本場

营业中

休息中

🔻 本場旺角彌敦道628號瓊華中心16樓/🥩極上牛小排海鮮放題 $398/🧃牛牛魔王必食，淨係牛都有十幾種選擇，一次過叫咗11款，包括頂級肩脊肉、牛胸腹、網燒一口牛、金錢展、牛舌等等，牛嘅質素好好，牛味同埋油脂好香，網燒一口牛牛味超香濃，軟熟Juicy, 牛舌勁香，大推！/🧃雞試咗雞翼、雞腿肉同埋雞腎，雞翼都好大隻，搽咗啲牛油去燒，超惹味。雞腿肉好嫩滑，雞腎唔會硬掘掘乾爭爭，非常爽口/🧃海鮮選擇非常多，揀左牛油廣島蠔肉、香草牛油蝦仁、墨魚片，蠔肉好大粒，一啲都唔腥，第一次燒墨魚片，好爽口鮮甜/🧃前菜叫左和風醋蕃茄，新鮮多汁，酸酸Mei mei夠晒開胃，又可以補充足夠嘅蔬菜/🧃小食叫左唐揚炸雞、章魚小丸子、唐揚雞軟骨，估唔到啲炸物咁有質素，炸雞同埋雞軟骨都超級香脆惹味，要來送酒一流，章魚小丸子外脆內軟，食到停唔到口/🧃蔬菜特別推薦泡菜同埋生菜，夾埋啲肉一齊食，超有韓燒嘅風味田/

好耐冇食過燒肉放題 有次喺隔離食野閒到好香嘅燒肉味已經好想食😍放題套餐有分4種 身為牛魔王緊係叫頂級澳洲和牛海鮮放題😍我地個套餐可以叫156款食品🤤除左肉 仲有好多冷盤 小食 野菜 主食 甜品等全部QRcode落單 上菜速度好快同冇漏單👍坐低冇耐會有份拼盤黎 除左唔同部位嘅牛 仲有海鮮❤️擺得好精美蠔好大隻 配有飛魚籽一邊打卡一邊叫左好多冷盤🤤味醂魚乾放上爐烘一陣就ok 超香 佐酒一流我地個餐可以叫嘅M8和牛牛板腱 封門柳同極品牛小排❤️三款都好好食好重牛味 牛板腱油脂豐富😍更可以點埋月見汁一齊食 更香更滑!叫左份壽喜燒烏冬 自己燒完和牛一齊食好好食甜品都幾特別 因為食肉食太飽冇叫好多😂麻糬唔錯埋單時竟然仲有雪糕可以食😍呢個牌子唔使點講 總之就正!😍

夜晚黑食放題，🥩friend gathering就最方便，選擇多元化，而且仲好新鮮！🔥我哋試咗佢哋嘅🐮人氣極上牛小排海鮮放題，最鍾意嘅，當然係佢哋嘅牛肉。👍仲可以悉心咁選擇原味，或者燒汁，鍾意辣嘅都可以選擇辛味醬汁。原味可以食到牛肉嘅鮮甜，😍而燒汁就比較鹹香，唔使自己再另外加味。辛味醬汁帶有少少辣度，🥰所以更加開胃。除咗新鮮嘅牛肉之外。🧈佢哋嘅香草牛油帶子都好正，帶子粒夠大件。而且食起身有牛油嘅香，味道唔錯。另外佢哋嘅墨魚片彈牙，🍗雞腿肉加咗🧀芝士非常特別。

呢日約咗朋友食燒肉，燒肉真係百吃不厭🤣啱晒我呢啲食肉獸🥳♥ 極上牛小排海鮮放題 $378我地揀左呢個餐有齊多達1️⃣3️⃣9️⃣品食物種類選擇，可以無限追加牛肉豬肉雞肉、仲有海鮮添！冷盤、熟食、甜品同飲料等等都相當豐富呀，可以食足1️⃣2️⃣0️⃣分鐘一坐埋位未落單店員首先會上左一盤牛肉拼盤🥩先， 有牛既唔同部位去試，分別有極品牛小排、牛舌、牛頸脊、牛板腱等等，個人​幾鐘意食牛小排，比較有口感牛味亦較濃郁海鮮方面分別有多春魚、魷魚🐙、廣島蠔🐚、香草牛油蝦仁，牛油🧈帶子（強烈推介！！！ 燒完都仲係超級大粒肥美鮮甜，同朋友都encall 左幾round另外野菜都試左幾款蜜糖牛油番薯食到好飽肚😂蒜香牛油蘆筍同牛油本菇，菠蘿亦係燒肉時不可缺少的多汁香甜😍最後唔少得就係甜品方面有幾款選擇我嗌左芝士蛋糕、榴槤麻糬、西米椰汁糕、日式麻糬、泡芺， 榴槤糯米糍煙煙韌韌榴槤味香濃😍，最後每位仲有一杯Movenpick雪糕但我地食唔落所以只係一齊share一杯雲呢拿味🤣比較細心既係連醬料都有好多花款選擇，包括牛油、溶岩芝士、蘿蔔蓉醬油、月見沾蛋汁、麻油蔥粒等等，我就揀左月見沾蛋汁同燒肉係好夾😆♡ 鍾意食海鮮嘅話，建議要加呢個有海鮮

旺角瓊華商場成棟都係食肆，我都食過好幾間，今日就試吓呢間日式燒肉極上牛小排海鮮放題 120分鐘 $378✨環境-地方闊 坐得舒服-枱夠大 可以放滿嘢都唔覺得頂手頂腳🛎服務-上餐速度好快 唔會拖時間-侍應主動換燒烤網同講解唔同食材嘅烹調時間 有禮🥄食物🐃牛肉方面最主要分3種味道（原味/燒肉汁/辛辣燒汁）-如果想無咁易黐底就撚原味 咁就自己落手磨海鹽 就食到牛肉最原本嘅味道-燒肉汁就調好味 味道較重-個人最鍾意食牛頸脊 油脂分布剛好 肉嫩有肉汁重牛香 👍🏻👍🏻-封門柳就相對較結實 適合走肥人士海鮮方面推薦食彈牙剝殼嘅牛油香草蝦 有錫紙兜唔怕黐網又唔怕燶🍫甜品-日本麻薯都幾好食 重重嘅抹茶香-最後要整返條鯛魚燒 燒到外脆內軟 美食🤤總括嚟講，都幾唔錯，120分鐘唔會好趕急，上餐速度快，味道唔錯👍🏻

環境又大又舒服，侍應很親切有禮，上菜速度還十分快，食物很快便送到送到，完全沒有漏單情況，抵讚～燒肉的爐火也不錯，食物很快便能熟透，而油煙更處理得很好，走時身上完全沒有燒肉味～肉類牛肉有很多款選擇，頂級肩脊肉、牛胸腹、牛小排等都有齊，而豬肉方面都是用日本肉類，多吃一點都已經回本，海鮮亦多選擇，蝦、魚、墨魚、廣島蠔、帆立貝等都有齊，前菜亦有很多選擇～而甜品居然有今川燒及鵰魚燒自己燒來吃，燒後外脆來軟暖笠笠，內裡的紅豆餡很多，不太甜剛剛好，還有芝士蛋糕及雪糕等，雪糕更是Movenpick雪糕，超正～

旺角瓊華中心晚晚食飯時間都好多人排隊數數下我都差唔多食哂成棟嘅餐廳😂本場主打日式燒肉放題🤤 地方夠大坐得好舒服 兩個人坐叫多幾碟都大把位放😋 ▫️極上牛小排海鮮放題 ($378) 星期一至四所有menu都係qr code落單 野飲都唔洗行出去拎 好方便👍 120分鐘夠哂時間食🥩牛頸脊、牛小排、牛板腱都有不同醬汁可以揀 我就最鍾意燒肉汁牛小排尤其出色 脂肪油花感迫哂出黎仲有佢個牛胸腹🦐海鮮類有牛油帶子、蝦仁、多春魚等另外仲可以揀醬料比你配搭 月見汁沾蛋 溶岩芝士呢啲都係放題比較少見🔥熟食品質都唔馬虎 炸雞軟骨真係大大粒用左口感比較脆嘅炸粉👍佢個男爵薯餅味道好濃薯仔味 鬆軟感UP⬆️🍰甜品基本都有Movenpick雪糕特別要介紹嘅係紅豆魚餅🐟 店員細心幫我地先換網 兩邊面燒一燒口感更香脆 內餡滿滿紅豆🫘仲有榴連糯米糍 必食！流心榴連醬 超正😍

約咗朋友食燒肉🥓，今次去咗瓊華中心16樓📍本場，木系裝潢予人舒適感，個人特別喜歡🏘木系小屋卡位座位，好似去咗日本咁😚。·🐂極上牛小排海鮮放題 120分鐘 HKD$378*星期五至日、公眾假期及其前夕每位+$20有齊139品食物種類選擇🤩，可以無限追加牛豬雞肉類🐮🐖🐥、海鮮🦐🦑、小食🥡、熟食🍲、甜品🍮、飲料🥤等等，相當豐富！值得一提嘅係有得揀好多唔同款式嘅醬汁🥣，個人推薦一定要點月見汁😋，蛋黃🍳配上特色醬油，係食燒肉嘅perfect match！·店員會首先奉上一盤牛肉拼盤🥩，有齊牛牛嘅咁多個部位俾你品嚐，包括 😍牛小排、牛舌、封門柳、牛頸脊、牛板腱、牛柳粒、壺漬牛肋肉等，個人推薦🐂封門柳同埋🐃壺漬牛肋肉，封門柳肉質帶點韌度😙，入口爽勁富口感，牛味亦較濃；而壺漬牛肋肉醬汁夠惹味🤤，醃得入味，牛肋肉軟嫩富嚼勁，啖啖肉好滿足✌🏻！·其他配料方面亦推薦以下幾款，牛油廣島蠔🐚、魷魚🐙、香草牛油蝦仁🦐、芝士雞腿肉🍗、芝土䐁肉腸🍖；另外哩度嘅小食同熟食都都值得一試，個人最愛壽喜燒烏冬🍜，烏冬好彈牙，我自己都食咗2碗盤😋；而炸芝士年糕都好好食，芝士流心好治癮🥰。最後記得留肚食甜品呀，榴槤麻糬、日式麻

星期三係最攰嘅番工日子要食好西犒勞自己🥲決定要食肉補番同fd揀咗呢間本場燒肉黎食呢到木系裝修好舒服 燈光柔和 座位闊落 乾淨 環境滿分💯睇咗一陣我哋決定食120分鐘極上牛小排海鮮放題😋想食嘅嘢佢有齊哂 我哋狂嗌左一輪小食前菜醫下肚仔先😛有柚子大蝦沙律 啲蝦唔孤寒細細碟有4隻 不過係辣嘅同平時食嘅有啲唔同另外有我最愛嘅燒肉必備解膩小食明太子蕃茄 麻醬豆腐 同明太子豆腐 ❤️❤️佢嘅炸物都好出色 即刻炸起上枱熱辣辣最滿意係唐揚炸雞唔厚粉 唔乾又唔肥 同埋竟然燒肉鋪有芝士年糕 好開心終於到食肉~ 佢有好多款肉揀 肉上碟都解哂凍 唔會有雪到實嘅情況牛小排 牛肩脊同牛胸腹 牛味濃同油脂分佈岩岩好😋😋最驚喜係佢有月見汁同鮮雞蛋 將肉摻落去再食落口完全係滿滿嘅幸福感 有去咗日本嘅感覺 🙌嗌咗勁多蛋黎撈飯食 加埋紫菜同燒汁好好食最後帶埋佢啲甜品嚟試都有好多款式以放題質素合格有突🥳朋友encore咗芝士蛋糕我就中意椰汁西米糕 同出面泰式餐廳個啲一樣咁好食仲有紅豆綢魚燒😋燒到外脆內香好好味最後仲有movenpick 雪條👏仲有呢間嘅服務非常抵讚上菜同換網速度快 點菜同上菜數量一致到時間唔會即刻趕人走🙌欣賞

今日嚟到旺角嘅本場燒肉店 一盡款式又多又充足 質素幾好 座位舒適嘅晚餐燒肉極上牛小排海鮮放題 $378（星期一至四）呢個餐有嘅牛肉選擇繁多 當中牛頸脊 牛小排 牛胸腹嘅油脂感最滿意 平均嘅油脂分布令肉質帶有油花 配有豐富嘅牛肉香味 配埋鹽食好入味 一口牛粒亦油肉平均 令燒同食起上嚟唔會太過韌另外佢仲有醬汁生雞蛋 月見蛋 可以點 燒肉可以點埋生雞蛋汁食 配牛胸腹 封門柳味道更豐富更夾牛油帶子 廣島蠔 同蝦仁都好新鮮 份量充足 配有帶微微甜味嘅牛油香 牛油燒菇同金菇類亦好香口蜜糖牛油蕃薯帶點甜味 蕃薯口感亦唔會過多粉狀燒秋刀魚同青口亦新鮮 肉質正常炸物作為放題店嘅小食都有質素 炸芝士年糕口感帶微微煙韌 仲有一層少少流心嘅芝士醬 味道姣好 層次豐富 炸可樂餅嘅內餡比較多係薯仔蓉 不過唔會太漏鮮蝦柚子沙律同明太子沙律可以中和返食得太多肉嘅肥膩感 柚子沙律帶點辣辣地酸酸地嘅味道好開胃 入面仲有新鮮柚子肉提供呢度嘅甜品細細件令你更容易入口 甜品味道亦出色 唔會過份地甜 芝士蛋糕係似紐約芝士蛋糕 口感實淨豐富 燒紅豆鯛魚燒外皮香脆 入面紅豆蓉唔會太甜 最尾店舖仲會提供一杯movenpick雪糕作為

由今晚開始善待自己🥰極上牛小排海鮮放題 120分鐘⌛️成人價 $378 再加一有齊牛🐮、豬🐷、雞🐔、海鮮🦐🦑還有小食、熟食、甜品還有汽水任飲🥤👨🏻👩🏻特別推介🌟燒物類牛舌🐮：爽脆，薄身，易燒牛小排🐮：油花非常誘人牛頸脊🐮：肉味香濃牛油廣島蠔🦪：牛油味香，用錫紙盆慢燒，很方便墨魚片🦑：大片厚切，燒出來彈牙有口感博多雞腎🐔：配味噌醬燒，鹹香有嚼勁菠蘿🍍：超甜，沒渣牛油蘆筍💚：幼身BB筍，清新翠綠𣊭𣊭晶🌟冷盤類明太子櫻花蝦豆腐◻️：清涼口感，很開胃蝦柚子沙律🥒：泰式微酸微辣，賣相討好明太子蕃茄🍅：簡單可口🌟甜品類有Movenpick雪糕🌟配料類芝士熔岩🧀、檸檬角🍋、蒜片🧄⋯⋯應有盡有地方闊落，坐得舒適裝修是標準的日本🇯🇵Feel尤其要讚的是所有飲品食品都用App下單便可📲不用走來走去自取🤩

見網上推介好似幾好加上見Openrice唔少好評，決定同朋友一試午市。一去到見到無人心諗唔通係伏，訂左枱就照入去試下啦，揀左個$328餐有78折。首先送盤少少地嘅肉你地食先，等你可以慢慢點，點知一夾，「頂」隻碟同d肉係黐住，好明顯係成隻碟放入雪櫃一齊雪而有嘅效果啦（都唔知係咪前一晚淨落隨手放返雪櫃）。第一盤咁之後都唔敢有任何期望。跟住上黎嘅肉睇落有d雪花應該唔錯啦，但點知又係一般貨色，最厲害係全部肉都好似未解凍咁，d豬腸硬到好似冰，任何味噌味嘅食物都其實將一pat醬放肉上面就係，前菜正常（因為係來貨），其他肉色似漢xx嗰類，生菜都係街市貨色，小食反而還好，整體黎講咁嘅價錢中午有更多好選擇囉。唯一要讚嘅係原本限時120分鐘，但我地坐到16:00都無趕客，可能係因為全個晏畫只得三枱客。總括黎講無下次，埋單之後朋友就要求我一定要寫食評，將個最真實嘅情況話俾人知，完。

今日去咗銅鑼灣本場食燒肉放題❤️❤️我哋叫咗極上牛小排海鮮放題$398加一呢個餐👍價錢幾抵，而且牛肉質素都好高質食物種類好多最緊要係座位好舒服👍👍👍🙆🏻‍♀️🙆🏻‍♀️每一款牛佢都會有張紙仔寫住係邊個部位，呢樣好貼心食緊邊個部位都知道一開頭佢會比一份牛，你係全部位置都有，試咗好食再叫❤️❤️👍雞軟骨大蝦和牛西冷極度推介🫶🏻🫶🏻😭海鮮好新鮮🦐🦑🦐🦑食物來得好齊，好快👍👍👍正

個囡開學後真係好忙，好耐無輕輕鬆鬆出街食下飯，上兩星期老公生日，就同佢去嘆個好耐無食既燒肉放題，今次去左旺角瓊華中心既本場燒肉。依度既環境好濶落，擺滿一枱食物都唔會迫，枱同枱既距離夠遠，絕對可以安心食。放題有幾款選擇，諗住食好啲就揀咗極上小牛排海鮮放題，平日$378位任食120分鐘，139品選擇，都幾豐富。未點菜前已送來一盤肉可以燒住先，包括有牛頸脊、牛胸腹、牛肋條、牛舌等等，安排都幾貼心。一邊燒一邊點菜，還未食完就已經全部野黎送到，超有效率，好順利就影到張食物大合照可以開始食啦🍽！今次我哋以無底線食牛為目標，牛小排、牛頸脊、牛板腱係主打，每款都分別有原味、燒汁、辣味醬汁可選。另外仲有封門柳、牛舌和壼潰牛肋條。牛小排真係百吃不厭，無論口感、味道都無可挑剔；牛頸脊、牛板鍵都係比較瘦但好有口感既部位，肉味香濃，醬過的牛肋條非常惹味。豚五花、豬頸肉、豚肩肉都相當不錯，泡菜豚角燒更惹味，可點份生菜嚟包住食，增加口感又減低油膩度。熟食選擇一樣多，有吉列蝦、章魚燒、蜜糖牛油蕃薯、各式醬菜等。蟹籽沙律好清新又夠凍，燒到最後食埋燒菠蘿就剛剛好。最後一定要食埋甜品，抹茶蕨餅好好味，仲有每人奉送一杯Mov

✨極上牛小排海鮮放題 $378/位 120分鐘任食。店員先送上拼盤，全部都可以encore。全部食品、飲品都係QR code落單。比較特別係部份肉類有唔同口味（原味、燒肉汁、辛味、味噌）。🥇牛小扒比較多油花，肉質最軟嫩，亦都比較易燒。🥈牛頸脊比較瘦，不過肉味就濃郁啲。😿牛肋條（原味/壺漬）就比較難燒。雞腿肉大塊得誇張，最好有人share😹。蒜香牛油露荀同牛油金菇味道唔錯，不過勁多牛油好易打爆quota。🦑墨魚片爽口又鮮味，值得encore。我哋仲試咗幾款小食炸物，過口癮一流。一人有一杯Movenpick雪糕🍦。任食甜品有🤍西米椰汁糕、🤍榴蓮糯米糍。Thaiology出品，質素有保證。西米椰汁糕椰子味好清香。榴蓮味道濃郁但唔會膩。👩🏻一餐食咗十粒西米椰汁糕。📍本場 (旺角)旺角彌敦道628號瓊華中心16樓