晶輝飯店

坐低无耐有二个人轮流车轮战食烟正想揾.老细/伙计.赞赏吓嘅时候见到.老细/伙计.同佢朋友原来起另一台都开始吞云吐雾❤️咁我唯有嗱嗱声食埋啲嘢快啲走人唔好攞人便宜，食人D二手烟啦。好钟意食烟朋友讨厌被控烟办束缚嘅朋友唔惊俾控烟办捉嘅各位朋友本人非常推荐非去感受吓一面外出晚饭一面食烟𠮶种炽热。同埋真系唔使惊控烟办㗎㖞每逢食肆出现呢个问题我有时间都联络咗控烟办通常晚上打电话留言控烟办好有效率会即刻第二日回覆❤️话唔会即刻去巡查❤️❤️同埋唔会夜晚去❤️。所以如果你好钟意食饭嘅时候食烟嘅话真系值得一去，信我！冇介绍错。…查看更多

几年冇去，转咗手，食物水准差咗好多，基本上以后都唔会再去。以前个鸡煲我食左十几年， 谂住咁耐无去试下，点知完全唔系果回事，不特止，新版本个鸡煲仲要唔好食， 极度失望，又少左一间小店可以去。…查看更多

搬出大角咀多年，偶然同老婆庆祝周年经过老店，正想回味晶辉一绝 - 鸡煲，叫单时店员声称老铺已易手，旧老板已退休。一听之下，心知不妙。果然鸡煲一出，成地眼镜，同幅相系两回事。虽然已有一半失望，不过既然煮咗，唯有以「煮到埋嚟就食」嘅心态一试新鸡煲，果然一试难忘！鸡汁太稀，鸡肉系蒸过嘅鸡，好「鞋」，配料中笋片带酸未入味，我唯有只食我所好嘅洋葱，老婆只食云耳！一半都未食完，就埋单$158走人，两公婆周年纪念，有过难忘经历！希望只系鸡煲出事，其他炒小菜冇出问题啦！😫…查看更多

我简直不可思议😵 见间铺又旧又污糟糟既感觉，真系坐大排档仲自然… 但一场嚟到都要食既.. 价钱唔太清楚，因为直头唔想掂个餐牌，大约每款$100左右啦😬😬蒜蓉蒸开边虾、菠萝生炒骨、胡椒大蚬粉丝煲、椒盐鲜鱿、椒盐九肚鱼、沙嗲牛肉粉丝煲、猪骨煲、韭菜猪红.. 每一碟𩠌食第一啖成班院友都有心心眼😍，每样味道都有85分以上，不过干净度确实欠奉，每样餐具请自行清洗干净🤣如果有洁癖真系唔好去，因为系会连坐都有问题🤣…查看更多

依间餐厅门面残旧又噏耷，卫生又麻麻地，但系佢出奇地好好食！蒜蓉蒸开边虾新鲜肉质弹牙唔会梅！胡椒蚬肉粉丝煲胡椒味劲香浓粉丝朔晒啲胡椒味，蚬肉肥美肉厚又冇沙。椒盐九肚鱼外脆内嫩滑，好野味！椒盐鱿鱼椒盐味好香浓，鱿鱼弹牙食落唔韧易入口！猪骨煲好大堆头，料多到痴线！生炒骨甜酸度适中，粉浆唔厚好脆，必食推介！沙嗲肥牛粉丝煲沙嗲味劲浓郁，辣辣地，沙嗲味入晒啲粉丝度，好好食！韭菜猪红韭菜有少少渣，猪红好食！手切肥牛好新鲜牛味浓！…查看更多