是但求其食 (已結業)

食物质素一般，咖啡饮品差差差，第一以到店本来感觉不错，虽然已是下午茶时段，因没有下午茶餐只好点了午餐并加多$10元叫了一杯cappuccino, 没想到，来的是一杯不知甚么(似普通咖啡)的cappuccino, 估不到哩杯野仲差过麦记…查看更多

个忌廉餐汤好似罐头汤，劲咸无香味唔滑；西餐厅牛扒竟然话无货 ( 𠮶时7点都未到，成间餐厅得我一枱客，一定唔系太好生意售罄 )，正常当眼处贴无货或俾餐牌时讲声啦，落单先讲，最后点左一客意粉同薄饼，都系普普通通唔算特别好食，反而个沙律唔错，啲菜好新鲜 ... 最后最离谱嘅系睇住个员工 ( 似老板，落单埋炉收钱都系佢，𠮶日另有有啲年纪嘅女员工传菜 ) 系厨房食烟，仲要无关门逼住食佢嘅二手烟，行出门口食烟都唔系远，都唔明点解当住个客面喺餐厅内食烟，只可讲无下次…查看更多

本身打几次电话去订枱，完全无人听，无论系午市前后还是晚市前后。上网揾佢社交媒体网站PM又唔覆，WhatsApp又唔睇，都好奇怪餐厅仲有冇营运，直到亲自去餐厅见到有人，先可以顺利订枱。问清楚职员当日有冇位，佢话有，先去食。一去到餐厅，好似比人包场咁，成间餐厅大约二十个位，有两张大枱系同一Group人。由于我有订枱，所以可以入餐厅坐低，但莫名奇妙被𠮶Group食客讲说话我地听。不过见佢哋有时会进出厨房附近，可能同老板认识挂点菜餐牌系中文，但侍应表示唔识中文，点菜要用英文，发生咩事？明明我唔系去印度餐厅，亦唔系去法国餐厅。我地配合同事嘅语言，只好就佢用英文点菜。第一道菜，上餐汤，普通；沙律，普通；黑松露酱薯条，普通；明太子海鲜Pizza，无明太子味；T骨扒，职员问几成熟，我地表达medium ，最后拎出黎，切都切唔到，大约3成左右。同侍应表达要熟番d，拎番入去再处理，勉强切到但咬落去无哂肉汁，干哂。旁边两枱又系叫扒类，又系生到切唔到，又要职员拎番入去再煮过。。。最后，我地都明白餐饮市道唔好，大家都喺到挨紧中，但系食物质素都系好紧要。仲有，既然你地有大客占用4分3嘅餐厅，不如你提供包场而不开放其他客订枱啦。边食边有人讲说话你听，真系难忘。…查看更多

𠮶日喺附近做完野，lunch嘅时候经过间餐厅见到个名几得意，又唔使等位，就入咗去试下！Ca Jun烤鸡烩饭呢个烩饭原来系辣嘅，有好重黑胡嘅辣味，但系佢又冇写明系辣，如果知道系辣嘅话，我一定唔会拣依个餐。不过都叫咗唯有顶硬上食，味道其实系唔错嘅，鸡肉份量唔多，烩饭份量都足够，食完啱啱好够饱。套餐仲有配餐汤同一杯饮品，餐汤系粟米忌廉汤，但系就冇乜料，味道普普通通同平时饮开嘅冇乜分别。餐饮方面我就叫咗杯热奶茶，一样都系普通，冇特别。…查看更多

今日又做孤独的美食家，中午放饭系元朗揾食，行下水边围呢边睇下食乜，见到呢间小店店名几得意，叫是但求其食，主打西餐既，门口睇下午餐餐牌都唔算贵，咁就试下啦。餐汤点完餐先黎个餐汤，系粟米忌廉汤，够热调味都唔错，口感唔会好稀。土耳其烤鸡卷今日唔系太肚饿，就点个烤鸡卷食下，先讲讲个鸡卷唔热，偏冻少少，饼皮都较淋身,鸡肉生菜蕃茄都ok，酱汁带点酸味又几开胃，味道系唔错系唔够热，另外有跟薯条，呢个餐牌无写，薯条加左粉炸新鲜热，几香脆。金蛋鸡翼加20蚊跟小食，金蛋即咸蛋黄，唔太入味，鸡翼都有少许雪味，麻麻地。呢餐黎讲我觉得普通，有改善空间，差又未算，餐厅环境都算几舒服，坐位不多。…查看更多