景逸軒

酒樓sale家中爸爸母親節餐 二千幾蚊個六人餐 食到一肚氣 一坐低發現個碗有幾粒乾左既飯痴住 極度不衛生上菜已經好似趕客咁 一次過上 擺到凍哂 都算 個翅都仲有一半未食完 侍應走埋尼問係咪收得走！都算..個所謂茶果子芝心百花球 伴碟都冇 好似煎推咁！戲肉就係個愛心蘋果仔 一上枱 我地六人眼都突埋 我真係哇左出聲係六個蛇果搭到好似排神咁家中媽媽見到十分唔開心 母親節 成碟拜神蘋果放係面前…最驚喜係 有個侍應經過見到呢碟蘋果 仲問係咪我地自己拎尼🤣🤣佢話平時呢個餐唔係咁 唔會係咁奇怪成碟蘋果咁比人 然後佢就走左 我地即刻揾其他侍應問個究竟 侍應態度極度惡劣我地都唔想再理論 不過最後發現原來當日呢個時間係得我地一枱食呢個餐 根本呢個餐係夜晚先做 唔明點解要sale家中爸爸 我地冇再深究 不過以後都唔會再去 極度不愉快既體驗…查看更多

員工超級唔專業，母親節為求追營業額sell客人晏晝食晚餐母親節餐，結果次序亂咁上成枱係嘢食，嘢食凍晒，賣相難看。一次過出四五樣嘢喺枱面，之後其他吹極都冇，最後放碟拜神蘋果，話係愛心小蘋果？但係個炸花枝丸仲未出，等15分鐘終於出埋，幾粒嘢掉喺度伴碟都冇。成粒煎堆咁。煎堆加拜神蘋果好意頭咩？最搞笑，有一個員工用過問我哋係咪自己帶咗啲蘋果食。一問之下佢哋平時唔係出呢個蘋果。真係多謝晒🥹最後求其俾返個折你就算，其實真係好無奈，我要你個折咩用啫？老人家睇到唔開心你可以點樣幫到？…查看更多

特別喜歡車打芝士長春卷（3條）$44夠晒脆口，味道剛好，唔好咸👍🏻原個椰皇燉鮮奶$48好有椰香味，夠滑又唔會好甜☺️酒店酒樓，近紅磡站，交通方便。食物味道正常發揮，環境闊落，枱與枱之間唔算近，樓底夠高，聲音無咁集中，感覺無咁嘈。茶錢每位$18另收12%服務費…查看更多

非常之差嘅待客之道，自己公司Alipay收錢有問題，竟然要客人俾兩次錢，簡直荒謬！經理話佢部機冇出單即係收唔到錢，咁我電話顯示收費”成功”又點計，一定要客人俾多次錢，經理話如果第二日未退錢就俾咭片我證明，咁可唔可以第二日未收到錢我俾咭片你call返我丫?!只係4百幾蚊都難為啲客人唔俾走，不知所謂！…查看更多

環境佈置得好靚，朋友好鍾意小王子，所以響count位置佈置了玫瑰花小王子和玻璃燈的擺設，酒店的內部裝修，台階也搭建得很靚，整體的結婚感覺很高貴大方。餸菜亦都啱口味，乳豬皮夠脆。芋頭蝦皮夠鬆軟，芋頭夠軟綿綿蝦也好味的。蒸石斑夠滑，肉汁鮮嫩。魚翅也好好味。瑤柱節瓜，是我喜歡的餸菜，也煮得不錯。鵝掌鮑魚生菜，由於本人不太喜歡食鵝掌，所以沒有吃鵝掌，鮑魚也挺好食的。整體感覺又10分好，飲品我叫了橙汁，這位枱很得意，每個人都係叫橙汁，沒有喝酒。環境不錯，氣氛浪漫，餸菜也好好味，推介！…查看更多

Weekday 諗唔到去邊度食飯，距離屋企5分鐘路程嘅酒樓景逸軒係其中一個選擇。四大兩小一行人一齊出發，去到酒樓，好快就安排咗個窗口位同埋兩張BB凳。最鍾意呢度服務殷勤。經理話今日啱啱返咗新鮮嘅長腳蟹，二話不說即刻order嚟試吓，亦都叫咗龍躉兩食、清蒸大蟶子等海鮮，所以是日係海鮮餐😜果然隻長腳蟹非常之新鮮、又鮮甜，經理冇介紹錯👍🏼，最後佢仲推介我哋嗌一個素麵，連埋個蟹蓋汁一齊撈麵，真係別有一番風味！…查看更多

疫情緩和了，市民既生活都開始復常了，大家都非常之開心。亦因為咁，有好多 "酒" 要補擺及及時要擺，同親朋好友高興一下。去年的12月，就有親戚擺喜酒，地點就在紅磡的《景逸軒》。好耐冇去過飲啦，且看看質素同氣氛有沒有大不同。明顯地，因為疲情，婚禮的程序從簡。也許是新人選擇儀式從簡吧。好準時就可以開餐了。快快趣叫麻雀友收檯後，場內5圍檯就立即 set 好，大家就輕快地入座，準備食。小婚宴同大婚宴都一樣，一定以乳豬為餐宴的頭道菜。鴻運金豬件全體，用的的確是細細隻，皮嫩肉滑的乳豬仔。Instead of 只是點乳豬醬食，職員分件給大家時，也給了兩片甜甜的皮，這樣夾著一片包皮食，多了點軟軟口感，多了點甜味道，感覺是更勝淨點甜醬食的。主人家特登安排了幾道素食給太太。而且全場似乎只有一人食素，但也做足有三、四道菜。上豬時，太太就有一份炸點。包括了椒鹽豆腐同炸蔬菜球。炸點的味道好，即炸起的，入口份外地香脆。第二份是一個以素雞為主體的菜式。厚厚的一份素雞，印象是內包菜餡的，加埋了豉味醬汁，味道非常之濃香。再來是一份羅漢齋。純蔬食的小菜，卻加了豉油茨汁去增強味道。太太說，面前的三度菜，伴飯一流。而且對一個女生來說，太多了，之後來的就直接包走算了。說回正餐，第二道菜是芹香蝦球玉帶。芹菜，帶出了整碟席珍的香味，師父似乎花了點功夫去處理西芹，沒有半件是帶粗纖維咬不爛的。這道菜的蝦不多，相信，西芹才是主角吧。凱撒沙律伴百花炸釀蟹箝，是大人小朋友都極喜歡的宴席食品。這次的炸蟹箝夠晒大件，加醋食，固然是美味得非常。然而，這一次另外奉上了凱撒沙律，以這一個蟹箝伴沙律，中西合壁，好有茶餐廳既炸雞沙律咁。(這次是炸蟹箝沙律。) 香港獨有既口味。紅燒花膠蟹肉翅。現在都不太執普食唔食翅了。既然已經在主人家的席珍內，又冇咩理由唔食咁失禮。其實，這一個翅是以花膠同蟹肉為主，本身在內的翅不算多。其實，食翅只是食湯底既味道，個羹煮得好，味道固然好。太太另有一個素食版既翅。是以冬菇絲同金針菇整成。味道同我們的葷食版應該差于多，只差在沒有雞肉的味道吧。上完翅，就是魚了。這次的清蒸大海星斑都夠大條，肉質新鮮爽甜。真的，若此時有一碗白飯，這魚，這蒸魚豉油，是滿足同幸福既開始。我個人覺得吃鴨腳同鵝掌比起吃鳳爪更開心。再加上我本人也喜歡吃腳腳，雞骴，羊腿，鴨骴，鵝骴 等等等等等。我可以向大家宣佈，我是一名腳膠......哈哈。這蠔皇原隻鮑魚伴鵝掌好入味，蠔汁，鮑汁完美味被鵝掌的皮吸收了。味道濃濃香香的，連在底的白菜也非常入味。花菰多子瑤柱脯又是一個味道濃濃的菜式。瑤柱同冬菇加上蠔汁，甜上加甜，鮮上加鮮。最開心就是吃在底，沾滿了汁的生菜。尾聲就是蒜香脆皮燒雞。這雞絕對是皮脆肉香。入口是香滑的，有皮下脂肪，即是有雞油，肉質香滑。最令人開心就是雞皮真的是夠脆，越吃越開心。當飯麵正在準備中時，就來了一份素餃子給太太，酒樓可真是照顧周到啊。太飽了，這份素餃子沒有即場食，打包回家改天蒸熱再吃，咬入口是菜汁豐富的，很是美味。久沒來飲宴，酒樓半點也沒有馬虎。在食物上，在服務上都非常之好。這一晚，大家都盡興，開心地為新人送上祝福。趕得切新年派利事。…查看更多

唔係第1次來食，之前食過幾次還好，同埋覺得啲環境都算靚嘅。但今次來到，首先臺布很骯髒，叫職員換過仲被大聲回應唔係佢哋問題。叫咗炸蝦，發現雪藏味好重同唔新鮮，完全冇蝦味，同侍應講聲 (只係反映一下，完全冇要求要退貨或者退錢)，侍應聽完，噢一聲便走咗，好似當事情完全冇發生過，連句解釋都費事俾。同幾個侍應講咗要搵經理過嚟，都唔理睬，等咗好耐終於有個侍應搵經理來，解釋話俾呢個價錢一定係雪藏蝦俾你食啦。唔知道係酒樓生意唔憂做定係請啲侍應完全冇訓練過。非常唔愉快的體驗。…查看更多

噚日(1-2-2023 Wed)初十一晏晝,公司言層請嚟呢喥食開年飯,對上一次開年飯係20197年嘅事,亦都係嚟呢間(上次食評係2019年2月15日刊登嘅呢篇: https://www.openrice.com/zh/hongkong/review/%E5%A4%A7%E5%A4%A7%E4%BB%BD-e3306446),菜色大致上相同,有:1. 風生水起同上次一樣有三文魚,青瓜,但其他嘅唔同咗,有蘿蔔絲,芋頭絲,薯仔絲同唔知咩嘢,我哋撈勻後食喇,食食吓,食到啲酸酸味味咁,係蕎頭,好神奇,竟然落蕎頭.芋頭絲係好腍嘅;其他都爽口嘅.不過呢個賣相差咗.味道:4分2. 竹笙鼎湖上素竹笙夠腍同入晒味,但唔會太鹹;其他都正常冇問題.味道:3.5分3. 大紅乳豬全體皮仍脆但太鹹,要夾埋麵包食.味道:4分4. 發財好市湯湯渣多到呢,重有蓮藕,豬脷,豬肉.所有湯料都煲到腍晒,亦冇乜味,因為已經煲晒出嚟喺湯水喥,所以啖湯係好夠味,但又唔太鹹.味道:5分5. 西芹炒帶子都有唔少帶子,炒得嫩口,唔錯.味道:5分6. 清蒸唔知咩斑同樣係大大條,係蒸到全熟,不過都唔算好滑.味道:4分7. 脆皮一品燒雞一樣係皮脆肉滑.味道:4.5分8. 蟹肉扒豆苗豆苗仍脆綠同唔太腍身.味道:3分9. 高湯水餃生麵水餃係冇蝦嘅韭菜豬肉餃?味道唔會太搶,OK 嘅.麵我就冇食到.味道:3分10. 炒飯我冇食到.11. 杞子桂花糕唔太甜,夠廷身.味道:4分12. 紅豆沙湯圓都同上次一樣,湯圓係芝麻餡,成個甜品都唔太甜.味道:3.5分13. 四季平安果今次都係柑,我都係拎返屋企食.…查看更多

人均大約$300，但點心、燒味都係一般貨色，只有個功夫湯叫做靚仔啲，個湯係幾多料同入味，用茶杯飲，幾有特色，但其他野都好普通，對唔起個價錢，大部分點心都$40左右，叉燒有啲燶，燒肉皮唔脆，雪山叉燒包唔夠熱，部分點心偏咸，腸粉皮好粘。午飯不用等位，座位寬闊，食完不會吹你走，服務其實都係一般，人手不太足夠，舉手都要等一陣，仲有點心漏單，追左都係冇，各款付款方式都有，付款方便，但總體感覺麻麻，不會翻食。…查看更多

冬至餐又揀左去食紅磡景逸軒，訂左隻亞拉斯加蟹，今次是採用花雕蒸，隻蟹上枱好靚，件件剪好晒，容易食啖啖肉，好香的花雕酒味，仲有好多蟹膏，肉質鮮甜，叫左碟生麵撈蟹膏，咁鮮味的餸可以連汁都撈埋。西班牙一字骨燒起好香，仲有濃郁的蜜汁味，都算厚肉唔係得條骨，所以很好。糯米釀雞翼是驚喜之作，夠熱又香口，咬入去又有綿滑的糯米飯，外脆內軟，估唔到咁好食，還有薑蔥桶蠔，好大隻是肥美的，咁凍仲加埋個熱辣辣的羊腩煲，滾滾下食左可以暖下胃，個汁調較得不錯，除左羊腩，裡面的支竹冬菇都好入味，最後食埋甜品杏仁茶，圓滿的冬至聚餐。…查看更多

今日黎左依度飲宴，諗住係酒店中菜廳應該唔差得去邊。一坐低見到啲杯污糟到模查查，即刻叫佢換左去。點知換完都係污糟🙂餐碟又係污糟，同侍應講有啲污糟可唔可以換左去。佢同我講唔係污漬洗唔到。（雖然最後都有換）真係無諗過啲餐具可以污糟到模查查。野都唔想食。抹乾淨自己隻碟食左幾款又比佢收起埋。即刻停哂手😂…查看更多

環境舒適 -景逸軒 都會海逸酒店🫖🍽大家都知小編好愛食西餐，今日難得分享中餐，去咗都會海逸酒店嘅中餐廳。呢度除咗出名擺酒聖地之外，嘢食都唔錯。😋平日都多食客來到打躉,乾淨企理，坐得舒服🥢～蟹子鮮蝦燒賣 （大點）材料充足，新鮮熱辣辣🥢～風味叉燒腸粉 （大點）腸粉嘅皮嫩滑，厚薄適中🥢～鮮蝦脆春卷 （大點）驚喜之作，擺盤吸引=== === === === === === 👄味道：4/5👥服務：4/5🍽環境：4/5=== === === === === === 🚩 景逸軒 (紅磡)紅磡都會道7號都會海逸酒店8樓#food #foodporn #relax #foodie #hkfoodie #foodphotography #openrice #hunghom #紅磡美食 #美食 #食好西 #hotel #travel #instagram #hkig #goodvibes #goodmorning #thankyou #chinesefood #dimsum …查看更多

每次諗到一家人親戚食飯去邊度食好方便又好食嘅中菜一定會諗到嚟依道晚飯時間佢有幾個6人同8人套餐，但係我哋兩台12人就選擇咗叫一個八人餐，另外再叫一啲散叫既八人餐同埋嘢食裏面包括龍蝦伊麵，炸蠔，豆豉蒸鱔豆腐底粉絲蒸扇貝，石斑等等，甜品方面仲有椰皇燉奶龍蝦伊麵龍蝦肉好多，唔會得返啲殼，伊麵煮得好好唔會一夾就散晒👍🏻👍🏻炸蠔就十分之好食，好十分之肥美，又唔會炸到硬曬，口感十分之好👍🏻👍🏻豆豉蒸鱔正，口感唔會硬，入口一咬就有少少感覺好似想入口即溶咁樣🤩🤩蒸扇貝又唔會蒸過火，粉絲好好食夠晒味😍石斑由於係套餐關係唔會太大，不過肉質都好好😚喺落單嘅時候侍應提醒我哋椰皇燉奶限量供應要嘅話要早啲落單，之後我哋就留咗幾個嚟食到上菜嘅時候椰皇燉奶夜未夠，十分之好食，只係佢每個椰殼開嘅口都唔同，有啲口比較偏細，匙羹進出有少少困難🤣🤣不過味道搭救晒！味道: ⭐️⭐️⭐️⭐️⭐️服務: ⭐️⭐️⭐️⭐️價錢: ⭐️⭐️⭐️⭐️🦽👍🏻: ⭐️⭐️⭐️⭐️⭐️🚗: 消費$600可免費泊車2小時，記得去酒店門口問清楚，泊咗商場有機會冇得用泊車優惠…查看更多

四年過去了，今午再訪景逸軒，感覺截然不同，地方比以前闊落了，環境舒適了，侍應殷勤招待還推介我倆二人套餐，好罷！反正懶得作選擇！先來了功夫湯～用茶壼盛載靚湯，保暖度高；沙薑豬手粒～豬手爽口彈牙，味道較淡；小籠包～肉質鮮嫩但汁不太多；紅油炒手 ～辣辣地好醒胃，有咬感；脆皮王子鴿 ～香脆可口，鹹鹹香香，用來佐酒👍魚湯雲耳浸菜苗～雲耳爽口，白菜清甜；這個套餐挺不錯，但倘若加送甜品更為理想，說實話這個二人套餐份量也很足夠。…查看更多