春水堂 (新都會廣場)

营业中

休息中

今日睇番自己啲相，原來春水堂忘了比個食評佢😅😅好彩記得當日D嘢唔差😋😋地方夠大，寬敞，服務生態度有禮，抵讚，食品水平高質，絕對有下次!嚟到春水堂，記得order飲品😋😋因為超高質!

又係無得去台灣，就食下台灣野既時候。春水堂曾經要排晒隊，而家係香港已經開咗好多分店，所以搵位都容易左。加上食完之後，覺得性價比唔高，未必有下次🫤🥢鹽酥雞翼魯肉便當：會有碗貢丸湯，貢丸大粒，湯都唔係好咸。蔬菜種類好多，但雞翼就得3隻，仲要無乜鹽酥味，$9x既話，雞翼變雞扒，會好好多。魯肉味道只係一般，無乜汁。🥢麻香烏骨雞麵線：烏雞就真係骨多骨肉，湯底偏油，麵線一般。一樣啦$9x真係性價比低。🥤愛玉檸檬綠茶：都算唔太差，起碼唔係好酸，愛玉都多，綠茶味都有，正正常常咁啦～

原本見你新開左一段時間，放飯時段又算多人排隊，就一家大細去食個lunch，點知食物完全對唔住個價錢，除左最基本的凍飲同魯肉飯外仲有一碗定食貢丸湯(可能係最好食)手工面同定食得個貴字，大佬呀貴唔緊要，你都好食少少呀，我成碗面食第一啖差啲噴出黎講真台灣面好難整得難食，你地真係刷新紀錄

每次見到便當都胃口大開，可以自己一個食曬咁多嘢，好豐富嘅感覺🤤照燒雞排便當 🌟🌟🌟首先要讚嘅係真係好多配菜，平時出街食飯想食多條菜都冇🤣，但係全部都係用水焯好健康，所以冇乜味......至於主菜照燒雞就不過不失啦，略嫌醬汁唔夠濃稠，另外仲有碗貢丸湯冇影到，大大粒貢丸有驚喜😋

春水堂港九新都有分店, 餐廳寬敞, 坐得舒服. 台飲總有款岩心水.  今次叫左胚芽奶茶加珍珠,同埋黑糖鮮奶.  麻辣牛肉麵和紅燒牛肉麵, 兩碗都係半筋半牛.  同樣都係台灣牛麵, 春水堂嘅牛腩牛筋, 牛味十分突出,而且牛味很重.  加上厚切, 大件又軟腍.  麻辣味也是入門級, 不挑人吃.  不辣又鍾情原始味道嘅, 紅燒口味是不二之選. 小食金莎芋泥丸, 每次必點甜食. 而鹽酥雞翼, 一貫惹味, 不過略嫌炸層偏厚.

又到放飯既時間啦！葵芳新都會廣場四樓春水堂下午一點四左右都仲有人排隊呀我一個人等左5-8分鐘就有位啦！等位期間睇下餐牌先其實睇餐牌都見到價錢略貴，一碗麵都要八十幾蚊啦所以我揀左便當🍱呢度無套餐，所以飲品都係正價另叫今次我食左鹽酥雞翼魯肉便當🍱同凍愛玉檸檬綠茶連埋加一共$146Order 後等6分鐘左右，所有食物都送上啦⋯唔知係咪我好彩啦⋯⋯期間有兩枱食客都催促上菜，似乎等左好耐講返個便當先侍應會送到黎先係你面前打開個盒第一眼望真係好豐富呀！配菜有好多，減低魯肉同鹽酥雞翼既罪惡感😈魯肉好夠味，顯得其他食物好淡個湯簡直同水一樣淡杯愛玉檸檬不過不失啦總結：我覺得午餐黎講有d貴，同埋味道其實一般，對唔住個價錢😅

首先因為已經食完飯，但係想搵個地方Hea下，所以就選擇咗春水堂呢個地方，貪佢可以嗌下啲台式嘢飲，小食嚟坐吓傾吓計！.我哋去到嘅時候其實已經8:30 ，貪佢就腳所以就坐低咗。.我哋就order 左：1. 鐵觀音珍珠奶茶 x 3 💲362. 抹香珍珠奶茶 x 1 💲363. 鹽酥杏鮑菇 💲39.啲嘢飲好快就上到啦，感覺上都正正常常，冇乜特別。.想重點推介呢個鹽酥杏鮑菇，我講嘅推介，係推介大家千祈唔好嗌！真心好驚，啲皮厚度想喊，入邊嘅杏鮑菇林到爆，仲索左啲油，油膩感×100 omg😶‍🌫️

開張時好好味架，食品飲品都得，環境又靚，招呼又好又快。無食幾個月，剛剛4月尾去，嘩不得了，豬排薄左味道無左，配菜唔新鮮，飯都似改左，求求其其。最重要連個飯盒（堂食用個靚靚日本風格既盒），脫色喎大佬，黑色邊被洗到擦甩左一半，紅色就漂到發白，食物安全喎春水堂！一張圖係12月尾，另一張係4月尾，幾個月就搞到似去左唔知咩街舖食頹飯咁，人文茶館風格高尚，食具都要配合番架！不過味道變到咁，台灣總公司知唔知呢？下次去台灣食啦，香港代理。睇網友其他分店既相，食具都係甩黑色甩到傻，食安？？

晏就2:30左右坐低，諗左好耐都未選擇到食咩。價錢唔係平都唔係問題。見佢新開就一於試下，網上話佢啲食物係可以回憶到台灣味道。麻辣牛肉麵。無麻、無辣、牛肉柴皮甘。麵底唔可以選擇粗麵或幼麵蕃茄牛肉麵。個色望落去幾靚，幾吸引食落去，個蕃茄湯底究竟加左幾多水？點解可以淡到甘？蒜泥白肉。又話正宗台灣野食。究竟知唔知台灣野食隻味係點架？得面個幾塊肉都算啦，下面全部都係青瓜。個味擺明係現成汁倒落去翡翠拿鐵。黎到杯野白雪雪。啲咖啡色去左邊？個咖啡味去左邊？珍珠奶茶。正常～有得揀我會去葵廣飲囉～

今日下午我地兩姊妹諗住新都會新開左春水堂就即去試下啦，叫左麻辣牛肉麵完全無麻辣味，蕃茄牛肉麵只係加左兩舊蕃茄，牛肉牛根唔講以為係湯楂林到無牙都食到，仲要平均90蚊一碗麵，呢個價錢一啲質素都無，就轉普通既麵都比不上，湯底牛肉係台灣麵既精髓，佢直頭係影衰台灣麵既名，蒜泥白肉就好似食白烚肉，其實佢係賣飲品出名食物差已經算，叫珍珠奶茶同拿鐵兩杯就好似飲奶甘乜味都無珍珠一啲都唔好食去葵涌廣場掃街檔飲珍珠奶茶好飲過春水堂

是日即興想食春水堂，排咗一陣有就有位。主食叫咗紅燒牛肉麵$88同鹽酥雞翼魯肉便當$96，感覺好台灣好正，可惜味道有啲失望。鹽酥雞翼皮夠脆口，入面嘅肉都夠嫩，不過唔太入味，我覺得ok geh，因為本身皮已經夠重口味但朋友覺得唔夠。 啲配菜，無論係小棠菜/菇/西蘭花都好一般，調味淡，加上菜本身唔係話好好好新鮮。試咗朋友嘅牛肉麵啲牛肉，唔夠軟淋，朋友feedback都麻麻。小食同飲品好好多。叫咗黃金地瓜條$36，外脆內軟，地瓜甜。仲叫咗涷鐵觀音奶茶$33，叫咗少甜都好夠甜，茶底感覺幾好，可以平衡返個奶味。朋友對佢嘅珍珠苿香奶茶$36 都幾好評，不過覺得珍珠太難咬開。其實餐廳成個環境好好，感覺好清幽，又唔多人，坐咗成個兩個鐘都無人催我哋走，建議嚟食小食飲嘢休息果種，唔建議叫主食。

春水堂喺11月份進駐葵芳 喺葵芳新都會4樓開咗😺 難得今日喺呢頭行街 又突然好想食台灣嘢就過咗嚟食 接近12:30入到嚟 都有七成滿 而門口有好多客人買外賣返屋企食 見到淨係埋單俾錢都排晒長龍😮麻辣牛肉麵 (半筋半肉)牛肉炆得好軟身而且好入味 由於係半筋半肉嘅setting 有一條炆到入口即溶嘅牛筋🐮 麵較為幼身 咬落口唔算太煙韌 食落口麻味唔算太重 但係都係有啲辣味嘅🌶 如果好鍾意食辣嘅朋友可能會嫌佢唔夠辣滷肉飯 (小碗)份量雖然比較細碗 但係呢個價錢絕對係物超所值🙊 滷肉飯面頭仲有啲肉鬆同埋一塊醃蘿蔔 滷肉飯嘅肉比較肥 但係肥膏入口即溶 食落口其實幾好食嘅🐷凍珍珠茉香奶茶呢杯冇特別少甜或者走甜 甜味亦都唔會太重 珍珠都幾煙韌 落單嘅時候店員已經會問定駛唔駛少冰嗰啲 幾貼心🧋凍珍珠鐵觀音奶茶 走甜兩杯嘅分別係茶底唔同 珍珠本身已經有少少甜味 所以走甜亦都唔會太影響佢整體味道😹 由於走甜嘅關係 飲到後半部份會覺得茶味比較濃 其實都幾好飲🤭食完台灣嘢又好掛住喺台灣旅行自由自在嘅生活啊🥲 希望疫情快啲過去 大家可以身體健康咁去旅行🧳

第一次喺觀塘Apm食過春水堂之後，葵芳終於開咗，我仲好期待添！因爲葵芳無好食嘅台灣嘢。開咗之後經常大排長龍，所以就遲遲未試。果日行行下街經過，竟然唔洗排隊！所以就即刻捉老公去食，估唔到係失望而回！不過不失的牛肉麵，但性價比太低。牛肉唔算韌，都比較入味。麵就感覺普通。同其他餐廳嘅台灣牛肉麵無太大分別。豬手非常入味，好腍。並唔係簡單紅燒，而係有一種特別香味，相信就係秘製醬料喇！豬手亦都處理得比較乾净，無豬毛。雖然只有幾舊，但係因爲只係58蚊，所以都覺得比較合理。好彩有呢款豬手，如果唔係，真係要俾春水堂一個超級負評喇！珍珠鐵觀音奶茶，四個字：平平無奇

不嬲對台灣菜冇好感見葵芳新開張家人又想食姑且一試，叫左個慢煮豬手同紅燒牛肉(半筋半肉)，個麵及湯底ok既但啲半筋半肉完全唔得，筋硬到咬唔到、肉咬落有渣兩樣嘢完全炆唔淋，衰過一D完全唔出名台灣菜的餐廳。公道啲個慢煮豬手係又淋又口食。至於杯蜂蜜綠茶完全冇未道飲唔到綠茶味及蜂蜜味。總結食物一般有待改善，如果不改進而價錢仍然高企繼續維持咁就不值再來，因太貴了。令願去D不出名又好食價錢合理的餐廳好過。

經過葵芳新都會廣場有新開既台灣店，一望係春水堂，見其他地方都有分店，但都未試過，就今日lunch 試下先叫咗碗期間限定既酸菜白肉湯麵，酸菜味道唔太出，白肉就無咩特別味道，都係靠湯底豬骨味，整體都一般般。另外叫咗個滷汁排骨便當，一上枱都幾好樣咁，一格格好整齊，仲有少少似日本便當添，但係排骨就好薄身，其他格都係啲菜同埋菇，都係白灼無咩味全餐最好就係杯珍珠 香奶茶，好香滑，珍珠係偏細粒既，都好Q彈呢間定價價錢都少貴，質素又麻麻，呢間都無下次