東寶小館 (已搬遷)

香港其中一個最好的食店, 就咁就冇咗. 很多人只懂講規矩, 價錢; 不如叫大家樂來經營咪冇事囉; 不過從此不再有特色, 只可吃飽而已. 很多人只說東宝價錢貴, 坦白講貴多一倍也是滿座的, 點解？因為他有的東西其他地方沒有嘛. 你們樓上的唔去冇問題呀, who cares ? 我們去的可以不用排隊更好.食物質素唔係最好但係亦都合格, 雖然好多人都投訴質素唔屬於頂級, 但氣氛真係一流講返東宝個原地方, 我肯定價錢會大幅下降, 食物質素也會提高, 不過這又如何？人氣已經冇咗了, 可惜…查看更多

屹立了三十年的大排檔，帶給我們不少歡樂的回憶。每次有朋友到港，都必定帶他們去happy一吓，個個都一定玩得好開心。希望他們快些在別的地方開番，繼續帶給我們美味的食物和歡樂。…查看更多

東寶小館應該是大排檔中最Hyped的一家, 從用戰鬥碗承載啤酒, 去到侍應用筷子開啤酒樽蓋, 它的焦點不是在食物上, 而是營造出來的氛圍. 這很對外國旅客的胃口, 但在疫情之下, 沒有旅客, 這些對我也不太吸引, 回歸菜式水準的評核, 我和老婆一致認為它跌Watt了, 而且是狠狠地跌的那一種.先說大排檔必叫的炸類, 椒鹽九肚魚外皮夠脆, 但太多厚身, 內裏的九肚魚肉質過散, 如吃魚蓉, 不太實在. 沙拉骨未能做得肉質鬆化, 一咬不能骨肉分離, 口感甚韌. 沙拉醬夠濃稠, 但味道流於表面, 未能滲入肉排內, 有點”愧對”招牌”這兩個字. 荷葉飯太濕, 不是醬汁令其過濕, 而是因為蒸的時候的倒汗水回流. 在可見將來還是沒有太多旅客, 如何以質素取回本土食客的回歸, 這也許是老闆們應該擔心的問題.Tung Po Kitchen is one of the most hyped restaurant in HK. The bowl for drinking beer and the skill using chopstick to open the beer bottle are two key items of this restaurant. However the food quality is not good and we may not visit again if there is no big improvement on this issue.…查看更多

8點入席，都已經好多人坐低食緊野。我地一行5人，叫左好多味餸，可以同大家介紹一下，先從味道出發：椒鹽鮮魷，魷魚都幾滑幾林既，炸得好香口，送酒一流。🍻咕嚕肉，炸得耐左少少，外層硬左少少，唔夠薄脆。😌腐乳通菜，幾好味，腐乳唔會死咸，濃度適中，掛到上菜到，好味！😋粟米瑤柱羹，偏淡少少，不過清清地，中和下濃味既菜色。🫠鮑汁荷葉飯，幾好食好重荷葉味！🍂啫啫牛仔骨煲，牛仔骨幾好食，齒得開，林既，入味！🐄魚腸蒸蛋，個人感覺比較腥，上面油炸鬼粒偏硬，唔脆。🥲最後既呢個免費甜品，幾有驚喜！佢涼粉切絲，口感好好啦，好似面條咁；最窩心係佢加左薑汁，中和番涼粉既寒。真心出色，我食左2個🤣最後最後，有個好重要既，就係：我覺得呢間老店最值得回頭既，係人情味同文化，佢地職員可以話同客人打成一片，播住懷舊既中英文歌，係到食飯有一種好有人情味既感覺，呢個絕對唔係間間餐廳可以俾到你，亦係有錢都未必買到既飲食體驗！🥰…查看更多

食物價錢貴，平均每個餸都比其他熟食中心大排檔貴幾十蚊左右，但味道麻麻，好一般，性價比低，吾值得一試，呢個價錢可以搵間環境好好多概餐廳服務態度差，吾應人之餘仲要超串，完全無服務可言仲要收5%服務費，環境好逼，枱同枱之間好貼好近，衛生環境好一般，坐得吾舒服上菜時間起碼超過半個鐘以上，差吾多食完一個餸先黎第二個餸，雖然食完有薑汁涼粉送，切到一條條概涼粉，口感一般，又得個辣味，吾好食結括而言，呢個價錢同味道吾值得一試。…查看更多

突然聽到東寶，就諗起雞蛋焗魚腸同埋荷葉飯，咁啱今日約一大班朋友聚會，諗都唔使諗就嚟東寶啦！一坐低，除咗魚腸荷葉飯，仲有最鍾意嘅金銀蛋菜，友人簡咗黑椒知足牛仔骨同埋菠蘿咕嚕肉。本身想叫佢哋嘅風沙雞，點知班友仔寧願要咕嚕肉，激死我講返嘢食，每樣小菜都好有大排檔feel，特別係牛仔骨，好林夠味但如果再重啲黑椒就perfect啦！咕嚕肉啱啱炸起用上鮮菠蘿，略嫌唔夠啖啖肉🤭荷葉飯就梗係好味，用料豐富，每一啖都有飯有餸！最後登場焗魚腸，焗到表面好脆口，一啲腥味都冇，出色！加埋胡椒粉一流。雖然係大排檔，服務一啲都唔係大排檔質素，落單姨姨好nice，仲同我哋講笑，問多兩條問題都得！仲有甜品送😋不過啱啱醒起，最後無問到就直接拎單嚟埋單，感覺上有嘅趕我哋走🤔🥲…查看更多

好難食! 好貴! 態度差! 仲好意思收人5% 服務費! 第一次寫食評, 因為吾寫吾得, 真係好伏！！！！！！！ 1. 雞煲: 又乾又咸, 得幾粒雞 2. 大肚婆炒飯: 好咸 3. 聖子: $78 一隻 , 細件到咩, 又乾。 幾年前無甘難食, 真係一生人食過最伏既餐廳。 …查看更多

📍東寶小館An interesting place located right in the middle of a 熟食中心. It has been a place to bring friends from abroad to let them experience the not so local 大排檔 style with aircon. The popular canton pop songs, the use of 戰鬥碗, the boss teaching us how to open a bottle of beer with a chopstick, all adds up to the whole experience. Food wise, it used to be better but oh well, the atmosphere sort of makes up for it. Recommendations: • 南乳炸豬手• 炸大腸• 花雕凍檸茶Price: HK$300-400 ppRevisit: 7/10 …查看更多

中伏，中伏，中伏！又貴又唔好食！ 半隻雞都要$290。 炸豬手又無味，又唔脆！椒鹽九肚魚都無味！千祈，千祈，千祈唔好再去！我一般都唔寫食評，但這家的性價比實在太差，希望大家知道，唔好再中伏！…查看更多

這間餐廳差不多已有20多年，明顯食物也提升了質素，豬大腸加菠蘿食，剛剛好不會油膩，給我最驚喜的是蓮藕餅鯪魚球，外面加了炸米一齊炸，特別香口，內魚肉鮮甜鬆化。賣相和味道超好❣️…查看更多

星期五晚約fd食飯揀咗就腳嘅東寶小館，預早咗一個禮拜打電話去book枱，好好彩順利book到幾年前嚟幫襯過，淨係記得食過避風塘炒蟹幾好味，其他就無乜印象。一坐低未點菜首先嗌啤酒飲先。風沙雞係招牌菜，所以叫咗半隻試下。雞皮上色均勻，皮下脂肪唔多食落薄而脆雞肉嫩滑有雞味，用上新鮮雞果然係好味啲粉絲蝦煲以超大嘅煲上枱，估唔到個煲咁大望到有咁多芫茜幾開心侍應呀姐撈粉絲之前問我哋使唔使相機食先，等我哋影完先撈個粉絲。大蝦有飯碗咁大隻，蝦肉結實彈牙。粉絲有鑊氣得嚟唔油膩，而且用上大量蔥蒜起鑊，非常惹味嚟大排檔又點少得椒鹽鮮魷！炸到金黃色嘅鮮魷賣相好靚鮮魷表面薄薄嘅炸漿口感酥脆，椒鹽調味適中送啤酒一流蝦醬通菜好有鑊氣，蝦醬味香濃，通菜幼嫩完全無渣。見到特別推介有炸榴槤，所以都叫咗份試下。一份有十粒都幾多。原來係用雲吞片包住榴槤蓉拎去炸熱辣辣嘅榴槤餡好好味，但個皮食落係腍，可能因為榴槤蓉浸濕個皮整體嚟講食物有水準，以大排檔嚟講價錢偏貴，但勝在食材新鮮。缺點係坐得好迫唔舒服，四個人先得一張細圓枱，嗌多兩個餸都擺唔晒，但食得大排檔都預咗。…查看更多

我諗好多人都聽過位於渣華道熟食中心的「東寶小館」係好出名嘅。出名D乜？ 依間小館嘅老闆好鍾意播放一些節拍強勁嘅音樂🎵📻， 可以一邊享受大排檔港式地道小炒， 一邊嘆冷氣， 豪氣地用「勝杯」飲酒🍻， 都算朋友聚腳吹水嘅好地方😛。食過佢啲小菜唔係特別出色， 炒蟶子是可以推介給大家， 炒嘅火候啱啱好  可以保持它的嫩滑， 調配的醬汁有少少辣， 襯托出蟶子分外鮮甜， 食落野味可口😋。不過大家要留意， 佢嘅收費唔平， 普通一個小菜都要大約200元， 如果你叫四個小菜加兩支啤酒， 再加5%服務費, 就要過千埋單。所以值唔值真係見仁見智😅😅😅。…查看更多

我打電話訂枱，訂六半（最初佢地話只有六點同八點，但最後俾我訂六半）訂嗰陣冇講八點要還枱。我地有朋友遲到，已經唔等佢地，叫定兩三道菜，但用餐嘅時候不停被問有冇食物要追加，要我地八點還枱，而佢地亦知我訂位嗰陣，佢地冇講還枱時間。成餐飯俾侍應阿姐追問至少三次，我地叫嘅食物都未黎齊，阿姐已經不停提我地要八點還枱。成餐飯食到趕頭趕命咁，最正係八點我地埋單走都唔見有人等緊。其實限時限刻唔緊要，訂枱嗰陣可以講，我食緊嗰陣不停催，咁嘅服務，唔會再有下次，食咗都背脊骨落。…查看更多

一行8人去食大排檔，座無虛席，我地6點半黎到，由於無book位，要我地8點鐘準時交枱。8個心分2枱坐，中間間左塊板，呢到上菜會幫你分好2碟，唔使遞黎遞去咁麻煩。味道OK，大排檔既價錢偏貴左少少，但真係超多人，食個氣氛OK既。…查看更多

碳燒牛仔骨 燒得好香，口感一流，唔點汁更原汁原味❤ 每次必點🤫炸黃金蠔 一咬落去層油爆哂出嚟，你會不停用舌尖感受回味佢個皮，而且冇平時食蠔果種潺味，一流👍泰式鹽燒盲槽 廚師特別處理過，完全冇魚腥味，魚肉好滑好新鮮，魚汁係總廚特別調制既，點埋嚟食酸酸辣辣，係一道有心機而且開胃既菜，每次去到絕對必點!😁總結:東寶價錢偏高，但食既野地道得嚟真心好食，而且真材實料兼包羅萬有，叫餸食飯既野，越多人食越抵添😊 …查看更多