有間麻辣燙

店舖走港式怀旧风，柜入面放满咗唔同嘅𩠌，选择好多，肉类、蔬菜、海鲜、丸类应有尽有，估唔到连冷门选择例如鸭胸、内脏、鲜鱿鱼都有，应该系我见过最多选择嘅麻辣烫舖头。😆店员叫我地拎个竹篮自己夹，而唔系普通就咁剔纸仔咁闷，好似番左古代咁，秤重计钱，超有参与感，我见隔篱枱一家大小嘅小朋友夹得好开心，而且全部价钱统一，好抵食。😍自选麻辣烫藤椒汤底一碗端上嚟，香气冲鼻，辣椒花椒麻辣得来唔呛喉，夹咗牛肉片薄切，煮完软嫩juicy，肉汁锁住无柴，海鲜都几新鲜，咬落肉质弹牙唔会霉。🍲 主食宽粉宽阔滑溜，煮到透明吸满汤汁，捞起一啖软韧弹牙，贡丸Q弹结实，蔬菜都好新鲜。🍜整体食材新鲜，汤底浓味，辣得有层次，麻得过瘾，主打自己拣𩠌，可以咩都叫啲，九龙湾打工仔必试。🥤…查看更多

喺呢个快节奏嘅生活中，麻辣烫作为一道快速又美味嘅选择，无疑系好多食客心头好💌今次呢间佢哋嘅食材新鲜，汤底独特，令我对呢道经典料理有咗更深嘅认识。首先，佢哋嘅铺头系得自选食材我就分别拣咗- 肥牛🐂：肉质鲜嫩，油花分布均匀，经过麻辣汤嘅烫煮后更加显味。- 鸡肉片🐤：肉质滑嫩，吸收咗汤底嘅香气，口感极佳。- 牛肉丸🐂：弹牙嘅口感，搭配浓郁嘅汤底，令人一口接一口。- 响铃：呢种特别嘅食材带嚟咗独特嘅口感层次，增添咗麻辣烫嘅趣味。- 蟹柳芝士卷🦀🧀：外脆内滑，芝士嘅拉丝效果令人无法抗拒。- 猪肉片🐽：厚薄适中，烫熟后更能凸显佢嘅鲜美。佢哋连汤底都系自选咁我同我朋友分别拣咗两种味道首先系番茄汤🍅呢款汤底酸甜可口，番茄嘅鲜香同香料嘅搭配恰到好处。烫煮嘅食材喺汤中浸泡，吸收咗番茄嘅鲜味，令整体口感更加丰富。特别适合唔钟意过于麻辣嘅食客。第二，就系藤椒猪骨汤🥘🐽呢款汤底就系麻辣烫嘅经典选择，猪骨熬制出嚟嘅浓郁汤头，搭配藤椒嘅麻香，令人一试成主顾。汤中渗透嘅香气令人陶醉，每一口都能感受到猪骨嘅鲜甜同藤椒嘅独特麻感，系钟意辣味嘅食客唔可以错过嘅选择。…查看更多

今晚同朋友嚟到一间位于九龙湾嘅麻辣烫，呢度嘅职员好亲切，佢俾咗个盘我哋，你可以自己拣钟意食嘅野。呢度点餐都好得意，首先可以自取已消毒杀菌嘅质箕盘，跟住再自选有超过五十款唔同款式嘅食材，无论蔬菜、肉类、丸类、特色饺子同面条、乌冬等等都有，之后再攞去收银处磅重，可以睇住自己个肚，食几多就攞几多！而且仲有唔同汤底同辣度可以拣可以选择！我同朋友每人已经大大盘够晒食！汤底我哋就叫咗-特浓猪骨- 招牌藤椒汤底（牛骨）煮完出嚟真系大大碗，𩠌菜十足！饮品我哋就配左手仙草清凉爽同马蹄爽，食完好满足。…查看更多

环境阔落、地方整洁，食麻辣烫食得舒服系一大重点。配料粉面都可以亲手夹，样样配料都好新鲜。汤底拣咗招牌嘅牛骨藤椒汤，BB辣都唔会太刺激听讲个牛骨汤熬足7个钟，系用心嘅熬出嚟嘅，味道唔淡，加上藤椒又系不一样。入门口仲见到有人亲手搣藤椒、绝对系手作代表！讲下叫咗咩食先：豆卜串、吸收哂藤椒嘅精华，好好食；生菜、娃娃菜新鲜，佢亦都唔会煮到淋哂；米线弹牙；花甲只只都有肉冇沙，有啲后悔冇再夹咗几只返嚟；估唔到系佢有海鲜菇、鲜甜，有咬口；白鱼蛋本身弹牙又软身、有鱼味；港式陈皮鱼蛋够实正有香味，满足哂食两只鱼蛋嘅瘾！！另外仲有弹牙春卷：十分香口、有甜味，有阵阵蟹子香。适逢舖头准备推出新产品，墨鱼串脆口唔错、鲍鱼弹牙之极，加埋芥末好刺激，同时又有甜酱做下调和，有平衡之和。饮品叫咗两杯手打柠檬茶，完全唔涩，十分清新，，虽然唔算大杯，但套餐价18蚊一杯系值嘅。…查看更多

如果想食一啲好味又快捷嘅美食，九龙湾Eastmark嘅「有间麻辣烫✨」绝对系一个好选择，虽然店名叫有间麻辣烫，但系汤底有辣有唔辣选择，牛骨汤、特浓蕃茄汤、农乡菇菇汤，汤底浓郁好味😋。特浓蕃茄汤真材实料，啖啖浓郁蕃茄味，啱晒唔食辣既朋友。如果你喜欢食辣嘅，招牌藤椒汤底就绝对啱钟意食辣嘅朋友，可以择大中小辣，另外仲有自助调味枱，唔够可以再加辣，以及自己混合酱料，方便又美味。餐厅以自助形式，自己选择啱嘅面底及配料，选好之后按份量付款，啱晒唔同胃口嘅朋友，选好面底及配料后，店员会帮你煮好，一碗热腾腾又美味嘅自选火锅就奉上。「有间麻辣烫」方便又好味，啱晒上班一族，配料款式多，汤底又好味，绝对推介。…查看更多