李公館

营业中

休息中

冰鎮咕嚕肉，好得意，第一次食，外冰涼脆口內暖同軟，果然係招牌菜。砂鍋蠔，蠔好都大隻，熱烘烘放入口最好食。薰蛋好得意，一匙放隻蛋，方便放入口，煙薰香好濃，蛋滑，唔錯。杏汁豬肺湯好味，湯白而杏味不算好搶，不油好飲，我地好快飲完。醉雞翼好香濃酒味，好入味，怕醉既朋友注意唔好食太多隻雞好有茶香，食得太多白切雞，轉轉食法好清新。砂糖芋頭好好味，甜度剛好，趁熱食香脆可口，食完肚已脹脹了。最後個蟹飯，精華全落喺飯中，好飽但點都要食啖飯，好正。蟹都可以。

爸爸60大壽 搞盡腦汁諗邊度食 搵左好幾間港島區既中餐館 終於決左左「李公館」本身係waitlist既我 好好彩獲得訂座確認 電話訂座既時候會問你需唔需要預留特別菜色 我話我上網睇下再覆佢 其實我好多野想試 所以要諗真d到底食咩 最終留左「冰鎮咕嚕肉普通版」、「壽包半打」、「茶燻雞」🐔六個人有兩碟前菜 都幾大碟 一碟係花生 一碟係辣味芽菜 預訂三個菜點夠我地六個大胃王 最終點左8個菜飲個杏汁豬肺湯熱下身先 雞腳煲到好淋 應該真係老火湯 豬肺都無異味 👍🏻湯係奶白色既 岩岩好分哂六個人預訂菜「茶燻雞半隻」老實說茶燻唔算出 但勝在個雞超滑 唔會乾爭爭 雞皮都夠哂脆呢個就係店員推介既花雕蒸花甲 隻隻都好大隻 無沙 花雕蒸 無其他既調味 所以食得出鮮味呢個蟹肉蛋白米通 又係好似必點 所以就試下佢啦 有8舊 夠分有凸 呢個味道就比較淡 如果再濃d就更好薑汁炸鮮奶 我最愛炸鮮奶唔多地方有得食 貴都要點啊！$108相比起其他野係偏貴 不過千金難買心頭好 點沙糖食是常識吧 不過唔點先食到薑汁味 上網睇籠仔蒸飯評分好高 一於就試下啦 唔講隻蟹咩味 因為我皮膚唔好 所以無食 但係個糯米飯好食到唔識形容

個門口位置有少許古怪，原來唔係喺傍邊樓梯行上去、係喺大堂坐lift上….否則行都有排你行。同事們都話個menu上d items 好似好吸引、例如冰鎮咕嚕肉，所以味柴娃娃試下囉。查實Lunch Hour 都無咩人，我地仲要book左位，怪唔之得有個類似fish tank 既360度環迥立體VIP Room坐。個茶壺又係夠曬新奇，成個牙醫幫人洗牙既器具咁，但幫近既朋友仔沖係沖唔到既，因個個咀實在太長了。其實就咁睇個名，有三樣菜我地都好期待、不過食完又有少少失望。第一樣係阿華田流沙包，一聽個名你會以為成件事都好「阿華田」。點知雖然個皮係啡色，但入面既流心依然係奶皇。兼且個皮都係無阿華田味…如果入面個流沙餡都係阿華田味咁就正啦。另一件事就係唔夠熱、大大減低左個流沙程度。之後就係個係個黑松露野菌菠菜麵，聽落去係咪好西化呢？我都俾個名坤左，點知諗多左啦，呢度始終都係一間中餐廳。我開頭以為會係類似焗麵，點知中式過唔中式---先係一個透明芡汁，加黑松露醬…汁還汁、麵還麵，個麵可以話係無咩味…勝在個黑松露味道唔討人厭，唔會似「漏煤氣」咁既味，稍稍自己拌勻個汁同麵，口感味道都唔會太差。第三個就係麻辣茄子煲

星期日同友人出灣仔買野，買到差不多6:30又係時候揾下有咩好食。同行友人同我都睇完中醫，好多野要戒口，所以最後選擇左一間粵菜：李公館。環境唔錯，係商業大厦二樓，嚟到嘅時候未到7:00人唔算多，但睇得出嚟嘅人都會book定枱，似乎都係常客。我同同行友人坐咗食少少前菜，係麻辣大豆芽，都幾開胃。第一道菜係茶燻雞，幾特別，隻雞都算滑，再加上淡淡嘅茶葉味，入口幾香。等左好耐第二道菜冰鎮咕嚕肉終於出場，上菜係有少少慢，同行友有點不滿意，問候了廚師(無事呀嘛)。梅菜蒸菜心，同行友人覺得有啲乾同埋老。整體上來講都算OK...但比較適合大夥人分食，下次多啲人嚟可以叫多啲餸。

返完一個星期工，週末就想優優閒閒靜靜地同家人飲個午茶，今次揀咗去灣仔嘅「李公館」，餐廳唔算大但唔會太擠迫，亦唔嘈吵。先嚟開茶，揀咗荔枝茶試試，飲落啖啖荔枝味好清新，放耐咗都無苦澀味，值得一試！點咗碧綠蝦餃、鳳爪、金錢肚、蘿蔔糕、叉燒腐皮卷腸、蒜片和牛粒、上湯浸學斗，甜點有原籠黑糖馬拉糕同桂花蘋果燉雪梨共九樣食品，每樣味道都唔錯，尤其叉燒腐皮卷腸粉，好少有係脆口嘅腐皮卷包住叉燒再卷入腸粉內，叉燒又多又唔肥，而且肉質鬆化，充滿新鮮感之餘又好味。其實落單時見點心紙上嘅選擇有d點心配搭特別，例如馬拉肉骨茶湯鮮竹卷、泰式東蔭公牛柏葉，因同兩老嚟食都係叫d大路嘢食，留待下次先試其他特別款式！4人埋單每人一百蚊鬆d，抵食過大型連鎖酒樓👍🏻

十幾人生日飯 我地想食中菜 試試李公館溏心蛋 冇乜調味 跟左淮鹽 生熟度剛好今晚亮點✨✨脆鮮奶其實係薑汁撞奶 好香 好脆 好滑👍👍👍👍椒鹽豆腐 炸皮簿 豆腐滑冬瓜盅 湯清甜 無油 消暑👍👍👍亮點二✨✨✨炒桂花蚌一味我永遠唔會有期望的餸竟然😋😋蚌鮮甜 豆爽脆 汁香濃茶薫雞 雞有雞味😆😆😆皮有茶味賣相一流煎肉餅 我忘記左好似係墨魚釀好惹味呀 如果送白飯一流👏🏻👏🏻👏🏻上枱是正正方方的 未切好似西多士有D大膽嘗試嘅朋友 未必是件好事藍莓骨 我覺得自己食緊果jam 甘😌花蟹蒸糯米飯 蟹新鮮乾淨 飯香 唔會太咸冇蒜蓉係好事 證明D料新鮮💪🏻花彫蒸蜆 蜆鮮甜冇沙 但冇乜花彫味 似清蒸生日點解來吃飯 因為呢個囉黃色的係糖膠 咕嚕肉凍都幾開胃😁但冰糖士多啤梨同車厘茄👏🏻👏🏻👏🏻👏🏻👏🏻冰凍 甜甜酸酸 脆脆冰糖包住 勁消暑😎

父親節當然要食好d,預先book定位一家人黎食晚餐見到食評好多人都有食冰鎮咕嚕肉，於是訂位時都預留左一客咕嚕肉外脆，而且唔會凍，份量都算多另外仲有叫左其他菜式包括椒鹽豆腐，必食之選茶燻蛋，外表吸引，但個人覺得煙燻味太重炸子雞同雜菜煲都略為普通值得一讚既係個度d服務侍應會主動睇你壺茶仲有冇水去幫你加茶收碟快見到冰鎮咕嚕肉黎左一陣未食會提醒你快d食然後主動幫你轉碟以為肉質變軟呢個價錢連咁既服務算係值得

地方環境迫，以這個價錢，不值到此，可以去別的地方職員沒有禮貌，好似唔憂做咁，服務欠佳，以後不會再幫襯食物質素又一般，衛生欠佳，一上來個電梯已經濕，好似行後門咁，已經打哂折扣

一行十二人最方便好似都係食中菜 今次就揀左李公館 預訂左冰鎮咕嚕肉(特別版),杏汁豬肺湯,茶燻雞我一向都唔like杏汁但哩個杏汁豬肺湯又出奇地好味 杏汁味唔太重 值得一試冰鎮咕嚕肉一上枱就嘩聲四起 個個爭住影相不過佢確實唔係得個樣 啲咕嚕肉外脆內軟 外層係凍凍地但內層啲肉係暖嫁 可以話係我食過最好食既咕嚕肉 仲有伴碟既士多啤梨都好好食 甜酸度啱啱好👍🏻茶燻雞呢反而就好似冇乜茶葉味不過個皮係脆既 仲有個黃金脆啤梨 又真係整得幾似啤梨 入面應該係墨魚膠仲有啲蟹籽 配埋個wasabi沙律醬幾特別 不過一個人食一個有啲漏 最後要講既係蟹粉蛋白金苗盞 一開始對哩個餸抱有好大期望 可能希望越大失望越大 蟹粉好似冇乜蟹粉味 好淡 米通本身又冇乜味 而且蟹粉份量都比較少 好想叫個侍應俾啲鹽我🙈

今日係family day，全家一齊去慶祝家姐個bb👶🏻100日，就去左灣仔度食飯。家姐一早就book左間房，可以有個私人空間比我地玩bb之餘仲可以方便佢擺bb車同一袋二袋。呢間中菜館位置好方便，係地鐵站附近，商業中心入面既。入到去佢既裝修好傳統懷舊，服務員既態度都好有禮貌，我地一行十幾個人就被安排左入房。由於家姐book房既時候已經落埋order，所以我都冇睇過個menu🤔🤔🤔以下呢幾個係我覺得唔錯既小菜黑松露帶子炒荷蘭豆入面既帶子食得出係新鮮既，而d黑松露亦唔會蓋過佢既鮮味黃金脆啤梨呢個係平時食個d炸蝦定蟹鉗既進化版，之所以叫脆啤梨，係因為佢外形似啤梨，好有gimmick ，佢入面仲加左d蟹子，增加個口感，再配埋個wasabi沙律醬，即刻變成fusion菜冰鎮咕嚕肉呢個咕嚕肉淨係睇個賣相都💯分啦，佢既咕嚕肉唔係平時食既咁，佢係超級外脆內較，外面個層好似被冰封住咁，涼浸浸既，而入面既肉就暖笠笠既，味覺又好味，正呀茶燻雞呢個雞上面個d係茶葉黎既，呢個雞好好味😋😋食落雞皮脆而雞肉又嫩滑，仲真係食到用茶葉燻出黎既味道架，幾特別貴妃白玉紫心糖水呢個係飯後糖水，竟然係紫薯糖水呀😍😍，唔係紅綠豆

以前係灣仔番工，李公館係食晏勝地，雖多年無黎，味道依然保持水準。點心出色已無須多言，但最想吃既仍然係冰鎮咕嚕肉，皮薄內熱，好好味！其次係鮮蟹籠仔蒸飯及鑊仔介蘭～ 新鮮程度及廚師誠意，某某大飲食集團係做吾到，可能餐館規模較小，但食出誠意～值得朋友聚會及家庭慶祝等活動，但要提早預約先有位。

我的共諸同好從來寫感受對小弟來講係冇可能發生既事。但今次被新菜式感動，竟然立定決心，想共諸同好。講菜名－呢個農家葉翠脆，費神在心思，唔可以唔讚諗這個菜式既師傳，因為我好唔喜歡食菜，但今次我卻吃了一半(甚至係三分二碟，仲耍俾人話我大食) ，可能個咖喱汁好野味，對唔鍾意食菜人來講，簡直係一大樂事。這年頭終吃了一味似樣的心思菜，高興。黃金花膠煎肉餅，碟肉餅落到檯面，我們只係聞到好香既蛋黃味，個樣好似舊黃金咁！簡單一味肉餅，食落滑而不膩口，肉餅煮到僅熟冇過火，就知道師傅對火候拿捏得好準。黑松露鳳尾蝦多士，本人自問甚少吃此類高檔次食物，論賣相，三個字 ”冇得頂” ! 我唔識分黑松露點樣為之靚同唔靚，我剩係覺得單靠蝦多士已經囉晒分喇！意式藍苺沙拉骨，顏色好靚，沙拉骨食得多，有藍苺既都係第一次！咕嚕脆爆墨魚丸，墨魚丸本身已經好彈牙，仲加埋酸甜咕嚕汁係入面，醒胃又唔會覺得肥膩，上檯時夠熱，好味。

三個人叫了七籠點心，大部份點心都令我們很有驚喜。叉燒包👍🏻👍🏻👍🏻包皮很軟熟，有麵粉香味，内面的叉燒出奇地好味，非但沒有豬味，還帶有BBQ的香味，甜度適中，熱辣辣的，十分美味。釀冬菇👍🏻👍🏻👍🏻冬菇本身非常香口，而冬菇上的魚肉浸泡在冬菇水中，咬下去冬菇味非常濃烈，不同於一般的釀冬菇，一點也不肥膩，魚肉與冬菇完全融為一體，吃一隻絕對不夠喉。灌湯餃👍🏻👍🏻👍🏻湯底十分鮮甜，用料豐富。腐皮卷👍🏻👍🏻👍🏻腐皮卷咬落香甜可口，不似一般的油膩。黑糖馬拉糕👍🏻👍🏻👍🏻👍🏻👍🏻👍🏻👍🏻👍🏻馬拉糕很鬆軟，加上黑糖味濃，超讚。總的來說，食物質素高，食材新鮮，在傳統點心中可見創新的元素，令食客有驚喜。環境亦很舒適，每張枱都很寬敞，茶具擺設都頗具特色。服務質素方面，上菜效率高，員工態度積極，整體上令人滿意。

公司其中一名 director 準備榮休，我們幾位直屬的部下，準備搞一個私密的、小型的歡送會，大家都知道我是一名饗客，於是找餐廳的艱苦任務又落在我的身上。地方又要隱蔽寧靜，又想要少少格調，當然，也要有好味道同有特色，而且地點又要是灣仔，又要一個呀大大未去過或比較少去的地方.....一時，把我考起了。不過，在灣仔銅鑼灣，有格調又有少少神秘感的中菜館多的是，在點指兵兵中，數到了《李公館》，立即得到大家的同意，於是，一行六人的小型飯局，就在食物同酒氣中，開始了。 《李公館》的地方帶點幽雅，來這兒做商務的晚宴是一個不錯的選擇。此外，我覺得，與情人來品味中餐，也是夠格調的。 因為，除 VIP 房之外，餐廳有兩個看似非常 private 的空間，只是有最低消費而已。兩個玻璃的獨立房，人多可能有少少壓迫感，但似有少少 private 卻可觀望四周的小空間，喂，求婚幾好播。 現時在香港的中菜餐廳，總不能把其定位為某獨特地區或省份的菜式，因為好多餐廳及廚師，都會各取其精，造出自己的一套，不屬任何菜系的好菜。先來的是茶香燻蛋，是《李公館》的拿手好菜之一，半熟的溏心蛋，入口香滑而且帶有茶香，一人半隻，一隻最

這次是家中年夜飯，再次光顧李公館，由於年近歲晚，餐廳說若是20號後訂位，用膳時間會受限制，只好安排早幾天。每次來光顧，大哥必定要預訂他們的冰鎮咕嚕肉，而我們亦預早點炖湯，其他小菜則是大家商議後選擇。這次點了茶香燻雞、籠仔糯米蝦飯、上湯蟲草花浸時蔬、石鍋燒汁野菌頭腩、冰鎮咕嚕肉(特別版)、淮杞螺頭炖湯。首先上場的淮杞螺頭炖湯($268)，湯味濃郁，而亦不油膩，入口時杞子的味道不濃，反而螺肉的味道令整個湯更醒胃，即使連喝兩碗亦不覺飽滯。之後再來是石鍋燒汁野菌頭腩($188)，上檯時燒汁香氣四溢，而頭腩肉多汁無骨，鍋內野菌為大大塊的雞脾菇，兩者都非常索汁，所以食落分外惹味。茶香燻雞($178)，入口有濃濃的燻香味道，雞肉嫩滑，而鋪面的乾葉的物體，帶點焦香，食落脆脆的又為雞肉再增添多一種味道。籠仔糯米蝦飯($298)，以蒸籠盛著糯米蒸熟，飯面鋪滿鮮蝦，再配以蒜蓉及蔥花，每口飯都索滿了蒸蝦時流出蝦汁，已經不需要再加添加其他調味，將飯和蝦一同吃下，蒸蝦的鮮味再加上飯的煙韌，實在是絕配。上湯蟲草花浸娃娃菜($88)，簡單的菜色，但上湯不咸，而蟲草花的分量不少，食落很滿足，而娃娃菜很索湯，食落份外入味