木兆小品 (荃灣廣場) (已結業)

環境❤️❤️❤️❤️🤍都係意樂個類既裝潢，不過係牆上既掛飾幾特別，有d8，90年代味道😎衛生❤️❤️❤️❤️🤍程度都係一般，可能有d受內部裝潢顏色影響，感覺唔到太乾淨企理既感覺，但相信衛生係冇問題既😬服務❤️❤️🤍🤍🤍嗯…下午茶時間黎食，客人都keep住頗高流動性，所以員工都幾忙，加上做飲食業通常呢d時間先開始輪流食飯，人少服務唔到位都情有可原，不過食物等得真係有d耐，我都等左半個鐘味道❤️❤️❤️❤️🤍輕量，所以真係幾少下，雖然平面睇好似好大份，其實個飯係非常薄既一層，幾下就食完🤣🤣my bad🤪咁都可能係因為幾好食，所以我好快食完:)我食焗豚肉飯，汁非常充足，每一啖都係滿滿既惹味，豚肉切塊，口大d可以一塊一啖，啖啖肉，彈牙又軟熟可樂冰底非常爽快佢餐牌都仲有好多選擇，介乎係茶餐廳與台式餐廳之間既選擇總括：會再黎食，打工仔、女士、小朋友非常適合黎，因為可以食輕量，價錢又再彈性d喇☺️…查看更多

中午過開嚟荃灣廣場，食午飯去B1找餐廳，行到盡頭見到呢間木兆小品，睇下餐牌都幾吸引，今日午餐就選佢。餐牌有好多款式，粥粉麵飯都有，今日點咗午市推介避風塘艇家炒麵。充滿水上人家避風塘風味嘅炒麵，有炸蒜、魷魚、魚蛋和蝦，大火炒麵，配菜有洋蔥同辣椒非常惹味。通常人哋話食辣驅風去濕，所以避風塘風味一定有辣，如果食唔到辣嘅話，就要考慮清楚。因為食完真係火辣辣。飲品就加六蚊點左枱右下角推廣的冷壓檸檬可樂。店員為我送上一個冰底同埋330嘅原味可樂，沒有見到檸檬，把可樂倒落到入去，飲一下，嘩，好酸呀。原來係將檸檬汁嘅精華放在冰底下，不用很用力撞檸檬片出汁，而且檸檬可樂配避風塘炒麵，非常解辣，可以降下火。滿分為10分（一分最低，10分最高）食物：9環境：9衛生：9服務：9價錢：9舒適度：9總分：9…查看更多

年尾沒有太多時間辦年貨，在荃灣廣場購物後匆匆找吃的。見到木兆小品有二人套餐$218，趕緊入座醫肚 。晚餐主菜三選一，先選了原條酸菜魚。魚身先炸後煮湯，另外起了部分魚肉直接放湯，兩種吃法都能保持魚的嫩滑，湯的酸辣度是多酸少辣的，本人很喜歡，拌飯吃很開胃。小菜六款選一款，一眼看到梅菜皇扣肉煲，立刻點了！上菜時香噴噴，梅菜份量很多，切得幼細，甘香可口，還配有椰菜絲最特別，令扣肉伴飯吃不油膩，家人喜歡加點辣油，更加惹味。加配原盅燉湯，性價比很高，湯清味濃，媲美住家煲湯，很滋潤養生。吃得飽之餘，給我們發現有經典完美紅豆冰和咖啡味紅豆冰，可以跟餐加配，作為甜品或餐後飲品，喝著香甜舒適，疲倦一掃而空，大滿足！…查看更多

我係外賣自取 叫左碗鮮味生滾薑蔥魚腩粥配豉油王炒麵價錢係合理嘅 $44兩樣野豉油王炒麵味道正常 粥就咸左d呢個價錢都無咩期望 ，但最基本衞生都做唔到就要出下聲比其他人知道粥唔乾淨食食下兜粥見到有隻野係入面🤮🤢眼見都見到昆蟲 想像唔到佢廚房同餐廳衞生幾惡劣…查看更多

餐廳員工冇一人是有禮貌的，8點半前入座，9點截單，由入座無耐，餐牌都未睇夠一版，已經催我地如要蒸魚要快啲落單，落完order去自助水吧拎水，由於水壺冇曬水，拎埋水壺過去同侍應講冇水啦，佢就叫你自己過去水吧添，立刻走人完全唔理，叫另一侍應加水，佢話我地就來收喇我另外添畀你， 又再提醒一次佢哋就嚟收鋪，明明仲有一小時，食物質素已經一般啦，一路食一路收野，一路拖地，得3台客，最後9:15分時又再每枱提醒仲有10分鐘收鋪， 可惜我冇睇評價就來，完全明白樓下嗰位客人點解話食完背脊骨落， 全程在極大壓力下食飯， 最後連水都未飲曬就畀佢收走咗， 我哋最後走出門口嘅時間係9點20分， 其實咁唔想有客不如八點鐘就截單，肯定唔會再幫襯…查看更多

剛和朋友坐低, 叫個職員來清理一下枱面, 便招玫佢謾罵, 說再前面咪有已經清理咗唧枱囉! 之後叫佢地俾兩杯水, 原來係自助, 自己去拎, 最重要係佢地個水缸冇水, 叫人食自己?未吃先受五十大板, 香港多得佢地…查看更多

今天去荃灣逛逛，看下Aeon有冇聖誕包Panettone 售賣，時節限定。荃灣廣場覓食，下一樓有幾家食店，木兆小品未試過，想試下新味道。「香煎一口豚肉+魚肉春卷麻酸辣米線」 個湯有麻香有酸有辣，米線中又有脆口的榨菜，一口豚肉煎得好香，肉身不太厚，魚肉春卷也是炸物但冇魚味，可能辣味太搶。另一客是三眼仔飯「香煎豬扒腸仔煎三蛋飯」，我問朋友三蛋會唔會太多他才分我一只，有三條雞肉腸，送飯佳品，煎豬扒太實，品道一般。奶茶飲了一口，和其他幾間餐廳的味道類似，原來是同一集團。…查看更多

晚上點咗火鍋，菜都上哂，個爐都未到。等咗半個鐘，先上到個爐。個湯底認真一般，豬同牛肉平民級。（大家樂大快活湯底同牛肉可能好啲，價錢都平）係呢到食都幾受氣，上餸遲仲要催食快點，講足半小時說話比我地聽。問佢地拎個碗，叫我地自己自助，出去揾原來最後都要佢地入廚房拎。真係一邊食一邊背脊骨落。最後仲要比個男嘅話我地，門口有寫明幾點關門，行出去都揾唔到邊到有客，隔離店就有寫，服務態度差到咁，以後都唔會再返轉頭食。😡😡😡😡😡😡😡😡😡😡…查看更多

「木兆小品」位於荃灣廣場，揸車嘅就推薦泊入荃灣廣場，消費滿$200有泊車優惠1小時。 呢間茶記有啲懷舊嘢食下！ 今次下午茶嗌咗 👇 豉油王炒麵配碗仔翅『 夠香夠味， 兩樣嘢都好耐冇食過，推介👍』xo醬炒腸粉『夠惹味，推介👍』 揸車出入：👍👍👍👍👍帶小朋友：👍👍👍食物質素：👍👍👍👍環境舒適：👍👍👍CP值...😋：👍👍👍👍👍 彩蛋：荃灣區又多間懷舊茶記🫰 食悶咗其他茶記可以一試！…查看更多

同朋友係荃灣廣場睇完戲，荃灣太多選擇都5知食邊間，所以諗住快靚正就去左地庫搵左一間餐廳食dinner，order左鹹魚煎肉餅配白飯連熱飲$78(肉餅煎得好脆卜卜不過多左少少油)，另外叫左厚切豬扒.勁香蔥油飯另加半焗留心煎雙蛋飯連熱飲$63(雖然我5食蔥但係聞到d蔥油都好香)，如果趕時間嘅朋友就千祈5好食呢間因為等食物嘅時間都比較耐😅，另外如果鍾意飲檸檬茶嘅朋友就5好係呢間飲喇，因為佢全部係用檸檬粉沖冇新鮮檸檬，所以都比較難飲😔…查看更多

2點入 食下午茶叫個西多 竟然話賣晒 阿姐話無包 尋日已經賣晒 真係好奇怪 連下午茶最基本西多都無 離譜 人手又唔夠 又落錯單真係趕客 最慘朋友已落order 唔係就起身走人 呢間其實都係百分百集團 越做越差 無下次…查看更多

木兆小品位於荃灣廣場，是一家茶餐廳。 本人推薦凍鴛鴦和熱奶茶，凍鴛鴦帶有炭燒味， 咖啡和奶茶的份量調配得剛，讓人回味無窮；熱奶茶則散發著濃郁的茶香，令人陶醉。這次點了黑松露汁焗芝士雞扒飯，芝士的味道濃郁，雞扒入味軟滑，很快就吃得一乾二淨，想再添吃的感覺。碗仔翅也是他們的招牌菜，裡面有雞絲、木耳絲和蛋絲，口感豐富，色澤漂亮。此外，他們的炒麵也很有鑊氣，色香味俱全。綜合來看，每道菜的質量都比較平均，讓人一試難忘。…查看更多

俾咗無數次機會，都仲係一次又一次失望😮‍💨Lunch Time 永遠叫個炒飯都食唔到摧完一次又一次都無人理你已經唔係坐爆，又唔係有咩大枱好多都係一位兩位12:49pm 落單。。。1:19pm 先追單已經好有耐性1:30pm 都係未有搞咩炒個飯都要咁耐呢？最後無奈趕住返工連飯都無得食就要走🥹大家放飯時間有限都係一個鐘左右就算你啲嘢再好食都要俾時間人品嘗嘅。。。我就真係唔會再嚟啦如果大家趕時間都真係唔好揀呢度以為係快餐茶餐廳點知仲耐過你去食法國菜🙅🏻‍♀️…查看更多

荃灣廣場地下有間木兆小品, 個名都幾得意, 見下午茶時間唔使等位就入佐去但見到好似人手不足咁炸雞脾配碗仔翅, 老實講, 個碗仔翅麻麻地, 炸雞脾個炸皮有啲硬比較難切開, 味道就都可以既.皮蛋瘦肉粥, 都係麻麻地蘿蔔糕唔係我鍾意食既口感, 加佐辣椒醬會好啲, 但唔小心加太多,太辣啦, 頂唔順檸檬茶無檸檬篤, 有啲奇怪.…查看更多

等左15min，個丫姐話要半個鐘，因為趕時間唯有cut，已經cut左出去比杯野飲錢，但仲要照送野食黎，叫我轉外賣拎走，咁都得，擺明梗食唔比退，第1次寫食評，真係1次止👎👎…查看更多