星·South Beauty

上星期系上环食左鲁菜餐厅，见到二人餐几抵食，胆粗粗入左去叫左个二人鲁菜商务套餐，有前菜、汤品、热菜、主菜同甜品前菜系炝拌潍坊萝卜皮萝卜皮口感爽脆，味道清淡中带少少酸辣，几开胃水晶垛子黄牛肉牛肉切得好薄, 一片片晶莹剔透，食得出牛肉卤得入味，冻食方式保留咗肉香，唔会过咸，再点少少椒粉食更加惹味酸辣花胶乌鱼蛋汤汤身浓淡适中，酸辣味温和，花胶同乌鱼蛋份量都合理，饮落好暖身，愈饮愈渗出胡椒香，个人觉得味道有啲似阿宗面线嘅味道鱼子酱烤鸭山东煎饼底层铺左块么么皮，烤鸭油脂适中，面头放左鱼子酱，鸭皮非常脆口，食到油脂香，食落整体口感层次丰富，包住么么皮食解左层油腻感，唔错热菜首先上嘅系葱烧渤海湾带鱼，带鱼肉质嫩滑，葱烧酱汁浓郁又唔油腻，入味均匀传统鲁味爆三样分别有猪腰、猪肝同猪肚快炒，火候掌握几好，食落爽口唔过火，炒得几有镬气，惹味十足蟹虾酱非遗馒头馒头经烘烤过，再淋上蟹虾酱鲜味突出，搭配简单但又食落几丰富胶东锅烧大烩菜有娃娃菜, ;虾米仔等材料, 味道好丰富，入面仲有宽粉挂到个浓厚汤汁，味道家常, 好适合配饭食主食系胶东海鲜炝锅面，汤底几鲜甜，入面都几多蚬肉，面条比预期中弹牙顺滑，食落暖胃满足甜品系阿胶丝滑酸奶酪，质感幼滑，甜度偏低，酸酸地作为收尾几清爽整体套餐份量都几多，味道传统而稳阵，无过份花巧，偏向浓味…查看更多

餐厅从踏入那一刻起就令人印象深刻。乘扶手电梯直达全层餐厅，映入眼帘的是极度奢华的装修风格。京剧面具、鼓凳桌脚等山东特色装饰随处可见，营造出浓厚文化氛围的同时，不失现代高雅格调。🌟鲁味商务双人套餐🥢烩伴潍坊鲜萝卜皮口感爽脆清新，酸甜适中，超级开胃。🥢水晶垛子黄牛肉肉味香浓，纹理分明，清凉啫喱中和咸腻。🥢酸辣花胶乌鱼蛋汤汤底酸辣平衡得宜，花胶弹牙，乌鱼蛋口感滑溜，整体层次丰富。🥢鱼子酱烤鸭配山东烤饼师傅现场制作，烤鸭皮脆肉嫩，搭配鱼子酱的咸香与自家制豆饼皮，口感丰富而不突兀，创意与传统兼备。🥢胶东葱烧海带鱼火候掌握精准，海鱼肉质鲜嫩，葱香四溢，酱汁浓郁却不掩海鲜原味。🥢传统鲁味爆三样镬气十足，猪腰，猪肝，猪肚处理得当无异味。🥢蟹虾酱非遗馒头蟹虾酱鲜味突出，非遗馒头用炭炉现场烤制，非常香脆，两者配搭系完美组合。🥢大烩菜大白菜，豆腐同咸猪肉，简单但风味地道🥢海鲜烩锅面汤底先系主角，极度鲜味，忍吾住全部饮🥢阿胶丝滑酸奶阿胶滋补养生，酸奶口感顺滑。🌟餐厅食材品质上乘，摆盘精致，而且占地宽敞，空间感十足。无论是商务宴请或特别庆祝都相当合适。…查看更多

虽然小弟多年前去过山东玩，印象亦唔错，不过，都只喺去咗青岛短短5日，对山东菜（鲁菜）印象却又真喺唔深。今次同老友嚟到「星‧South Beauty」就一尝五星级鲁菜，就算午餐，一样喺高质素嘅享受。一出电梯就已经喺餐厅（其实，另一边扶手电梯先喺餐厅正门入口），全场都富有中国风摆设，而去到主用餐大厅，一墙都喺戏曲彩绘，显得更有特色，此外，唔止地方大，难得枱櫈都编排得颇有距离，完全无逼逼夹夹嘅感觉，配合埋柔和灯效，让客人可以更舒舒服服用餐:)。此外，餐厅占三楼全层，其实好大，仲开设了好多厢房，临离开前，就睇过其中一个厢房，唔止大，仲装修得好有格调，环境清幽，私隐度高，适合作商务宴会。贵为星级餐厅，招呼方面做得好到位，非常熨贴、细心。除咗主打鲁菜，仲加入新派川菜风味，而午市只供应套餐，包括「川味商务套餐」卖$788（两位）、$1,880（四位），另一款嘅「鲁味商务套餐」，定朔为$988（两位）、$3,880（四位）、大厅茶芥$30位，另收加一服务费。我哋唔喺好食得辣，自然选后者啦！炝拌潍坊鲜萝卜皮先嚟两客前菜，第一道潍坊萝卜皮唔知真身喺点，但眼前呢碟初时以为喺青瓜，食落超爽脆，咬落咯咯声，加上腌制过，咸咸酸酸，清爽开胃，极有解腻之效，所以，好似食寿司时啲酸姜咁，成为成餐饭不时咬几粒作间场。水晶垛子黄牛肉第二道喺黄牛肉，一睇就觉得喺功夫嘢，有啲似镇江肴肉嘅做法，不过，就做成薄片，每一片都切到好薄，卖相更喺晶莹剔透。入口质感柔软，富胶质感，而肉味不俗，咸香味恰到好处，再沾上自家制辣椒粉，更突出到肉香。酸辣花胶乌鱼蛋汤睇外观好似无乜特别，一入口好有上海酸辣汤嘅风味，辛辣得嚟唔呛喉，稀杰度又啱啱好，汤头亦好清甜；而汤内有唔少花胶片、乌鱼片，两者都好软滑，集鲜、酸、辣，真喺好饮又好食。仲有个细心位，就喺成碗汤都热住，大可慢慢饮，唔怕好快摊凉咗。鱼子酱烤鸭配山东煎饼原以为简简单单将菜式奉上，点知由师傅亲自将原只烤鸭在堂前片鸭，放上煎饼，再添上黑鱼子酱，真喺万分惊喜嘅菜式，更心思喺晌煎饼皮上印有感激语，极具仪式感。将煎饼卷起整件鸭肉，一口咬落去，可谓皮酥肉嫩，又有几分油润感，加上鱼子酱嘅咸香，真喺无咩挑剔位。传统鲁味爆三样跟住喺一连4道热菜登场，先喺呢一道经典鲁菜，三样包括猪腰、猪润、猪肉，清洗得好干净，完全无异味，加上香浓嘅酱油爆炒，非常惹味，拌饭绝对一流。葱烧渤海湾带鱼侍应话大葱都喺嚟自山东，葱香突出，可谓原汁原味，而渤海湾带鱼起肉切件，方便食用，而且，肉质非常嫩滑细致，酱汁亦推得刚好，葱香入味，又唔会冚过鱼嘅鲜甜味。蟹虾酱非遗馒头除鱼子酱烤鸭，呢个蟹虾酱亦喺令人好有惊喜嘅菜式，睇样你就知蟹粉落得十足，而且，蟹味浓郁，此外，蟹粉内仲有唔少虾肉，单喺呢个组合已经嬴晒啦；原以为配以一个个嘅馒头，其实手撕馒头再烘脆，拌上蟹粉，只可以讲劲好食啰。胶东锅烧大烩菜最后一道热菜喺烩黄芽白，咪睇轻佢，一样煮得好食，皆因里面仲有猪肉、豆腐，所有食材嗦满浓厚汤汁，味道一啲都唔寡；底下仲有啲粗身嘅薯粉，亦唔好错过，烟韧有咬口，又嗦晒汁㖞，好食！胶东海鲜炝锅面虽然上一道菜有啲薯粉，但正式嘅单尾喺呢碗炝锅面，唔喺讲笑，一开碗盖，阵香味一涌而出，个汤底有着浓郁海鲜味，而质感做到好似日式拉面啲猪骨汤咁偏厚身，所以，每啖入口都喺海鲜嘅超级精华，再者，加上有啲小龙虾肉，升高几个档次啦，面条口感有韧劲、又耐浸，真喺唔普通嘅一碗面。阿胶丝滑酸奶酪其实即喺酸奶奶冻，食咗咁多道浓味菜式，呢个酸奶酪正好中和吓。个酸奶酪果然做到丝滑，但又唔会好削身，口感极佳，酸味跟奶味都好平衡，而面头淋上阿胶，添加一份绵密嘅蜜香！今次真喺有啲「失预算」，以为二人餐晌份量上应该喺两个人份量吧，其实，真喺3个人都好够食，哈哈！整体而言，无论环境、招呼，以至食物水准，都让人称心满意。…查看更多

同旧同事系佢地公司附近食饭佢地话呢间中菜好想黎食下所以就黎左呢间「星·South Beauty」一出电梯原来全层都系环境好大, 安排好坐底后我地点左个商务套餐前菜已经好有惊喜炝拌潍坊鲜萝卜皮第一次食呢种萝卜皮，腌得酸甜爽脆完全冇萝卜嘅草青味水晶垛子黄牛肉似软棉棉版足金华火腿但咸度温和，啫喱位置入口即融夹住青瓜片食好开胃鱼子酱烤鸭配山东煎饼师傅推住车仔过嚟即场片皮手法纯熟到似睇紧表演鸭皮烤到琥珀色夹住咸香鱼子酱同脆口煎饼一啖放入口鸭油香、海洋鲜、饼脆三重口感同时爆发酸辣花胶鸟鱼蛋汤微微酸辣度好刺激饮多两啖就饮到花胶嘅胶质同鱼蛋嘅鲜胶东葱烧渤海湾带鱼呢个好好食带鱼吸收晒葱香又保持到肉质实净食既时候啲鱼唔会好易散传统鲁味爆三样腰花处理得干净猪肠个味道都几突出蟹对虾酱非遗馒头个酱咸鲜到不得了每一个馒头都点满晒啲虾酱先食简直系罪恶级享受胶东锅烧大烩菜似北方的佛跳墙，各种食材炖到好入味胶东海鲜炝锅面最后食埋个锅面个汤底用咗虾、蚬同鱼片熬出嚟鲜甜到不得了阿胶丝滑酸奶质感似希腊乳酪带住淡淡阿胶同枣香食完成个人都觉得滋补咗…查看更多

🍴鲁味商务二人套餐 ($988)/集合多款山东经典菜式，份量同质素兼备/鱼子酱烤鸭配山东煎饼
鱼子酱烤鸭配山东煎饼系全晚嘅MVP🤣 烤鸭皮脆肉嫩，油脂喺口中爆发，香气四溢，配上鱼子酱嘅鲜咸点缀，瞬间提升奢华感😍山东煎饼烤得香脆，脆上加脆，与烤鸭嘅油香完美融合，每一口都系极致享受🥰炝拌潍坊鲜萝卜皮
萝卜皮腌制得恰到好处，脆爽可口，带有微微嘅酸度，入口清新开胃！简单嘅调味突显萝卜嘅天然鲜甜，作为餐前小菜，完美为浓味鲁菜开场，令人胃口大开🤩水晶垛子黄牛肉
另一款出色嘅冷盘！牛肉晶莹剔透，切得薄而嫩滑，入口软嫩多汁，配上特调辣粉，惹味而不呛，带有浓郁嘅香料风味☺️冷盘嘅呈现方式清新雅致，辣粉嘅加入为牛肉增添层次👍🏻酸辣花胶乌鱼蛋汤
呢个汤暖胃又开胃！汤底酸辣平衡，胡椒香 微辣嘅汤汁带有清新嘅酸香😍鱼蛋切成薄片，入口顺滑细腻，花胶软糯有弹性，满满骨胶原🥰呢碗汤简单却充满层次，适合喺浓味鲁菜中间饮用，清新味蕾👍🏻传统鲁味爆三样
传统鲁味爆三样系鲁菜嘅经典之作！猪腰、猪肠同猪膶爆炒得火候十足，带有浓郁嘅啫啫煲香气🤩食材处理得干净，猪腰爽脆，猪肠弹牙，猪膶软嫩，每款都入味十足😍蟹对虾酱非遗馒头
好邪恶！馒头切成薄片，方便涂上浓郁嘅蟹黄虾酱，馒头吸满鲜甜嘅蟹黄香气，入口软糯又充满海鲜风味🥰蟹黄同虾酱嘅浓郁味道同馒头嘅简单口感相辅相成，每一口都系享受，海鲜控必试🤣胶东锅烧大烩菜
一道充满家常温暖嘅菜式～底层有蜡烛保温，配料有爽脆娃娃菜、软滑豆腐同烟韧嘅粉条☺️汤汁浓郁入味，食材吸收晒汤底嘅精华，入口暖心又满足！粉条嘅烟韧口感令人惊喜🤩胶东海鲜炝锅面
面条弹牙顺滑，汤底充满海鲜鲜甜，入面竟然有细细粒嘅去壳濑尿虾🤣加少少醋提鲜，酸香同海鲜味完美融合～阿胶丝滑酸奶
完美嘅饭后甜品！酸奶质地顺滑细腻，入口creamy🤍微甜嘅阿胶浆平衡酸度，健康又养生～作为浓味鲁菜嘅结尾，呢款甜品令人满足又唔会太腻🥰…查看更多