春風撞奶舖

第一次嚟呢到 系yoho mall同元朗交通广场中间 位置方便易揾 我夜晚去都唔洗排队 员工手脚好快 等咗2至3分钟就有得饮啦 叫咗金蛋烤布蕾黑糖撞奶 好似张相咁 个容器系蛋型 都几有趣 揸住行仲好多人望住同问我系咩嚟 员工会问嚟需唔需要盖 饮唔晒就可以扭实个盖放落袋 够方便 重点系饮完 可以循环再用 装小物 整甜品都得讲返杯嘢饮 卖相吸引之余 一饮落去 口感相当厚实 唔同坊间黑糖撞奶咁好水 所以呢杯金蛋烤布蕾黑糖撞奶相对系饱肚 tea time饮就正啦 可以止口痕 而且可以比你调整冰量 可以少冰 但为咗保持饮品既质感 系唔可以走冰既 呢点要留意啦 饮落去 除咗厚实 珍珠大小适中 唔系细珍珠嚟 而系稔既中size 黑糖味好重 我个人钟意甜嘢 就好钟意佢呢种黑糖味下次经过必饮，再试下其他口味！…查看更多

系元朗美食FB group，出哂名好伏，但个个都争住去中下伏先甘心嘅，就系之前好多人排队嘅春风撞奶舖！依家闲日夜晚，无人排队，叫左杯黑糖青蛙撞奶～Um...好似饮梗淡奶水捞黑糖珍珠，无失望因为本身就抱著中伏心态哈哈！…查看更多

一直都好想试春风奶的饮品，无奈成日都好多人又排哂队，心想下次又下次一定要买嚟饮，打下咭！今日使出无比嘅耐心，终于买左杯最近好hit 既金蛋烤布蕾黑糖撞奶$42卖相简直系 Very good, 个人钟意饮黑糖茶，又钟意饮芝士奶盖，呢杯饮品直头系 perfect match首先面头有炙过嘅黑糖，类似葡挞咁面头有片焦糖，脆脆地。饮第一啖有好浓沃嘅奶+芝士味，好creamy ,我觉得咁嘅甜味道好啱我。再食下D黑糖珍珠，烟烟韧韧，好有咬口，搅下成杯饮品，就会饮到好香嘅奶味、芝士味及黑糖味，有哂3种享受！个金蛋杯洗干净仲可以要嚟装D小物件，一举4得…查看更多

继之前饮左佢地间姊妹铺春风三月之后，好有冲动想饮埋呢间，究竟系有咩动力可以令到佢地开咁多间铺，究竟系佢地出品好饮，定系普罗大众嘅要求唔高呢，即刻试试去 😛 #黑糖青蛙撞奶 $29，其实好似就系黑糖珍珠鲜奶，而我亦唔系好清楚啲奶系点撞法可以撞到咁嘅味出黎，直头唔系奶黎，系奶味嘅水，俗称奶水，淡到呢，都唔知沟左咩落去，冇黑糖味亦都系理所当然，啲珍珠仲硬过用 Gatsby gel 完嘅头，真系整杯咁难饮嘅嘢出黎都唔容易，五体投地 🙇🏿‍♂️🙏🏿-春风撞奶舖元朗凤琴街 15 号鸿运中心地下 74A 号舖旺角旺角弼街 60 号地下 B 舖…查看更多

不嬲都无饮黑糖珍奶,今次见呢间野既黑糖珍奶既盛器好特别,又刚过复活节不久,好有饮复活蛋既冲动。呢杯焦糖布蕾好有层次,有黑糖,有焦糖奶盖,有CHEWY既珍珠。本身以为黑糖好甜,但同D奶MIX埋之后岩岩好,重点系D黑糖系热的,未MIX前饮到底,啜到热既黑糖珍珠,真系好正,同普通珍珠好唔同。我见佢仲有MATCHA布蕾,我好想饮的,但今日卖晒,睇黎下次要早D黎先得啦!不过我家离呢度好远,如果多D分店就好啦!…查看更多