影片
以上资料只供参考，请与餐厅确认详情
都系𠮶句，望过下我食评都知我本身真系甚少会畀Like。我本身亦都唔系特别要去支持啲乜嘢小店，呢间小店唔系𠮶啲米芝莲级嘅服务，但系食物方面绝对系我真心推介。呢间小店唔近地铁站，都行咗十分钟左右先去到。好想写得佢好好但又担心佢出咗名之后就会好难book位，心情好矛盾。今日有同事生日，所以就同咗佢嚟呢一间小店。生日快乐！三个人打开个餐牌好多嘢想食但系眼阔肚窄。最后只系叫咗图片嘅四味海鲜。本身佢个象拔蚌刺身都话好似冇货，问完店完之后就叫咗老细去攞个象拔蚌返嚟解剖。问佢今日有冇蛏子又好似未有货，结果老细又系去咗攞啲货返嚟。话想食扇贝又话好似要去籴返嚟先有，结果老细又系去咗拎三只扇贝畀我哋。下次唔止食咁少。蒜蓉粉丝蒸开边虎虾。扣佢一粒星星系因为我食到其中一只有少少梅，但系其他全部都系好实净同好新鲜好鲜甜。想知啲虾身唔新鲜，望一望佢条尾，撑开晒嘅就系新鲜虾，夹埋晒嘅就系唔够新鲜。啲粉丝放咗喺底，索晒所有精华，重点系佢调味系啱啱好，唔会过咸，但好惹味。平时我去酒楼食亲蒜蓉粉丝蒸都唔系好够胆食晒佢哋啲粉丝，因为多数都好咸，食完一定口干舌燥，仲要试过啲粉丝唔熟，一系就熟到碎婶婶。今日清晒。蒜蓉粉丝蒸扇贝，虽然个面有少少蒸爆咗，但系依然系好鲜甜，同埋个心系啱啱熟晒。影出嚟好似细细只冇乜嘢，但系一夹起手好厚肉，不得了。同样，蒜蓉粉丝清晒。佢个豉油熟油调味啱啱好。加拿大野生象拔蚌刺身。三条友费事食咁多叫咗斤半，都系$400几左右。不得了，好先甜，好爽口，好有海鲜味。有啲人未必钟意类似赤贝嘅海鲜味道，呢只象拔蚌有但系无赤贝𠮶只血腥味。同𠮶啲养殖蚌食落好削无乜味嘅冇得比。虽然佢个豉油唔系刺身酱油，但系点少少已经好提鲜，亦减咗贝壳类海鲜嘅𠮶阵所谓腥味。老细仲专登拎咗象拔蚌个胆去帮我哋炒个豉椒炒蚬。一食真系不得了，直过咁多间小炒都未试过有一间舖头会专登帮我哋攞埋个象拔蚌胆去炒。旨味丰富，浓厚而不咸，𠮶种浓厚嘅感觉系日文所讲𠮶种コク嘅感觉，系一种你感受到有层次、丰富、浓郁、沉稳嘅𠮶种。而唔系一味嘅死咸。讲完佢嘅执底又可以讲下佢啲蛏子，蛏子好大只好先甜，冇沙，肉质爽，同埋佢炒埋个象拔蚌胆，个胆都好好食！因为都仲有少少象拔蚌肉喺入面捞埋，炒完都仲系爽口。早前都仲有食家问开我应该去边度食海鲜。因为我以前去开嘅几间都系守唔到业，做做下不敌租金同成本上将问题而质素慢慢下降。所以我一时之间都谂唔到有咩边间好推介。不过，我谂目前为止我会推介呢一间。
继续阅读
我只能够话呢个酸菜鱼系我食过嚟讲，最唔似。我觉得佢系落错单，落咗水煮鱼，之后上到枱，我哋发现唔系酸菜鱼，舖头就系咁掉几块酸菜落去咁就算啰最后我哋当然唔食啦，食落去根本都唔系酸菜鱼嘅feel，但系我哋都照俾埋酸菜鱼嘅呢碟𩠌钱。唔好推荐啲朋友去！我只能够差评再差评
继续阅读
东源小厨位于油塘，是一家以粤菜为主的餐厅。接下来是菜品。东源小厨的菜品种类繁多，有各种粤菜选择。我们点了几道招牌菜，其中最受我喜爱的是他们的蒸虾和烧味拼盘。虾肉鲜嫩多汁，蒸得刚刚好，保持了原汁原味。烧味拼盘包括烧鸭、烧肉和叉烧，每一样都烤得香脆可口，肉质鲜美。此外，他们的炒饭和炒面也很出色，口味浓郁，配料丰富。除了菜品的味道之外，东源小厨的菜式装饰精美，色彩鲜艳，令人食指大动。他们注重每道菜的摆盘，使整体餐点更具视觉吸引力。餐厅的环境舒适宽敞，桌椅整洁，让人感到放松。
继续阅读
就算油塘海旁的新屋苑不断入伙和兴建, 油塘由工业区变成中产住宅区, 但系是这里餐厅的菜式种类依然比较单一, 撇开专㓥旅客的海鲜餐厅来说, 都是以连锁集团和快餐为主, 说是美食沙漠应该比马鞍山更为贴切. 这家东源小厨已是这区比较新, 以及比较全面的餐厅, 除了碟头饭, 小菜种类和所花功夫, 已经比大部份同区食肆来得好. 例如今次店的水煮鱼, 鱼肉嫩滑大块, 也不会煮到散开, 麻香而不死辣, 还有大量的蒜蓉, 吃起来够爽但不辛苦.炒粉面饭则是有湿炒肉片河, 豉油王炒面以及咖喱牛腩饭. 炒河和炒面没什么问题, 前者的芡汁和后者的豉汁平均分布在河/面身上, 河粉和幼面不会容易断开又或者糊化, 味道也正常. 反而咖喱牛腩饭的咖喱汁颜色如萤光黄一样, 就知道味道不会太香和辣, 果然如此, 就是很快餐店的平淡味道, 没有层次, 辣味也很平淡, 就算牛腩份量不少, 吃起来也有点弃之无味的感觉.Tong Yuen Kitchen is a rare restaurant at Yau Tong that provides variety of Cantonese/HK style food. The spicy fish is nice with full of garlic. Texture and taste is good and the spicy taste will not be too hardcore. The fried noodles are ok as well but the sauce of curry beef brisket rice are too flat and too watery.
继续阅读
肚仔饿谂唔到有咩食,见到呢间餐厅食评唔错就试试佢啦位置有少少偏僻,周围都系地盘但呢间餐厅系黑暗既道路独自发光都好快揾到晚饭时间一入餐厅都见到已经坐满好几枱客, 仲有VIP房tim烧鹅饭 $60 以为鹅会好少份量, 打开竟然有例牌份量 鹅肉唔嚡不过整体黎讲算偏瘦, 鹅皮唔够脆同松化椒盐鲜鱿 $128炸粉唔厚又够脆, 炒得好干身, 食落唔油, 鱿鱼爽口咕噜肉 $98镬气之作 酸甜balance 送饭一流 但肉份量有d少 值得一赞既系外卖都仲可以keep到热辣辣 下次会想再去试埋堂食🤤
继续阅读