最云味過橋小鍋米線

营业中

休息中

【油尖旺區】【最云味過橋小鍋米線】呢排中意扮遊客，喺尖沙咀碌嚟碌去，主要係因為呢排自己油尖旺區嘅用餐體驗開始有啲力有不逮，想寫返多啲。又咁講，呢排我真係好忙，冇時間周圍搵食，其實乜嘢區都食得少咗，只能竭忠盡智，做到幾多就幾多啦。呢間米線好似未見過，就郁吓佢。懶得諗食乜，食過橋米線就最啱。叫咗 $68 嘅「招牌大大碗過橋米線」，唔太中意食辣嘅我就揀咗上湯湯底同無辣，麵就要拉麵。上菜之後見到都幾多料，同埋個湯係真係上湯清湯，唔係牛奶底。加 $7 飲埋「熱奶茶多奶」，都係正常同合理水準嘅熱奶茶。一場嚟到就叫啲小食，先叫 $36 嘅「炸墨魚春卷」，又 okay 喎，即刻炸起嘅。跟住食埋 $42 嘅「雲南酸辣撈雲吞」，係韭菜鮮肉餡嘅，味道都可以，唔會得鋪死辣，我都勉強食到。埋單 $153，侍應都幾好禮貌，仲推薦我下次嚟可以食吓佢哋嘅豬頸肉。。。（地址：尖沙咀亞士厘道21號地下3號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies

**最云味小窩過橋米線體驗** 今日我去咗尖沙咀嘅「最云味小窩過橋米線」，試咗佢哋嘅「招牌大大碗過橋米線」，盛惠$68！碗米線材料豐富，有牛丸、墨魚丸、紅腸、腩肉、雞絲、肥牛同豆卜等等，配料份量都算足。 湯底同麵種可以自由配搭，我揀咗酸辣湯底（微辣），因為我唔食得太辣，辣度剛剛好，但湯底偏鹹咗少少，如果淡返啲會更好。麵條方面，我揀咗拉麵，口感彈牙，同湯底都幾夾。整體來講，味道唔錯，材料都新鮮，唯一係湯底鹹咗少少，下次可能會試吓其他口味。 如果你鍾意食過橋米線，可以嚟試吓呢間！ 📍 最云味小窩過橋米線 尖沙咀亞士厘道21號地下3號舖

我係外送平台自取，跟餐有小食，揀左雲耳，拎完翻黎發現係豆乾，佢地舖頭單都係落豆乾。問外送平台先知係雲耳缺貨所以改左豆乾，但店家從來都冇主動告知我，去到自取都冇同我講，即叫個客硬食。你缺貨，但app照落到，咁同欺騙消費者有咩分別？如果我知冇雲耳我唔嗌啦，仲要食完肚痛既，永久blacklist

一入門口，就我一個人來吃，我選一個二人枱，方便他們做生意，個老板定服務員一句超大聲，超沒禮貌：「唔得！」 我說我只是一個人 。他更大聲說多一次：「唔得！」……我真的服了這種服務態度

唔會再去 侍應服務態度勁差 劣自己安排有問題 屈返人轉頭我哋要求一張6人一齊坐既枱 唔得咪等下等左20分鐘都未有 就入去問下餐廳自己失誤放左張2人枱入去然後大聲夾惡 話客人指名要某一張4人枱明知佢自己失誤 唔承認並大大聲拗當冇錯 以粗言穢語罵客人

好嬲，好嬲！今日同5位同事放lunch去阿士厘道食米線，見得幾個人排隊就等一陣，到我地既時候，某位男店長問我哋幾多位，我哋話6位，佢話分唔分開枱坐，有張4個同2個人既枱。咁我哋就話等一陣，想坐埋一齊，因為門口有4張2人枱都就快食完，而店長話佢地都差唔多食完。等咗一陣，其中一張枱竟然俾其他員工安排2人坐咗左手邊張2人枱，中間兩張2人枱都開始走，右邊仲食緊。見唔對路就走入去問店長，佢即刻好似食咗火藥咁，態度勁惡劣，話我哋頭先話等門口1號枱，頭先有枱你哋又唔坐，咁我話宜家係咪可以坐住中間個張4人枱，店長好似更年期咁，想趕走我哋走，仲用英文講FXXK OFF！話呢度尖沙咀呀，我估佢意思尖沙咀食飯多人，係要分開枱坐嫁喇，定係尖沙咀佢睇哂？如果你唔想俾3張2人枱我哋一齊坐就一早講定喇！我真係忍唔住攞部電話出嚟影低佢，然之後就離開間鋪頭。竟然同同事放lunch想食個米線都一肚火，仲俾人用粗口鬧，希望大家留意呢間餐廳既服務態度。

又凍又肚餓，諗住食碗熱的米線暖下胃食到一半，真係食唔落去，太鹹啦感覺食完會對唔住自己個腎冬菇咬落去鹽水炸彈一樣炸春卷都可以係咁鹹？成碗食剩晒，浪費了希望店家可以改善…

海港城附近真係冇咩米線鋪，難得開咗間新嘅，就嚟試下，不過亦都冇咩特別，就係普普通通叫咗一個自選米線，要咗酸辣小辣，另外餸就要咗魚肉春捲，覺得唔係好抵食，因為條魚肉春捲好短小，跟住味道又係好普通，冇南記個魚肉春捲咁好食湯底嚟講我又唔覺得特別鹹，可能我比較重口味。。。但係你話係咪好好味，我又唔覺得，反正就係好似我咁，唔係太鍾意食譚仔嘅人，會覺得呢啲街坊米線鋪比較吸引，雖然佢個名寫到好似係正宗雲南米線咁，但係我又冇感覺到佢有幾正宗，如果午飯時間唔使排隊，係可以試一試嘅

N年無喺尖沙咀放飯，重回呢個地方，同一地點，改變都幾多。不變嘅係一都咁多貴價餐廳。行左一陣都無乜食肆吸引到我，一係貴，一係要等位。忽然見到間米線舖，咁就啱啦，反正米線癮起，就佢啦！我揀左酸辣小鍋米線+潮州魚蛋+凍鴛鴦首先酸辣米線唔多酸唔夠辣(可能因為我揀左小小辣，因為第一次食，唔知佢嘅辣度。)但以喜歡食米線嘅我，呢碗米線只有好咸，但有少少麻嘅感覺。(最怕麻辣）而潮州魚蛋，只係普通嘅魚蛋，仲要唔彈牙雖然連嘢飲都只係50幾蚊，但就唔夠喺旺角食嘅正宗。

見新開就去試下平時少食嘅熱拌米線。今次叫嘅係外賣，行過去大概1分鐘時間。時間大概1點，餐廳基本冇乜人的。可能地段問題，價錢偏貴，3餸需$75。一打開色香都有，可惜味道欠奉，而且餸份量都比較少。雖然叫熱拌米線，實際似乾撈，啲米線黐立立，都撈咗幾次，基本上都撈唔勻。成個麵真係冇乜味，而且超乾。加上食食下有條不明物體，瞬間冇晒胃口。撇除不明物體，其實都係好難入口。係食過最淡口味嘅乾撈米線😧結論係冇下次。

1.比較推薦麻辣拌米線2.米線口味比較重，有待提高3.多叫咗兩份外賣，講咗請多俾D黃瓜絲（服務員聽咗後黑咗面），最後發現只有兩根⋯⋯而且少放了一送（腐皮）⋯⋯不太customer friendly ⋯⋯希望不再會發生

這個位置原本係拉麵店，但印象不足半年已經執笠，換來呢一間雲南風味米線，果然香港人好喜歡食米線，午膳時間都客似雲來，原來味道都有返咁上下，本人食2:30下午茶， 下午茶附送小食及飲品。非常經濟實惠！酸辣湯底味道恰到好處，芽菜韭菜蔥芫荽配料好豐富，口水雞，雞肉爽滑汁料惹味。

以亞士厘道排隊嘅人氣統計襯呢間新開嘅米線仲未被其他人發揚光大前我就用食晏嘅45分鐘去會一會佢餐牌價錢睇落正常就照叫平時食開嘅落單點知一泥到 香濃嘅程度🥰我好耐無喺尖沙咀食到我想食嘅味道佢地個肉醬做得香度辣度好惹味調到個湯好香#豬紅 good#豬腸必叫#家鄉肉丁撈落去米線 不得了直情係新鮮版嘅五香肉丁#蒜香豬頸肉 貪得意問店員好唔好食佢請咗一片我食下次一定會叫#蒜泥白肉 食完無其他鋪嘅咁大生蒜臭口氣味不過好似比出面一般無咁辣 下次可以叫大辣