见佢新店开张有买一送一就谂住试吓啦，我哋都算多人，所以单上面嘅食物有啲多俾钱𠮶阵时大概290几蚊啦。店里便有两条友，两个都系大陆人。咁我哋就等咗大概廿几分钟到，攞完之后我哋就返去食啦，发现有啲嘢少咗。咁都算啦，咁多嘢少咗啲嘢人之常情，然之后我哋打电话，打咗几次都冇人听电话，然之后我哋一齐返去间店度，望到佢哋两条友喺度玩手机，𠮶吓真系有啲想爆粗，但见佢冇好不耐烦就算数，跟住就即场帮我哋补返啲冇咗嘅嘢啦，但最重要嘅系佢由头到尾一句sorry都冇同我哋讲，仲要补偿都冇。喂大佬我𠮶阵时劲肚饿，然之后你俾咁嘅服务态度俾我？望到𠮶后佢哋玩手机听电话真系超嬲。讲完服务态度讲吓食物质素，佢哋每盒炸鸡里面都有年糕，但系啲年糕超级硬，完全唔系平时食开𠮶种韩式年糕，似系𠮶种未熟晒嘅感觉，然之后炸杏鲍菇嘅感觉有啲微妙，唔系我想像𠮶种炸杏鲍菇，满分10分比3分。跟住𠮶啲小食嘅份量冇标准，有几多有几小全部睇佢心情。其余𠮶啲炸鸡都正常。但应该都唔会再返嚟食啦。…查看更多
