂野哋食番餐。成日话香港饮食业生意唔好，但嚟到真喺好大反差。先讲个环境，地方好大，楼底又高，最欣赏喺间开唔同区域，分为A、B、C、D……朋友嚟到都易揾啲。虽然以金色为主调，有种金碧辉煌之感，但一啲都唔俗气，通道、座位都好阔落，令用餐体验更好:)。我哋拣食中午，平啲吖嘛，12:00pm开始陆续入座，一区一区坐满，最后，近乎全院满座。星期六、日、假期午市做到5:30pm，我哋食完离开时一样见有人入座。而且，可以食足3小时，够晒时间慢慢叹。餐环境讲咗咁多，顺便介绍埋自助食物区，就晌入门口左边，地方都好大，通道同样阔落，唔怕人撞人。扫视一番，绝对令人花多眼乱，非常多元化，睇相你都见，照顾到唔同年纪层嘅人，包括有30多款冷盘小食、沙律，以及自助餐常见嘅冻海鲜，仲有烧味、炸物、热汤、点心、生果、甜品、雪糕雪条、软雪糕搭多种配料、自助茶啡、果汁、自家制健康饮品，同埋一大柜多到数唔晒嘅饮品。净喺呢个自助区都可以食饱人啦！除咗出面自助食物区之外，呢一款「放题A」可以点嘅食物分类有刺身、创作刺身、串烧、烧物、卷物、军舰、寿司、创作寿司、火炙寿司、炸物、天妇罗、一品料理、煮物、蒸焗铁板烧系列……等等，相信计计埋埋晒有超过百款食物。价钱就分日子、分时段，自行研究研究。如果贪心少少想食多啲贵价菜式，可以选「放题B」，等同「放题A」加多$80，就有近10款特别嘅菜式任点任食，例如：拖罗、北海道带子吞拿鱼蓉鱼籽杯、上汤芝士焗龙虾伊面底、油盐焗奄仔蟹……等等，等阵再分享！扫二维码落单成为趋势，一来减省人手，亦减少人为出错，二来点咗乜可以睇番，一清二楚少咗啲争拗，好老实，今日成餐饭都无漏单，至多有一、两款食物上得较迟。更值得一赞嘅喺，有咩要注意晌单度都温馨提示埋，所以，头2.5小时主要食二维码落单嘢，剩番30分钟，就主攻自助区嘅甜品！饮品喺自助食物推影完相，第一件事就喺顺手攞埋嘢饮，小弟一起手就先试柑桔青柠汁同洛神花柠檬茶，两者都喺自家制，喂！有诚意㖞，前者酸香清新，后者酸爽清香！放题B精选既然选咗「放题B」，第一转就梗喺试晒所有菜式啦，包括：鳕鱼干海胆吞拿鱼蓉Taco、拖罗、火炙A5和牛伴海胆、海胆三文鱼籽亲子杯、北海道带子吞拿鱼蓉鱼籽杯、鲷鱼薄切、鱼籽酱配饼干、上汤芝士焗龙虾伊面底、油盐焗奄仔蟹、皇子糯米乳猪。款款都卖相精致，一啲都睇唔出喺放题出品，同晌日式餐厅食嘅无分别，而且，用料新鲜，食材嘅配搭亦有心思，个人推荐鳕鱼干海胆吞拿鱼蓉Taco、北海道带子吞拿鱼蓉鱼籽杯、火炙A5和牛伴海胆，当然其他都好食，但呢3款晌食材配搭上好有惊喜，味道丰富。刺身、创作刺身食放题，唔易饱肚又较回本，唔使多讲都喺刺身啦，10多款就拣啲少食、又贵价啲，包括松叶蟹脚、大赤虾、蓝鳍吞拿鱼、北海道鲜带子、北寄贝、象拔蚌，师傅更摆得好靓仔，更以冰镇住，绝不马虎。整体食落质素唔错，蟹脚有海水嘅咸鲜味，鱼生鲜味十足，贝类又具咬口，值回票价。另一分类嘅创作刺身，都试咗4款：酒醉鲍鱼、酱油乳山蚝、泰式虎虾及樱桃鹅肝，款款都做得的的骰骰，而且食得出食材高质，味道、口感都上佳。串烧、烧物、炸物再落嚟呢一转就试啲热气嘢，一口气点咗6款大家都最想食嘅：盐烧牛舌、香草烧羊鞍、烧温室甜菠萝、极品金枕头榴梿烧、榴梿炸弹及3.6牛乳脆皮鲜奶。牛舌、羊鞍真喺无得弹，烧得恰到好处，浓浓嘅独有味道，而两款榴梿嘢食，真喺满足到我哋好榴梿之人。冻海鲜食完几轮嘢，又加一堆热气嘢，喺时候回回气，所以，出去自助区拎咗少少冻海鲜𫍲返嚟过过场，估唔到又几唔错㖞，虾肉、螺肉都好爽口鲜甜，而青口口感柔软，唔会好似擦纸胶咁韧。蒸、焗、铁板烧呢个系列其实都好吸引，不过，去到近尾声，真喺食唔落咁多，仲要留肚同甜品搏杀，故此，精选咗3款一试，包括：甘鲷立鳞烧伴黑松露忌廉汁、金银蒜蓉粉丝蒸蛏子皇、川式珍宝生蚝烧。以前食过立鳞烧，专登嗌嚟俾朋友一试，佢大赞好正，鱼鳞脆到不得了，而蛏子鲜甜惹味，生蚝辣而不呛，蚝味够浓。甜品大募集小弟向来都好钟意食甜品，所以，临尾点都要留番两乘空间俾甜品，先试咝二维码落单嘅海燕窝椰汁炖木瓜同法式面包开心果诱惑，前者炖得够火喉，木瓜又腍又甜，加埋椰汁，好润；而后者卖相极具打卡感，面包外脆内软，衬上云呢拿雪糕同开心果酱，绝对喺甜魔诱惑。终极一战喺晌自助区拎番嚟嘅「拼盘」，有Häagen-Dazs雪糕、Dreyer’s雪糕、榴梿雪条、榴梿大福、芒果糯米糍、芝士挞、芝士饼、焗榴梿布甸及蜜瓜软雪糕配Nutella榛子朱古力酱，原来呢部Nutella机暂时喺全港独有，加咗当然好食好多，至于其他甜品，都同样好味，实在大满足。今餐真喺食得称心满意，不单地方大，环境好，食物选择多，供应充满，而且，上菜快，又无漏单，招呼好好，啲店员好有礼。由头领放到尾，除咗我哋嘅食力有番咗上下，点菜策略亦得宜，自知无可能试晒所有嘢，重点出击啲心水菜式，先可以食得咁尽兴！…查看更多

✨✨极‧大瀛喜日本料理放题✨荃湾店✨✨ 超好食！超大！超豪华！🤩 🤩 🤩 真系好耐无食日本放题，想揾间又大又靓又多款既就去咗🍣极‧大瀛喜日本料理 🍴因为听闻佢系荃湾全线第一间划分A餐同B餐我同friend就拣去食lunch「任食放题套餐B餐」⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐为大家介绍下佢既B餐豪华菜式先 🍱✨🔥 上汤芝士焗龙虾伊面底龙虾🦞配上浓郁芝士焗到金黄香脆，底层仲有吸晒汤汁既伊面～正🤤🦀 臻选鲜冻红花蟹新鲜红花蟹，肉质鲜甜，仲有啲微微既咸香海味✨🥩 A5黑毛和牛薄烧超高质A5黑毛和牛🐮，薄切烧到刚刚好，入口即溶，油香四溢🤩🐟 金枪鱼腩刺身脂肪分布均匀既金枪鱼腩，入口即化，滑溜鲜甜🍣⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐除咗以上B餐必选项目，我哋都手机点咗以下几值得叫既🤤：🦪 酥炸桶蚝朋友encore咗两次！外脆内滑，炸得啱啱好既桶蚝，保留咗蚝嘅鲜甜多汁味道🔥🐟 鳕鱼干海胆吞拿鱼蓉呢款我都食咗两次！佢用个木架仔装住，好精致！鳕鱼干既咸香结合海胆同吞拿鱼蓉浓郁鲜味，每一口都系海洋嘅味道～🌊🧡🍣 蓝鳍吞拿鱼刺身顶级蓝鳍吞拿鱼刺身，鱼肉鲜甜细腻，脂肪分布完美，入口滑溜 🍣🐟 甘鲷立鳞烧伴黑松露忌廉汁甘鲷鱼皮烤到香脆，立鳞既口感好特别～配埋浓郁黑松露忌廉汁，满分创意同味道🍴✨🦪 金银蒜蓉粉丝蒸蛏子皇粉丝吸晒蛏子皇既鲜甜汁，金蒜银蒜加持🧄，鲜味层次丰富🤤🐚 酒醉鲍鱼鲍鱼浸泡酒香，肉质爽滑弹牙，咬落仲有阵阵醇厚酒香～好特别既冷盘🍶🐚🥖 法式面包开心果诱惑呢个甜品好值得叫！酥脆法式面包，配浓滑开心果雪糕🍨，咸甜交融，口感层次丰富～甜品级享受！💚🥐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐除咗用手机任叫既嘢食，「自助餐区」都系超丰富💥🍫 Nutella酱机配软雪糕估唔到雪糕配料都有埋Nutella！旁边自己整软雪糕（个蜜瓜味好值得食！）呢度就加埋糖同Nutella酱！带啲小朋友嚟食肯定开心死！ 🤤呢个真系惊喜！🎉🍨 日本版 Häagen-Dazs 迷你雪糕杯✨有超多唔同味！总类多到您食唔晒！必选Häagen-Dazs🤤🍷 生啤酒估唔到呢间放题有酒牌加持🍶，生啤酒任斟！配埋刺身同烧物，绝对加分！🍲 虫草花花胶鸡汤佢有好多花胶！个汤超甜！虫草花同花胶既营养，配上清甜鸡汤，暖胃又健康～系滋补养生之选！🍲✨⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐🌸温馨提示🌸系荃湾广场搭lift按6楼直上系最快到餐厅我同朋友1:30pm先食，原来2:30pm就截单，3pm就要清场走人提提大家食放题都系约早啲去比较好，12:00pm就开始食，唔驶咁赶😜🖊️总评🖊️其实仲有超多美食，不能一一尽录…..值得一提既系啲员工好勤力🤵🏻‍♀️ 🤵🏻‍♀️，上食物好快手，收走啲吉碟都好快手！服务态度好好！🙂同埋餐厅环境超舒服同好大好靓😚地方整洁舒适，座位间距唔会太逼，气氛轻松～非常适合一家大细或者朋友聚餐！🙌每款菜式都系好精致，用料高级，味道出色！🍽️无论系刺身、热食定甜品都充满惊喜～整体CP值高～👌如果系荃湾想揾间性价比高既日式放题，平日lunch放题都只系 $368呢度绝对值得一试，绝对系值得一试既豪华享受！🎉…查看更多

🍣高质滋味放题⭐️ 荃湾「极·大瀛喜」👍🏻今天与友人到荃湾一间主打高质滋味放题的「极·大瀛喜」庆祝生日，餐厅环境宽敞，楼底高，空间感十足，并以金色为主调。我们选了B餐放题。刺身与海鲜·刺身是必点项目，品质相当出色。除了常见的三文鱼、甜虾，更提供吞拿鱼腩刺身、赤贝、北海道带子及松叶蟹脚等。吞拿鱼刺身，粉嫩色泽，油脂丰腴，口感极佳。· 冻海鲜方面，臻品鲜冻红花蟹肉饱满鲜甜。熟食与烧物· 龙虾伊面是许多食客的目标菜式，龙虾鲜甜与浓郁芝士搭配，风味十足。· 盐烧牛舌爽脆、蒲烧鳗鱼肉质鲜嫩。特别推荐烧金枕头榴梿。· 金银蒜蓉粉丝蒸蛏子蛏子鲜甜弹牙，配合蒜香和粉丝。· A5黑毛和牛薄烧肉质柔嫩，烧烤后香气四溢。其他特色料理· 鹅肝多士处理得当，外脆内嫩，入口即溶。· 甘鲷立鳞烧伴黑松露颇有特色，鱼鳞酥脆，搭配黑松露忌廉汁。· 红烧蟹肉花胶翅和吉品鲍汁珍宝鲍鱼一口花菇饭等菜式。甜品与饮品· 甜品选择丰富，法式面包开心果诱惑造型可爱，海燕窝椰汁炖木瓜清甜滋润。· 雪糕提供日本版Häagen-Dazs。· 饮品区选择多元，包括清酒、梅酒、啤酒等酒精饮品，以及汽水、果汁等非酒精饮料，全部任饮。…查看更多