星點心專門店

話說平日下午五點，今天休息突然想食點心，所以便去試吓這間，入面只有一枱客，所以我便坐在卡位上，點知俾個阿姐叫番起身，佢話這些卡座兩位以上才可以坐⋯⋯我笑咗，這個時間我食完也未滿座啦！結果我冇理佢，照坐在卡位，嘿！佢竟然黑着面負氣地說「都叫你坐那邊咯」然後把我面前的餐具拿走⋯⋯大家見過這種服務態度嗎？打算在這裡寫下自己的體驗，但原來已經有很多人有類似經歷，相信是同一阿姐所為食物就算有幾好食，服務也是重要的一環！真心希望貴店老闆能見到並作出改善，這位阿姐實在影響生意:(這次我立即起身走人，因為已經一肚氣，飽哂…查看更多

今日想食點心，諗住黃雨會冇咁多人排隊，所以早少少出門口去食，一入到去，有3，4張吉枱，咁我話一位，個高高大大嘅亞姐就叫我坐門口張枱，但係要坐近門口位置張凳，埋邊梳花根本又入唔到去坐，跟住我話唔鍾意坐門口就叫我搭抬，佢係咪睇唔起一個人去食嘢？明明門口係完全冇人排隊，有枱都唔比人坐（已經唔只一次，每次都係呢個亞姐唔比枱我）！老闆！你繼續請呢啲人做嘢，我真係祝你生意興隆呀！唔好再問點解香港食肆難做啦！嬲到我都要寫食評😡😡…查看更多

我好少寫食評，超級嬲爆嘅晚餐與朋友6點40分左右到達，下單三輪。第三輪差不多吃完，只剩下第一輪的一個生煎飽突然阿姐走過來收野，想收埋走生煎飽已經系差極，我地話要架。🤔差不多吃完了，準備飲茶，又突然走過來問食完未，門口有兩個人等緊位...我無出聲心想未食好就趕客😡😡😡😡😡當時6人檯只坐左右兩邊各兩位，中間兩人位沒有人願意坐🤬嬲嬲地去埋單問收銀，乜有限時咩！收銀當時說沒有呀，只系中午有....我向收銀投訴此事情，收銀阿姐隨即說唔好意思，同事講錯野唔應該咁講，唔好意思我話無諗過客人會再下單嗎？咁樣叫做生意咩，你地而家系趕客呀，服務態度咁差嘅咩....真系嬲，朋友在門口直問，系咪下次唔嚟呀我說點嚟呀，食得唔開心成肚氣，趕客嘅，最憎貼錢買難受，兩個人食2百幾元唔少野架，都咁樣對d 客人😤😤😤😡😡😡隨即有人排隊嘅人聽到都唔排奉勸各位谷友想食得開心，不求服務水準高，就寧願去嘉豐吧…查看更多

如果冇預先打電話去訂。現場買係要等接近一個鐘頭佢聲稱啲嘢全部都即叫即整，一路企喺佢門口度等。係咁話叫我等多幾分鐘幾分鐘又幾分鐘，但係到咗我手上已經唔係熱問多兩句啲阿姐就喺度口噏噏今次真係輸經驗…查看更多

當用熱茶洗杯的時候，對手完全係超級肥油，馬上放棄即更換；隔壁的坐位夫妻接話（頭先我都洗咗好耐‼️）第二輪的杯碗同樣肥膩；想到衞生和服務都很差，離開呢間去食其他必然是最好的選擇。環境好狹窄原本覺得價錢和質素合理，今次之後就沒有以後再幫襯…查看更多

之前太子分店，給五星好評，今次九龍城分店，都係給五星好評！瑤柱灌湯餃-足料，瑤柱湯都飲得乾乾淨淨懷舊糯米雞-份量十足，口感一流菜乾豬骨粥-豬骨入味，菜乾味鮮明鹹魚肉餅飯-必食推介，經濟實惠…查看更多

這間點心舖的服務態度實在令人失望。一進門，店員的冷漠讓人感覺不受歡迎，點餐時更是一言不發，彷彿在應付差事。即使遇到問題，例如菜品的選擇或過敏反應，他們的回應也顯得敷衍，缺乏耐心和專業。此外，等待上菜的時間過長，卻沒有任何解釋或道歉，讓人感到不被重視。即使點心的味道還算不錯，但這樣的服務態度大大降低了用餐的愉悅感。想要享受美食，卻被不友好的氛圍影響，實在讓人失望。希望他們能重視顧客服務，提升整體用餐體驗，否則恐怕難以吸引回頭客。…查看更多

環境清潔，坐位舒服，職員友善有禮貌。最緊要係點心出到黎熱辣辣又好味道，價錢好合理，茶錢每位6蚊，而且全日免收加一。有夜茶。總知係任何時間都有點心食，可飲早茶，午餐，下午茶，晚飯同消夜都得。附近又有數間糖水甜品店，飲完茶再去食甜品，真係人生好享受。已經係第四次黎，每次都盡量食啲唔同既點心，但灌湯餃係必需要食既，湯好飲，料好多，仲有仿魚翅，每人一隻好豐富。無論只係兩個人或一大班朋友，都一樣膚合，而且仲有得電話預訂，真方便。…查看更多

The food was nice and the waitresses were always willing to help when called upon. I would definitely go again in the future.…查看更多

明星掠水店！味道中下，份量細又mark up，不了✋🏻・・・・・・・・・・・・・・・・・・・・🥣 菜干豬骨粥 HK$25・味道：菜干同豬骨份量都幾多，味道主要靠菜干調味，唔淡正常的～・口感：杰身。🍍 奶皇菠蘿包 HK$25・味道：奶皇偏少而且冇奶皇味，菠蘿包正常發揮，不過唔算好甜。・口感：奶皇都唔沙，失望～🦐 星點蝦餃皇 HK$34・味道：味道正常，不過偏散，易爛。・口感：蝦夠大夠彈。🫑 香煎虎皮椒 HK$26・味道：魚肉好多啖啖肉，虎皮椒正常唔青，煎得幾香，唔辣但幾惹味。・口感：啖啖肉幾好食的。💛 鴛鴦燒賣皇 HK$29・味道：普通酒樓燒賣＋牛肉球味燒賣XD・口感：冇特別。🐮 香茜牛肉球 HK$23・味道：超重茜，牛肉味都算重。・口感：太淋了～🥕 香煎蘿蔔糕 HK$21・味道：幾香臘腸味，不過太油。・口感：冇特別。🥐 金珠咸水角 HK$22・味道：好細粒，比平時酒樓嘅細3分1。味道正常冇特別。・口感：外皮幾脆入面軟熟的～🍚 北菇棉花雞飯 HK$32・味道：同酒樓差不多，係個量嚟膠睇就偏貴。・口感：飯粒偏硬。🍳 煎蛋牛肉飯 HK$32・味道：牛肉球＋蛋，想像到嘅味。係啲料太少，牛肉餅好薄，唔夠撈飯。・口感：同上。🐖 蜜汁叉燒腸 HK$26・味道：叉燒瘦、削、散，不了。・口感：皮太厚。🦐 原隻鮮蝦腸 HK$32・味道：味道正常但蝦太細粒～・口感：同上。🥭 凍香芒布甸 HK$18・味道：回憶中酒樓布甸嘅味，本波FF太多以為會好食啲，都係收皮算～假芒果味但未去到死甜。・口感：滑但好少芒果～・・・・・・・・・・・・・・・・・・・・🤰性價比：低～🤰9衝度：不了～🤰結論：排咗半粒鐘食啲咁嘅嘢，我是但去間酒樓算了-3-・・・・・・・・・・・・・・・・・・・・…查看更多

好耐都無來過宋皇臺，九龍城呢邊啦！今日陪朋友過來處理D野，突然想飲茶，但又唔想去D酒樓，就上網搵下，見到附近有呢間，見到門口裝修都幾靚，比較新式，入面嘅環境都比較舒服，因為過咗食飯時間又唔使等位，所以所以一入去就可以點嘢食啦，入去就點咗星點蝦餃皇，鮮蝦燒賣皇，香脆蝦春卷，香煎蘿蔔糕，蜜汁叉燒腸，全部點心都真材實料，蝦餃燒賣啲蝦都大隻彈牙，香脆鮮蝦卷個餡都做得好好，入邊啲料都好豐富，蝦滑彈牙，香煎蘿蔔糕兩面金黃，蘿蔔清甜，配上個辣醬一流。蝦餃個皮都值得一讚，唔會好似某啲酒樓咁樣，皮一夾就爛，起碼個皮都有個煙韌喺度 。呢間唔錯，下次去宋皇臺都要食返呢間。…查看更多

去到一間地道點心店，消干隔夜茶氣，真係過癮！🥢🍢先說說鳳爪，皮脆肉嫩，鹹香得嚟唔過分，真系掂！鮮竹卷肉咸香，滑溜溜咬落去，唔係渣一粒，一流。😋 炸兩呢，外皮脆卜卜，內裏居然咁多野，幾時食完嘅？煎堆蠔味得嚟唔膩，入口碌碌，爽口到不得了。再講講蝦餃，透明薄皮包裹住肥美蝦仁，一啖一個正！跟住系燒賣，豬肉鮮嫩，獨特香料味，實在喺發指。叉燒包，外皮甜甜，鬆軟得福，叉燒鹹甜適中，啖啖肉，食嗰陣簡直心情大晒。轉頭飲口茶，又點左個椰香馬拉糕，鬆軟而且滿嗰口椰香，真係消化吓先。最後，提提甜品，番薯西米露滑嫩香甜，締造完美句號。總結落嚟，呢間茶樓簡直係平民美食界既明珠，傳統同創意並重，令人回味無窮。帶埋家人朋友，下次再嚟，一齊分享這份簡單但滿足嘅幸福！🍵💕…查看更多

原本區內都少嘅點心 食物質素都還可以 假日lunch等位大概半個鐘 入到位又冇人理你咁一班阿姐一日到黑 淨係識企埋一邊傾計 漏單送錯野乜都有 落完單坐左4 5個字都冇野黎 一問之下原來冇落單 頂 一肚氣 永遠唔再去！！！…查看更多

今日同事升職請我哋食嘢，同事食過呢間野覺得唔錯就入咗嚟試下，本身都幾期待下，因為同事對食物要求都唔算低，但係冇諗到中曬伏。開初上嚟嘅點心同腸粉都唔算難食，可以算係合格嘅，但係後邊上錯咗一籠點心，我哋落單係牛肉乾蒸，最後上嚟係蝦肉同牛肉雙拼，張單都係寫住牛肉乾蒸，我哋要求換一籠，成件事到呢度都還好，姨姨都幫咗我哋換過一籠，但係呢一籠不得了，等咗差唔多十分鐘咁上下先上到，時間耐就算啦，仲要係中間啲肉未熟，啲皮扯開時候嘅狀態明顯就係唔對路，乾蒸皮都係生嘅，後面叫啲姨姨過嚟睇，睇到係生嘅即刻攞走咗，連影相都冇機會影，後邊又同我哋講其實佢顏色就係紅色嘅，係熟咗嘅，話再上一籠都係咁要我哋退單，到呢度我哋已經心入面全部都係問號❓😅我心諗你哋咁嘅態度好似搞到係我哋有問題咁，啲肉係生定熟我會分唔清？好明顯嗰一舊同其它地方顏色係唔一樣嘅，有乜可能熟嘅肉係生勾勾嘅紅色仲可以睇到白色嘅筋同紋路㗎？其它部份就係黑色嘅就單單嗰一部份係紅色嘅？如果我冇注意到真係食左出左事點算？有冇良心㗎？你敢唔敢拎啲咁嘅嘢俾你仔食？我真係後悔冇影相，如果有影相我一定會吵到妳嘔曬我哋啲錢出嚟，咁嘅態度遲早倒閉，咁樣處理事情真係人生第一次見😓…查看更多

點心專門店愈開愈多，但質素好參差呢間九龍城嘅星點心就係差嘅代表。1食物質素燒賣食落口鬆散，味道亦淡盅頭飯，飯身太濕，口感極差，食落啖飯覺得成口油糯米雞，料少，唔夠入味2. 等候時間等食物等太耐，絕對明白所謂即叫即做係會耐啲，但佢張櫈太唔舒服，令到等嘅時間感覺好長，而且，即叫即做我覺得20分鐘應該要出到，但我感覺起碼30分鐘3. 服務態度呢間舖最差就係服務態度，啲員工講野係完全無禮貌可言，對客人呼呼喝喝，唔知以為客人先係打佢工結論： 無下次…查看更多