本原純素

ROOT VEGAN素食餐厅｜中环｜食评===整体评分：8.5/10 ✨中环十分靠谱嘅素食餐厅！呢间唔系𠮶啲斋到你喊嘅素食，系真系好食𠮶只。 Gym L 减脂L 无肉L必试。===🍴 试咗啲乜🍗沙嗲串烧炸到金黄香脆，外层好松脆，配埋沙嗲酱同虾片，摆盘靓仔。沙嗲酱够惹味，香料味出晒嚟，完全唔会觉得少咗啲乜。呢个真系必叫！🥘泰式红咖喱卖相已经好吸引，橙红色嘅咖喱配新鲜蔬菜（西兰花、粟米笋、荷兰豆），椰浆底够creamy，辣度适中，好authentic嘅泰国风味。食完好满足，份量都够喉。🍝野菌意粉扁意粉煮得刚好，菇类份量好足，唔会太漏或者太淡，herb调味啱啱好。食落好有满足感，唔会觉得食素好惨。===🪑环境简约型格，木系装修，几舒服。啱晒lunch快闪或者hea住食dinner。灯光唔会太光，feel几好。===🧮抵唔抵食？中环rent贵，价钱都预咗啦，但份量够大，食材新鲜，算系合理。如果你本身有keep fit或者想试下素食，呢度真系唔错。===😎推荐理由✅ 好食！唔系𠮶啲「为食素而食素」嘅妥协版 ✅ 菜式多元化，泰式西式都有 ✅ 蔬菜够fresh，唔系啲雪藏货 ✅ 近office，lunch time啱晒 ✅ 做gym之后嚟食都唔会有罪恶感 ===🔈留意返⚠️ Lunch时间多人，最好book位 ⚠️ 中环价，你懂的 ===🛎️总结大力推荐！就算你唔系素食者都会钟意。呢间证明咗素食都可以好好味、好丰富。返工想食得健康啲，或者纯粹想试新嘢，ROOT VEGAN都系好选择。会唔会再去？梗系会啦！===📍 中环 🌱 全素 💰 $$-$$$ ⭐ 8.5/10…Read More

第二次来这间纯素餐厅，今次是同好朋友庆生，预先在网上预订了一个蛋糕🎂晚餐点了二人餐，头盘有沙律及汤，可以每样一款，前菜可以选一个，我们点了烟肉脆薯条配秘制黑松露酱蛋黄酱，仓薯条配非常浓味的黑松露酱😍。主菜可以点两份，我们点了红咖喱杂锦蔬菜天贝及敲大啡菇及田园鲜蔬伴牛油豆蓉。饮品点了2杯特制梳打水。所有食物都非常精美，好好味，尤其泰式红咖喱，非常正宗，好有红咖喱及香茅的味道，椰香亦是一个重点。最后一个蛋糕是日本培茶无花果纯素蛋糕。因为是纯素关系，没有蛋奶成份，所以会比一般市面上的有蛋奶的蛋糕不够软棉，但真是好好味道。…Read More

朋友聚餐，选择了食素菜，其中一位朋友生日，选菜单都由她作主，我哋选择了一个二人套餐，前菜：沙律，小食：泰式小食并盘（虾饼及春卷），主食：酸菜鱼及泰北咖哩鸡腿面，及加了一个意粉；睇个菜名好似样样都有肉，酸菜鱼味道丰富，鱼片就用了薄切的鸡肶菇，菇吸收了汤汁，份外好味，上菜时配上了黎麦饭确实唔错；咖哩鸡肶仔，用了腐皮包裹著雪条棒（当作鸡骨），无论做型卖相都好，咖哩汤汁除了配本身面食，用作配饭都很野味；再叫了两款饮品（菠菜香蕉牛油沙冰/苹果香蕉燕麦奶）作结。这一餐饭对于我非常满足，无论视觉/味觉都得到享受。店员服务态度好。…Read More

推荐呢间餐厅！千祈唔好俾佢啲𩠌嘅外表呃到，虽然每一道菜睇落都好似好简单、平平无奇，但一食落口就知龙与凤，全部都系有内涵、好好食嘅菜式！个红汤超好饮，味道好浓郁，入面每一样蔬菜都煮到好腍好甜，饮得出系心机嘢。我哋叫咗两个主菜，一个系「红咖喱杂菜跟酸种面包」，另一个系「红菜头意粉」。个红咖喱真系冇得弹，个汁浓郁得嚟带甜味，同啲蔬菜捞埋一齐食，味道劲夹。见人哋推荐话一定要配酸种面包，果然冇错！块包烤到薄薄脆脆，虽然有啲硬，但咬开中间又好烟韧，点咖喱汁食简直一流！另一碟红菜头意粉，睇落仲普通，但食落有惊喜。啲芦笋新鲜爽脆，虽然份量唔多。成碟意粉味道偏清淡，但最正系个酱汁完全挂得住条面，仲食到好香嘅花生味，好特别！连杯「薄荷柠檬梳打」都好好饮，好refreshing。总括嚟讲，呢间餐厅行嘅系实力派路线，卖相唔花巧，但味道绝对唔会令你失望，系一间会令人想再去嘅好地方。嗌咗二人套餐，三个人食，我哋唔大食所以够饱，埋单唔使$500…Read More

餐厅：本原纯素地点：中环威灵顿街菜式：素食餐牌：平日12-5有午餐，主食6选1，另有是日厨师推介，加$38可升级套餐。无加一。担担汤拉面 $128担担汤拉面个汤底呈橙色，味道少少辣，花生味可以再㶶d。拉面太淋身。最正配料系紫菜卷，非常脆口而紫菜味浓。其他配料有脆口天贝粒、枝豆、甘荀丝、豆腐粒同沙律菜，个人觉得蔬菜量应该要多少少。呢个价钱偏贵。去counter落单比钱之后有个钟比你，钟响之后自己去攞野食，食完自己收餐具。…Read More