影片
以上资料只供参考，请与餐厅确认详情
影片
相片
切开嘅冰火菠萝油
冰火菠萝油，西煎双蛋拼特脆车打芝士肠
+104
+13
今（9-8-2025 Sat）朝，同老公送回收品后食早餐，去边喥食？求祈喺呢间食，坐低后睇完menu，早餐选择唔多，而由于今晚会去食西餐，所以我唔要西式早餐，就要$39.00早餐A，饮热柠水。老公要$40.00菠萝油套餐，加$3.00要冻奶茶，等咗冇耐，两杯嘢到嚟，之后系我嘅火腿丝通粉，西煎双蛋拼牛油多士，到嚟，先食后者，系热腾腾嘅，牛油多士牛油涂得好够又脆；火腿丝通粉口感味道正常，汤底都浓：热柠水唔涩冇问题。老公嘅菠萝油套餐有冰火菠萝油，西煎双蛋拼特脆车打芝士肠。睇见菠萝大大个，老公切开件特脆车打芝士肠，见到有芝士就好兴奋，一食又话爆芝士，我都食啦，系正常脆皮芝士肠，唔太咸；而菠萝油系暖暖地，甜甜地，冇乜问题。抵食系2.7分。其他：其实都唔想写呢篇食评，因为都唔难整，服务冇乜问题，有礼，俾钱时会讲声多谢，但我张单系$82.00，我俾$100.00，老板就找4个两蚊银我，玩嘢呀？冇一个5蚊银？客人袋住咁多咁重嘅银辛苦啲，定你个柜放太多银会穿？早知我俾$105.00佢找。喺食嘅时候，老公睇见有$9X.00嘅半只风沙鸡，打算有一晚买嚟做𩠌，但咁找钱法，恕我小器，我谂都系唔买喇 。上次食评系2024年8月24日提交嘅呢篇：https://www.openrice.com/zh/hongkong/review/%E5%B0%B1%E8%BF%91-e4962613
继续阅读
叫外卖，味道已经唔及以前平时叫下午茶食薯条已经少到你系可以数到几多条谂住叫午餐稳阵啲啦，点知味道一样系差加上员工态度极差，10:50左右打电话去叫午餐老细同我讲11点左右先有得拎，咁我11点零几分行到过去，点知老板先啱啱打单入去厨房，厨房啱啱先开始做戆居居企喺门口等咗四个字 。期间啲员工系咁喺我耳边同我讲帮我唔到帮我唔到帮我唔到就不如唔好讲野仲有个男嘅坐收银枱，应该系老细，见到我等咁耐都唔帮手入去厨房吹吓，我开声佢先慢慢行入去，仲要一句答覆都冇，转头就走咗去后面整嘢，都唔知系咪想回避我 。总之冇下次，一定唔会再食呢间所谓餐厅
继续阅读
为咗唔想帮衬连锁快餐厅，我哋就拣咗呢度嘅茶餐厅。我们叫左三个下午茶餐，包括西多士、特色热狗、炸鸡髀沙律以及红豆冰，价格都系一百几蚊。首先，西多士个样好靓仔，胀卜卜，外脆内软，面包炸得刚好，金黄酥脆的外层包裹著花生酱内馅，大满足！特色热狗系另一个令人惊喜既选择。热狗面包松软可口，系有烘过！而配料更丰富，除了传统芥末酱和番茄酱外，仲加入切碎咗嘅生菜同新鲜蕃茄，组合让热狗更加美味！另外，炸鸡髀外皮酥脆，可惜肉质干咗。唔够嫩滑。沙律系好正常嘅苹果薯仔。饮品方面叫咗红豆冰，热柠茶，热华田，红豆冰水准偏低，红豆硬，唔够淋，而且太多奶！相反热柠茶味道好啱，有四片柠檬，茶底好！百几蚊3个餐买少见少！好好珍惜小店！
继续阅读
上一次来，记得还在担心新增确诊个案突破一百宗；今天再来，已没戴口罩。点了白汁龙脷蟹柳饭和热柠檬水，侍应首先端来的是青红萝卜汤。汤够热，却不至烫口；配料足，而味道适中。米饭不硬不软，颇有嚼口。虽然酱汁略咸且只有蟹柳一小条，但香煎龙脷肉质嫩滑，也没有雪藏味，快餐而言出品尚佳。吃过一块鱼柳后，喜见「内有干坤」，盖为垫底杂菜。甘笋椰菜非何名贵之物，熟腍状态的口感反而滋味无穷，尤胜山珍海味。热柠檬水酸而不涩，倒是不太满意。不知道下一次来，又会是怎样的面貌呢？
继续阅读
今日去咗荃湾仁济医院检查身体.完成左之后出嚟已经系下午茶时段.因为中午还未有午膳.所以肚仔有点饿.便决定在附近找吃.行过去荃湾众安街之祭.经过街市街这餐厅门口.看到佢哋都有特价下午茶.同埋间餐厅都记光猛.啲装修都记干净整洁.便决定进入试吓先！点餐如下：1. 沙嗲牛肉面 X1 $43元 配：炒蛋.腿片.脆皮多士. 餐饮：热咖啡2. 焗咖喱牛腩饭 X1 $42元 餐饮：热鸳鸯😋沙嗲牛肉面.估唔到有惊喜.牛肉片都几厚.肉嫩唔韧.啲沙嗲味都几浓郁.面身都爽滑！😋焗咖喱牛腩饭 咖喱系港式咖喱.系我喜欢𠮶只.牛腩够冧唔韧.唔黐牙！👍😋😋😋📌晨光餐厅 (荃湾)荃湾荃湾街市街120-140号安裕大厦地下122号舖
继续阅读
您可能会有兴趣的...