景霖正宗四川麻辣米線 (通菜街)

营业中

休息中

諗住方便行街就是但搵D野食下就算數，見到呢間冇咁多人等位就走咗入去。呢到既米線都真係麻麻地，米線好淋煮得太耐，雞肉既肉質都嫰滑唔錯，蘿白好淋，不過湯底味道好重香料味。腩肉油麵，油麵都係好淋，腩肉好少得4塊，肉爽口，叫左少辣但係同一D都唔辣。

今日下午茶時間經過旺角有少少肚餓, 就入咗呢間米線店食野. 叫咗個麻辣米線配豬大腸同埋雞腎, 份量都幾多, 女仔食一定夠晒飽, 米線比較淋身, 如果喜歡爽口的朋友未必啱食. 湯底較清而且辣味一般唔太香, 腸大腸同埋雞腎都略嫌唔夠味. 碗內配有生菜同埋黑木耳絲.就價錢而言算係好超值, 下午茶三十幾蚊兩餸可配野飲, 加幾蚊仲可以有埋雞翼, 不過若計味道就屬一般水平. 但勝在夠抵食, 旺角黎講想簡單食個下午茶都唔錯. 

今日在旺角經過這裡食個LATE LUNCH, 有下午茶套餐 $31, 一餸米線+兩隻烤雞翼+一杯豆漿.雞肉麻辣米線因為唔知佢辣度如何, 所以第一次就叫微辣試試先. 一放上枱, 好驚訝下午茶都有咁大碗! 熱辣辣聞落都幾香, 米線除了自選餸料還有腐皮、芽菜和韮菜, 份量都相當多, 令到整碗米線感覺蠻豐富. 呢度既米線係比譚仔粗身,質地偏林林地的, 自選餸料-雞肉雖然份量都有唔少, 但就有少少鞋, 唔係太好食. 湯底方面, 可能因為我叫了微辣, 所以麻辣味不明顯, 淨係食到有少少辣味. 而且食完米線都好口渴了一段時間, 相信味精都唔少..烤麻辣雞翼跟下午茶套餐有兩隻, SIZE略細隻, 不過係即叫即焗, 食落口香脆燙口, 內裡的雞肉都仲保持到肉質嫩滑, 麻辣香料幾惹味, 食完兩隻都有D唔夠喉. 下次會再食呢度既烤麻辣雞翼.

車媽媽很喜歡吃米線尤記得20多年前在荃灣享和街的一間過橋米線此家湯頭清香,米線爽彈,餸料新鮮尤以他秘製的雜醬好味得簡直無可挑剔,可惜自從那店主叔叔過身後便再無吃過那種風味了,尋尋覓覓都未吃到間可替代!!這天跟車爸爸剪髮後已是晚上九時多可幸身處旺角不難揾食,我很想食米線但又不想捱{三哥},行經這間景霖正宗四川麻辣米線既然有緣遇上就吃它吧!!地方不算大但靠牆兩面係座位坐得頗舒適^0^除了米線亦有小食供應我哋選了{蒙古芝麻雞翼}及{麻辣豬肉串}~而米線就點了{過橋米線套餐}~一見有{大話7}便想飲可惜冇貨唯有退而求其次要{鹹檸7}啦~{鹹檸7}$12最緊要夠凍,好難唔好飲嘅haha~前{麻辣豬肉串}$19/兩串,豬肉淋而不霉帶少許刺激的麻辣醬頗好吃如果辣度再重多點會更加吸引,{蒙古芝麻雞翼}$19/3隻,其實即係孜然雞翼醃得夠味道雞肉頗滑,但有點美中不足係雞皮未夠香脆還有進步空間呀!!{橋米線套餐

又來到這裡吃下午茶, 他們的下午茶餐算OK, $30 有一餸米線, 兩隻雞翼, 一杯豆漿. 今次點了雞肉麻辣米線, 因為他們的辣度很夠, 所以每次都是叫了最小的辣度 = 小小小辣, 這裡的米線配料都幾多, 有很多芽菜, 九菜, 腐皮, 雞肉和米線份量也有不少. 米線質地偏稔身, 不算彈牙, 但也不會食到發漲, 我頗喜歡這種質地的. 而這裡的麻辣湯底跟其他米線店也不同的, 有種特別的香味, 不知道是否一種特別的麻香. 每次一邊吃米線就會一邊飲幾口湯, 熱騰騰很好味.尤其鍾意食他們的雞翼, 有兩款口味, 麻辣雞翼和香草雞翼, 兩款都很好吃, 今次選了麻辣雞翼, 相當惹味, 好香麻辣味, 辣度夠~而且通常都是剛剛烤起, 所以熱辣辣的, 表皮就帶點脆, 入面雞肉就很嫩滑~豆漿不是很稀的, 相信沒有溝水吧, 不過不失啦.不過店內衛生方面真的要加倍留意, 因為我看見有十數隻蚊"滋"痴在牆壁上..間唔中也有一隻飛過..

激氣呀😡😡特登行過來試下，麻辣米線唔麻，麻辣雞軟骨串，無麻辣味不突止，仲要短過隻尾指，最過分個醬爆鯊魚丸，等到最尾先食怕熱，點知個心"凍嘅"!!! 即走，大家以後唔洗去！仲一d都唔平，個冷氣仲凍到死，先後有二人要調位！！

旺角，在飲食上，可以說是一個百花齊放的地方。高級的絕對不會缺乏；中級的，每個商場也有；低檔次的，周街都係。不過，因為旺角人多，旺角街頭劣食也多，所以我是甚少會為食而留在旺角的。就算有，都是食細餐廳，甚少會大篇幅地舞文弄墨。不過，是次想寫的餐廳有點例外，主要原因就是茹素的太太介紹的，是她表妹的推介，次要原因，大家應該也猜得到，這《景霖正宗四川麻辣米線》，原來有獨立的素食 menu，是一所素食 friendly 的米線麵店。先說素，太太一坐，就打開這一個素食米線套餐，套餐有兩個選擇的，仲有素食串燒，正宗地 support Green Monday，正素地向甘薯葉入貨，推廣健康，在葷食店向大家宣傳，多茹素身體會健康。太太就點了A餐的米線，有醬爆芋丸、素牛丸、素墨魚丸，生菜、芽菜同腐皮，湯底就要求了走辣，因為我們每人都要分一半俾仔仔食，就算我們是嗜辣，都要就一就小朋友，不辣或少辣。湯底也是素的，所以茹素的大家絕對可以安心食用，在素丸方面，我的評價並不多，因為這都是我們一幫素食人士雪櫃內的珍品，這些東西，我早已食慣，不用太好評，也不需要劣評，芽菜同米線都爽口，以米線質素來說，是不錯的。我重申，素

店子兩層 客少的時候樓上不開放地方稍暗稍窄 但不是會讓人生厭的感覺雖然不宜久坐 但坐下來吃個麵還是合適的地方配料選擇比一般米線店要多一些餐牌內有隱藏選項自選配餸料米線 除了下方提供的選擇其實在餐牌上看到的任何配料也可以點而且貌似所有隱藏選項不用額外加錢點了下午茶的兩餸米線加豆漿 承惠$29在這區以這個價錢可以坐下來有吃有喝 算是不錯了豆漿只有冷的 質素平平份量不多 但求作解渴之用鮑片與鱈魚豆腐各兩件 米線份量不少附有芽菜/韮菜/腐皮 還有大片生菜上湯味精不重 綠油油的"封面"健康感up!點了隱藏選項之一的鮑片這裡的飽片當然不是真飽魚但即使裝假狗也是有骨氣的偽飽XDD經得起咀嚼 咬起來彈牙不是那些軟乎乎似是用上大量澱粉製造的鮑片鱈魚豆腐不鮮有 形狀以四方體居多這裡的鱈魚豆腐則是星形 口感比四方體要好大概是星形可以造出更大範圍的炸面吧這個是每次來必點！現在市面很多店子做的米線都太泡 軟乎乎沒嚼頭這裡的米線雖然仍稍欠韌度 但至少不是軟乎乎雖然不是我心目中的no.1 但它已是我的二奶

講真其實本身係想去食譚仔ge,但今日打風，大風大雨費時行，就求其入左間，估唔到都幾好食，上openrice 一睇，原來有三間分店？！失敬失敬！雲呑牛肉麻辣米線$31一餸$26 加饈加$5 凍飲都係加$6價錢同譚仔接近，而且分量十足，好抵食。我叫左小辣，本身睇佢一d都唔好，以為佢無料到，飲一啖先知湯不可露相。一飲就有一股辣味湧上黎，好濃味，但如果再麻d就更好。牛肉好滑溜，雲呑就麻麻地，一食就知係雪藏。米線都好爽口，好食！值得一提既係，有下午茶set，$28 一餸加豆漿加兩隻麻辣或香草雞翼 2:00-6:00超抵食，推介！

向來都係譚仔忠實fans，不過今日行過，見到呢間米線鋪試吓。由於我並不太餓，所以建議叫一個大大碗海鲜過桥米線($52)加多一個新疆香草share來食。大大碗過桥米線果真超大， 份量較譚仔的大，而且足料！有大大粒帶子、魚腐、魚蛋同好厚切的魚片頭各兩件，芽菜爽口，米線煙韌有口感個香草雞翼($21)出乎意料地拍得住的土匪雞翼，佢有種特別香料醃製，肉嫩又保存到肉汁每人再order左杯豆漿， 我地兩個都食到好飽。八十幾蚊 - 抵 !

話說食景霖食左好多年，一路都好喜歡食，但今次用餐既感覺太差，忍唔住寫食評！今次我去食下午茶，叫左牛肉酸辣米線小辣，另叫左麻辣雞翼，送豆漿。首先，我入左去等左3分鐘先有人落單，唔係因為客人多，而係無職員理客人。樓面有3個職員，一個坐係門口櫃檯hea, 一個就係最尾張枱既入單位既死角位傾電話，仲有一個就上緊貨。後尾有個廚房師傅見到有幾個客人未有單先醒水叫人幫我地落單。係大部份職員都hea緊既情況下等左起碼3分鐘，已經有啲不爽，之後食物到，我更傷心！1. 雞翼上到黎，只係少少熱，只談得上暖。其實舖頭叮返熱雞翼依件事我理解既，問題不大。但後尾我見到隻雞翼未熟透！啲骨仲見血！我就驚啦！！！！！其實我已經唔太敢再食。2. 說好的酸辣米線一粒酸菜都無，我成碗野咁搵黎搵去，都見唔到任何酸菜。譚仔都會比幾粒比你呀，但依加係無呀3. 其實我都唔知自己係咪食緊酸辣米線，米線唔入味，個湯底唔知係咩味。自問食得辣，都食好多種辣，但依種辣辣地我分唔出係邊種辣囉食左咁多年，只係覺得佢愈做愈hea, 可能因為今日老闆娘唔係度，職員個個都放pea lol旺角食酸辣米線的地方何其多，真心依度無下次！

每當自己一個係旺角行完街都會食呢到既米線，個人認為比x哥仲好食。每次都一定會叫雞肉，大腸，因為今次好餓所以叫多左火腿同魚腐。識食一定係食雞肉同大腸，因為雞肉真係好滑好好味，不過就細舊左d，大腸唔會un，火腿同魚腐一般因為好難會唔好食。再叫多左碟腐乳通，腐乳醬加通菜真係好夾，腐乳好味唔會太咸

特色紅薯粉叫走莞茜but 莞茜 still there!!!大辣ok!!!味精甚勁食完口渴成日!!!紅薯粉 very QQ腐竹very very very 彈牙!!!!魚皮餃!!!!皮薄餡靚!!!!!!!!!LOVELY!!!生菜手打魚麵+黑木耳+芽菜手打魚麵好有魚味very 彈牙management very bad!!!ordered 熱檸水叫咗先出去買檸檬...

由第1次已經中意左依間...同樣係米線但比其他有更多選擇麻辣湯底最好就係有山根做配料。而且$29兩個菜送豆漿。大大碗一定飽另外雞翼雖然不及譚x的香口....但只需$15便有3隻味道又可以....真的是米線中最好的店

今日去左食紅薯粉, 之前都食過這間好多次, 平日有食, 星期六放工也去食過多次下午茶, 但今日真係好激氣, 舖外大大個牌寫住午餐有豆漿送, 送完即止, 咁好正常, 我覺得無問題, 以往我去食都是食一個餸$23 送豆漿給我, 但今天我再去食$23 一餸, 後來有侍應問我飲豆漿, 我說好, 跟住收銀好惡咁說豆漿送晒, 要飲要+$4.00, 咁OK 啦不飲, 我都覺得奇怪, 之後再有人叫米線飲豆漿, 我就更加奇怪, D人叫2個餸$27 飲豆漿, 豆漿係送的, 我見到人地張單豆漿不用錢, 即是說大話欺騙$27 就有得送, $23 就是(送完即止) 無得送, 咁就不好放咁大個牌出來說惠顧午餐有豆漿, 應該寫惠顧2餸米線才有豆漿送另外D 侍應不叫都不去執枱, 叫不辣都比左辣 還有間舖個牌自稱下午茶抵食, 但事實同平時價錢一樣, 不好再比這間食市欺騙, 要做精明消費者, 出面仲有好多間餐廳米線店好好食架。