普洱

老干妈花菜炒猪颈肉饭$55老干妈确实系好惹味，炒花菜同埋猪颈肉一流，佢仲送一杯特饮，饮品选择超多应该有2-30杯，真系花多眼乱，我就拣咗杯紫米杏仁霜，但系紫米超级少好似得几粒咁😂，但呢个价钱嚟讲50几蚊仲送埋杯嘢饮，味道唔错嘅口水鸡口水鸡本身嘅鸡件都几大下，肉质都嫩滑，但觉得佢嘅口水汁差紧啲味，好似冇出面𠮶啲咁惹味，呢个餐都系送嘢饮，我哋就拣咗菠萝普洱，饮唔到普洱味，净系饮到菠萝味，但又唔系难饮嘅，而且个餐仲可以拣要汤还是菜，我哋就叫咗菜佢嘅菜真系得两条咋（唔系讲笑😂），但呢个餐$6x嚟讲都低既整体嚟讲谂唔到食咩可以食佢，始终佢餐厅坐得都几舒服，差唔多全部都系卡位，而且以呢个价位仲有送特饮，最重要系饮品选择多！不过成间餐厅嘅口味真系比较普通。不过有点需要讲吓，其实我觉得餐厅人手不足，成间餐厅楼面得一个人🥹可能餐厅需要请返个兼职会好啲！…查看更多

点心小食：云南春卷（$28）有五条，系素春卷，馅料似系白萝卜蓉同红萝卜丝，即炸，脆身，但细条，口感一般。本来仲想要埋生煎包，但无㖞。是日客饭餐：嘎嘎卤水鸭饭（$49）配冻朱古力普洱（+$3）卤水鸭有八九件，份量不少，而且都斩得算大件。啲鸭浸得几够味，唔过咸，鸭肉肉质软身但有质感，口感不错，鸭皮几滑而且唔肥。另加三片生菜。冻朱古力普洱，第一次见亦第一次饮，老实讲同平时啲朱古力分别不大，饮唔出有咩普洱茶味。小菜餐：糖醋香酥肉（$59）热芝麻花生普洱（+$0）本来谂住叫下午茶餐，餐牌明明写住去到18：00（当时大约系17：40），但话已经无㖞，咁唯有算数再谂吓食咩。决定要脆卜卜红烧肉，点知又话无㖞，结果要咗糖醋香酥肉，即系咕噜肉。糖醋肉即煮，镬气一般，但够热，味道正常合格。蚝油菜蔬或老火靓汤，要咗前者，数条菜芯。丝苗白饭或普洱茶饭，要咗后者，茶色饭，大啖食有少少茶味。热芝麻花生普洱，芝麻味浓，花生味一般，普洱味唔多觉。用餐体验一般，六点未够，呢样无𠮶样又无，咁点做晚市。食物质素普通，一般街坊小菜，除咗打正旗号用「普洱」作卖点外，其实无乜特别，应该没有下次。…查看更多

超级失望，普洱只可以停留以前嘅回忆。因为好多年无返黎荃湾，夜晚就嚟咗以前嘅*饭堂*餐牌餐饮唔同晒，原来依家普洱饮品得返朱古力普洱，冇咗其他选择，我嗌𠮶阵先留意到。咁佢冇以前咁好食我当普通茶餐都没冇所谓。最大问题系啲人变晒普通话，头顶个冷气机滴水环境即刻感觉唔系咁好。不会再来。…查看更多

呢间铺头真系由细食到大，开左都有10年？ 以前好钟意佢既焗米线，之后转左次手得翻焗饭，近排好似又转左手出翻焗米线。食左芝士黑椒焗猪颈肉米线、同埋芝士咖哩焗鸡扒米线。我钟意食黑椒味多d，芝士香味加黑椒辣辣地几夹，咖哩偏浓。米线而家转左用通心米线，觉得仲好食过之前普通米线，柔软得黎又有口感，而且好索味！餐牌有得拣普洱茶饭，不过6半去食已经冇晒，希望下次黎可以试到🥹朱古力普洱就冇之前咁好饮，唔系好够茶味。55蚊连埋杯小特别既饮品性格比都高，值得encore🤣…查看更多

话说，之前俾佢地既朱古力普洱惊艳到，晚餐又唔错，念念不忘。饿住个肚一心想揾野食，但呢个下午茶让我感到失望。辣牛肉粉米线辣？一啲辣味都无，好普通既一碟面，只系有啲味咁，如果为左想有啲野落肚又无要求，咁以下午茶黎讲份量又唔系好少既，不过辣牛肉炒米线应该唔会系咁既样？紫米豆浆沟左好多水既饮品？唔觉系豆浆，好淡，好失望，以为名物朱古力普洱咁出色，其他特色饮品应该都唔错，但超出左我对豆浆既预期。。。一字之曰，伏应该唔会再有下次帮衬，又或者系希望太大变成失望…查看更多