東海堂 (新都會廣場)

营业中

休息中

東海堂呢個士多啤利cake紅噹噹，切合新年之餘又配合情人節，推得合時。蛋糕只有one size，上面砌滿一粒粒飽滿的士多啤利，每粒甜酸不一，我曾食到2粒好甜的，但家人卻食到酸的！切開蛋糕，重點黎啦！入面係士多啤利流心架，一層海綿蛋糕、一層士多啤利jelly、一層士多啤利慕絲，有軟有滑又有咬口的感覺好得意，而蛋糕本身因為配合了有少少酸度的士多啤利，食完都唔會覺得好頂胃，好食，果然成為呢期熱話呢！

東海堂一向賣開糕點，估唔到原來佢有堂食，仲有40幾蚊常餐，於是要試下啦！炒蛋炒得好滑！平時唔食包，但係呢個多士烘得好好食，忍唔住食晒成個！意粉更驚喜，係日式叉燒，好軟熟，意粉有咬口唔會好腍，又有粟米粒，正！下次試埋其他野先！

With my all day snacking, I decided to head home for dinner with a light salad. I passed by Arome Cafe and saw they offered take away salad. For two choices, it's $42. For three choices, it's $58. Here they don't offer their salad by weight but by choices and the container it goes into.I decided to choose three choices: pumpkin potato salad, pesto pasta salad and a sweet corn and bacon and orzo salad. The staff whipped out a regular size cardboard container that was not too big. And then she sta

同老婆晌百老匯睇完「聲夢動物園3D版」早場，都成12點半，就梗喺食埋午餐先返屋企啦。都無特別搵邊間嚟食，不過，出咗戲院一搭扶手電梯上一層就喺Arome Cafe，睇見有啲沙律餐，啱我老婆，就費事再搵，索性晌度搞掂就唔使煩。由於餐廳晌商場通道中間，非入鋪形式，所以，環境比較開揚，鋪嘅兩側就喺堂食嘅用餐區，以木系掛帥化身為牧場小餐廳，當然，加多啲植物就更好。東海堂嘅蛋糕食過唔少，亦知佢哋用料精，以日本食材為主，所以，就算喺Cafe都有信心幫襯。除一般東海堂餅店嘅出品之外，如蛋糕、麵包，主要就喺多咗啲主食。2人餐喺我哋嘅目標，因為只賣$128，可選沙律拼意粉，或要晒兩客意粉，單喺散點依兩樣都已經超過個套餐價，即喺等同平咗之餘再送兩杯熱飲。不過有啲可惜，落單前店員話整十勝花畑牧場芝士碎部機壞咗，啲意粉提供唔到芝士，我都照落單皆因老婆依家戒芝士，當喺益佢啦。落單後，沙律可以先攞，因為喺自選款式，其他嘢食製作需少少時間，俾個傳呼器你埋位等，唔使成堆人企晒晌鋪面。沙律分兩個份量，細份可揀兩款沙律（$42）， 大份可揀三款沙律（$58），雖然佢無講個重量，但單睇個盒嘅大細，大份應比細份多1/3左右。而

Setlunch的Large Size Salad 選了南瓜沙律+螺絲粉沙津南瓜沙律的口感有點像薯仔沙津 很飽肚而螺絲粉沙津很重香草味,很香濃 很freshLarge Size Salad 的Size 真的很Large份量非常多 幾乎是一個飯盒的份量 滿滿的!意粉選了花畑芝士蕃茄意粉因店內的芝士機壞了 未能嘗到芝士 有點可惜呢 因為都是衝著花畑芝士來點的啦不過雖然缺了芝士 但仍不至於很失色 因為意粉的蕃茄味很清新 而且也非常足料有六隻大大的爽口的鮮蝦和充滿蕃茄蓉 沒有芝士仍然很值得推介!!至於飲料則選了熱3.6牛乳宇治紅豆抺茶和橘子汁+寒天抹茶牛乳的抹茶味很濃重 而橘子汁+寒天味道則很清新 很解渴 橘子汁和裡面的寒天是完美的結合!!!!兩款都很值得推介喔!

一早同老豆出去整野，兩條友去撐枱腳， arome cafe開左咁耐都未試過，就去試下！叫左兩份daily set，3.6牛乳炒蛋火腿+多士，多士可能太厚，烘既時間唔夠，完全唔夠脆，炒蛋都好滑但冇乜奶味，同普通炒滑蛋差唔多，火腿唔特別！ 日式叉燒湯意粉，餸得好少叉只有2塊加配d粟米同面頭加d紫菜碎，賣相都睇到好清下，食落湯底同睇一樣好清！ 餐飲加左錢轉宇治抺茶同宇治紅豆抺茶，但味道一般好淡味，奶味同茶味都有淡！套餐份量是足夠飽既，不過一來呢個價錢當早餐食真係麻麻吸引，二來樣樣食物都太清啖淡口，個人真係覺得麻麻，叫做試過下，下次唔會再光顧lu！

下午茶時間，想來一點甜的，東海堂係我的首選，每次都比佢既蛋糕吸引住我，因為實在太靚，而且有番咁上下質素呢！今天試試佢既牛乳蛋白撻未試過真係唔知咁正，好creamy, 好香濃既奶味！叮番熱食令到撻表面有層衣，好香牛油味，而且撻皮又脆！唔係淋架，冇令我失望！好值得推介

今晚經過見到東海堂cafe又要醫肚就坐地，這裡位不多，等一下才有位。跟友人叫了一個套餐Total:$166，套餐可自選兩個意粉，個人認為白汁那個較為好吃，但蕃茄有5-6隻蝦會比較多野食。一接到個意粉，覺得份量好大，因面層有大量芝士碎，像一座小山丘咁多。最有驚喜就係兩杯飲品，先講綠茶果杯，好香茶味，有大量紅豆附送。好好飲；另外牛乳朱古力好有乳香味，一定要試

一直都鍾意東海堂的抹茶拿鐵，但是已經連續兩次order左之後見到店員拿水沖調飲品。。。約莫有一半都是水！到手的抹茶拿鐵早已無奶味茶味，失望至極，可以接受漲價，但質素不可以下降到這等地步！簡直沒有業界良心！！！

今日中午同同事出左去食午飯，行過見到依度有Daily lunch set，所以就堂食試下好無食，平時都係買開麵包，估唔到而家做埋常餐咁多元化常餐有叉燒粟米湯意粉配火腿炒滑蛋多士，跟餐飲就叫左凍奶茶，湯底係豬骨湯，味道幾濃，意粉軟硬度適中，叉燒口感腍滑同平日食日本拉麵既叉燒味道相近不得不讚係炒滑蛋，好重蛋香味，口感軟滑，配依度出既烘多士麵包，外脆內軟，好香牛奶味凍奶茶味道似足茶餐廳既味道，飲落幾香滑同甜度啱啱好以依個質素同價錢食到相等於冰室既味道，份量又多，確實唔錯

而家愈開愈多麵包店Cafe，而其中依間係我經常幫襯既麵包店，平時買都係買麵包，見到都有意粉、甜品、飲品賣，今日lunch去左試下店鋪範圍唔算大，想搵位確實有點困難，點餐係自行到收銀處落單，然後店員會比返張收據同震機鐘提醒您去自取食物我叫左個Daily Set特選3.6牛乳炒蛋套餐，配咖啡奶茶，但我另加$10可配升級特飲，叫左杯凍宇治抹茶。日式叉燒湯意粉: 配有粟米粒，湯底係濃豬骨味，味道適中，意粉煮得好爽口，多士包好重蜜糖牛油味，口感外脆內軟，滑蛋好香蛋味同入口即溶。宇治抺茶味道唔算好濃，加左十蚊好似貴左少少，令願叫返普通飲品。整體上都幾好味，但lunch以依個價錢就略貴左少少，如果平少少都仲會再黎既

今日陪朋友喺葵芳附近嘅工廈bb用品開倉揀左好耐衫仔，之後即刻行返去新都會揾地方坐低補充返。凍宇治抹茶紅豆綠茶味好濃+比例較得好好令味道唔澀嘅北海道3.6牛乳做成嘅特飲，底層鋪左紅豆，加入適量冰粒，撈一撈就同時飲到粒粒軟綿綿紅豆同綠茶鮮奶，價錢就中規中矩唔算特別平但真材實料鮮奶撻其實好飽，只因自己為食嗌杯野飲又整件鮮奶撻，是熱辣辣的，放喺個長碟增添貴婦感哈哈，鐘意佢個曲奇皮，而且主要材料蛋白降低膽固醇嘅擔憂，味道並無太甜，好適合下午茶做小食物

其實外賣飲品黎講，我十分欣賞東海堂，一來味道好，二來價錢比坊間的台式連鎖店貴一點，但質素有保證。今晚約左朋友葵涌廣場行街，行完想坐低飲杯野，二話二說去東海堂cafe。我點左杯3.6抹茶紅豆，朋友點左杯紫薯季節特飲。因為人多，我地等唔到位，所以無食到佢個南瓜沙律。杯飲品好快就到左，咁啱又有人走，可以坐低。我鍾意抹茶熱辣辣的，紅豆又大大粒，微甜，抹茶甜度剛好，飲一杯心情都好返晒。至於紫薯蕃薯味好重，而且唔太甜，好creamy，入口質感好幼滑，真心好飲。比起台式的，東海堂的水準不但穩定，而且真材實料。

睇朋友ig才知道有東海堂cafe，今次行葵涌廣場，太累要休息下就趁機一試。點了matcha Latte，抹茶比想像中濃郁，苦澀中帶著回甘，一流！而佢背後的沖繩香檸cake，質地好乾好硬，似是放在雪櫃一段時間，一向覺得東海堂蛋糕幾美味，今次幾失望。原來都有意粉咸食，下次多個選擇。

每次到新都會，經過東海堂cafe，都有衝動想試試。雖然，一向對商場開放式廚房的食店沒有好感，但看到宣傳品和陳列的西餅，好吸引。這天終於有機會了，在櫃面看到特選3.6牛乳炒蛋套餐，挺不錯呀! 坐下來，望到製作的情況，員工一邊弄食品，一邊玩手機，一羣人嘻嘻哈哈的大噴口水花，好不衛生。標榜的3.6牛乳炒蛋，冷冰冰；多士火腿，當然也是冷冰冰。日式叉燒湯意粉的意粉，咬下質地頗奇怪，不是茶餐廳的發脹意粉，但也絶不爽口，有點像是灼完再雪，雪完又灼熱的效果。一片好有厚度的叉燒，很瘦很黐牙。最終，這碗意粉吃剩一半。走到櫃面找不到牙籤，向店員查詢，竟然是.....沒有牙籤的。算吧!