東京街日本料理 (馬頭角道)

营业中

休息中

這份不是套餐！單點的17件高質壽司+12件小卷不過是$253！抵！環境：很日式，雖然是外賣店，而且來買外賣的人超多，但店內還是有２個站位服務：正常水平，店員在忙碌中算有禮貌食物：店內有茶喝點了很多款的壽司，當中有幾款特別正推介款式怪獸鰻魚壽司 1件 $25超厚切，照燒汁甜而不會過多，口感柔嫩入口溶化，$25？抵！火炙拖羅壽司$29這個價錢竟然沒有筋腱？比前者更軟稔重吞拿魚油香，入口即溶，性價比一流！火炙左口魚壽司2件$20油香極重，火炙過後帶出表面油脂，口感味道更豐富！北海道帶子壽司1件$15厚切！鮮甜，帶鮮甜味道口感， $15相當抵吃！三文魚2件$14希靈魚2件$12也屬於正常水平，尤其希靈魚很夠爽口，價格也十分相宜皇帝蟹棒壽司$14蟹肉多而且不是平日的假蟹，加上美奶滋，意外地不錯三文魚小卷$25蟹柳小卷$12非常抵食的小卷，用料正常，價格更是極抵！

東京街喺土瓜灣新開左分店！好少會覺得食外賣都可以有好野食🥰主打價錢親民既外賣壽司、丼飯、刺身、手卷為主💛三文魚帶子甜蝦飯 $78非常抵食👍🏻仲可以轉三文魚腩～勁豐富😍三款刺身食得出好新鮮！最愛原粒帶子夠鮮甜🤤三文魚腩幾肥美厚切而且油脂豐腴好正呀🤪 配料仲有蟹柳、酸薑、玉子片、青瓜令到整體賣相更吸睛🤩 雜錦魚生飯 $68 入面切粒既魚生份量都幾多🥳有三文魚、希靈魚、八爪魚、魷魚等等好豐富🐙唔食魚生嘅朋友可以揀 火炙三文魚魚生飯 $68 每片三文魚加埋美奶滋再火炙過後好惹味🔥另外壽司都係必食🍣特別推介法國鵝肝壽司 $25/件！入口即融既鵝肝油香彌漫喺口中😝 絕對想encore多幾件！！

土瓜灣牛棚附近的東京街，一聽就知專做你我都喜愛的日本料理，壽司生蠔刺身外賣，無論係一人丼定係開心party都有得揀，唔洗嘟，大家安心。鮑魚三文魚帶子飯三文魚飯 一 打開蓋 就知新鮮 新鮮，刺身的款式也的確多元， 刺身有魚類也有帆立貝， 三文魚， 鮑魚。 件件刺身都 色澤亮麗你我都睇到吧！，三文魚肉厚肥嫩，肥美而且有滿滿魚油香氣，日本直送 帆立貝 味道鮮甜， 鮑魚 肉厚 單呀 啖啖肉， 整玩鮑魚三文魚帶子飯我獨食 是常識吧。不得不提的是日本米飯有淡淡米香， 唔怪之得 每晚放工都 就勁多人排隊 等埋壽司丼飯吧。

今日過咗土瓜灣附近做嘢，收工嘅時候經過見到呢一間日本嘢好似幾吸引，看到啲相好吸引，而且種類好似好多😍門面好有日本風而且感覺好乾淨入邊有立食位，不過我鐘意慢慢食，所以選擇左外賣佢除咗有好多款壽司之外，仲有勁多手卷、和食同魚生飯！我仲見到佢有生蠔下次試吓先放得好精美，望到都好開心🥰叫咗幾件怪獸公司壽司系列，怪獸三文魚腩壽司、珍寶帶子壽司、怪獸甜蝦壽司佢個怪獸三文魚腩壽司好巨，好啱唔想淨係食刺身又想食少少飯嘅人，好肥美珍寶帶子壽司仲誇張，應該係我一直食珍寶帶子壽司以來最巨大既帶子。可能影得唔係好睇得出，但係佢一邊已經接近平時珍寶帶子既份量，而且好鮮甜，仲要咁大個都只係$38，呢個勁抵，下次我會叫多兩件🥰芒果花之戀，我平時最鍾意食花之戀。呢個有驚喜，佢個花之戀係三片大既三文魚！只係$20，平時一件都$18，細細粒，食咗頭幾件已經覺得呢間野CP值好高！拖羅魚籽帶子戀壽司，兩個夾埋又係好正，仲鮮甜，質感軟綿綿好似食緊個雲咁🥰劍魚、池魚王、火灸拖羅壽司就算唔係怪獸系列，佢啲魚生都算大塊同埋厚身，食落啖啖魚生肉。怪獸龍蝦沙律大蝦壽司、呢個第一次咁樣食覺得都好夾，因為我平時都好鍾意啲沙律醬所以好鍾意去呢

以前睇完戲又唔想食咁飽都會去下食壽司，不過政府而家十點就唔俾人食飯都唔知點解？？冇辦法之下咪返屋企附近睇下仲有咩食。行行下就發現呢度，好彩都仲有外賣。入面都有好多選擇，我地就叫左個拼盆外賣。返到屋企第一時間就見到佢個三文魚腩壽司，大大塊之餘仲厚度十足。食落去唔會太油仲啖啖肉！非常高質😋鐘意食花之戀既真係唔可以錯過，舊三文魚夠大之餘又唔係俾過多既沙律醬蓋過晒啲味！加以三文魚子配搭又係一個佳作👍🏻仲有一大舊既鰻魚同甜蝦！出面啲壽司店已經好少俾到咁大舊，全部都縮埋一舊仔咁。係佢哋先可以舊舊壽司都多刺身少飯😎 啲飯份量仲要岩岩好，唔太多或者太少😛

早排呢間黃店喺土瓜灣開咗分店，主打外賣壽司。今次散叫壽司，即叫即整夠新鮮。性價比都好高。.特別推介佢哋嘅怪獸壽司🍣，份量超大好飽肚。.怪獸鰻魚壽司好厚肉，烤得充滿燒汁香味。.怪獸三文魚亦都夠厚切，而且極度肥美。.佢哋有幾款特式花之戀壽司🍣，今次揀咗芒果花之戀🥭，三文魚配上酸酸甜甜嘅芒果又幾夾。.赤貝鮮味爽彈又冇腥味，值得一試。.帶子壽司配三文魚子，味道鹹香，又唔會影響到帶子本來嘅鮮甜味道☺️。

東京街日本料理 土瓜灣馬頭角道57-59號地下B號舖有時一個人，本身想入餐廳食，但又怕一個人霸住張臺阻住人做生意，所以好多事都係買外賣返屋企食。晚餐我就叫左一打12件壽司，可以單點一件都無問題，全都是自己棍食同鍾意食的,是另類omakase 怪獸三文魚腩壽司 $25 超厚一件魚肉肥口多油脂芳香。芒果花之戀 $38 有芒果同沙律醬，夾埋一齊幾開胃三文魚三重奏 $25怪獸鰻魚壽司 $25 很大件，要3大口先食得完鰻魚腐皮船壽司 $12 皇帝蟹棒壽司 $14北寄貝壽司 $14 三樣都好抵食，咪以為平就將價就貨，一樣大大件面料把隻都蓋住曬。海膽甜蝦壽司 $25 有海膽點綴，甜中帶甘。東京街日本料理 土瓜灣馬頭角道57-59號地下B號舖有時一個人，本身想入餐廳食，但又怕一個人霸住張臺阻住人做生意，所以好多事都係買外賣返屋企食。晚餐我就

💛東京街日本料理·呢間係我地睇餓底TV見佢啲火炙壽司賣相唔錯 所以專登買黎試下既😈😈·刺身拼盤C $368佢個刺身以外賣質素黎講真係幾高質 佢其實有幾款平D既 不過因為我地想食拖羅同赤蝦 所以就叫左個貴少少既🤭🤣🤣佢個帆立貝真係幾大粒 而且都幾甜😌之後個拖羅 油甘魚同三文魚都唔錯 油脂好好 個赤蝦就正正常常 唯一係佢個赤身好似無咩味咁🤣🤣 ·火炙拼盤B $198之後佢個火炙拼盤都幾抵食 佢呢個有22舊 因為炙燒左 所以大部分都幾好食😈我自己就最中意佢個三文魚 蟹棒同魷魚😌😌·#rbyeat#rby日本菜#rby💛#rby土瓜灣 #rby太子·📍土瓜灣馬頭角道57-59號地下B號舖📍太子水渠道30-32A號美星樓地下5號舖📍太子西洋菜南街228號地舖

土瓜灣新開了超人氣外賣壽司店🍣🍱🥢我家駕車🚙五分鐘可達壽司SET送汽水約$78起魚生飯有平有貴由$78-108等都有今晚吃這個👉🏻活赤貝池魚三文甜蝦丼原隻赤貝很厚切成四小份仍非常有口感👍池魚鮮甜爽口😍三文魚🐟肥美肉厚甜蝦🦐兩隻份量十足醋飯🍚採用日本米🇯🇵軟硬適中味道稍酸繁忙時段超多人👫👬👭即叫即做至少等20分鐘以上這一帶冇街可行齋等會很痛苦建議可選用whatsapp📲下單

公司附近新開左一間日本料理外賣店。平時，經過見好多人幫襯。今日屋企人冇煮飯，就買咗外賣返屋企食。買咗刺身，芒果沙律同一個三文魚帶子甜蝦飯定食套餐。定食套餐包埋沙律同面豉湯，十分抵食。而家仲有9折優惠。~~刺身（三文魚同甜蝦）三文魚好厚切。睇到三文魚d魚紋就知好新鮮，食落好香油脂味，口感同味道都一流。甜蝦大大隻，食落好彈牙同鮮甜。~~芒果沙律芒果酸酸甜甜，青瓜絲切得好幼，加埋d蟹子，蟹柳同沙律醬一齊食，好開胃。~~三文魚腩帶子甜蝦飯定食套餐三文魚腩好厚肉，食落好肥美，好新鮮。帶子好大粒，食落好爽口同鮮甜。甜蝦食落好彈牙。套餐跟個個面豉湯都一d都唔馬虎，好濃味，又唔會太鹹。

喺土瓜灣好少可以食到日本嘢呢間留意咗佢好耐嘅東京街今日終於食到喇！難得男朋友話今晚叫外賣，一於試吓佢😋😋😋價錢都算平民👍🏻店子唔算好大，但都有立食位置比大家，不過外賣攞返屋企食梗係最方便啦🥰點餐後大概等左15分鐘雪櫃都有好多款盒裝壽司🍣點咗一份極上壽司拼盤，刺身，火炙三文魚魚生飯同幾款壽司🍣叫叫下先發覺好多😹😹😹兩個人點食到咁多極上壽司拼盤-呢度既壽司真係勁靚勁新鮮！😍特別係呢set怪獸壽司，三文魚腩同鰻魚壽司超厚，而且色澤鮮艷有光澤，賣相好吸引呢個三文魚腩真係不得之了🤤食落口感好肥美，連男朋友都豎起手指公👍🏻帶子吞拿魚魚腩魚籽戀，壽司比較的骰，不過上邊放碗帶子，食落有三重感覺😍好味好味驚男朋友唔夠飽，另外再點咗佢最鍾意食嘅厚切三文魚刺身同甜蝦刺身，三文魚真係一啲都唔吝嗇！厚切當然食落去富有口感🤭🤭🤭 肥美感十足仲有我最愛既腐皮壽司😆👍🏻今餐食到好滿足！雖然只係小店，不過幾高質❤️下次再試吓佢地啲和式便當先😊😊😊

🥢甜蝦刺身（5件） $58🥢北海道帶子刺身（5件） $58🥢三文魚腩刺身（5件）$58呢度嘅刺身勁抵食，特別推介帶子刺身。帶子好鮮甜彈牙，仲食到一縷縷嘅質感。.🍣花之戀 $18🍣玉子壽司（2件）$10🍣怪獸鰻魚壽司 $25🍣拖羅魚籽帶子戀 $28🍣三文魚壽司 $12🍣黑松露大赤蝦壽司 $13🍣海膽大赤蝦壽司（2件） $25壽司即叫即握～返到屋企半個鐘都冇散開。怪獸壽司超巨型，鰻魚勁大件又厚肉。拖羅魚籽帶子戀簡直係鮮味大爆發😍😍😍。玉子濕潤香甜，$10/2件好抵食。.🦀軟殼蟹卷 $38軟殼蟹酥脆冇油膉味。蟹子加埋蛋黃醬惹味又夠口感。

自從食街間日本野執咗笠之後，土瓜灣好耐都冇專賣壽司刺身嘅外賣店。 喺呢個越南河同齊柏林熱狗隔離開張，無返咁上下質素應該唔夠膽，自然有少少期待。 星期五晚返屋企食飯，除咗外賣之外加少少料，就試吓佢乜嘢水準。 試咗唔同嘅壽司同埋花之卷，帶子卷，整體感覺幾滿意。 最重要個質素真係好平，特別係玉子同蟹柳，你以為好普通，但平凡得來，又唔錯。 土友們，以後終於可以有返一間似樣嘅日本嘢外賣啦。 東京街日本料理 (土瓜灣) 更改 土瓜灣馬頭角道57-59號地下B號舖

土瓜灣新開左東京街，齋做外賣，而家外賣自取仲有九折。果日經過都十點倒，齊柏林已經收緊舖，東京街仲做緊，話開到11點，就叫左個定食。三文魚帶子甜蝦飯($78X0.9)，轉魚腩就加十蚊，個飯仲包湯同罐裝可樂。望落去都大大碟，三文魚厚切都有4件，而且仲有玉子同蟹柳，飯軟硬壽司醋都適中，三文魚帶子蝦果D，以呢個價錢包咁多野黎講其實質素都可以，佢D 螢光色wasabi 既牌子好夠嗆口，我覺得幾好，不過有D人應該會覺得乸喉。響附近D壽司店質素比較參差下，其實都係一個唔錯既選擇。

這間位於土瓜灣的日式外賣店，主打壽司、刺身及多款午市定食，而且價錢公道，食物份量足。芒果沙律以青瓜絲墊底，加上香甜的芒果，青瓜爽脆多汁，十分清新健康。刺身拼盤三文魚厚切，雖然不是魚腩位，但魚肉新鮮，色澤鮮橙，質感爽口鮮甜，肥美度就一般啦。油甘魚都是厚切，魚肉較為甘香，有少許魚油脂，肉質都是較爽。甜蝦都不算細隻，鮮甜彈牙。壽司拼盤希靈魚是醃製過，魚杍爽脆。吞拿魚味道較一般，肉質結實。火炙系列味道不錯。