東京食堂 (V City)

营业中

休息中

早幾日已經見到新開張，星期五晚就過左黎試下😏。星期五晚7點半左右🕢，大約有4組人等位，比我預期少。等左差唔多15分鐘，就有位了😬。門口望入去，以為好細，座位好少，但原來好大😵，好深。座位好寛躺，唔會好似啲食店咁坐得好迫。裝修都好日本風格⛩️，以日本車站做主題🚧🚅，令我呢啲思鄉既有種返左鄉下既感覺🤪。一坐低就有QR code自己落單，食物種類都算多🍜🍝🍤🦪🍱🍺🥃，有拉麵，焗飯，意粉，定食。小食都有好多選擇。本身想食蕎麥麵，不過只有抹茶蕎麥麵，我不太鍾意抹茶，所以最後揀左吉列三味定食。所謂既三味，就係有吉列蝦🍤，吉列蠔🦪，吉列豚🐖，再配一碗白飯🍚，一碗麵豉湯🥣，同埋少少前菜🥒。食物質素未稱得上好好，吉列尚算脆口，不過炸得有啲過左火喉，有少少硬，同埋粉漿有啲厚。另外仲叫左一款小食，煎蠔餃子🥟。蠔肉唔算好多，但食落都有蠔味，煎得夠脆口。我老公叫左一個牛舌焗飯，有啲強差人意🫣。只係蕃茄炒飯底，焗完再加3片牛舌放飯面，冇咩特別。埋單時出示返有follow ig / fb，就可以有✨️8折✨️優惠，職員唔會主動提你，所以如果5月31日前去食既朋友，就要主動同店員講🗣，咁先有8折啊。總括而言，價錢中上💰💰💰

見到V city開咗間新餐廳，之前目利之銀次個位。第一時間就去試吓啦。🏃🏃🏃睇過餐牌，價錢OK 。入到去環境同裝修都特登整到有d 日本feel😉有拉麵、冷麵、焗飯同埋有定食，加$30仲有3 隻餃子飲品🤩加$38 又有炒飯飲品🥰今次試咗三文魚定食同埋一個軟殼蟹芝士焗飯。亦都加咗$30要餃子同埋飲品。煎餃子OK😀三文魚定食亦都OK🥰焗飯就真係唔會再試嘞！炸軟殼蟹再加埋芝士，好油膩同埋滯都食唔到🥲好失望。