時代冰室 (環球工商大廈) (已結業)

夜晚8点半系附近做完运动就揾食，工厂区好多食肆都收哂。啱啱好赶得切依间既last order因为佢哋赶住收工，边炉个啲都冇得叫。咁就叫个普通炒嘢喇椒盐猪扒饭应该唔难食得去边，但佢嚟到啲猪扒得5旧而且系偏冻既☹️☹️煸豆同葱既份量差唔多。成个饭冇乜椒盐味虽然先$48，但系最基本要热既都唔够😩个日好肚饿而且佢哋赶收工就照食算。因为佢哋9点半左右就要收铺，我哋9点松就俾人叫埋单先都知阻收工犹如杀人父母既☹️☹️食过两次依间都系一般以下。唔知会唔会再俾第3次机会佢…查看更多

放工时间想响九龙湾求其医肚，响大渣哥、光荣同时代三者间拣左呢间系因为未试过。虽然系茶餐厅，但仍需自己QR code落单，唔好处系类似「野饮要少甜」、「走饭改菜底」的额外要求系做唔到，下下都要唔太应你的侍应去同厨房讲就比较麻烦。佢地无改菜底呢个option叫我地叫碟油菜，盛惠$22蚊，其实无所谓，但碟菜拎到黎的感觉令人无哂食欲…仲差过我屋企的厨余！另外叫左个铁板牛扒，我见到人地个个有张好似pepper lunch的纸圈围住个铁板，唯独我𠮶个无，不虞有诈，当你倒D汁落去个铁板度之后，我发现我成身、成张櫈、手袋、外套都沾上佢弹出黎的一点点油渍！正如我朋友讲，个鸡扒系OK的，但第一碟上的「剩菜」实在令人反感！同个大妈侍应讲，佢只系笑笑口然后行开左…服务简直一流！…查看更多

约左朋友系九龙湾做嘢，做完嘢后，咁啱到下午茶时间，第一时间就想起时代冰室。其实香港的地道茶餐厅有好多，但我觉得呢间食物味道唔错。好彩下午茶时间人唔多，等咗一阵就有位。我地点左3个下午茶套餐。（1）西多士配王牌鸡髀：鸡髀好大只，咬落仲好Juice，鸡肉又唔鞋，超好味。（2）星洲炒米：有虾、芽菜和红椒，还加咗芝麻，十分美味。（3）杨州炒饭：有火腿丝，青瓜粒和鸡蛋，加咗葱粒，炒得非常有镬气。咁啱我哋三个人，一齐叫餐茶都系（热）鲜柠檬水。价钱合理，有好多款食物拣，下次会试下其他美食。…查看更多

冻冻地既夜晚最好就系打边炉做晚餐，行经九龙湾既时代冰室，见到餐牌上面有几款火锅餐，虽然唔系任食，不过见到啲嘢食好似都几多咁，就同朋友入左去，叫左两个唔同既火锅餐，分别系珍宝海鲜同埋醉鸡肥牛，另外加多＄１８就有杯XXXL既咸柠乐，size 真系比普通茶餐厅既杯大好多，食物既质素都唔错，值得推荐试试。…查看更多

时代变 口味质素都变埋Lunch 黎食，入到d姐姐都好差态度1. 问拎餐牌 就叫自己扫qr code 2. 埋单问 会员有无优惠，佢话我点知有无 餐厅卫生程度差，餐具好多都有污迹。碟饭黎到，只碟都有污迹，大家可以自己睇相。食物质素都差左好多，d饭黎到冻既，d咖哩又系唔热既，食左个咖哩鸡脾饭冻饮 $72。如果真系想继续做落去，真系要改善下，一开头个年质素好，依家唔会再去。…查看更多