李家 (山林道)

营业中

休息中

同中同食飯，佢話想食下韓國野，於是揀左係尖咀都比較出名既李家炸雞，仲係韓國人主理係香港第一間韓式炸雞店 ，食下野吹下水 。炸魷魚🦑鬚并辣年糕湯炸魷魚鬚上桌時見到佢係原隻咁炸好特別，仲聽到香脆聲音，外層金黃、表面唔會油淋淋，非常香口，好入味 ，配埋沙律醬一齊食有另一番滋味。辣年糕湯加入洋蔥、魚餅與韓國年糕，口感軟糯，香辣又唔嗆喉，仲帶些少甜味 。魷魚鹹香與辣甜年糕相互平衡，食落都唔覺油膩。半半炸雞（原味 ＋ 甜辣）原味炸雞外層粉衣超薄同格外酥脆，完全鎖住肉汁，雞件咬落仲好軟淋，肉質唔會嚡口 。甜辣醬口味，相對係偏甜，辣度輕微。相信都配合返香港人既口味稍為調教；炸雞外層粉衣仍然會食到酥脆。食幾舊炸雞，又可以食幾粒餐廳免費附送的醃白蘿蔔，清一清味覺，消除下油膩感 。西柚 soda 與青蘋果 soda西柚 soda 甜度低，帶明顯柑橘皮芳香。青蘋果 soda 則偏向甜爽，食炸雞配有氣飲品食得特別暢快 。📍 李家 (尖沙咀)尖沙咀山林道54-56號利雅商業大廈地下2號舖#hkfoodie #foodiehk #foodie #hkfoodstagram #hkfoodblogger #food

聽講李家是香港第一間經由韓國人主理的韓式炸雞店，之前就一直想來試試他們的招牌炸雞了，今次終於如願以償啦🤗店員服務態度友善，炸雞好好吃，環境亦很適合約友人一起聚會聊天～.𐐂單點𐐚❥ 醃白蘿蔔+沙拉菜 (附送)味道中規中矩店員友善地主動上前問我們要不要再添加沙拉菜，加分加分👍🏻❥ 蜂蜜蒜蓉炸雞 (無骨) $228炸雞我們另加$10選了無骨外皮炸得香脆，內裡的雞肉保留了肉汁，亦有雞味蜂蜜味道濃郁，包裹住每塊炸雞，甜中帶有蒜的香和辣，滋味無窮😋❥ 魚糕湯 $168湯熱騰騰，味道微辣，魚糕份量十足，還有些芽菜，吃起來很暖胃❥ 蒸蛋湯 $68送上餐枱時見到蒸蛋熱騰騰得表面不斷冒出小泡泡，入口時散發出淡淡的蛋香，口感介乎蒸水蛋和疏乎厘之間，一大鍋的份量亦好有飽足感/飲品/❥ Apple Cider Rita 雞尾酒 $88大大一杯插住一支味道自然，蘋果味夠香濃，甜中帶點酸，氣泡夠足，酒味不會很明顯，很合我胃口🤭.(人｡◕‿‿◕｡)喜歡的就給個贊👍🏻鼓勵支持我👉🏻👈🏻

經常煲韓劇，每次見到主角都食韓式炸雞，朋友帶我去尖沙咀山林道嘅"李家"食炸雞，由韓國人主理，又喺香港第一間韓式炸雞店。一打開餐牌，見到有多款口味嘅韓式炸雞，可揀選有骨或者無骨。我最鍾意食無骨炸雞，揀咗半份芝士味同半份原味炸雞。芝士味炸雞經常煲韓劇，每次見到主角都食韓式炸雞，朋友帶我去尖沙咀山林道嘅"李家"食炸雞，由韓國人主理，又喺香港第一間韓式炸雞店。一打開餐牌，見到有多款口味嘅韓式炸雞，可揀選有骨或者無骨。我最鍾意食無骨炸雞，揀咗半份芝士味同半份原味炸雞。芝士味炸雞(半雙隻) & 原味炸雞(半隻)每件炸雞外皮脆卜卜，味道香濃，食到停唔到口，唔喺太熱氣。最鐘意食芝士味炸雞。牛肉炒粉絲粉絲煙韌同柔順口感，牛肉香滑，加上豐富配料，喺必點之選 蒸蛋湯用沙鍋上，蒸蛋熱辣辣，開聞到香噴噴嘅蛋香，口感非常嫩滑，好好食添👏🏻。李家📍山林道54-56號利雅商業大廈地下2號舖

今日嚟咗尖沙咀食炸雞，一路都知道尖沙咀有間好出名嘅炸雞店——李家。餐廳由韓國人主理，係香港第一間韓式炸雞店。餐廳提供多款韓式美食，例如有炸雞、年糕、湯飯、芝士排骨等等，款式非常豐富。而且睇得出餐廳好正宗，因為每個店員都係講韓文嘅。韓式玫瑰醬炒年糕 $198冇諗過炒年糕咁大份，非常抵食！韓式玫瑰醬炒年糕係最近好流行嘅韓式小食。玫瑰醬係用上咗韓式辣醬同忌廉烹調而成，辣中帶甜，仲有少少奶香，味道非常濃郁但又唔會太過油膩同辣。年糕呈長條形，質地煙韌彈牙，吸收晒醬汁嘅香味，一啲都唔寡淡。配料仲有魚糕、腸仔或者芝士，口感更加豐富！蜂蜜蒜蓉炸雞 $218蜂蜜蒜蓉炸雞嘅靈魂就係嗰層蜜糖蒜蓉醬。醬汁甜中帶鹹，仲滲透住濃郁嘅蒜香味，而且醬汁非常多，每隻炸雞都沾滿晒濃郁嘅蜜糖蒜蓉醬。炸雞外層脆口，雞肉鮮嫩多汁，食物唔會覺得乾或者油膩，甜甜鹹鹹嘅味道令人回味無窮。表面仲佈滿蒜頭粒，食物更加惹味香口。 可樂 $18忌廉溝鮮奶 $18飲品方面，我同朋友都揀咗遊戲飲品，同炸雞一齊食，更加清爽同開胃！

尖沙咀老店，營業至凌晨5點！每次想食炸雞都會來呢度！自選半半炸雞自由配搭兩種口味炸雞，今次叫咗必食既青陽辣椒蛋黃醬炸雞，同埋蜂蜜大蒜炸雞。炸雞外皮又脆又鬆化！配埋d醬都唔會淋！一咬開入面啲雞肉汁爆曬出嚟，好出色！鐵板燒牛肉牛肉係韓式調味，上到來熱辣辣，好有鑊氣！而且超多份量，最後食唔晒要打包。蒸蛋湯係韓式蒸蛋，蒸蛋脹卜卜，好滑，好juicy！每啖食落去都有湯汁，好食！李家 (尖沙咀)尖沙咀山林道54-56號利雅商業大廈地下2號舖

李家是一間由韓國人主理的餐廳，也是香港首間專門提供韓式炸雞的店鋪。餐廳的裝潢簡約而現代，營造出輕鬆的用餐氛圍，非常適合朋友聚會或家庭聚餐。一坐低店員就遞上醃蘿蔔及小吃。半半炸雞李家的半半炸雞選擇了原味和甜辣味的搭配，外皮金黃酥脆，雞肉鮮嫩多汁。原味炸雞帶有自然的雞肉香氣，而甜辣味則帶來了微微的甜味和辣味。年糕餃子湯湯頭清淡卻充滿鮮味，年糕軟糯，餃子內餡豐富。芝士雞蛋卷雞蛋卷外層金黃，內部滑嫩，配上芝士的香濃，讓整道菜更加美味。梨果汁清新可口，口感醇厚，適合搭配炸雞，既能解膩又能增添風味。果汁的天然甜味與炸雞的鹹香形成了絕佳的對比。

每次問啲fd想食邊間韓國嘢都一定會有人講李家，今次終於去試試呢間傳奇炸雞店🙌🏻，佢係香港首間由韓國人主理嘅韓式炸雞舖，入到去連店員都係韓國人，一秒穿越返首爾🇰🇷嚟到梗係要試佢地嘅signature炸雞，我地嗌左甜辣口味，no joking我懷疑佢係我係香港食過最好食嘅炸雞🫡，淋滿左醬嘅雞皮仍然保持酥脆，雞肉完全做到外脆內嫩，食落仲超juicy🥹，平時食甜辣醬好易食少少就覺得膩，但係呢到完全唔會！一舊接一舊食到上癮🙂‍↕️其他韓式料理都好出色，辣豬手滿滿骨膠原，辣味超夠🔥芝士雞蛋卷勁足料，一切開流心芝士多到滿瀉🧀，雞蛋仲要夠哂厚，呢個必試!! -𝙈𝙚𝙣𝙪▫️甜辣炸雞 $𝟭𝟴𝟴 ⭑⭑⭑⭑⭑▫️芝士雞蛋卷 $𝟭𝟮𝟴 ⭑⭑⭑⭑⭒▫️辣韓式豬手 $𝟭𝟵𝟴 ⭑⭑⭑⭑⭒

半半炸雞（原味+甜辣）$188去韓國街必食炸雞，半半炸雞擺碟好靚，真係原隻雞排好咁放，一半係原味，食落微辣香脆，炸粉好薄，皮脆肉嫰。另一半落咗甜辣醬，食落冇原味咁脆，但甜甜酸酸好惹味。-牛肉炒粉絲 $158炒粉絲食落比想像中香口，味道偏甜，粉絲口感彈牙，牛肉同香菇都好入味。-芝士雞蛋卷 $128份量超級足料嘅雞蛋卷，厚身大件，切開入面有流心芝士，加左茄醬係面頭，兩個人真係食唔晒。-蘋果梳打 $38飲品有驚喜，飲落清甜，梳打好多泡泡，但完全冇氣泡飲品嗰種酸味。-餐廳係韓國人主理，不過店員都識講少量中英文，落單點餐唔怕溝通唔到🙈

📍李家 (尖沙咀)💥蔘雞湯人蔘味唔算好濃但又淡淡嘅甘香有成隻雞份量都幾幾大雞肉唔會好high 湯裏面仲有啲煮到好軟綿綿嘅糯米整體飲落味好濃幾舒服💥泡菜豬肉湯份量都好大，適合二至三人share 豬肉用咗肥瘦相間嘅五花腩用咗偏酸嘅泡菜整體飲落酸酸辣辣好開胃💥甜辣炸雞仲可以揀叫半份酸酸辣辣嘅醬汁裹满炸雞雞肉好Juicy 李家 (尖沙咀)尖沙咀山林道54-56號利雅商業大廈地下2號舖

要食番韓國味道嘅炸雞一定係要去韓國人主理嘅炸雞店，而今次去嘅呢間仲係老字號-香港第一間開嘅韓式炸雞店。連店員都係oppa 嚟㗎！點咗半半炸雞-蜂蜜蒜蓉 + 青辣椒蛋黃醬雙拼，滿足我貪心嘅胃。蜂蜜蒜蓉係必點經典口味，香脆雞皮裹上甜中帶蒜香的濃郁醬汁，仲有原粒炸蒜；青辣椒蛋黃醬口味估唔到咁好味，食多咗稍膩，建議搭配醃蘿蔔解膩。 大牛排骨湯湯底清澈，牛骨髓的精華融入湯中，隨湯附贈白飯，可以變做湯飯，牛排骨超大一條，喝起來好滿足！

香港韓流炸雞啟蒙地！韓國老闆坐鎮，堅持即炸+秘製醬料，開業至今水準未跌～鎮店靈魂：Signature無骨炸雞原味（必點！）→ 外皮酥脆過薯片，咬開肉汁井噴！神技：放涼15分鐘仍脆，外賣自取都唔怕淋！人氣雙拼組合❶ 甜辣味：辣度溫和×韓式蜜糖，經典勾魂味❷ 蜂蜜蒜蓉：蒜粒焦香+蜂蜜尾韻，吮指指數100%❸ 芝士粉/粟米味：創新之選，打卡必備自由配搭帶骨/無骨，人少建議半半拼盤～小食解膩攻略：•炸魷魚酥：薄炸粉零油膩！魷魚彈牙唔擦膠，蘸酸甜醬食更醒胃• 年糕餃子湯：年糕QQ薄切易入口，餃子六大粒爆餡，湯底暖胃似韓國家常味• 追加烏冬/辛辣麵：麵條吸盡湯汁精華，滑溜軟硬適中，隱藏食法：湯麵二吃！總結炸雞控聖經：✓ 即叫即炸 | 脆皮鎖汁技術天花板✓ 口味多變 | 甜辣+蜂蜜蒜蓉雙拼必試✓ 人均$150飽到上心口 | 尖沙咀宵夜首選— 香港韓雞江湖，冇食過李家等於未畢業！—

由韓國人主理的「李家」，招牌炸雞多款口味必須試！！本人超推「半半炸雞」，自由雙拼兩款口味，首推「甜辣醬」與「蜂蜜蒜蓉」！甜辣醬先甜後辣，層次分明；蜂蜜蒜蓉鹹甜交織，蒜香濃郁不嗆喉，食到停唔到口。 「粟米炸雞」，金黃炸雞灑滿甜粟米粒，爽脆外皮裹著玉米清甜，創新配搭驚豔味蕾。 另外仲有特別口味，青陽辣椒蛋黃醬／咖喱味，嗜辣者可挑戰辛香口味，配醃蘿蔔解膩更過癮。 如果想要試晒所有炸雞，記得帶多幾個朋友仔😙😙前菜無限續，韓式醃蘿蔔＆椰菜沙律，酸爽開胃且無限添加！搭配芝士雞蛋卷，拉絲馬蘇里拉芝士包裹嫩滑蛋皮，奶香爆棚。 燒五花腩，肥瘦均勻，焦香不膩，佐泡菜捲生菜一流。

想食韓式炸雞，不得不提香港第一間韓式炸雞店李家。由韓國人主理，炸雞好有地道韓國風味，夠晒正宗。 半半炸雞點咗經典嘅原味同甜辣半半炸雞，新鮮炸起，咬落去卜卜脆。用油好香，唔係炸嚟炸去嘅膱味。甜辣醬份量適中，啱啱好裹住炸雞，愈食愈過癮。 蒸蛋湯韓式蒸蛋湯唔係走滑嘅路線，勝在蛋味濃郁，帶點好似棉花嘅口感。 香辣螺肉雜錦冷麵除咗彈牙螺肉，仲有青瓜片、蘿蔔絲、洋蔥絲等材料；加入蘋果，增加爽脆口感之餘仲可以令辣味多一分甜。本身醬螺肉係勁濃味，用以拌麵就啱啱好。

係Openrice見到呢間炸雞好多人推介，係香港第一間韓式炸雞，梗係要睇睇係咪真係咁勁鋪頭裝修簡約，一到繁忙時間坐滿曬人，好彩我地6點到左食個早飯😝避開人潮一坐底店員就放低兩碟小菜，醃蘿蔔同椰菜沙律🥳我地兩個人叫左三樣嘢，真係眼闊肚窄😂食到捧住個肚走🍗半半炸雞（原味+酸辣味）以為原味嘅炸雞會好平凡，點知除左基本嘅酥脆，仲好Juicy，原汁原味正啊而朋友就鐘意食酸辣味，每人一半啱啱好唔，唔洗爭。炸雞可以揀有骨或者冇骨，味道都可以隨便搭配🧀芝士雞蛋卷呢個煎蛋外表平平無奇，切開先知有幾彭拜表面淋左茄汁同蜜糖芥末醬，趁熱切開，啲流心芝士多到漏曬出黎，每一啖都有厚厚嘅雞蛋同芝士，呢個大癲，必食！🦑海鮮韭菜煎餅煎餅黎到韓國店員會係我地面前幫手剪開細細塊，煎餅邊邊又薄又脆，入面有好多魷魚同蝦，就咁食會淡口啲，鐘意重口味可以點埋個醬汁

黎到李家當然要叫韓式炸雞。因為太耐冇食，所以叫咗原味炸雞配甜辣炸雞。每件都炸到岩岩好，食得好滿足！佢仲有個可以加$10變無骨嘅選擇，下次等我試吓先。可能係我孤陋寡聞，炸醬麵喺韓國餐廳度見得多，海鮮炸醬麵就真係第一次見。唔知係咪因為多咗好多海鮮喺炸醬麵入面，令到個麵冇平時嘅炸醬麵咁鹹。最正嘅係，平時好難先撈得勻旬嘅炸醬麵，呢度上碟嘅時候已經撈好晒俾你㗎啦！蒸水蛋上到枱出晒煙，脹卜卜，咁見到已經覺得好興奮！以前細個食韓燒最鍾意食爐邊蛋，呢個蒸水蛋好似後生咗20年嘅爐邊蛋咁滑捋捋，唔會太鹹又好Juicy，果然最平凡嘅餸煮得好食嘅話就係最好味嘅餸🤤