309
2
3
| 餐厅: | 杣‧YASHIMA |
|---|---|
| 优惠: | 国泰会员凭「国泰 - 亚洲万里通」应用程式內会员二维码，赚高达HKD4 = 2里。受有关条款约束。 |
|
条款及细则:
|
|
|
|
影片
港铁上环站 A2 出口, 步行约5分钟
继续阅读
电话号码
66609179
23288089 (WhatsApp)
开饭介绍
上环区人气日式厨师发办，座位只有约10个，方便大厨细心照顾每一位客人，无论前菜、刺身、寿司还是甜品，都感受到食材的新鲜及大厨的用心，适合庆祝生日及纪念日。
继续阅读
营业时间
今日营业
12:00 - 15:00
18:00 - 23:00
星期一至日
12:00 - 15:00
18:00 - 23:00
以上资料只供参考，请与餐厅确认详情
有关奖赏计划
优惠
| 餐厅: | 杣‧YASHIMA |
|---|---|
| 优惠: | 国泰会员凭「国泰 - 亚洲万里通」应用程式内会员二维码，赚高达HKD4 = 2里。受有关条款约束。 |
|
条款及细则:
|
|
|
|
好吃到哭〔´∇｀〕食到一半已经刷新我嘅𝑶𝒎𝒂𝒌𝒂𝒔𝒆排名真系唔夸张 一路食都不断同师傅店员讲好好食！不定时更换菜单 全部都系时令食材 每位接近20道菜最癫系由头盘到甜品都好惊艳 完全值回票价(ᗒᗨᗕ)1. 冲绳水云 配 北海道蟹肉
水云酸得嚟够晒开胃 夹杂蟹肉嘅鲜味 开启味蕾 准备食呢餐
.2. 兵库县「梦追星」生蚝 珍贵又有品质嘅生蚝品种 带点海水味 非常鲜甜爽滑～3. 橘子烧马鲅鱼
马鲅鱼即系马友鱼 肉质一流 皮脆肉弹 无花果同橙香清甜 带淡淡赤酒香 .4. 羽太石斑鱼刺身
以酒浸配上岩盐、紫苏花 味道清新 鱼身爽口5. 池鱼矶边卷 配 爱知县象拔蚌
细嫩嘅池鱼卷住腌萝卜、葱、莼菜 一啖放入口超有鲜味！
伴碟有象拔蚌刺身 好爽口 同样鲜味突出 .6. 北海道水八爪鱼吸盘
吸盘非常特别 好爽脆 鱼身就好爽滑.7. 北海道松叶蟹春卷超级酥脆！劲热辣辣 咬开啖啖蟹肉 劲足料8. 吉列𩽾𩾌鱼干
一试难忘！先慢煮 再炸 外皮脆得嚟 唔𠝹口
内里就好似豆腐咁软滑
洒上黑松露、parmesan cheese 有淡淡咸香 但唔会抢走𩽾𩾌鱼本身嘅香味！.9. 红酒煮北海道鸭胸酒味浓郁但唔呛 肉质结实 有啲似fusion菜 几特别10. 网烧喜之次刺身师傅特登请我哋试！轻轻烧过 带点焦香但保留鱼肉嘅弹牙口感 肥美但唔腻.11. 鳢鱼冬瓜高汤
用鱼肉鱼骨、冬瓜熬制嘅高汤 鱼肉紧致但柔嫩 清一清味蕾 准备食寿司～12. 鲽鱼配鱼肝寿司鱼身非常厚滑 鱼肝有啲似淡味版嘅明太子酱 带起鲜味.13. 北寄贝寿司 非常爽口！.14. お拖罗寿司 肥厚鲜甜！.15. 烟熏鲣鱼 带浓郁烟熏香 以姜葱衬托鱼油香 鱼油香顿时充满口腔～16. 海胆手卷
食寿司点少得新鲜海胆！来自北海道 入口即溶 完全唔腥苦 好甘甜～.17. 玉子布丁烧
超特别嘅口感！似日式鸡蛋布甸咁滑 但同时好结实 蛋味香浓 食完好想encore.18. 蚬鱼面豉汤
最后嚟个浓味但清澈嘅热汤暖胃～即刻舒服晒19. 北海道粟米焦糖吉丁泡芙
连甜品都超有惊喜！！表面有层焦糖脆脆 内馅就系流心吉士 有浓浓嘅粟米甜味 外皮系微脆嘅泡芙 口感同味道嘅层次都劲丰富！又想疯狂encore！
继续阅读
一餐好嘅omakase就好似睇一个故事咁精彩，有起承转合，充满惊喜。今晚嘅晚餐就有咁嘅感觉，多谢师傅用心款待。晚餐非常丰富，为今晚揭开序幕嘅前菜有三款：赤贝、渍青瓜配醋啫喱，味道酸酸的，非常醒胃；冲绳水云、鳗鱼苗配酸汁，亦喺清新爽口嘅味道；静江水果蕃茄甜度高，系好好味嘅蕃茄。下一道前菜系时令嘅萤光鱿鱼配春天嘅日本野菜，师傅加入咗少少蛋黄酱汁，令到整个味道更丰富立体。紧接住系日本时令生蚝配士佐醋啫喱，再加咗少少紫苏花点缀一下，肥美厚肉嘅生蚝味道浓郁，醋味啫喱同紫苏花将味道变得更加平衡！刺身嘅环节，先食渍樱花叶包裹嘅伊佐木，伊佐木食起上嚟比一般白身鱼鱼柔软，口感肥美，简单配少少盐食就好好味。好味嘅刺身唔好俾佢停，九州大尾鱿鱼同象拔蚌都十分新鲜，味道鲜甜，象拔蚌口感尤其爽脆，好好味😋跟住呢个深海池鱼卷真系今晚嘅大亮点！师傅喺度切池鱼嘅时候，我哋就谂点解要切咁多片呢？原来系要整卷物：深海池鱼卷着芽葱、黄萝卜、白板昆布、芝麻等等，所有食材加埋一齐食味道好丰富，深海池鱼嘅甘香同其他食材非常搭配👍👍👍 好钟意食，一人两件，有啲唔够喉嘅感觉😹之后有剥皮鱼配剥皮鱼肝制成嘅酱汁，剥皮鱼本身味道唔算重，配埋肝酱就好好食啦。师傅拎咗几块紫菜俾我哋夹住刺身食，又系一种特别嘅食法，都几好！师傅就好似一个魔术师，咁倾吓又变多啲嘢出嚟、讲吓又推介一啲食法！𫚕鱼，即系野生油甘鱼，系我好钟意食嘅刺身，师傅轻轻火炙，令刺身带淡淡嘅炭烧香味，配芫荽苗同红心萝卜丝去平衡返澎湃嘅鱼油，好正。之后到咗热食嘅环节~ 烧目光鱼有惊喜，目光鱼肉质非常幼嫩，鱼油好丰富；鱼皮处理过后变得香脆，配柚子醋萝卜蓉一齐食，送酒一流！吉列𩽾𩾌鱼肝大家有冇食过？呢个做法好特别，再加埋乌鱼子，又系一个好好嘅下酒菜。到寿司环节其实都已经有啲饱，师傅体贴地做咗少饭版👏 金目鲷 - 色泽好靓，脂肪丰富，鲜味十足。活北寄贝 - 火炙后鲜味更加突出，而且食材真系好新鲜，口感弹牙!小肌 - 钟意食鱼味重嘅人一定钟意食小肌，肉质鲜嫩，鱼味好突出。大拖罗 - 油脂大爆发，好甘香，如果唔系太饱，真系要追加一件 ^^赤身酱油渍 - 师傅自家调嘅酱油味道刚刚好，呢件又系好高质!北海道根室海胆 - 份量十足，师傅一啲都唔孤寒，海胆味道浓郁鲜甜，真系好满足!!!!火炙海鳗 - 细嫩嘅鳗鱼肉配上秘制鳗鱼汁，为寿司环节完美作结。然后饮一碗暖汤，味蕾休息一下～最后嘅甜品都好精彩😍 香脆蛋白饼、栗子雪糕、士多啤梨、自家制柑桔啫喱。柑橘啫喱特别好味，味道清甜，食落好舒服。香港诣店好多，虽然Yashima唔系预约困难店，但系今晚成个用餐体验都好好，食材新鲜，师傅处理得宜。如果下次再要招呼朋友，呢度绝对系可以encore嘅地方👍
继续阅读
今晚对自己好啲，就订左bookmark左好耐位于上环的Omakase。餐厅全bar 枱，楼底够高，仲有个天窗，氛围好似去左日本咁😍😍冲绳水云配海鳗条，再用酸味嘅酱汁调味，好开胃。萤光鱿鱼配搭蛋黄酱，第一次食塞满左膏的萤光鱿鱼，加埋蛋黄酱，口感十足。乌贼及石垣鲷，乌贼好爽口；而石垣鲷新鲜。深海池鱼卷物香味十足炸毛蟹春卷配蟹膏酱春卷入面系充满着毛蟹肉，再点蟹膏酱去食，整个口腔都充满蟹味。慢煮鱼肝鱼肝慢煮完再煎香，入口即溶，鱼油系口腔入面爆发，再加上然面头洒满Parmesan Cheese，更加香😍😍。剥皮鱼配肝酱切到条状的剥皮鱼再用搅拌好的肝酱同埋紫苏叶一齐去食，口感真系几夹。鳕鱼干轻轻炭烧过，再点埋蛋黄沙律酱去食，呢个小食无得输。伊佐木鱼有两片，一片系刺身，新鲜肥美；另一片系轻轻烧过，个鱼油感更加丰富。神奈川太刀鱼烧到个鱼皮好香脆得黎鱼肉又嫩滑。寿司:象拔蚌：够爽口弹牙金目鲷：鱼味好浓郁小肌鱼：新鲜十足长崎县大拖罗：呢个入口即溶，好想食多几件赤身：新鲜鲜甜北海道马粪海胆：全晚高潮系呢一样，好鲜甜，一啲腥味都冇。鲷鱼清汤个清汤好香鲷鱼味栗子雪糕配爱媛金橘果冻平时唔中意食栗子产品的我爱上左呢个雪糕，唔会死甜，栗子味做到刚刚好，爱媛金橘果冻好清爽，好啱呢个天气食。呢一餐真系贵得有道理，食材新鲜，又食得出师傅对于食物的高要求，大赞👍👍
继续阅读
生日月美食马拉松开始，去中环品尝厨师发办，打开门经过通道像经过日本庭院的瞬间，之后看到10个座位的席前厨师发办位置，木系装潢加上石头、植物配搭，环境清幽典雅融合京都美学，恍惚回到🇯🇵📋料理方面分$1,980 或 $2,680厨师发办，后者增加了”季节蟹料理”及”杣 特浓鲍肝煮”，选了前者先付 | 前菜 | 扬物 | お造り | 酒肴 | 煮物椀 | 寿司五贯 | 焼物 | 吸物 | デザート先付：🦑萤乌贼 | 水云 | 静冈蕃茄春天正当的萤乌贼鲜味十足，水云微酸滑嫩略带脆感，最后食静冈蕃茄清爽味蕾🐚赤贝刺身配桃哩喱及醋渍青瓜，赤贝鲜嫩爽脆带淡淡的甜味扬物：🐟目光鱼居于深海，海水折射看似双眼会发光而命名，油脂丰富鱼肉质感感似更细致版的比目鱼，营养价值更非常高，洒上小青柑多一重层次同平衡油份お造り： 🪸障泥乌贼 | 石湖鲷 | 深海池鱼 | 野生油甘鱼障泥乌贼 - 肉厚带黏度，师傅建议咀嚼多一点感受独特甜味，上面墨汁盐画龙点晶提味作用石垣鲷 - 肉质细腻，轻扫柚子盐可提鲜深海池鱼 & 野生油甘鱼 配搭很好🐟𩽾𩾌鱼肝鱼肝柔滑醇厚有种奶油口感，传统的奈良渍用酒糟腌制，渍物带酒香&清新的脆感🐟剥皮鱼较淡味鱼种混合秘制调味送酒一流🥣煮物椀 NIMONOWAN：金目鲷鱼肉保持嫩滑，鱼卵入口即化🦀樱煮八爪鱼 | 蟹肉春卷酱汁慢煮过后的八爪鱼柔软带咬口，蟹肉春卷一咬蟹肉爆发，配上意大利新鲜黑松露令香气跟奢华提升了🍣寿司五贯 5 PIECE OF SUSHI：厨师细心观察问需不需减饭北寄贝 - Size更大更厚肉和爽脆池鱼 - 味道鲜美，肉质紧实小肌 - 为相对浓味鱼类也没有腥味大拖罗 - 来自长崎县，肉质肥美油润赤身酱油渍 - 将赤身放最后一定是对质素相当有信心北海道马粪海胆手卷 - 浓郁的海味和奶油般的口感🍲吸物 SUIMONO：红味噌汤红味噌在众多味噌中发酵时间最久，因此味道较浓郁富黄豆香，汤中加入鱼肉，春荀、昆布时令蔬菜🍨デザートDESSERT：焙茶雪糕 | 自家制柑橘啫喱焙茶雪糕幼滑，柑橘啫喱微甜清鲜
继续阅读
最近与朋友相约在中环的厨师发办店「杣‧YASHIMA」用餐。这家餐厅由日籍行政总厨高桥公也主理，主厨曾在东京米芝莲一星寿司店工作超过十年，经验丰富，甚至连前美国总统奥巴马也曾光顾他待过的餐厅，名声显赫。因此，对这次拜访「杣」的期待自然不低。.「杣」隐身于中环九如坊，低调而静谧。餐厅门面设计简约，带著浓浓的京都风情，神秘感十足。室内采用优雅的禅宗风格设计，搭配小庭园般的布置，让人感到宁静舒适。.晚市有两款厨师发办餐，包括💲1980及💲2680，以当季最时令的食材入馔，令人期待。➿ 前菜
✿ 天妇罗白饭鱼配鳗鱼苗、冲绳水云
清新的开胃菜，炸得香脆的白饭鱼搭配酸爽的冲绳水云，口感层次丰富，让味蕾瞬间苏醒。.➿ 刺身
✿ 石垣鲷✿ 墨汁泥浆乌贼配墨汁酱
✿ 剥皮鱼配秘制肝酱
石垣鲷细腻中带微脆，油脂均衡；泥浆乌贼Q弹鲜嫩，墨汁酱增添独特风味；剥皮鱼则以浓郁肝酱提升鲜甜。.➿ 季节之烧物
✿ 牛油烧白梅贝
简单却浓郁，贝肉爽弹，牛油香气扑鼻。.➿ 油物
✿ 伊佐木刺身及灸烧配炸姜丝、柚子醋萝卜蓉
伊佐木以双重呈现，一边清新刺身，一边灸烧带焦香，搭配柚子醋的酸爽。.➿ 蒸物
✿ 羽太鱼配萝卜蓉、高汤
鱼肉细嫩，萝卜蓉的微甜与高汤鲜味交融.➿ 酒肴✿ 接著是一道子持鱿鱼，鱿鱼内含大量鱿鱼卵，口感软腍丰富。.➿ 手握寿司
✿ 汤霜金目鲷
✿ 爱知县象拔蚌
✿ 针鱼配三星渍
✿ 中拖罗
✿ 北海道马粪海胆
金目鲷细嫩带焦香，象拔蚌弹牙鲜甜，针鱼清爽惹味，中拖罗入口即化，海胆则浓郁丝滑，每贯都令人满足.➿ 汤
✿ 鱼汤高汤
汤汁清澈甘醇，温暖地为主菜画下句点。.➿ 甜品
✿ 蛋白脆饼配香蕉朱古力雪糕
酥脆的蛋白饼搭配浓郁香蕉朱古力，甜而不腻。.「杣」的料理风格在手工与熟食上略胜一筹，摆盘精致，用具搭配用心，带来极佳的用餐体验。当晚餐厅座无虚席，气氛热闹却不失格调。服务生专业有礼，对菜式细节侃侃而谈，令人印象深刻。整体食物水准出色，值得一再回访。
继续阅读
您可能会有兴趣的...