東海堂 (新都會廣場)

营业中

休息中

每次經開葵芳新都會商場，都會去東海堂餐廳食午餐或者晚餐，我通常都係叫蒲燒鰻魚北海道3.6牛乳炒蛋飯❤️❤️❤️熱鮮奶咖啡，熱鮮奶咖啡都係用北海道3.6牛乳鮮奶😍😍😍我嘅至愛❤️❤️❤️同埋南瓜沙律，朋友叫了鮮蝦芒果牛角包三文治❤️❤️❤️每次去都冇失望，鰻魚好大嚿，這個價錢質素已經好好👍🏻👍🏻👍🏻沙律真係好啱我口味，最好味南瓜沙律，每次食都係keep住水準，職員值得讚👍🏻👍🏻👍🏻我每次去態度都好好，可能我經常去認得我掛😬😬😬因為我每次去都必定問職員，南瓜沙律賣晒未😆😆😆

去葵芳行街，葵芳廣場實在太多人，所以鍾意去隔離個商場搵食，最鍾意就係食東海堂❤️次次都係叫daily set $50Daily set 有一碗叉燒意粉 (豬骨湯）+ 北海道牛乳3.6 炒滑蛋、火腿、三文治🥪配一杯熱飲品⭐️叉燒意粉個叉燒好厚，又淋，一d都唔乾瘦，有少少肥啱啱好👍🏻👍🏻，意粉一般，無咩特別。⭐️北海道牛乳3.6 炒滑蛋、火腿、三文治🥪炒滑蛋好香😋😋，嫌唔夠喉火腿一般反而個包好軟熟，唔硬，好食！👍🏻👍🏻

同女友黎行街，黎到葵芳就先去食個tea咁見到呢間有tea set, tea set又有牛角包食。就試下叫左個牛角包香腸熱狗，同埋日式义燒湯意粉加滑蛋連方包先講服務，全自助，自己去排隊點餐比錢拎餐，食完自己放去回收枱，所以唔評服務食品方面，牛角包熱狗唔錯，不過牛角包唔夠脆，似放左好耐咁，香腸幾大條，味道ok湯意味道唔掂，食落冇味，意粉唔淋唔彈。义燒好厚而夠淋，但係應該切做2塊會好啲，一塊太厚唔係咁好食。蛋炒得ok ，上面再搽蛋汁，另外2塊方包熱既，又軟，加埋牛油（要問佢地拎）唔錯。叫左2杯咖啡，咖啡味幾濃，可以一飲。不過如果再叫我黎食，我就唔會啦，環境食品其實都唔多合格（除左牛角熱狗嗰條腸，同埋牛油方包）呢頭有好多更好食既食店，可以去選擇其他

呢日去新都會經過東海堂就諗住買少少野食，見到佢都有熱食一份餐咁，但無咩時間食，所以就買咗個三明治食。佢都有好多款麵包可以簡，但見佢櫃入面既芝士三明治幾吸引，佢好似好多芝士咁。去收銀果度買，唔知係咪個職員太攰，無咩精神咁，服務一般。 個三明治其實火腿都算多，但食落芝士份量比想像中少，重點係佢個包好硬，硬到好唔正常，好似啲隔夜法包咁樣，呢度有少少失望，如果呢個差唔多二十蚊，下次都係去711買個三明治餐好過。

之前已經食過好多次，唔係度度有得坐嘅東海堂，所以每次去葵芳都一定會揀東海堂黎食！而每次去都會點呢個daily set。有叉燒湯意粉，多士，火腿，炒滑蛋，配一杯熱檸水。叉燒湯意粉有兩塊，叉燒肥瘦適中，但得兩塊唔夠飽份量可以再多d。多士一整塊，切開左一半。味道無特別。火腿一細塊。味道都係無特別。最後係個炒滑蛋，炒得細滑，仲有少少蛋漿，炒得啱啱好總括，保持水準，蛋炒得好滑，😋😋😋😋環境都乾淨好坐下次會再幫襯！👍🏻👍🏻

覺得太甜😣之前飲過佢地凍既宇治抺茶好飲啲，可能有冰中和下個甜度好啲。同埋凍既大杯啲抵飲啲咁，雖然貴$4😂熱飲真係兩下就飲哂😂至於紅豆係好味既，係爛爛地個種紅豆蓉，紅豆加抺茶果然係純配😛吸取今次教訓，下次都係飲凍既，最多走冰😂😂

今日行過，見到切餅有優惠，就買左4件番去share!朱古力蛋糕：普通啦，但係最好食。海鹽焦糖蛋糕：面係焦糖啫喱，但完全食唔到焦糖同海鹽味。柚子乳酪：酸酸甜甜，可以再試。赤梅忌廉：太多cream, 海棉蛋糕有d乾。

出葵芳多數都係去葵廣掃街，但有時都想舒服坐底食下野，見到東海堂有得坐，有輕食，就一於試下佢啲輕食睇下點。沙律有分大同細，想試多啲，所以就要左個大，埋單揀款，沙律款式其實只有四款咁少，有日式拉麵，意式醬醋蕃茄，普通沙律菜，蛋黃醬既南瓜。因為日式拉麵賣相好唔吸引，好乾巴巴咁，貌似唔好食咁，所以只能揀其他三款沙律食。蕃茄同沙律菜都普普通通啦，但個南瓜沙律我覺得幾好食，有蛋碎，蛋黃醬同南瓜好夾，南瓜好綿密，好香甜南瓜味，但整體一般，唔會回頭再食。朋友叫左個意粉，佢話一般正常味，我無試，淨係影左張相參考下賣相。佢話杯抹茶勁甜，飲兩淡就唔要了。

Weekend嚟到新都會廣場行街三點幾就想嘆個下午茶 見到東海堂cafe有位可以坐 蛋糕種類豐富 都幾吸引 所以就諗住食件蛋糕飲啖茶☕️ 叫左一件蛋糕、一件撻 另外下午茶時段仲可以加$8配一杯咖啡或奶茶 仲可以半價配特飲 我哋就加咗一杯熱奶茶同抹茶紅豆熱飲🍵-栗子撻🌰栗子味道香濃 奶油嘅份量剛剛好 味道唔會太甜 食落都唔會覺得膩 鍾意食栗子撻嘅朋友推薦一試-北海道牛乳芝士蛋糕切餅🥛呢個切餅係小編多年嘅最愛❤️有濃郁嘅牛奶味 上邊仲有啲白朱古力嘅碎片 口感豐富 中間係芝士蛋糕同cream 奶味香濃 果然係經典之作！

東海堂的產品，特別是蛋糕向來質素有保證，而東海堂餐廳在香港就不是很多地方有，經過葵芳新都會廣場，就特意去了這家買了飲品。我曾飲過紅豆茉茶、蘋果寒天汁，今次就看上了伯爵茶寒天，竟然成為我最鍾意飲的😇佢有少許伯爵茶味，另外是好討好的甜味，又有寒天，寒天是一種類似啫喱的物體，又好似涼粉，邊飲邊吃， 10分funny。

話說叫得cafe就應該係畀人坐得耐㗎喇老實講去過咁多次， 大把人買啲嘢食埋杯嘢坐幾個鐘㗎喇， cafe嘅定義就係咁㗎啦，唔係咩？自己舖頭多人排隊， 唔夠位坐就擴充啦！ 我哋連杯嘢都未飲完， 就趕我哋出去， 話我哋過咗用餐時間一個禮拜來三日算係熟客，嚟咗咁多次都冇規定用餐時間， 望晒成間舖都冇一個地方寫住用餐時間為90分鐘， 今日多人竟然趕我哋走？自己間cafe細,招呼唔到其他客人就趕人走， 會唔會有啲離譜？想搵個地方休閒坐下， 傾下偈 都唔得真心對呢間嘢好失望， 老實講食物質素又係一般飲品又係一般， 其實都係求個位坐下休閒， 如果真係90分鐘 時間冇必要去你呢間有限制嘅cafe， 甚至乎應該改名做餐廳而唔係cafe！

優惠期間，只要買任何一款麵包，所有切件蛋糕就可以$12買一件啦！$17 玉桂酥🥯酥皮同肉餡稍為已分離但酥皮就如有千層咁多，好足料👍好多油添肉餡亦都好多！但肉桂酥是沒有肉桂味的咁大件既肉桂酥，無論早餐下午茶定好似我咁原本買做早餐點知忍唔住即場食埋當晚餐一樣無問題呀😂$12 海鹽焦糖朱古力蛋糕🍰多cream，滑既，有一層朱古力脆餅底，最面既焦糖面好似啫喱咁滑嘟嘟幾好咬😂仲有3層有朱古力蛋糕夾住👍😌=$29 好飽既晚餐啦！😍

細個住過葵涌3、4年，平日就好少返來行走了，整個社區環境當然已經同幾十年前好唔同啦。趁著今日要去工廠區嗰邊見客、就早少少坐地鐵去到行下街、之後開完會後再去商場嘆個下午茶。😋😋商場內遊人超多，咁我快快就從水牌揀咗去東海堂Arome Cafe 飲嗒茶、食件餅先！雙重芝士脆餅另加一杯雜莓沙冰是我最終落order嘅選擇，48蚊搞掂！👍🏻👍🏻 價錢合理！但論出品質只可算中規中矩，件cheese cake 就唔錯、但杯沙冰就真係麻麻嘞！😅😅 感覺好似落咗好多糖漿，而且沙冰內莓核超多、成日要吐核、超級麻煩！😤😤店內員工一邊自己談笑、一邊招呼人客，但仍然能保持良好禮貌，值得一提！😉😉

由商場行去葵芳mtr途中，每一次都會經過這間東海堂Arome Bakery😂😂😂雖然說是美心集團旗下的，但無論是麵包，還是蛋糕、甜品，看上去也和美心西餅有很大分別，感覺Arome Bakery比較日系、比較吸引？🤣今次買了朱古力布丁試一試🤭質地吃上去好像慕絲，沒有布丁滑溜震彈的口感，失望😞而且朱古力味不夠濃，所以整體分數不高😟😟而且店面比較迫，店員服務態度也好差。🤷🏻‍♀️🤷🏻‍♀️

Bought this petite melon cake from the cake shop the other day for my friend's birthday.The cake was compose of melon flavour mousse, sponge cake, jelly and fresh melon fruit, the whole cake is full of different texture.The crunchy cake base is the highlight of the cake, with the soft mousse contradicting to the crunchy base make the cake taste a lot letter. Though the size is small, it was still enough for the six of us, perfect for small group gathering.