春水堂 (雅蘭中心)

营业中

休息中

疫情關係，好耐無去台灣喇，同個台灣朋友傾左陣計，就搞到好想食台灣野，於是晚餐就去左食春水堂。我自問對於台灣野唔係咁熟，問左位朋友，佢話春水堂出名兼好食，所以就揀左佢啦Order左以下嘅野食：煎米糕、牛三寶麵、豬手、珍珠奶茶首先講講個米糕，食落味似煎腸粉，不過因為佢係一粒粒，每邊都煎得金香又脆，所以好食過煎腸粉好多而且佢唔會好實，一碟16粒我一個人都可以清曬！牛三寶麵就湯底濃，牛根最突出！不過就油左D，所以飲唔曬D湯，但係係好味嘅。豬手就好驚喜，一碟四舊，舊舊厚肉！好入味，食落好似啖啖骨膠原咁，食完覺得自己皮膚好左珍珠奶茶就茶味濃，可能個人對珍珠奶茶嘅印象就係甜同唔健康，呢杯咁重茶味我反而唔係好慣。

打住台灣黎既名堂🇹🇼 亦都係台灣嘗試過佢高質既珍珠奶茶🤩念念不忘 對佢有返不少Expectation🤪 食完之後覺得比起一般港式台灣料理好DD😅 但係未算好出色 同台灣比較相距甚遠✈️⭐️ 紅燒牛肉麵 🍜喜歡佢既半筋半肉因為試到唔同口感👍🏻 牛筋紅燒得好入味而且唔會韌 🍖 牛肉反而唔算腍 湯頭紅燒係入味既🔥 但係慢慢食落去有D太膩 如果清甜D 入口舒服D🌱⭐️ 麻辣牛肉麵 🌶比起紅燒牛肉麵純粹多左辣味😅 配上牛肉食係惹味DD 但係牛肉始終牛味唔夠濃🐃 辣油顏色夠濃 但係欠缺麻辣既層次🌝⭐️ 珍珠鐵觀音奶茶 🧋果然幾有驚喜😍 用左鐵觀音所以比起一般奶茶多一份甘香 🫖 雖然唔似鮮牛奶🥛但係唔會過分甜膩 面頭一層泡沫😚好有台式感覺 珍珠有咬口 不會過甜👍🏻 整體茶味好出眾

早前係東涌分店食過，覺得牛肉麵好好食，環境好舒服，員工態度和藹親切，令人回味無窮，但係去了旺角雅蘭中心分店之後，係以後不會再去光顧了。該店員工對顧客的態度非常之唔專業，食物岀品不夠温度。令我對該店非常難忘，春水堂管理出很大的問題，員工水準參差食物都一樣參差。春水堂的加一服務費，應該刪除，因為係非常之差的服務水準。各位香港朋友如果諗住去旺角雅蘭中心分店，我建議你不如去另外一間。免得大家心情變得惡劣。

食過好多間春水堂分店，呢間個水準好唔穩定朝早11:30嚟食，冇乜人唔需要等位店員都算有禮貌每次去唔同分店我都會食同一個菜式，今次再食牛骨濃湯牛肉麵個湯底變咗勁淡好似溝咗勁多水，一啲都唔濃，個面底仲要黐實變咗一餅，個湯同埋面都唔係太熱即係唔係即刻煮出嚟嗰種熱，牛肉仲要完全冇味，好難食，簡直劣食，唔明點解咁都可以比客人食，完全唔值80幾蚊。好失望。仲叫咗杯凍茉莉奶茶同鐵觀音奶茶，竟然兩杯都比之前有進步，茶味比之前更香濃。

成年冇得飛嘅各位或多或少都會有d思鄉特別係台灣美食當然啦，台灣菜香港眾多點解食呢間？我考慮原因有三一係方便二係穩陣三係算坐得舒服dd今次叫咗紅燒半筋肉牛肉麵肉：肉味香濃，外帶一點點的藥材香氣可惜不知道是不是部位的問題肉味雖濃但口感卻一般般有點柴且硬筋：與肉相反，軟得黎又唔會太難咬濃烈的牛味淡淡散發，好評食完嘅時候個嘴黏黏地，有d張住感覺很不錯麵：有嚼勁和麵粉味的麵軟得黎又可以有嚼勁很高分湯底：飲啦！那是台灣的味道！飲品：叫咗檸檬愛玉很愛那清新的酸味個人建議飲品可以一律少甜

一位戴眼鏡嘅女店員落單，冇禮貌、冇語氣，顯得不耐煩，態度惡劣！難得出外堂食餐飯都咁受氣，真係以後唔會再嚟，亦絕對唔會建議朋友嚟！食物吹噓到幾好都冇用，咩食野嘅心情都冇曬！連茶餐廳大排檔嘅員工都唔會咁離譜！呢間餐廳對員工嘅服務要求太要求低👎🏻疫情下飲食業艱難時刻，但呢間餐廳似乎並不志在，冇心做好，真係極差嘅體驗👎🏻👎🏻👎🏻旺角區有咁多台式食肆，唔想受氣嘅請慎重考慮嚟呢間食！真係絕對唔會再嚟！

一位戴眼鏡嘅女店員落單，冇禮貌、冇語氣，顯得不耐煩，態度惡劣！難得出外堂食餐飯都咁受氣，真係以後唔會再嚟，亦絕對唔會建議朋友嚟！食物吹噓到幾好都冇用，咩食野嘅心情都冇曬！連茶餐廳大排檔嘅員工都唔會咁離譜！呢間餐廳對員工嘅服務要求太要求低👎🏻疫情下飲食業艱難時刻，但呢間餐廳似乎並不志在，冇心做好，真係極差嘅體驗👎🏻👎🏻👎🏻旺角區有咁多台式食肆，唔想受氣嘅請慎重考慮嚟呢間食！真係絕對唔會再嚟！

幾個月前喺觀塘APM行街見到有間叫春水堂好多人排隊羊群心理就👀下,原來係間裝修得幾靚仔嘅台式料理，我都唔執輸買咗杯珍珠鐵觀音奶茶嘆下🧋但因為人太多杯野等咗成十幾分鐘🙊不過係好飲珍珠細細粒煙韌茶味出👍🏼好嘢係值得等待及回味🙂由於對杯奶茶念念不忘，今日約朋友一齊去旺角春水堂食下晏先,同樣我都係叫珍珠鐵觀音奶茶😬我揀咗XO醬辣拌麵雖然份量小但麵有咬口、XO醬魯肉配青瓜紅蘿蔔絲感覺食緊冷麵味道清新滿分😋跟住緊係要叫主打魯肉飯同樣都係好細碗但入味魯肉鋪滿飯上邊有啲肉鬆溝埋食又真係未試過配搭新穎唔錯😬之後鹽酥雞翼上枱香噴噴脆卜卜雞肉嫩滑但如果可以熱D會加分。我諗應該鹽酥雞會好味啲😆

我對春水堂嘅印象係貴，而且性價比十分低，普通一碗湯麵至少要$90幾蚊，份量大概係五六啖，食完有空洞的感覺。如果你要入去食一餐正常份量，例如一碗麵加一杯嘢飲，百幾蚊一定走唔甩。今次外賣自取我叫咗一樣，相對地滿意嘅菜式，當歸藥膳湯，今日嘅天氣非常凍，近排身體亦較虛弱，即管試吓飲呢個湯補補，湯入面有好多紅棗，亦都會有少少類似當歸狀嘅物體，飲完成個人䁔晒，冬天飲一流。價錢方面，$69一碗，有補身功效，感覺好似比食佢的碗牛肉麵，性價比較高，不妨一試。

講起台灣招牌美食 珍珠奶茶應該點都會係頭五位咁珍珠奶茶又喺邊度發明？答案就係春水堂呢啲都係台灣朋友話我知嘅知道公司附近開咗間春水堂都一段時間不過好多時門口都要排晒隊難得今日自己一個喺附近遊蕩諗緊食咩嘅時候呢度又唔使排咁就入去食個lunch飲杯珍奶啦紅燒牛肉麵湯底濃 牛肉入味 加埋酸菜冇得頂但份量偏少 得2片牛肉我相信旺角區應該有更好嘅選擇珍珠奶茶我要左微糖 但我想去冰店員話唔可以去冰...🤔🤔🤔R晒頭 台灣手搖飲品竟然唔可以去冰？？？

舖頭味道ok，但服務差到慘不忍睹。但野食期間拎粒糖岀嚟食下。跟住有個女店員衝過嚟喝我，話唔食得野。當我冇留意啦，雖然舖頭唔見有任何告示話唔比。我都即刻話唔好意思，但個四眼女店員除左喝我個下好冇禮貌。仲要食飯全程係咁用不友善目光望住我。幾好食都冇用啦，員工咁倒米

之前到台灣旅遊的時候沒有吃到，所以即使見長長的人龍，還是抱著一試的心態乖乖排隊紅燒牛肉麵（半筋半肉）$82有牛肉牛腱牛筋，牛的份量不算少牛肉牛腱一般般，普通水準吧但牛筋非常不錯，軟綿綿不會很黏口麵質偏軟，湯底不算濃郁，能嚐出香料的味道整體而言很不錯，只是份量有點少，所以感覺價格上是稍貴的再來的話會想試甜品，看上去很好吃的 哈哈同時點了珍珠奶茶，春水堂的珍珠奶茶挺有名的，但感覺很一般，還是邊走邊喝的手搖更好更有風味Braised beef noodles (beef and tendon) $82Tasting quite nice but the portion is a bit little so it seems slightly overpriced. The tendons are very nice though, soft and tasty!

本身我係茶湯會粉絲，但果日經過裝修緊，就去左佢師父春水堂（台灣fd 同我講）買杯紅豆鮮奶茶。。首先，佢話無「去冰」，其實台灣過黎既飲料無去冰真係好怪，但我少冰飲完都仲有半杯冰真係好離譜！變左份量好少同埋飲時成口冰👎🏼👎🏼 杯野算係有d紅豆味，但實實在在既紅豆我只係飲到幾粒... 好無口感... 總結，呢杯野唔知想點，飲左幾啖就完左，又唔係好飲，好失望！！我本身喺台灣都好鐘意春水堂，試過apm同九龍站果兩間都不過不失，呢間唔知點解差成咁，無下次👋🏾

愛玉鐵觀音檸檬茶🍋 ($35)呢度出名既係茶類既野, 而我又係一個愛茶之人, 所以一於黎試下呢個特別既組合😂 一般鐵觀音既味溝左其他野都會變淡, 呢個反而出奇地濃再配埋檸檬既味道, 酸酸甜甜又帶少少茶既苦澀味, 好多層次😍 仲有檸檬味既愛玉軟綿綿, 為成杯飲品加添左一啲口感滷香拼盤🐄($78)拼盤既份量唔細, 可以一次過試曬咁多款既滷水😚 呢個拼盤以牛為主, 有腍到唔洗點咬既牛筋, 軟綿得黎又帶少少咬口既牛肚, 彈牙得黎又唔會過韌既大腸, 全部都滷得超入味, 仲有少量芽菜同埋薑絲手工素麵線🥬($48)原本想叫麻香烏骨雞麵線, 可惜已經賣曬😭 見呢個幾特別所以就揀左佢, 食落發覺原來素食都唔錯, 麻油味超香不過食落就油膩左少少🤏🏾 麵線撈埋啲素既滷肉燥, 幾惹味珍珠鐵觀音雪糕多士🍦($58)佢既珍珠奶茶類既野真係好吸引, 冇諗過呢個配搭都可以咁好食😍 啲多士配埋light cream加茶味超濃既鐵觀音雪糕真係一流🍦面頭仲有好多細細粒既珍珠, 其實太細粒有啲唔係好咬到😂 但係真係冇諗過個茶味可以咁出

雖然珍珠熔岩蛋糕稱唔上有驚喜，但的確足料，鍾意厚厚蛋糕口感嘅你，應該幾喜歡，但我愛軟棉棉個種。觀音流沙包，我試過分開一半同一口食曬，一口食曬嘅話口入面流出朱古力會沖走你口腔，可惜朱古力太少。鐵觀音奶茶，其實唔錯，鐵觀音同奶茶都冇互相搶大家味道，佢嘅珍珠細細粒，最重要喺冇痴埋一齊。另加一服務費