影片
以上资料只供参考，请与餐厅确认详情
有关奖赏计划
今次误打误撞闯入湾仔呢间超隐世🥢松牧尚馆，装修揉合中式、现代元素，主打各款创意港式点心同小菜，仲有一系列酒品同特调饮品，将中式茶叶结合，落地大玻璃仲有无敌海景，绝对HAppy Friday嘅好地方！🐮五香牛腱卤得超入味，肉质软淋得嚟带嚼劲，酱汁香浓但唔会死咸，送酒一流～🐙冰镇柚子醋墨鱼头必点前菜，墨鱼头爽脆弹牙，柚子醋清新酸香，加埋冰镇口感好开胃🍖差不多叉烧用咗猪颈肉同麦芽糖制作，真正名义上嘅「差不多叉烧」，外层微焦带蜜糖香，好过瘾🫔烧卖馅料扎实弹牙，很不错🍤 炸虾多士怀旧港式茶点，面包炸得金黄酥脆，虾胶鲜甜弹牙，点喼汁食更加惹味🍍 菠萝奶王子创意甜品担当！酥脆菠萝包，夹住冰凉浓郁特制clotton cream，冷热交融口感完全系轻盈版菠萝油🍧西霜记个名玩味十足～其实系西瓜配奶盖，口感丰富又解腻～🍑Peonffine▪️基底系Espresso+桃糖浆+桂花乌龙气泡茶▪️面层系咸柠檬泡沫+桃桂花乌龙奶盖第一啖饮落超有层次！咖啡同桃香意外地夹，气泡茶清爽，咸柠泡沫回甘🍵Ura▪️大红袍气泡茶+盐渍梅子烧酎+烟熏梅蓉+柚子汁茶底焙香超浓，梅子烧酎带微醺感，烟熏梅蓉增加绵密口感，柚子汁平衡返甜度
继续阅读
年纪越大，发现会钟意食中菜多左，但系食中菜嘅问题亦都多，一来唔系咁易call齐朋友，人少少亦都食唔到啲乜嘢。所以呢间concept唔错，中菜小碟化，两个人亦都食到多几味。叫咗虾饺，手工拌面，鸭舌，墨鱼头，一个凉拌菠菜，一个银雪鱼嘅菜式，每样嘢都系几十蚊，好少过百，真系居酒屋，埋单饮埋嘢都系$300人头，望住海景，呢个消费香港地真系算系咁，属于可以返单嘅选择
继续阅读
上星期同朋友五六点左右做完运动，喺湾仔附近揾餐厅食嘢，见到呢间新开嘅餐厅，环境好似几舒服宁静，仲有得望海景，感觉几适合坐低倾偈放松，所以就入去试下!!我哋试咗几款菜式，包括：同人气Bagel网店 @monsoon.bagel 合作嘅🥪九层塔盐酥鸡bagel，口感香脆!🐣炸鸡软骨即叫即炸，香脆热辣辣好食🦐咸蛋虎虾咸蛋虾加咗虾油，几惹味，份量更多会更好 🥹🐮五香牛腱肉质软嫩够入味🍜自家制葱油伴面带有奶香同葱油香🌭自家制卤水炸大肠一嚟到闻到好香好吸引，但我地影相影耐咗，食落有点硬（大家要趁热食）🪿瑞士汁鸭舌微甜带咸香 送酒唔错🦑冰镇柚子醋墨鱼头味道清爽，但自己钟意再浓味d🍧甜品：船粉配龙井红茶餐厅用船粉加上佢哋自家冲嘅龙井红茶，茶香淡雅，口感滑溜清爽，几有特色。整体嚟讲，食物质素稳定，不过对于食量较大嘅男士嚟讲，分量有机会唔系好够。整体系一个适合想揾地方轻松叹吓海景同朋友慢慢倾嘅地方。餐厅晚上会变成酒吧，有买一送一酒精饮品优惠，气氛应该几好👍🏻如果你想揾一个环境舒服、有海景嘅地方坐低休息，呢度系一个唔错嘅选择😍整体体验放松愉快☺️
继续阅读
Lunch set 点咗「自制豉油鸡配面」同「炖红烧肉配面」。每上一道菜，店员会简单介绍每道菜嘅特色。每个Set 都会配上一份清新前菜同一杯饮品，开开胃，解解腻。自制豉油鸡配面 + 菠萝汁慢煮鸡肉保留鲜嫩口感，酱汁浓淡味道刚好，配上热腾腾嘅弹牙面条，层次丰富。炖红烧肉配面+云南月光白茶红烧肉口感Q弹，除咗肉好入味之余，每一条面条都挂满酱汁除咗set 之外仲试咗非常酥脆嘅热辣辣 炸鸡粒 同 香软入味嘅牛𦟌。除咗食，望住个靓海景抖吓气，帮自己叉满电又再出发！
继续阅读
晏就成日都会去铜锣湾食饭，咁啱行过见到有新餐厅开张，选择又多价钱又抵食，即刻上去试下~🦦炖红烧肉配面+高汤菠菜小菜+月岩茶炖红烧肉啖啖肉又大嚿😋，份量十足！伴面又吸左红烧汁入去，更加好味。菠菜用左高汤去煮，去左苦涩味同时带出清甜味道。餐厅更加用云南月光白茶去配套餐，听staff讲呢种茶系对女仔特别好😍🦦炸鸡粒炸鸡粒香口，只系想一口接一口咁食！如果都四个人来食，餐厅仲会送大碟添！🦦五香牛𦟌牛𦟌入味，应该有加左啲沙爹酱一齐落去煮，口味特别~食左个满足又饱lunch，又可以去翻工了🤣
继续阅读